لـو سمحـت .. ثنيـن قهـــــوه

[عطر الحكي]

..
http://alfaris.net/up/75/alfaris_net_1315762574.jpg

إجلسي فـ الكرسي هذا
أو هذا ..
ولا أقول لك ؟
يمكن أفضل :
لو عطيتي الشمس ظهرك ..
إنتي دايم عادتك ..
كل ما بديت وياك حديث
عطيتي للشمس ظهرك ..
وإختفى [ صوتي ] بـ ظلامك !!

وشتبين أطلب لك ؟
عصير ..
ولا قهوة ..
ولا يكفي دمعتي ..
ومالح ملامك ؟
لأ .. قهوة..
قهوة أحسن ،
عندهم قهوة لذيذة
تشبه البُن بـ عيونك
وفيها من ريحة كلامك !!
قهوة وسط ..
توقظ إحساس الصباح بـ مُهجتك
وتصحي في صدرك غمامك ..
جرّبيها ...
لو سمحت .... ثنين قهوة

http://www.al-7up.com/vb/imgcache/2/79994love.jpg

وين كنا ...؟
وين وصلنا بالسوالف ؟
إيه .. ذكرت..
كنت اقول لك ليش ذبلنا..
ليش صارت..
يابسة فينا العواطف ؟
ليش قلبك منطفي ؟
وليش قلبي ..
صار مدينة موحشة ..
ليل.. وعواصف ؟
ليش إيدينك باردة ؟
وصبحي بين إيديني خايف ؟
ليش صرتي وآنا يمّك ..
ما تشوفيني بـ قربك
وانا في حضرة نهارك ..
ماني شايف ؟
ليش .......
آنا آسف ،
إشربي القهوة قبل تبرد ..
ويطغى مرّها ع .. الشفايف ..
وين كنا ؟
كنت أقول ..
و إلا.. خلّك من كلامي ..
الكلام كرسي خشب ..
ما يحضنك في حنان
أو ينسيِّك التعب
الكلام في أوله.. بس أوله..
" عشب "
وفـ الآخر " لهب "
الكلام في أوله..
موّال يطرب
ومن قبل ما تحسّ / تنزف ..
وينتشي جرحك طرب
الكلام كرسي خشب
وش فايدة كثر الكلام ؟
قهوة أحسن
إشربي القهوة
برِدْت..
و لهفة الحب ..
برِدْت...
واللقا...
وباقي العتب
إشربي القهوة ..
أظن
موعد الفرقا ... قرب !!



مما تصفحت

[ابوخالد..]

راااائع تسلم الايادي والذوووووق
مروري المتواضع ولك التحيه

[عــذبــة الـــروح]

إختيار مميز
تسلم الأياادي.

[شيخة بني عمرو]

جمييييييييييله ...
يسسلموو ع جمال الاختيـــــــاار ...

[تراتيــــل]

يعطيككِ العافية ياعسولة
ورودي وحوبي لككِ
http://www.ro-ehsas.net/uploads/13863851677.gif

[قبل الرحيل]

براعة عزف واحساس حرف مشرق الطلعة
وعتاب تجاوز اقداح القهوة وابعاد المكان
وسقط سقوط الطل تمريه الصبا ع القلوب
قبل الاعين النجل يحكي لوعة واسى

تحياتي لبراعة الاطلالة

[عطر الحكي]

يسلموووو ع المرور
منورين صفحتي