صمت
02-09-2014, 06:57 PM
هوى القلب يتلاه القدم واندراج خطاه
قدى اللي كما بري النجاجير يبراني
غدا به خشير وقل ملحه وقل حلاه
وأنا خابره لي ما معي واحد ثاني
تقانعت من شوفه لكن ماقدرت انساه
لو انه يجازيني بصدِ وهجراني
غدرني زماني عادني في رجاء لماه
وطويت الرجا وأقفى نعيمي وعمراني
اذا جيت مع درب يعرض على مبناه
أعوج النظر يمه ويظهر على شاني
عطاه الغزال من ألتفاته ومن ممشاه
وعين العديد اللي بها موتي الداني
براني غرامه وآتشــافى على ذكراه
ولا زلت ممروض من البعد وآعــاني
أنا لا ذكرت معاتبه لي ولُطف حكـاه
غدى النمل كنه في العظام يتسرواني
وأسرح وأجنب عن صواب السنع وأنساه
وأسولف ببعض الهرج من غير ميزاني
صعيب الحمى ما وصلوا الطامعين حماه
حماة الحمى تحمل لواء الموت من داني
سقى ديرته متهمرٍ مرعبٍ منشـاه
تـلاعج بروقه والـرعد فيه حنـاني
ثقيل أدهمٍ متراكمٍ ريضٍ مســراه
مخيفٍ رفيفه في مقاديم الامزاني
تحـدر مزونه للبسيطه وينثر مـاه
كما تنحدر خُضر النوامي بالأغصاني
أشلاٌه دهمٍ موحشٍ لونها وأعلاه
من الوضح جملاتٍ مناعيم وسماني
تخاضع رقابه كل مافي نحاه أسقـاه
تخاضع رقاب الهجن لأصحاب الأرساني
يزيح ألتعاجه عن وجيه السحاب رداه
وأشلاه تلعب لعب خودٍ بالأرداني
صويب الموده من سبب داه صنع دواه
لو أن التواصل كسر عظم وريحاني
زما البعد دون ديارهم حيهم حيـاه
وأنا للوداع وطـاري البُعد ما أداني
قدى اللي كما بري النجاجير يبراني
غدا به خشير وقل ملحه وقل حلاه
وأنا خابره لي ما معي واحد ثاني
تقانعت من شوفه لكن ماقدرت انساه
لو انه يجازيني بصدِ وهجراني
غدرني زماني عادني في رجاء لماه
وطويت الرجا وأقفى نعيمي وعمراني
اذا جيت مع درب يعرض على مبناه
أعوج النظر يمه ويظهر على شاني
عطاه الغزال من ألتفاته ومن ممشاه
وعين العديد اللي بها موتي الداني
براني غرامه وآتشــافى على ذكراه
ولا زلت ممروض من البعد وآعــاني
أنا لا ذكرت معاتبه لي ولُطف حكـاه
غدى النمل كنه في العظام يتسرواني
وأسرح وأجنب عن صواب السنع وأنساه
وأسولف ببعض الهرج من غير ميزاني
صعيب الحمى ما وصلوا الطامعين حماه
حماة الحمى تحمل لواء الموت من داني
سقى ديرته متهمرٍ مرعبٍ منشـاه
تـلاعج بروقه والـرعد فيه حنـاني
ثقيل أدهمٍ متراكمٍ ريضٍ مســراه
مخيفٍ رفيفه في مقاديم الامزاني
تحـدر مزونه للبسيطه وينثر مـاه
كما تنحدر خُضر النوامي بالأغصاني
أشلاٌه دهمٍ موحشٍ لونها وأعلاه
من الوضح جملاتٍ مناعيم وسماني
تخاضع رقابه كل مافي نحاه أسقـاه
تخاضع رقاب الهجن لأصحاب الأرساني
يزيح ألتعاجه عن وجيه السحاب رداه
وأشلاه تلعب لعب خودٍ بالأرداني
صويب الموده من سبب داه صنع دواه
لو أن التواصل كسر عظم وريحاني
زما البعد دون ديارهم حيهم حيـاه
وأنا للوداع وطـاري البُعد ما أداني