واهج(ن) بالقلب والروح تهذيبه

[ابوخالد..]

واهج(ن) بالقلب والروح تهذيبه
من لهيبه تشتكي عوج الاضلاعي

صابني من دون شك(ن)ولاريبه
من حبيبٍ جفوته شلت اذراعي

كم تعبنا في دروسه وتدريبه
علنا نسعد بتبد يـد الاوجاعي

لين صارمن اول الصفن ترتيبه
في مضاميرالهوى يشرع شراعي

قام جا زاني بظلمه وتثريبــه
قال تدري خوتك مالها داعي

قمت اجرالصوت والليل يسريبه
من حرورٍ بالحشى لاعني لاعي

رحت قلت آشوف للقلب تطبيبه
في بلاد الروم وتحدد اقلاعي

يومشفت الحمرفي البيد ترعيبه
قلت يالله فزعتك ما لهــا راعي

دام ماعندي من المال ماشريبه
باقتنيها لين تتحسن اوضاعي

بوحي المتواضع
تحيتي

[عطر الحكي]

ماشاء الله عليكـ
وصح بوووحكـ ووذوقكــ

[أبو ريان]

دام ماعندي من المال ماشريبه
باقتنيها لين تتحسن اوضاعي

هذا أقرب مخرج يا بوخالد ..
عموماً صح الله لسانك والله يعطيك العافية ..
قصيدة قرأت فيها شاعرها وطبيعة حياته ودائماً مهما حاول الشاعر الهروب للقصيد
إلاّ أنه يبقى رهينة لنموذجه واستايله الأساسي ..
وهذه القصيدة أوجدت أبو خالد كما هو ..
أبدعت وصح الله لسانك ولك تقديري ..

[المهندســ]

رحت قلت آشوف للقلب تطبيبه
في بلاد الروم وتحدد اقلاعي

يومشفت الحمرفي البيد ترعيبه
قلت يالله فزعتك ما لهــا راعي

دام ماعندي من المال ماشريبه
باقتنيها لين تتحسن اوضاعي
^^
هذا بلا بوكـ يا عقاب http://forum.baniamro.com/images/icons/icon10.gif




بو خالد ,, نص ممتع وباهي حد الجمال
صح لســـانكـ ملايين ولا تحرمنا من بوحكـ الرائع شاعرنا
كل التقدير والاعجاب بمثل هذه النصوص

لكـ اجمل التحايا وارقها

[شاعر من بعيد]

الله يجعلنا وياك نرعى الحلال
صح الله السااانك وقاف مميز وفيه من السلاسة مايجعله
قريب من اذن القاريء
تسلم ولاهنت
وفي انتظار بوحك الجديد
اثروا صفحات الشعر فهذا المنتدى يتسحق الكثير
تقبل شكري واعجابي ومتابعتي لشخصك

[ابوخالد..]

بنت الجنوب وابوريان والمهندسـ وشاعرمن بعيد
كل الشكر والتقدير لحضراتكم ...
على طيب مروركم واتعليقاتكم وسامحوني ياجماعه
ترو ماكل مايكتب نصدقه هههههه
يقولون مالايفعلون ولو اني لااضع نفسي في خانتهم
فأنا يادوب بقلم الرصاص على ماقالو هههههه
ولكم من الحب والتقدير مايليق بكم
تحيتي.