الفوز الحقيقي لابن جدلان

[محبكم في الله]

ابن جدلان يقول :
الفوز ماهو فوز كـورة وبالـوت
ولا شعـر ولا مـزايـن قبـايـل

الفوز والله توبة تسبـق المـوت
قبل الوداع وقبل شـد الرحايـل


الروح مثل المال والموت ساحوت
والموت مايفرق بقاصـر وطايـل

هذي نصيحة جد والعلـم مثبـوت
ولاخيـر فـي قـولٍ بليـا دلايـل


تغانمو الاوقات والوقـت موقـوت
الوقت مثل الظـل والظـل مايـل


يالي تخطط لك مشاريـع وبيـوت
في طاعة المعبود كيف انت قايل

نسيت بيت الآخرة وانت مبهـوت
ماعاد تنفعـك الحيـل والتحايـل

مجاورٍ لك عالـمٍ لكـن سكـوت
في ساعة فيها تشوف الهوايل

النصح واجب قبل لايفوتك الفـوت
النار يامسكين تعمـل عمايـل

قلته وانا مقصر لكن برفع الصوتً
يالي تبون الفـوز والشـك زايـل

الفوز والله توبةٍ تسبـق المـوت
قبل الوداع وقبـل شد الرحايل


~~~~~~~~~~~~~

[ابوفهد العمري]

نسأل الله ان يصلح حاله ويرده الى الصواب .
لاشك انه شاعر فذّ يعجبني شعره ولاتعجبني تصرفاته الخاصة .
شكرا لك .

[خط احمر]

اقص ايدي ان كان بن جدلان اللي قالهاااااا

بن جدلان قتله احبابة كانوووو يحطون الحبوب في الشاهي عشان يسري على الشعار في العرضات ههههههههههه لكن السحر انقلب على الساحر حتى انه اصبح اليوم مثل الحطيئة يهجووووو نفسة .. لكم التحيــــ@:010305123602:

[بن ظافر]

تسلم بيض الله وجهك على هذا النقل

النصح واجب قبل لايفوتك الفـوت
النار يامسكين تعمـل عمايـل

قلته وانا مقصر لكن برفع الصوتً
يالي تبون الفـوز والشـك زايـل

الفوز والله توبةٍ تسبـق المـوت
قبل الوداع وقبـل شد الرحايل

[عــذبــة الـــروح]

أبيات رائعه
صح لسان شاعرها
الف شكر لكـ