قصة والدة مبتعث مع الغربه

[ظافر ال عثمان]

احد المبتعثين اخذ والدته الى امريكا
وفي احد الايام اخذ والدته للتنزه على المناطق الخضراء وراح يمدح المناظر الجميله وردت عليه والدته بهذي القصيده

http://www.forum.topmaxtech.net/mwaextraedit4/extra/62.gif


الزين والله شوف وادي حنيفة..
مهيب ديرة كافرينٍ خبيثين..

أبي ديار أهل الطبوع الظريفة
اللي على طبع الأجاويد رابين..

أهل الكرم وأهل النفوس الشريفة
وإذا أذن المذن يقومون عجلين..

بيوتهم فيها قهاوي وضيفة
ويقلّطون الضيف في العسر واللين..

قصورهم دايم وساعٍ منيفة
مهوب كوخٍ فيه كلب وعجوزين !!

عسى ديار العز دايم مريفة
اللي هل التوحيد فيها مقيمين..

ينشي لها نوٍ سريع رفيفة
يسقي جميع نخيلها والبساتين..

ومن البرد زخات ثلج خفيفة
تطهر أرض بلادنا للمصلين..

عساه يسقي جو من مزن صيفه
ينشي عليه الغيم مدة سبوعين..

تسمع لواديهم إذا أقبل وحيفه
يسقي المزارع عقب ما هم بعطشين..

ولا زلّ فصل الصيف يمطر خريفه
ترعى مواشيهم من العشب فصلين..

عسى السعودية بعزٍ وكيفة
اللي إلا طرياتها تدمع العين..

فرقا مرابينا علينا كليفة
الله يرجعنا عليها سليمين..

ودي بفرقا أهل الوجيه المخيفة
ناسٍ بوسط السوق يمشون عارين..

أنذال ما فيهم من الرب خيفة
ما عندهم شيمة ولا عندهم دين..

عبّادة الدنيا ذممهم ضعيفة
ويحاربون الدين مثل الشياطين..

يا شيخ ما عندك علومٍ ظريفة ؟
ما كلموك اللي على الدين ناشين ؟

أهل الشهامة والنفوس العفيفة
اللي على ستر المحارم حريصين..

يا زين صف أهل القلوب النظيفة
ويا زين ضجتهم إذا قالوا آمين..
http://www.forum.topmaxtech.net/mwaextraedit4/extra/39.gif


مما راق لي ولكم تحياااااااتي

[أبو ريان]

قالت أم المبتعث وطالت ..
هذا يعطينا دليل على عدم رضا الإنسان إلاّ ببيئته مهما قدمت لها من الإغراءات ..
حتى كبار السِن في ديرتنا عندما يحاول الأبناء إقناعهم بالذهاب معهم للعيش بالمدينة
حيث تكون أعمالهم يرفضون بحجة التعوّد على بيئتهم الخاصة وقد يكون لهم الحق الكبير ..
قصة وقصيدة رائعة ولك تقديري ..