الايارب غفرانك لياجيناك فالميعاد.

[ابوخالد..]

الايــارب غـفـرانــك لــيــا جـيــنــاك فـالـمـيــعــاد
عـرايـا مـاعـلـيـنــا الــلا الـذنــوب وقـلّــة الـحـيـلــه

الا يـاغــافــر الـــزلات يـامـفــنــي ثــمــود وعــــاد
الا يـامـهــلــك جــنــود ابــرهــه ومــدبّــرٍ فـيــلــه

تـجـاوز عــن خـطـايـانــا لـيــا ســدّوا بـنــا الالـحــاد

نـهـار الـعـدل يـوم الـعـبــد يـنـشــد وش مـحـاصـيـلــه

نـهـار الـمـرضـعـه تـذهــل عــن الـمـولــود والـمـيــلاد
وراع الـذكــر تـشـفــع لـــه صـلــواتــه وتـرتـيــلــه

انـا الـبـارح هـواجـيـســي تـتــل الـقـلــب جــاي وغــاد
كـمــا تــل الـفــراز الـلــي مــجــودةٍ مـحـاحـيــلــه

هـواجـيـسٍ لـيـا هـمّـيــت بـالـنــوم هـجــدن مـهـجــاد
وسـرّنـي مـثـل مـسـرى الـكـسـيـر الـلـي ســرى لـيـلــه

افــكّــر وش تــزودنــا مـــن الـدنــيــا لــلاخــرى زاد
وحـيـاة الـعـبــد لاصــارت مـهــب لله وشـنـهـيـلــه

وعـن دروب الـذنـوب الـلـي تـضـيـق ابـنـا مـتـى الـمـعـواد
مـتـى فـي طـاعـة الله يـاقـف الـمـسـلــم عـلــى حـيـلــه

مـتـى تـعـمـر صـلاة الـفـجــر بـالـراكــع الـسـجّــاد
مـتـى نـصـمـت فـكـر والـنـطـق تـسـبـيـحـه وتـهـلـيـلـه

مـتـى نـجـعـل مـن الـديــن لـمـنـازلـنــا عـمــد واوتــاد
مـتـى نـسـلـم مـن الـشـيـطــان وحـيـلــه ومـحـابـيـلــه

مـتــى والله مــدري لـكــن الـدنـيــا صــلــف وجــهــاد
جـهــاد الـنـفــس والـشـيـطــان والـوقــت وغـرابـيـلــه

يـابـخـت الـلـي لـيـا اسـتـلـهـم ذنـوبـه دمـعـتـه تـنـقــاد
ويـسـجــد خــوف مــن ربٍ مـخـالـيـقــه تـصـلّـيــلــه

الا يـاخــوان حـنــا كـلـبـونــا مـــن عـــرب واجـــواد
وديـــن الله هـــو دسـتــورنــا ومــعــدّل الـمــيــلــه

وانــا مـانــي مـنــزّه واجـتـهــد فـالـنـصــح والارشــاد
انـا اخـوكــم واحــط الـذنــب فــوق الـذنــب واشـيـلــه

الــلا يــارب غـفـرانــك لـيــا جـيـنــاك فـالـمـيــعــاد
عـرايـا مـاعـلـيـنــا الا الـذنــوب وقـلّــة الـحـيـلــه
عجبتني ونقلتها
مين صاحبها الله اعلم

[صمت]

روووووعه يا ابو خالد

واضن اضن انه الشاعر محمد الدهيمي والله أعلم

[سُهيل]

سلمت وسلمت أناملك على النقل

[ابوخالد..]

روووووعه يا ابو خالد

واضن اضن انه الشاعر محمد الدهيمي والله أعلم
مرحبا باخي فيصل الشمال
والروعه حضورك من الشمال إلى هنيه هههههه
فمرحبا تراحيب المطر
ولك الله معلم منهيله ههههههه
تحيتي ولاهنت فاضلنا

[ابوخالد..]

سلمت وسلمت أناملك على النقل
وسلمت اخي الكريم على حضورك
الاروع لاهنت الغالي

[عــذبــة الـــروح]

إختيار مميز
الف شكر لكـ

[ابوخالد..]

شكراً المرورالي يعني الكثير لي
لاهنتي فاضلتنا وشاعرتنا
تحيتي