أبيات أعجبتني 00 كل واحد يشـارك

[عائض شداد]

ما حلا كلمة هلا اللي من لسانك = تعطي الروح العليله معنويّه
ليتني حنّى تخضبّه بنانك = أو روايح عطرك في خدّك زكيّه
أو قلم تستخدمه يوم امتحانك = وانت تدرس بالصفوف الجامعيّة
أه ليته يجتمع شاني وشان = كان أعيش العمر في دنيا هنيّه
ابتلينا وانحرمنا من حناااانك = تعبت الأمال لك روحه وجيّه
ليت لي قدره وازورك في مكانك = واصلك لا شك مالي مقدريّه
جلّ من صوّر جمالك ثم زانك = بالعيون السود ذات الجاذبيّه

[المسكت]

تبلل ياضمى عشق(ن) من الرمضى تشقق فئ=في الصحراء هوى العاشق ظلاله رمش معشوقه!

[عائض شداد]

رسالة حب أكتبها من دموعي على المنديل = الى حضرة جناب اللي أودّه سيدي الغالي
وبعد أزكى تحياتي اليك الشرح والتفصيل = وهذا الخط يالمجمول يشرح لك عن احوالي
أنا من يوم فارقتك عيوني ما تنام الليل = ولا أدري ولا أعلم متى الأيام تصفالي
ولا يخفى عليك اليوم أنا مشتاااق لك بالحييييل = ولا تنسى عناااا حالي الى ماجاك مرسالي
ولو أسكن خميس مشيط وتسكن في ضفاف النيل = ترى غيرك حشا لله فلا يطري على بالي

[العناااا]

فديت اللي تغنابي قصيد ودمعتين وفال=زعل مني وارضاني ولايقدر على غيابي

قراني واستفز اللي قراه من الحكي امثال=تمدن في خفوقي شوق من أول آه لأهدابي

تباهي في وصالي بيت وشمــّخ بالبها موال=وبيتن سابق اللهفه. يبي ياصل على بابي

وبيتن من ضناة الشوق تلوع في حمول ثقال=لاهو قادر يخليها.. ولايقوى على عتابي

احس بصادق شعوره يفز من الهوى مرسال=عن التصريح ليا ابدى غرق في مجمل كتابي

قسم بالله ماأرضى سواه من الغلا رجال=على كيفه يمشيني واحس الكون يهنابي

انا وشلون ابتجاهل وانا كلي غلا ينقال=فضحني عاشق بصدري بنبضه دوم يزهابي

احبك من هنا حتى تهذري في هوانا أجيال=ودادي قسمتن تُــكتب علــشاني وبأسبابي

احبك كيفما تدري إذا كان الغلا مدهال=احبك نايف بعيني وتتبعني وترقابي


http://members.lycos.co.uk/qetharah/up/up/i.gif

[عائض شداد]

ردّي عليّه يا هوى البال ردّي = ولاّ تريني بعد هذا خطيري
يظلم عليّ البيت ساعة تصدّي = واطيح مغشيّ وانا في سريري

[سيف الساهر]

كل ماقفيت عنك صار .. حبي وراي = وكل مقبل سبقني خافقي وانتظر
ياحبيبي احبك وعساك وعساي = في زمان المحبه كل عمر العمر

[عائض شداد]

أنا حبّي لها والكل يدري = ولا تزعل دخيل الله دخيله
أحب الوانها شذري وخمري = وتعجبني مكاسيها الطويله
حلالي من فداياها وعمري = أنا ما عاد لي بالأمر حيله
ولولا حبيها ماذيع شعري = ولا رتبت الابيات الجميلة
انا مابيع في الغالي ولا اشري = وطول العمر مادوّر بديله
وحبه في عروق الدمّ يجري = ذبحني والحشااا ولّع شعيله

[عائض شداد]

يا حديد الصلب لا مانتا ثقيل = الثقل هم(ن) بقلبي يحمله
يا بخيل المال لا مانته بخيل = البخيل اللي جاوبه مارسله
وقفتي في مفرق الليل الطويل = تنتظر شمس السنين المقبله

[المهاجر07]

لو أكتب إحساسي بالأشعار وأبدية = فيك المشاعر كيف بس أختصرها
قدرك كبير ويعجز الشعر يوفيه = كل القصايد فيك ينظم بحرها
أرفع يديني وأسأل الرب وأرجيه = يبجيك من شر الحياة وكدرها

[طـلـولــي]

لاتـكشـف جـروحـي وتقـول ابغى اداويك=جـروحـي دواهـاالبعـد ارحـل وخـلهـا

ياما جـروحـي نزفـت مـن ذكـر طـاريك=ويا مـاعـيونـي سـافـر النوم عـنهـا

يا صـاحـبـي مـاعـاد روحــي تناديـك=لاتـفـتكـر للحـيـن حــبـك ســكنهـا

يامـا رجـيـتـك تلتفـت يـوم بـاقـيك=ويامـا دمـوعــي اشـتكـت زاد هـمهـا

اذكـر ليالـي عـشـتهـا كنـت اباريـك=مثـل الطـفـل للام يـعـشــق لبـنهـا

ارجـوك تبعـد دامنـي الحـين نـاسـيك=وارجــوك لاتكـشــف جـروحــي وكفنهـا

[العناااا]

حبيـبي ماذكرت إلا عيونك يومها تغتاب = حديثن ضاق في صدري ولالي غير تحقيره

وقمت الليل ماودي أخونه طيفك المُــرتاب=إلى من مرني عجلن وهو ناوي على ديره

يبعثرني على المكتب ويوصد للهنا كم باب=واحاتي رجعتك يمكن تصحي جمرتك غيره

أفا وشلون تتركني وانا حولي بهيم ذياب= وأنا طفلة تمرجحني من علوم الهوى سيره

فديت تراب رجلينك أنا مابي سواك أحباب=حقيقة جيت أبعلنها بلا أدنى شك من حيره

بكامل وعيّ أذكرها تفاصيلك وضحك الناب = ملامح وجهك الأجمل وكيف أوصف تعابيره

ومسباحن بادراجي لعب فيني بليا حساب= وأنا فدوه لاجل صبحن يجي منك تباشيره

عظيمة قوم لو تدري أميرة في قصص وكتاب= والى منه سرى ذكري يصيح الناس يااميره

لقيتك فارس المهرة تلاقينا بعيون انساب = على الله نلتقي باكر على الله ننهي السيرة!!

http://members.lycos.co.uk/qetharah/up/up/i.gif

[طـلـولــي]

اصـعـب اللحـظات انك تغدري=وتجـرحـيني جــرح ماضـنـه يطـيب

واخــر الاحـلام انك تنـكـري=كـل ذاك الـحـب يا اغـلى حـبيـب

يابراكين الغضـب فيني انثري=الـف جـرح وجـرح وخـلينـي غـريب

ويامتاهات العمر فيني اعبري=وشـتتينـي شـمس لحـظـات المغيـب

مابعد تسـتاهل عـيوني انظري=ولا بعد يسـتاهل احـسـاسي الحبيب

لاكسرتي القلب كيف بتجـبري.!=والقـزاز.. لوانكسـر شـكله معيب

[المسكت]

تعال كان الشوق في فرحتك غاب=تعال ابادلك المشاعر ونفرح
تعال لك بالقلب منزل مع احباب=تعال خل الهم بالهم يسرح

[العناااا]

العيد فرحة لقــــا الأحباب بعد الغياب=وانا حزينـــه بدون احباب وبْـدون عيد

ياعيد ما زدت فيني غيـــر همّ وعذاب=وش زود غيري من الأفراح زاد و يزيد

ألحق سرااااب ٍ وانا ادري بإني ألحق سراب=وأسكب دموعي وانا ادري بإنــــها ما تفيد

للهـــم ألفيــن بــاب و للفــرَج ( ظِــل ) باب=ما يمدي آصلـْـه .. إلا ْوتغرب الشمس أكــــــيد !!

يا شين حسّ العَــجَـز والعمْر توّه شبـــاب=ويا شيــن مــــوت الرجــا والياس توّه ولـيـد

يشبهني الحزن .. لا .. وش جاب حزني لجاب ؟=وان قلت انا والحزِن خــِــّلان .. ويش الجديد ؟

لا صار كل ٍ لأصله .. و الأصِـل من تراب=عند الحزن ما فـرَق.. أســـياد والا عبـــيد

ومن جرَّب الموت.. قال الموت ما ينتهاب=ومن عزَّنـــي ليت يدعي لي بـ ( موت ٍ ) مديد

ما كان في خـــاطري أكتب بـــهمي كتــاب=للفم قيـــد ٍ وللأقــــــــلام مليـــــــون قيد

مير الشـــِّـعر جابــه الله لي ونيس الغــياب=في صبح عــيـدٍ .. بدون احباب وبْـدون عـيــد

http://members.lycos.co.uk/qetharah/up/up/i.gif

[عائض شداد]

من الخيل مهره يا سعد عين فارسها = وياليت من شافه وبارك له من الأعماق
هنا والفرح والخير لك يا مجالسها = اذا الزين لاقى الزين واحد لواحد لاق
تحاول تغطي نورها في ملابسها = وهل تخفي الشيله سنا الشمس والبرّاق
تلين الحجر منها خجل لو تلامسها = وشمس المشارق نورها يكشف الافاق

[العناااا]

ليه حزينه ؟
كل لمحه من ملامح
وجهي العابس حزينه
ابي فرحه لو تصافح
قلبي اليابس تلينه

ليه حزينه ؟
ضاق صدري من سنينه
مل صبري ومن يعينه
ليه حزينه ؟ ليه حزينه؟
تسألوني ليه حزينه؟؟

وش ابي في دنيا تزول
حتى فرحي مايطول
تأسر البسمة في سجوني
وتبقى دمعة في عيوني
هذا حالك يالرهينه !!

دمعتي لا ماتطيح
شمعتي تنور بريح
كل ليله نجم لامع
في عيوني هم ساطع
ويسألوني ليه حزينه ؟؟

ودهم أضحك وأداري
وماأجيب للحزن طاري
لو بيدي واختياري
مانشدت الفرح وينه
الا مع قلبن يبيني
من عرفته محتويني
ليت يرويني حنينه

كافي يادنيا هموم
ماضحكت لي في يوم
والحزن وياي دوم
هو ترى سر السعاده
والله ماتحمل بعاده
لونويتي تبعديه
خذي كل الي تبيه
الاحبه تتركينه
الاحبه تتركينه ...

http://members.lycos.co.uk/qetharah/up/up/aaaaa22.gif

[طـلـولــي]

اقفى وودعني على غيبة الشمس=علمي به المغرب يلملم هدومه

باول شهرها عازلة خمس من خمس=اتلى العهد فيهم وتالي علومه

اقفى وجرحي في يلطم من اللمس =ماهو براف الجرح الله يلومه

ان قلت هون قال ما اليوم مثل أمس =ما ينثني عن ما براسه عزومه

[عائض شداد]

حسبت انك تصونين الأمانة = تعرفين الوفا مثل الخيانة
حسب الطيب في عيونك يبيّن = حسبت زرع(ن) زرعته في مكانه

[المهاجر07]

كانك دخلتي على شاني ومن شاني = فهلاً هلابك ولو كان الزعل فيها
وكانك دخلتي عشان أي واحدٍ ثاني = فآآسف ودربي جيتها وأعرف أمشيها
إلا المشاعر وقولة ناس خلاني = الكذب يهدم مباني كنت بانيها
ولله ربي وهو عالم بوجداني = إن قلتي آآسف على خشمي أمشيها

المهاجر

[العناااا]

ياعيون


الكون


غضي


بالنظر


اتركينا


اثتين


عين


تحكي


لعين !!


http://members.lycos.co.uk/qetharah/up/up/i.gif

[المهاجر07]

ياليل خبرني عن أمر المعانااااه = هي من صميم الذات ولا اجنبيه
هي هاجسٍ يسهرر عيوني ولا بات = أو خفقةٍ تجمح ابقلبي عصيه

[عائض شداد]

واقف على شط البحر يم الابراج = والشمس يغشاها صفار المغيبي
هنيت بالراحه وفارقت الازعاج = وين انت ما تقعد معي يا حبيبي
وهاج شوقي لين موج البحر هاج = حتى غشا امواجه بياض المشيبي
لا يا بحر لاتدفع امواج بامواج = توّك دريت ان التعاسة نصيبي

[العناااا]

لو تدري الناس حبك وش مسويبـي=ما عاتبتني علي دمعي ولا شعـري

إن حل طيفك حبيبـي زاد ترحيبـي=واقول يامرحبـا واهليـن ياعمـري

ياضيف قلبي ويـا جملـة معازيبـي=ياصوت حزني وياحب الغلا العذري

لاعذربوك العباد اعشـق عذاريبـي=عذروبي انت الوحيد وسمعتي عذري

لو عاتبونى عليـك النـاس ماليبـي=أصد واقول (خل اللي دري يـدري)

ياطيب حبّك وانـا فالحـب ياطيبـي=وسط الشرايين حبّك ممتلي يجـري

والله احبـك ويشهـد عالـم الغيبـي=ماظني أغلاك قبلي واحد(ن) كثـري

وإن كان صديت زاد الخوف والريبي=واحس فالضيق كنّه يمتلك صـدري

لا تطري البعد وانت أغلا مطاليبـي=الحزن بدري عليّـه والجفـا بـدري

يابعد روحي حبيبي وانـت تدريبـي=إن الجفا ياحبيبـي يمتحـن صبـري

http://members.lycos.co.uk/qetharah/up/up/i.gif

[عائض شداد]

ما دمت انا حيّ وانت حي ّموجود = ما دامت ايام الزمن والليالي
يشهد عليّ الله والعالم اشهود = اني معك موجود اول وتالي
لا والذي للناس محمود معبود = أنه فلا غيرك حبيب(ن) صفااالي

[عائض شداد]

أبيات تحمل الكثير من ألم الحب والمحبّبن ..... !!!!!



توني عرفتك زين تلعب على الحبلين = عفت الهوى والحب منّك يابو وجهين
ساعة أقول جاهل توّه يحب توّه = وساعه أقول خدّاع ما عنده مروّه
ساعة تلاقيني وساعة وهو يلقاك = ليتك تخلّيني ولاّتخلّي ذااااك

[العناااا]

تقهوى يا بعد عمري وخذلك من الغلا فنجال=وثنه بالولع والشوق وحبي ودافي اشجاني

وخذ ثالث من الفرحه بشوفك كم غيابك طال=وخذ رابع من النوماس يطفي نار حرماني

واقدع عشقي وشعري و بجر من الوله موال = باسمع كل خلق الله وتطرب باعذب ألحاني

علي واجب من الإحساس وأبشر في العطا برجّال= و أبشر يا غلا بقدرك وابشر يا غلا بثاني

قدرك عالي وغالي ولا يكفيك عشر دلال= ولا مالي ولا حالي ولا الأقصى ولا الداني

هلا بك والله وما جاك من حقك قدر مكيال= دخيلك لازم تشرف محلي ودوم تنصاني

أنا مالي سواك انسان يداوي خاطري والحال= تراك انت الوحيد اللي سكن في وسط وجداني

ولا غيرك يكفكف دمع من عيني تحدر سال= تفضل هاك فنجالك 00 ولو تشرب علشاني



http://members.lycos.co.uk/qetharah/up/up/i.gif

[المسكت]

تدور العاصفه والمعمعه ضايع بها الفنجال=على خبري لمع لمعه غبار العاصفه ثاني

[عائض شداد]

جابك الله يوم قلتي نسيتيني = تحسبيني باتّصل فيك واتعذّر
ذوقي الهجران ياللي هجرتيني = أفتكرتيني على الصبر ما أقدر
والهدايا كلّها اللّي هديتيني = رجّعيها واعطيها الفارس الأسمر
كنت متوقّع تخوني وخنتيني = وأعتقد هذا يجي منّكم واكثر
خانك الله يا بنت كيف خنتيني = تعجني لي ملح وانا أحسبه سكّر

[المسكت]

الليالي سود والنور ذا فيني=يعطي النيه مداها ويتصدر
اربط الشيطان لا تختبص جيني= كل درب(ن) بسلكه لازم اتحدر

[عائض شداد]

لك وحدك



بان الفجر يا زين صحّ النوم = أسهر مع اللي مارقد ساعه
يا بو جبين(ن) كالقمر مرسوم = بان الفجر يا حالي اطباعه
حرام ما في تركيا والروم = مثلك ولا في الهند واتباعه
لا شفت ( أسمك ) وانا مهموم = نسى فؤادي كلّ مالاعه
ملزوم تسمعني وانا ملزوم = أمشي معك في غاية الطاعة

[المسكت]

اخاف اعود اقشر ثوم=والنفس ماهيب طماعه
الشئ بالشئ يكن موزون= وزياده الوزن خداعه

[عائض شداد]

يا زين ضعنا بين مزحك وجدّك = وان كنت ماسك عنّي الموت هدّه
لاني ولد عمّك ولاني بــ (عبدك ) = لا شكّ حدّتني عليك الموّده
والله لاصبر لين ربّي يردّك = أصبر سنين أطوال ماهي بمدّه

[العناااا]

ترحب بغيري وانا الولهان =وانت عيوني معنيـــها

شتــان مابيننا شتـــــــان =تبغى الليالي تمضيـها

ماني سراب وحبي بــــان =غلطه ولا ابيك تطريـها

خابرك ياقايـــــــد الغزلان =تنصى الكرامه وتشريها

لولا لحبك في قلبي شـان =مااسلمك روح اغليهــا

دانه بحر دونها حيتــــــان =حلفت والله مااعطيهـا

لا تضيع الحب يافتـــــــان =رد الأمانه لراعيهــــــا

حيرت قلبي وانا الحيـران = آهات قلبي مااخفيــها

http://members.lycos.co.uk/qetharah/up/up/i.gif

[الصقر20021]

شفت الليالي معلنات الحداد


أثر الليالي من غيابك حزينه


مشتاق لك والشوق بالعين بادي


شوق الحزين اللي مفارق ضنينه


يامارفعت الصوت بإسمك أنادي


ياأغلى عيون شفتها بالمدينه

[عائض شداد]

اخاف اعود اقشر ثوم=والنفس ماهيب طماعه
الشئ بالشئ يكن موزون= وزياده الوزن خداعه




عن الكلام اللي يجيب اللوم = بعض الهروج ماهي بنفّاعه
كنّا نعدّك من كبار القوم = وفيك الأذن ماهي بسمّاعه
واخلفت هقواتي وظنّي اليوم = وانا فؤادي جاه مالاعه
وامّا شبيه القمر بين انجوم = فيقطف الورد زرّاعه

كلمات : فتى السهوه

[العناااا]

حلفت اني لأوريك السهر وتعاني النكران = وربي ما تعرف النوم ولا تحلم تلاقيني

حلفت أعلمك تشقى وتعاني لوعة الحرمان= وتذوق اللي تجرعته ودمع هلته عيني

ألا يا ناكر المعروف .. ألا يا ناكر الوجدان= ألا يا ناسي العشره .. ألا يا ناسي سنيني

تدوس القلب باقدامك يا هيه اصحى أنا انسان = ياكيف تدوس باقدامك خفوقي وما تحس فيني

يجيلك يوم أشوفك به تحسر تايب وندمان = ولكن لا تفكر يوم تجي انك تحاكيني

أنا مابيك عرفت اني معك بالآخره خسران =عرفت اني عقب ما اتعلق بحبك تخليني

أنا مليت من اعذارك .. تقول اني أنا الغلطان = وكلما جيت أتأسف ترد ثاني تخطـّيني

أنا حالف لرد الجرح وتكره حبي اللي كان = وتعرف اني عقب هاليوم ما به شيء يعنيني

أبطوي صفحتك وانساك تقضّي دنيتك سهران= تـتـندم على جرح جرحته حيل مشقيني

تفضل روح يا ظالم دخلت بعالم النسيان = واذا طروك لي وينه؟! باقول ويش بينه وبيني؟!


http://members.lycos.co.uk/qetharah/up/up/aaaaa22.gif

[عائض شداد]

هجرتيني هجرتيني
وبالسرعه نكرتيني
مشيتي ما ذكرتيني
نسيتي ذيك الايامي



هجرتيني وصدّيتي
ولا ادري وين ولّيتي
وانا مرضان في بيتي
تليف الجرح ما نامي


نسيتي من بذل ماله
نسيتي من نحل حاله
ولا زلتي على باله
في طول الوقت قدّامي





بسيطه يا عديم الذات
وهاذي عادة النذلات
بسيطه كل ذا اللي فات
أدوسه حدر الاقدامي



حقيقه بنت غدّاره
عمى من تسكني دارره
على الأسواق دوّاره
تعدّيهم بالارقامي

[المسكت]

هههههههه
فتى السهوه
ممنوع الاقتباس
مشاعر ياخي مالك حق
هههههههههه

اصبر تريث ترى المقسوم
00لو بالسماء بانت اراواعه
خل التمنى على المعلوم
000في ورد الامطار زراعه

[عائض شداد]

حبّه حرمني الهنا والنوم = غريب في امره وبطباعه
عزّي لقلبي حاسته لهموم = وقام المسكّت زوّّد اوجاعه

[المسكت]

الهم لـو ينزرع بالكوم=حلفت لاحصده واوجاعه
خل البشر كلها واللوم=للسر ماهيب رضاعه

[عائض شداد]

قلبي وعمري للغضي محكوم = أمشي معه بالسمع والطاعه
حالي انا في حبّهم معدوم = ليته يجيني ولو ساعه

[عائض شداد]

أمشاهدك جنّة ومنطوقك عسل حالي = وين النصيب اللّي يجيبك بالعمر مرّه
ياليت منزالك قريب(ن) يمّ منزالي = ياللّي عليك النّفس طول الوقت محترّه
يا ليتني وايّاك عايش في خلى خالي = مابيننا حاسد ولا نمّام بالمره
ويلاه يا حرّي ويا شرّي وغربالي = من عقب صدّك يا وليف(ن) شح ّبالنظره
تمسي وتصبح يا نظر عيني على بالي = من جابلك سيرة ما عاد تمسكني العبرة
يوم(ن) بدونك راح من عمري على الخالي = يا ناس من مثلي على الخالي قضى عمره

[عائض شداد]

طال ( العناااا ) بي وانا يا الغالي اترجاك = صدّيت عنّي ولا كنّك على الدنيا

[سيف الساهر]

هجرتيني هجرتيني
وبالسرعه نكرتيني
مشيتي ما ذكرتيني
نسيتي ذيك الايامي








هجرتيني وصدّيتـي
ولا ادري وين ولّيتي
وانا مرضان في بيتي
تليف الجرح ما نامي







نسيتي من بذل مالـه
نسيتي من نحل حاله
ولا زلتي على بالـه
في طول الوقت قدّامي










بسيطه يا عديم الـذات
وهاذي عادة النـذلات
بسيطه كل ذا اللي فات
أدوسه حدر الاقدامـي








حقيقـه بنـت غـدّاره
عمى من تسكني دارره
على الأسـواق دوّاره
تعدّيهـم بالارقـامـي

هذه الكلمات اخى فتى السهوه ذكرتني بصديق عزيز

قبل 15 سنه وماانسى هالموقف وهاالاغنيه لفتى الشرقيه

تقبل تحياااتى والله زمن يافن

[عائض شداد]

من يجيب الرسايل من يودّيها = صوب ذاك الحبيب اللّي على بالي
قلّها يا بريد الله يخلّيها = كيف ترضى تعذيبي وغربالي
كلّ ما جابوا العربان طاريها = أسكب الدمع فوق الخدّ همّالي

[عائض شداد]

يا لطف الحشا لو تسمح من وقتك ابي لي ساعه = وانا اعطيك وقتي كلّه ريّح نفسي الملتاعه
لو كلّمتني بالهاتف صوتك من ورا السمّاعه = تيّارات تدخل دمّي باشكال الهوى وانواعه

[عائض شداد]

غاب القمر

وانهى السمر

حبّ انعمر

كيف اندمر

واصبح سراب

[سيف الساهر]

يامسيّل دمعي على غير مصلوح

ويش تستفيد من البكاء يومي أبكيه

ماتدري انك نــاوي ترهق الروح

هونك على قلبي تتـــله وأتكويــه

جيت أشتكيلك من عنا البعد وأبوح

أثره ماهمّك غير تعذيبي ياهيــه

جيتك جريح ورحت انا كلّي جروح

والغير دايم تجرحه ثم تشفيـــه

ترخص بتقديري وانا اقول مسموح

ذلّيتني بكبرك وانا اقول ماعليه

إن كان حبي لك من غير مصلوح

أوعدك بأن الحب بيديني أنهيه

[المهاجر07]

ياقلب إصبر دام لصبر حيله = وأرضى بنصيبك وسامح اللي خدعنا
الكذب صاير من صفاته الجليله = حتى في بعده ما أظنه ذكرنا
ياقلب مادري كان بدل خليله = يوم أهتمامه في هوانا هجرنا
ياقلب دربك شايفٍ فيه ميله = العمر بيٌن في خُطانا زللنا
الحب مثلٌ وأتقن الدور طيلة = عامين وأكثر وفي النهايه أعتزلنا
ياويل ويله ويل ياويل ويله = من قال قلبه في المحبه تهٌنا
كتبه / المهاجر

[المسكت]

تعيي الذكرى بقلبي تقل تم=ولا المشاعر تحتفي في بحرها
الضيم ماهو ضيم عم لولد عم=الضيم باقي والليالي قدرها

[عائض شداد]

تحياتي أخي العزيز سيف .........
( هجرتيني ) من أفضل ما كتب علي القحطاني
وبلا شك تعدّ من أفضل أغاني ملك الفن :
عيسى الأحسائي وأن كانت أغاني ابو نايف
كلها روعه ...................


الحب بلوى ليتنا ما عرفناه = ومن قبلنا عبلة سبت حال عنتر
ويلاه انا ويلاه ويلاه ويلاه = من عبرتينن خلّت العين تسهر

[المسكت]

تسهر على ايش العيون / إرتاح ياحسره=طالع لوقتك /سمحلك يوم/ تتكلم؟
إن جيت للصدق راااح وخلف النكره=والصادق اليوم خله ليه يتكلم!

[عائض شداد]

يا عين ياللي تحبين السهر = بس ارقدي والسهر مافيه خير
ويا رجل لاتقربي درب الخطر = أتاكدّي قبل تبدي في المسير
واليوم لا عاد تاثق في بشر = لو يفرش الدرب قدّامك حرير

[عـمـرين]

ياناس احبه واحب اسمع سواليفه= صوته يشتت هموم عايشن فيها

[عائض شداد]

يا سيد روحي ترى عيني دمرها السهر = ورّيتني يالغضي بقعا وصكّاتها
أن كان قصدك تغلّي مرّ لو بالشهر = عشرتك يا نور عيني ذقت علقاتها

[عـمـرين]

أنت ما أنت؟؟؟
أنت بسمتي بسمت الطفل أنت نفسي وهمسي.
أنت ما أنت؟؟؟
أنت غاية أمالي وأهاتي أنت وحي أفكاري.
أنت ما أنت؟؟؟
أنت في كل يوم عشقي لا أنساك حتى في حلمي.
أنت ما أنت؟؟؟
أنت أشراقة الشمس وضياء القمر أنت نجم الليل.
أنت ما أنت؟؟؟
أنت أجمل ما تعطينا السماء أنت نبض قلبي وروحي.
أنت ما أنت؟؟؟
أنت شيء لايوصف ولايحدد أنت كل شيء ولا شيء.
أنت ما أنت؟؟؟
أنت من أضاء دربي وأدخل الفرحة الى قلبي .
أنت ما أنت؟؟؟
أنت أطهر شيء حلمت به أنت أجمل ما حوا هذا الكون.
أنت ما أنت؟؟؟

[عائض شداد]

عطني دليلك بالجفا يو تجفى = وان كان عذرك في محلّه عذرتك
ياليت تعذيبك لي العام كفّى = عزّ الله اني بـــ ( العناااا ) من عرفتك

[المسكت]

بين الغلا والقلب شعره من احساس=تعال قطعها وتلقى المشاعر
الحب فيها كنز ما دنسه ناس=تعطي رذاذ الهمس والحب طاهر

[عائض شداد]

يا ناعسة ردّي عليّ وارحميني = شوفي تعيس الحظّ حاير وملهوف
والله أحبّك مير بينك وبيني = بيني وبينك لا بغيت أقبل اصفوف
كنت احسب اني باقبضك باليديني = واثري غديت في حبّك اعمى ولا اشوف

[سيف الساهر]

خذوني ياهلي للى هويته = حبيب فى ديار جده بيته
غزال من طرف عينه رماني = انا وان مت والله مانسيته
سهام الموت في رمشه طوتنى = وكل الشوق بعيونه قريته
عطيته عهد لايمكن اخونه = ولو يامر على روحي عطيته
الاياهل الوفا بشكي عليكم = شكيت الحال من جمر وطيته
الايالله فرج كل ضيقه = الايالله ماغيرك دعيته

[طـلـولــي]

هذا حبيبي حيّر العقل بالوصف =ما بين وصف و وصف تلقى فوارق

أقرب من الخفّاق و أقرب من الطرف =و أبعد من اللي في دجى الليل بارق

مرّه يصبّحني على حالة الضعف =و مرّه يمسّيني على فعل خارق

مرّه غدى خيل ٍ عنيد ٍ على العسف =و مرّه رفع لي كلّ بيض البيارق

مرّه يمون و كلمته تبسط الشف =و مرّه عتابه لي غدا جمر حارق

مرّه زعول ٍ ينوي البعد و النكف =ومرّه يجي شوقه على الباب طارق

مرّه تعلّق بي و دمعه غدا نزف =ومرّه جرحني قال لي روح فارق

أحترت و الحيره دواوين و الحرف =جاب القصايد من جميع الطوارق

بالحيل حبّيته على حالة العصف =جمع بطبعه كلّ غارب و شارق

يا علّ تبقى لمسة الكفّ للكف ّ =أو ما تشوف العين ليل المفارق

[المسكت]

أذكرك وأثري وسط قلبـي نسيتـك=وأثري نسيت الخـوف والامبالاه
يومك حويت النفس وأنـا حويتـك=نفسٍ بنفس وقربها الشـك يخشاه
يومك على كلي هويـت وهويتـك=بأعماق حبك طحت والحب محلاه
لا والـذي حط الغـلا مانسيتـك=وشلون أبنسى من وصالي تمناه

[عائض شداد]

صاحبي يلبس البرقع ماهي بعادة(ن) له = بس اخذ سلم جيرانه وصارة طبيعة

[طـلـولــي]

لا ترحلي و القلب يا بنت محتاج=نبضك و نبضك منوته و أحتياجه

لو ترحلي ما عاش للقلب مخراج =من همّه اللي في حنانك علاجه

لو تزعلي ليله سماها غدى عاج =ومن بستمك فيها يقفّي عجاجه

انتي ترى في بسمتك فلّة حْجاج =يا بسمتي يا ناظري و أبتهاجه

و انتي على كلّ الوصايف كما تاج =مثل الذهب غالي وصعبٍ رواجه

لا تحسبي وصفي كما وصف هرّاج =كذّاب ما يدري عن الوصف حاجه

[سيف الساهر]

صباحَ النور ِ يا نوري

صباح الحبِ يا فجري

صباح الزهر والورد ِ

صباح العشق والشِعر ِ

[المسكت]

بعض البشر يفرض عليك الغلا فرض=وبعض البشر من حيث ماكان غالـي
يعني حياتي ما تعامل مـع القـرض=أبحث عـن الغالـي/ وادور غوالـي

[البهلول]

يـَا نَفْسُ كُفِّي عَنِ العِصْيانِ واكْتَسِبِي = فِعْلاً جميلاً لَعَلَّ اللهَ يَرحَمُني
يَا نَفْسُ وَيْحَكِ تُوبي واعمَلِي حَسَناً = عَسى تُجازَيْنَ بَعْدَ الموتِ بِالحَسَنِ
ثمَّ الصلاةُ على الْمُختـارِ سَيِّدِنـا = مَا وَصَّـا البَرْقَ في شَّامٍ وفي يَمَنِ
والحمدُ لله مُمْسِينَـا وَمُصْبِحِنَا = بِالخَيْرِ والعَفْوْ والإِحْســانِ وَالمِنَنِ

[المسكت]

ياسيدي تعدادنا شف وصل كم =ماهمنا كم همنا كم نساوي

[عائض شداد]

طير يا طاير وعندك جناحين = أقسم الجنحان بيني وبينك
غطّني بالريش واكتب علي دين = الهوى وابن الهوى يستعينك
خلّني اشاهد قصور المحبين = طالت ايامك وطالت سنينك
قالوا اصبر قلت انا الصبر من وين = وانت ياللي تملك القلب وينك

[المسكت]

هلت المزنه وجاء بعدها جو الربيع= واثمرت لزهار قامت تفل إورودها
عادت الصحراء من اعشابها الربيحه تشيع=وازهرت حتى نبت وردها بمتونها

[طـلـولــي]

ماادري متى يصفالي الوقت ناوي=طال الزمن والفرح ماشفت بابه

ضاع العمر والقلب ماعاد قاوي =والحزن اظنه ساكنٍ في لبابه

ادعي ياربي واكثر من الدعاوي=تفرج هموم القلب واللي جرابه

[المسكت]

وسع الخاطر ترى الدنيا مراح=اسعد إمن اليوم واضحك وإبتسم
كان ياما كان ما تشفي جراح=السعد بابك وحن له نرتسم

[طـلـولــي]

فهمت اليوم وش صاير وليه الحظ جافيني=خدعتيني واثاري طيبتي هي كل بلواتي

تعالي نحسب الحسبه وشوفي يا نظر عيني=سنيني ضاعت في لعبه ولاادري وش نهاياتي

دريت اليوم خنتيني دريت اليوم بعتيني=بكيت بصوتي المخفي ولا فادتني ونّاتي

[عائض شداد]

سواد اللّيل جلاّب الهموم = على الروح الحزينة يا فهد
سهرت اللّيل سامرت النجوم = يا روحي ماحد(ن) ياوي لاحد
سبايب من على خدّه رقوم = ذبحني بالمحبة وابتعد

[المسكت]

ابو رامي

بيض الله وجه من قام في رد الجميل=واسعد الله قلب من نيته هي صافيه
الليالي تاخذ العمر والدنيا تحيل=وإللسان إيقول بالحق كلمه كافيه
يا سنا نور الضياء ياهوى فجري العليل=ان سمحت ابروح روحي لروحك راضيه

[المهاجر07]

يامعذبي بالله خفف = هجرك عليٌ ولا تغلا
من بعدكم الفواد ينزف = والعود وسط الجوف حلا
لاتكون بالهجران مسرف = الأيام من دونك تملا
آهات روح الروح ترجف = بوجودكم الأيام تحلى
أنصف حبيبٍ فيك منصف = والصعب لك يلقاه سهلا
دقات قلبي دوم تعزف = حلفت عنكم ماتخلا

[عائض شداد]

تحب من لا يحبّك يا عذاب قلبك = قلب(ن) يحبّك وقلب(ن) ما سأل عنّك

[العناااا]

هواياتي صغيرة ...

واهتماماتي صغيرة ..

وطموحي أن أمشي ..

ساعاتٍ معك ..

تحت المطر ..

عندما يسكنني الحزن ..

ويُبكيني ... الوتر ...

[عائض شداد]

شعرك طويل(ن) والرجا لا تقصّيه = تلحّفي به في الليالي البريدة
هذي وصيّة من حبيب(ن) تخصيه = اللي قضى معكم ليال(ن) سعيدة
أذا أمرتي أمر والله ماعصيه = نمشي على ما نور عيني يريده
يسمع كلامك لو بغيتي توصيه = وما فيه عبد(ن) ما يطيع امر سيده
لو تعرفي مافي ضميري وتحصيه = حبّك موصلني لدنيا جديدة

[المسكت]

يامرتجي يامنتخي وش بعد فيه=هذي الليالي تبتسم للفقيده
شعار لازم نرفعه ما نعاديه=للك يافتى وإلكِ العنا بالعقيده
احباب كل(ن)نيته تنقتل فيه=والله على النيه يوصل عبيده

[عائض شداد]

يا ناعم العود مالي شفّ = ما عاد لي في الهوى نيّة
أجيك واحلف على المصحف = يا واحد(ن) ما خلق زيّه

[سيف الساهر]

لاخر لحظه من عمرى

اقولك ..

انت محبوبي ..

وحبك في دمي ..

بيجرى ..

وطيفك نور..

في دروبي..

[المهاجر07]

علمني الحب
وكيف أحب
وكيف تكون أهاتي
من القلب للقلب ..

ويوم حبيته صحيح
ترك قلبي جريح ..

[العناااا]

ليت الليالي ما خذت كل غالي = وليت القدر خلاك أنت لحالي!

[المهاجر07]

ماني بقايل لك: انـا انسـان مزيـون=اطرق ولاله شبه في الانس والجان
انـا محمّـد.. وافـي الهـرج مــوزون=اوزن كلامـي.. قبـل اقولـه بمـيـزان
وانـا الّـذي لاحـبّ ..لايمكـن يـخـون=مخلص مدامه حيّ .ويموت ماخـان
وانــا اذا حبّـيـت.. حبّـيـت بـجـنـون=حبّـي يفـجـر داخـلـي الــف بـركـان
وانا الّذي ماطـرد ورى مـن يقفّـون=من صدّ عنّي عمد.. بجزيـه حقـران
هذي وصوفي .واكثرالنّاس يشرون=وانتـي عليـك اليـوم تقديـر الاثمـان
قالـت :اشوفـك قمـت يامحمـد تمـون=تضـحـك وضحكتـهـا تقاسـيـم فـنّـان
قلت :الميانه.. ماهي بضحكة سنـون=احـيـان ماتلقينـهـاا بـيــن الاخـــوان
ترى الميانه شـيّ واضـح ومضمـون=اذا اجتمع شخصين.. في قلب ولسان
منقول ..

[عائض شداد]

يا رب صبرني على الأرض لا طير = وارحم عيون(ن) ما تنام الليالي

[العناااا]

والله مدرى ليه ضايق ومخنوق =واحس به نبرة بكا في كلامي

لالاتهيّضنى على الدمع ياموق =ادنات والله ما يمطّر.....غمامي

ياعين كانه دمع هليه ولـ فوق =ماودى اشعر بانكسارى امامي

الليل كله لين صافحنى شروق =وانا الليّل هالصباح ......بظلامي

كل السما رعد وبكاءات وبروق =حزن تزبّر فى سماى امترامي

(بشويش تكفى) لامس الجرح برفوق = كذبه تراها ضحكتى وابتسامي

ثوب الفرح ياسيد الهم مشقوق = شفها تراجف من لبسته عظامي

شفنى نخل كلي عذابات وعذوق = لالا تهزّ........ولاتطيّر.....حمامي

[العناااا]

ما وحشتك يا حبيبي ... ؟؟

بعد هالغيبة الطويلة ...

ولا فاكر هالليالي إلا بعدناها ... قليلة ... ؟؟

ما وحشتك ؟؟

[العناااا]

غايب ..



وقلبي يتبعه ..



وإن قلت ابنساه ...



أخدعه !!

[المسكت]

كل يغني على ليلاه افراح بالدار مرهونه=اسباب هالضحك من بلاوه والكل بيغرد إلحونه

[سيف الساهر]

اخبارك ايه حبيبي...طمني عليك حبيبي..

وحشني عنيك حبيبي اخبارك ايه؟؟؟؟

عدد غلاوة الشوق يا حبيبي بهدي لعنيك سلامات

والله بكره تروق يا حبيبي و

احكي لك الحكايات احكي لك الحكايات

[سيف الساهر]

يوووووووه ياحروفه لك وحشه...
أنظر لها بدهشه....
أحس فيها الحب وتصيبني رعشه....
ياحروفه لك وحشه...
****************
كل ماقريت كلمه أنا أو كلمتين..
بدموعها تغرق وتذرف العين.....
وتختلط عندي الحروف....
وتنتهي هاك الحلوف.....
ورغم غدر الظروف.....
ارجع واقول.....
ياحروووفه لك وحشه.....
*****************
ياحروفه لا تحرميني شوفتك...
لا تنكرين إحساسك علّي ولهفتك...
لا تقتلين الحب بقسوتك.......
خلينا نعيش بدنيا غير....
نحلم سوى بأجمل مصير...
لا خوف يربكنا ...
ولا واقع مرير....
يكفيني أقراك إذاخلّي كتبك.....
واقول ....
ياحروووفه لك وحشه....
*******************
أسألك ..ياحروفه علّي لا تبخلين...
هي مره ابيك او مرتين....
يكفيني إنه ينثرك وسط الشهر...
في أجمل لقاء وأحلى عمر....
ويعطّر انفاسك ريح الزهر....
ويرسل اشواقه معك وقت الفجر...
لما يحس ان النجوم ويا القمر....
تردد معي وتقول ....
ياحروووفه لك وحشه....
والله لك وحشه....

[المسكت]

وما زالات الايامُ للعشقِ صَادقه=وباب الرجاء مفتوحُ والكلُ يعلمُ
تعالي فذاكَ الْدارَ بِالدُرِ سَازجه=وغني فما للحزن إن جئِتي سُلمُ

بالفصحى عشنك ياسيف
لا والله قلب الولد
هههههههه

[عائض شداد]

فوق بحر الهوى تجري مراكبنا = نقضي الليل كله فوق موجاته
نرضي احبابنا نوفي بواجبنا = من نقض عهدنا نقطع علاقاته
الرّدي لا حشا ماهو بصاحبنا = حيث عاداتنا ماهي بعاداته
الوفا عند جاهلنا وشايبنا = راعي الطيب مايحسّب خساراته

[نور الدنيا]

هيـه يا اللي علم الصدر كيف أنه يضيق =ما دريت أن عسرة النفس معناها انفراج

وكل ما ضاقت علي الوسيـعه بالطـريق=قمت أغني وأتمشى وأقـول : أنه مـزاج

يا مزاجي لعنبو جد جدك (...مستفيق...)=خلني في حالي شـوي ابطرد لأنزعاج

خلني لو تسمح شوي .... مع نفسي أويق =يمكن أفهم نظرت اللي يموت أبلا نتاج

يا رفيق ٍ علم الليل ..... وش يعني الرفيق=الخطـايا ملـح الأيـام والدنيا هماج

وسجن مقبوض اليدين يتمنى أنه طليــق=وكلمة من رآس واحد ورا ذاك السياج

وجعة ٍ بالقلب ما منها كـــود الحريق=وصـوت دلال الفعايل وكنه بالحراج

من دفن صوته بدمي .... وقفى ما يطيق =كلمة ٍ لجل الصـداقة وكنها له خراج

قفى .... لا يسمع كلامي وعود لي طقيق =بعد ما هب الهوا ضاع صوتي بالعجاج

كانت الكلمة الوحيدة على أللساني (بريق)=والظلام اللي سجنته ذبح فيني السراج

وكان .... لايدرك خطاه وجناه الله خليق=لا سرت ذود القصايد يعرف أنها أحتجاج

جعل من قفى وخلا رفيقه .....مستضيق=يستضيـق ومال ضيـقة بدنياه أنفـراج

[العناااا]

والله مو قادرة اركز في أي أبيات رومانسية قاعدة منسجمة مع هالأغنية خخخخخخخخخ

//

\\

//

\\

//

\\

//

\\

//

\\

//

خسارة ليش ما يكملوها ...

\\

//

\\

//

\\

//

\\

//

\\

//

روعة أبو نورا ياناس ... !!

شكلي ماراح اعرف اكتب بالمنتدى كله لحد ما يوقفوا هالأغاني

ولا بتصير مشاركاتي كلها.............................................. . !!

هههههههههههههههه ..

ياويلي من دباس والله طرد سريع ..

//

\\

//

\\

//

\\

//

\\

//

\\

//

\\

//

\\

?:)

[المهاجر07]

بيني وبينك
ابو نوره طولها
بس برضه يالعنااا أنتي لا تنسين إنا معاً ضد الإرهاب
يعني نصبر عليه هاليومين .. ولله يعين ..

بس تعالي أكتبي لك بيت ولا شي يمشى الحال يعني ..

7

7

7

7



والعزيمه كان ماجوهـا كبـار السنـي=خير لك منها دجاج (القريه الشعبيـه)
مير رد العلـم عنـي قلتهـا واثنـي=الرخامه صارت اكبر مشكله عصريـه
والعرب لو خيروني بين خبـل وجنـي=عندي ان الجني اشوى من هذاك شويّه

[عائض شداد]

بنات العرب ما فيكم اللي كما ( الجازي ) = تحدّت جميع البيض يا من يباريها
ولو رشّحوها والجوايز لمن فازي = فلا جايزة توجد مع الناس تغريها
تاخذها على الخفرات ما عاد يعتازي = ويمكن تسّلم جايزتها وتهديها
سبت حال عاشقها لك الله يا غازي = وانا اصبحت يا غازي ضحيّت تحدّيها
تنزّل نفوس الحب لو كانت اعزازي = فسبحان محرمني وسبحان معطيها

[عائض شداد]

تبغاني اكتب لك بخطّي على اللّوح = أنك تعلّمت الخياااانة وعفناك
عيني على الخوّان ماتعرف النّوح = والقلب عافك يوم غيّرت ممشاك

[بريق الماس]

وشلون فزة صقر ياشيخ 00 مجروح=وشلون اداوي علتي 00 قبل القاك

ما اقدر على نظم القوافي 00 مع النوح=وانت الذي عيت 00 لاتمد يمناك

بريق الماس

[العناااا]

الظاهر انـك تواعدنـى وتنسانـى=والظاهر انـى تمنيتـك ولا جيتـك

لاصرت ضدى واناهمـى تولانـى=كيف؟ الطريقه عسى ما ينهدم بيتـك

ماعاد فينى صبر يوم العمـر فانـى=تبى الصراحه قسـم بالله (حبيتـك)

كلمة (أحبك) بقلبي تسبـق لسانـى=أكتب وغيرى يغنيها علـى صيتـك

المشكلـه أنـك تدوّرنـى وتلقانـى=أمـا أنـا لا بغيتـك مـا تلاقيتـك

ان جيت همى من الفرقا على أمتانى=أرجع وهمى بقلبـي حـس ياليتـك

أثريك تفرح على بعدي وهجرانـى=وانا على النيّه امشى يـوم خليتـك

الجرح الأول يجى من بعده الثانـي=هذا جزايه؟ حبيبي يوم بديتـك..!!

مابيك ترجع بعد هذا علـى شانـي=يحّرم عليّ القصيد إن كان رديتـك

وإن كان قصدك تحدي..! لا تحداني=والله تبطـى حبيبـى مـا ترجيتـك

رح فى طريقك وانا بجاهد أحزاني=تبى الصراحه قسـم بالله (حبيتـك)

http://members.lycos.co.uk/qetharah/up/up/i.gif

[المهاجر07]

رجـــل تنـاديـنـه ولا يـسـمــع الــصــوت =خــســارة سـمـعــه وصــوتــه وشــوفــه
ورجــل يضـمـك بـيـن ايـاديــه ويـمــوت =والله مــــا يـلـحــق حـيــاتــه حـســوفــه

[عائض شداد]

أنا حبّيتها والحبّ بلوى = مصيبة من مصيبات الزماني
أنا مالي غنى عنّه وسلوى = عطيته في الهوى كامل حناني
وخلّ القلب بالنيران يكوى = عسى يعمل حسابه يوم ثاني
وقالوا ليه ماقدّمت شكوى = وكيف اشكيك يا مالك كياني

[سيف الساهر]

ليت الغلا ينقاس وتقيس قـدرك=وتشوف بالغالي كثر ماني اغليك



امر على روحي واطيع لأمـرك=اموت انا برضاك ويـا تغليـك



راضى بخيرك ياغناتي وشـرك=القلب يالغالي ترى حيل هاويـك



خذني قلاده حطها فوق صـدرك=او خاتم المـاس بزينـه يحليـك



او اعتبرني سر من اسرار عمرك=او اعتبرني ايا حاجـه ترضيـك





انا اعتبرني نار حبـك وخيـرك=برد وسلام المغرم بـك يناديـك



اكيد يإنك عارفـن وش قـدرك=لاني بصراحه غايتي ميتن فيـك


ليت الغلا ينقاس وتقيس قـدرك=وتشوف بالغالي كثر ماني اغليك

[عائض شداد]

نفسي عزيزة من جفاني جفيته = حتّى ولو يصعب على القلب فرقاه
الصاحب المغرور يفداه بيته = واللّه ماهين النّفس وادوّر ارضاه

[العناااا]

على شوفتك يابعد روحي ذكرني النوم =وأمطر سحابي بعد ماالنوم ناسانـي

تخطت عظامي رقصـةِ لازم وملـزوم =أهني المداخل بعد ما الزيـن وافانـي

تناثر احساسي عشق عله عيوني دوم =وماشفت وجدي يـوم ابـدع وغنانـي

أنا مانسيت احسب فرقاك يوم..بيـوم =لي الله على خوفي .. وياقـوة إيمانـي

صحيح ان قلبي ماهدا غايـم ومغيـوم =ولكن صبري طـول الأيـام خاوانـي

تبقى على جل إحتمالي لكـم مرسـوم =شموع الغلا ولا على العهـد وأمانـي

كتبتك ولا لي حيلـهِ غيـر أنا مغـروم =كتبتك صدى ولا على صوتـي الثانـي

أهين القلم والحبر.. وانظم لركب العوم =لجل خاطرك اخطي .. واقلب لك أوزاني

كذا..أواكذا تقـول حقـي أناالمهظـوم =وأنا اللي عطيتك مـاورا ثورة أزمانـي

http://members.lycos.co.uk/qetharah/up/up/i.gif

[عائض شداد]

الحبّ عظّم صورتك في خيالي = ولاّ انت ميّت قلب ماعندك احساس
توّي عرفتك في الليالي التوالي = سود الليالي تكشف الناس للناس

[المهاجر07]

لاضاق صدري ذكرتك وانشرح بالي= ياسعد منهو تجي دايـم علـى بالـه

[عائض شداد]

قالوا تزوج قلت انا العرس مابغيه = ألاّ ان حصل لي الزين حلو المعاني
الصاحب اللّي جعل ربي يخلّيه = عمره يقارب عشر فوق الثماني

[العناااا]

يعني عشانك فالعليا تغليّن!=ماهوب ذنبي بيتنا فالسويدي

ردّي علي والا بعد لا تردين=زيدي على قلبي تغليّك زيدي

أنا لو انك ساكنه بيت من طين=عمر الهوى ما يختلف في وريدي

[المهاجر07]

جتني تجر الخطاوي مثقلتها الـدروب=كن الليالي تعثر فـي طـرف ثوبهـا
تنقظ سوالف شقاها ثوب واتخيط ثوب= شحت سنين الزمان وضاقت دروبهـا

[المسكت]

الوناسـه تعطـي المبتلـي نوعـيـن /غــم=غم كتْم !/وغَْم(ن)أقـوى وحـال(ن) مرتجـي
إن بنـت لمجـاد مجد(ن)فهـاك المجـد كـم؟=اختبـارات الشهـادات تخـشـى منهـجـيّ؟

[عائض شداد]

يقول سدّ النافذة بالمسامير = مايعرف أن الحب حاكم وجبّار
راعي الهوى دايم كثير التدابير = ما يمنعه باب(ن) ولا حايط أجدار

[المسكت]

تراقص ياقصيدي للبعيده قرب المشـوار= وقـربها احاكيها وخل الكُل متهنى
كذب من قال ذاك!ألحب له مَعمل وله تـكرار=تراى بعض الخلا وسواس يتمثل على جني
بنيه والوفاء حاضر ورمز العهد يبقى اسرار=عشقتك حرف اكتب به ولِكْ منيّ وله رني
تبين الصدق في نكته إذا جات النكت بأشعار=هذولي كلهم ضحكو ونكته كلها عني
هذاك انتي بديتيبي تبيني و الزمن دوار=ابيك انتي تعرفي دورته وش ماخذه مني
غلاك اول غلاك اللحين ما ينقصه غير اعصار=تبين الشوق يبقى لك حرام(ن) ما يثمني
لك انتي بالحشى منزل وزارع حوله الزوار=انـا لاهبت في قلبي عـزيز(ن)ينتهي ضني

المسكت
ابيات لن تكتمل
من حقوقي طبعاً

[المهاجر07]

صح لسانك يالمسكت
ووهذا تكفي ...


كاسٍ كسرته ‚‚ في حظور الزعامه = عمدٍ ‚‚ ولا هو بالخطا مثل ما ظنّ
لي مبدأ حتم علي احترامه = ان كان ليله مع صباحه ‚‚ تلاقّن
وغمضت عيني عن وضايح حرامه = والعين ما تنظر ادموعٍ يهلنّ
بعض العرب فيه النقايض علامه = شفت العطا والشح فيه يتخاونّ
تلقى عباراته تجمّل كلامه = والقول عنده والفعل ما تساونّ
والكون هو صار الخلل في نظامه؟! = أو الخلل فينا يصير وتمكنّ
ما للخلود الا لفعل الكرامه = والا الحياة اسنين ثم ايتقافنّ
ما قلت بعضه بين صحو ومنامه = اخلاط حلمٍ تالي الليل حطّن

[العناااا]

هداياك و صورّك و عطرك و بسماتك=و نقشة كفوفـك كلّهـا ويـن أودّيهـا

و خطّة حروفك بالقلم هي و رسماتـك=و ضحكات قلبك يالغضي كيف أعدّيهـا

حنانك وعطفك وإلتفاتـك و رحماتـك=و نفسٍ تحبك لا شكـت مـن يهدّيهـا

إذا الليل طوّل ما لفـت منـه نسماتـك=يجيء الصبح مدري حاجتي ويش أبدّيها

يمينٍ علي ما أنسى غلاك و سلاماتـك=و روحٍ تبي روحك عسـى الله يقدّيهـا

تمكّنت فيني شف طعونك و( شاماتـك)=و دنيـاي مـا كفّـت تزيـد بتحدّيهـا

رجاء اً أخيـراً خلّنـي مـن مهمّاتـك=لك النفس خذهـا ويـن ودّك تودّيهـا

http://members.lycos.co.uk/qetharah/up/up/i.gif

[المهاجر07]

طعنتني .. فالحشا .. يامكبر افنونك=طعنت معلم .. تفنن بي .. وعاقبني


الله واكبر .. حشا ماكان ذا لونك .؟=ماكان طبعك .. ؟ كذا اللي .. كان يجذبني

خيّبت ضنّي .. وانا اللي .. كنت مفتونك=حتى لو اخطيت .. في حقك ؟ .. ف عاتبني


مكنتها فالصميم وفرْحتْ اعيونك=حققت غايه قدرت انّك تعذبني


اليوم .. يكْملْ سنه .؟ على اول .. اطعونك=خمسه وعشرين عشره يامصوبني

[المسكت]

المهاجر لك الاحترام
رد على ردك السابق عزيزي
إللي يبي مجده وللمجد هامه=لابد يلحقه التعب لو تفاطن
الناس واجد والهلل له مقامه=بعض الهلل لو تكسره ماتعاجن
صحيح يسلى الحر لو في منامه=والقلب نبضه زاد فوق التياجن
بين /الرجاء !واليأس/ عز الندامه!؟=نقطه تـصحي كل الآمال فاقن؟!!
ماكل طير(ن) طار يعلن سلامه=بعض الطيور إن طار شفنا محاقن
شر الطيور وخير طير(ن) عَمامه=لاقِسمت لرزاق كل(ن) يهابن!
القلب له سر(ن) يبين عظامه!=القلب مابه عظم!/ ادري تقاسن
دار الزمن حتى بصوت الحمامه=لاغرد البلبل حمامه تلاحن!
ومن حقوقي طبعاً
وليده الحدث

[المهاجر07]

أولا : صح لسانك يالمسكت ..
ثانيا: بالنسبة للأبيات اللي رد عليها المسكت ماهي لي ..
ولكن بما إنه رد ..رديت عليه .

أستلم يابعدي


الرجل لا قفى وضيٌع زمامه = وش يمنعه ياصاحبي من بلاهن
الليل لو هو مستريح أبزحامه = والقلب خالي مابه إهموم هزٌن
كان الأوادم من حجاز وتهامه = يمشون في دربٍ صحيح إمتيامن
وكانت مباديهم غريزة شهامه = وقلوبهم من بعد حزنن تدندن
الوقت حذرٍ وأسودٍ في ظلامه = ماعاد وقت الطيب فجأة تلون
لطير عاده يوم كثرة سهامه = إن طار قامت له جروحه تردن
ياصاحبي في وقتنا لا ملامه = أوقات دايم مسرعه مايهدٌن
هذا المهاجر قالها في ختامه = ياقلب لا تفرح دقايق وعدٌن

[عائض شداد]

كلّ مالعين أذرفت دمع(ن) يسيل = قلت هاتي دمع ثانية يغسلة
مابكى وقت الفراق ألاّ الأصيل = دمعة المخلص تجي مستعجلة
أن شكى من همّ قالوا له ذليل = وان كتم ونّات صدره تقتله
لا طرى له صاحبه يوم الرحيل = شقّ ثوبه عبرته ما تمهله

[المهاجر07]

حب غيرك ولله إنه مستحيل = و مستحيل القلب غيرك يحمله
لاتظن أجفى وأدور لك بديل = مو عوايد من توشح مرجله
خل ظنك في حبيبك ياخليل = ظن وافي ولله إني مخذله
إن تبي خذ ذا قصيدي لك دليل = لو حصل طارىء فهاك أستعمله

[عائض شداد]

هلا وغلا باخوي المهاجر
صحّ لسانك على الأبيات
ويبدو أنها مجاراة للأبيات
التي أخترتها انا في الأعلى

ـــ عموما الأبيات للشاعر الكبير :
علي بن محمّد القحطاني .

ــ وهذي تكملتها وننتظرك ردّك
الجميل عليها :


يا حديد الصلب لا منته ثقيل = الثقل همّ بقلبي يحمله
يا بخيل المال لا مانته بخيل = البخيل أللّي جوابه مارسله
وقفتي في مفرق اللّيل الطويل = تنتظر شمس السنين المقبلة

[المهاجر07]

صح بدنك أخوي فتى السهوه
كلامك صحيح .. أنا شفت ردك ..
ورديت على ردك ..
والشاعر الكبير .. علي بن محمد القحطاني ..
لست بنداً له .. ولكن مجرد مجاراه ناقصه ..
وهذا رد الأبيات اللي فوق .. والمعذره على القصور ..
وتحياتي لك ..




يوم شفتك ولله إني قمت أخيل = في عيونك والحلا اللي تشمله
طاح جسمي وصابني رعشة دخيل = قمتت أردد لعنبوا ذا مجمله
ياحبيبي عاشقك ماهو ذليل = بس صابه بالهوى اللي تجهله

[المسكت]

المنابـع نبعهـا مانشـف والهـم هــم=والمواجع صدر نعطيه قلـب(ن)مايعـي
الجـروح إكثار والجـرح لا قـرب يِلـم=ينتثر في داخلي كل جـرح(ن)مندمـي

[عائض شداد]

هلا وغلا يا المهاجر كفيت ووفيت
عسى الله يحفظك وصح لسانك على أبياتك
الحلوة والرد الجميل



يالطبيب المداوي مانفعني دواك = والدوى عند غيرك خابره يا طبيب
شفت فضلك ومعروفك على الله جزاك = طالب(ن) رخصتك لو كان جرحي عطيب

[الجــرح]

يالله يارب المخاليق ندعيك=انك تهونها على كل مشتاق
ياللي طلبتك يوم محدٍ يساويك=وبقدرتك تبرى كثيرات لعواق
يامرحبا ياللي عزيز وتغليك=عد الشجر واعداد مالاح براق
من بعد شكواك استمع لي بوصيك=من واقع عشته سبب وصل وفراق
ياصاحبي فالحب عسرة وتهاليك=مافاد فيه الصبر والقلب ماطاق
بوصيك باللي مخلص وشاريك=اللي حياته كلها طيب وأخلاق
في الضيق والشدات ماهو يخليك=وله قلب في حبك وليع وخفاق
وابعد عن اللي بالمحبة يراويك=يعطيك حلو الهرج في كذب وانفاق
ولا تتبع المقفين يازين بوصيك=حتى لوقلبك من الشوق حراق
يغريك في حبه الى حين يبليك=ويبيع حبك يالغلى بيع لسواق
وهذا جواب اللي يعزك ويغليك=معاني من خافي الصدر تنساق
واختامها يالله عسى القول يرضيك=والمعذرة كان فـ معانيه مالاق

[عائض شداد]

أنا لي وليف(ن) عقب طول المغيبة عاد = صروف الليالي كم تفرّق وتجمعنا
تفرّق بلا علم(ن) وتجمع بلا ميعاد = هوانا سفينة والقدر ريح تدفعنا

[المسكت]

يالله وبأمرك لاتزيد الضغينه=وتحط للحساد بالقول معقاد
ماهي وليمه تنشرى بس زينه=والزين مايكمل بتغريد نقاد
لاعاودك همك همومي مشينه=تو الفرح يبدى. بدا وامننا ساد
الحزن والى والفرح مسعدينه=والجود من رب على الخلق جواد
بعض البروق إن جات جاتك عوينه=وبعض البروق إبلمعته تعرفه حاد
المسكت

[المهاجر07]

وش تبي عاد فيني وقلبي اللي ظلمته = وش تبي تغلط أكثر وانت قلبك نساني

[سيف الساهر]

http://www.dubaieyes.net/images/frag/f-rag2.gif

[المسكت]

ياأجمـل من سكن قلبي عمـرني ودمـرني= تعال وشوف وش سوى حنين الشوق بأحبابك

[عائض شداد]

نويت السفر عنّا هجرت الوطن والدار = تدوّر على ديرة تقول الشفا فيها
نسيت الجروح اللّي بقلبي صغار وكبار = تدوّر دواك وعلّتي من يداويها

[المسكت]

اكتب البيت وارد امسحه واشطبه=واكتبه وامسحه واعيد بيت القصيد
إن قريته اعرفه واعرف اش منبعه=ذره الحس تجعل للمواثق عديد

[عائض شداد]

لأنك مليك الحسن والذوق والأسلوب = على شان ذا حبّك يسيطر على أحساسي
وعدّيت كم ربي خلق فيك من عذروب = وجدته جفاك اللي زرع شيب في راسي

[سيف الساهر]

أنا السقيـم ولا غير حبك يشفينــي

أنا العطشان ولا غير حبك يسقينــي

يابنت الناس حبك زاد فيني حنينــي

يابنت الناس بعدك يكويني ويشقينــي

يابنت الناس قربك يحييني ويروينــي

رسمت صورتك في قلبـي

نقشت اسمك في صـدري

كتبت حبك في دمـــي

يابنت الناس حبك جننـي

يابنت الناس يشهد دمعـي

يابنت الناس ..

والله لو أقعد أحلف

والله ما أقدر أوصف

اني من حبك أنزف

من الشوق والغرام والذوق والهيام وأحلى وأقوى الكلام

يابنت الناس ..

غرامك بالنسبة لي أسـاس

عساكي تحسين بهالاحساس

وتعيشي معي عذب الأنفاس

من الشوق والغرام والذوق والهيام وأحلى وأقوى الكلام



يابنت الناس جمالك خيـال

يابنت الناس وصفك محـال

يابنت الناس حبك حـلال

يابنت الناس انتي وردةٍ حمرا وريحان

يابنت الناس انتي نغمةٍ كلها ألحان

والله أحبك و أنا بدونك مالي كيان

[عائض شداد]

طلّ القمر في بهجته واشراقه = نوره دخل بيت العزيز الغالي
وارسل شعاعه من خلال الطاقه = يالبدر شفته من سماك العالي
واللي بجنبه يحترق باشواقه = محجوب عن عيني معذب حالي
واحد يحبك من صميم اعماقه = واحد يحبك باللسان الحالي

[سيف الساهر]

حبيبي وينها شمسك تعب قلبي وهو مكسور
تعال ايضمك ابضلعين مدامك فالغلا ناسـه

مدامك للنظر شوفي ابقهر هالحروف سطور
ابحكي لين يرحل من فضا هالحزن كل ياسه

[المسكت]

قـلبـك علـى شـط الهـوى صـار مـرساي=ونبـض المــحبـه من عـروقـي رويــتـه
لـوّك رمـيـت هـمـوم الايـام بــحشـاي =مـا والله اســأل عـن هـمـوم ٍ رمـيـته
ولـوّك تـعـزف لآخـر ضـلـوعـي النـاي =بـرقـص فـرح لـو مهـجـة القـلب ميته !

[عائض شداد]

بكيت من فرقاك وانت قريب = من وقفة العدوان بينك وبيني

[المسكت]

جعل العدو يفداك مني هديه=خـل العدو يجلس عدوو لين نمحيه

[عائض شداد]

غاب القمر
وانهى السمر
حبّ انعمر
كيف اندمر
واصبح سراب

[العناااا]

ليلة البارحـة والشـوق عيّـا يغيـب=والثوانـي تمـر وكنهـا مـا تـمـر

طحت في جمرة اشواقي وزاد اللهيـب=واستثرت العيون وطاح منهـا جمـر

كل نـارٍ ترمّـد غيـر نـار الحبيـب=تشتعل والضلوع الحدب ماهـي سمـر

يا بعيدٍ عـن عيونـي بقلبـي قريـب=عطني الآه عنك وخـذ بقايـا العمـر

أنت في قلبي لحالـك ولا لـك طليـب=تملك الروح دون البيض هم والسمـر

صدّق اني أعيش بدون صوتك غريب=صرت اخاف الظلام بغيبة اجمل قمـر

ما اتوقع جروحي فـي غيابـه تطيـب=دام بي شوق يغمرنـي لنبضـه غمـر

إتصل بي دقيقـه دام ظرفـك صعيـب=تـدري ان المواجـع دامرتنـي دمـر

قل ( آلووووو ) ثم قفّل ما بها ما يعيب=سوّها ولا على صوتك حبيبي أمر !!!

http://members.lycos.co.uk/qetharah/up/up/i.gif

[الجــرح]

كم واحد حطه على الجرح ويطيب=وكم واحد يــزيد الجروح إلتهابي

وكم واحد صداقته إليا فضى الجيب=ويصد عنــك إليـا أمتلن المخابي

وكم واحد يبدي تحيــة وتـرحيب=وسواد قلبه مثـل ريش الغرابــي

وكم واحد وقت السعه كنه الذيـب=وإن كان وصلت للحقيقة يهابــي

[عائض شداد]

لونك ابيض(ن) مشبه(ن) لون الورق = وانت أجمل من عرفته بالوجود
يا شبيه الشمس في وقت الشرق = يا رحيم القلب صدّاق الوعود
كل ماخايلت برّاق برق = والمطر يمطر ولا نسمع رعود
قلت هذا نور خدّك واحترق = ضامري كنّه على نار الوقود
بحر حبّك من توسّط به غرق = ولكن احنا ماتعدّينا الحدود
أشهد أنّ اللّي خلق خلقه فرق = أنّ ربي راحمك معطيك زود

[العناااا]

سافرت لأجل أرضيك من دون تجريح =ماودي اجرح غالي قد بكيته
حسيت في بعدي عن القلب ترويح =بعدي ولا وصل قد رجيته
عذري معي في عزة النفس واشيح =غالي ولكن من جرحني نسيته
دام الشجر يرقص على هبة الريح =يبقى الوفا فيني عذاب رضية
ابعتذر لك بس من غير تصريح =عن غيبتي عنك احساسي عصيته
كنت الحياة الوافيه والتباريح =واصبحت جرح واضح ما خفيته
وداع ياجرح جرحني وانا اصيح =تبقى جروحه غالية لو شكيته

[عائض شداد]

ياللّي حنانك نظرة(ن) بين الاهداب = ردّي عليّ بعض العزا ناظريني
خافي على قلب(ن) يحبّك الى ذاب = يفقد معاني لوعته والحنيني
لولاك مازار الهوى ليل الاحباب = ولا لوّحت شمس المحبة جبيني
ولولاك مايلفي على الدار غيّاب = ولاتبكي اللّي مفارق الدار عيني
في غيبتك كلّ الملا عندي اغراب = لاحد(ن) أبي قربه ولاحد(ن) يبيني
لا يا بعد كلّ القرايب والاحباب = ضاع العدل في الناس لو تظلميني

[الجــرح]

قصيدة لها مناااسبة


ياكيف حظي ردي والـروح متعبها = ما فادنـي حسن تأديـبي مع أمثالي

إن جيت أبي حاجة ٍ عزت مطالبها= العفـو ما واحد ٍ في الناس يا والي

قوم ٍ إلى جيتهم رفـّت شواربـها= بالضحـك وقلوبها فيها الردا كالِ

وقوم ٍ إلـى جيتها صكّت حواجبها = وأبدت لي البغض في مقفاي واقبالي

ما كنـّي إلا مسوي حال مغضبها = والكل فـي عشرتـه ماكر ودجّالِ

يا حيف ! تخفي أمورٍ كنت حاسبها = واللي علـى بالهم كلـه على بالـي

الخل جافي وعيني كم يحاربـها = والأهل واصحابنا والدون والعالـي

والروح وش عذرها في تـرك متعبها= أحبها يا سعد والحب موّالي

نفسي تـبي العز والحاجات تغصبها= ترمي بـها بـين أجاويـد وانـذالِ

الحب يحيي عظام ٍ لا حيـاة ابـها= كالسيل يـحيي الهشيم الدمدم البالي

لا خير في عزّة ٍ يشقى العزيز ابـها = يـمشي مع الناس فـي همٍ وإذلالِ

عز الفتى راس مالـه من مكاسبها = يا مرتضي الهون لا عـزٍ ولا مـالِ

ذللت بالروح ليـن ارخصت جانبها = وأنا جنوبي عريب الجد والخـالِ

قومٍ تدوس الأفاعـي مع عقاربـها = ولها عزايـم تـهدّ الشامـخ العالي

خـل المحبة وقـل للبـنت تندبها= تـبكي عليها بدمع العين هطـالِ

لا تعمر الدار والعذال تخربـها = بـيع الردي بالخسارة واشـتر الغالي

جرح بجرح وديوني بأقاربـهـا = وطعن بطعون وأطـلال ٍ بأطـلال ِ

والناس مجهولة لين انك تصاحبـها= تكـون منهـم كمـا قالوا بالامثالِ

الأرض لله نـمشي فـي مناكبهـا = والله قـدّر لـنـا أرزاق وآجـالِ

حث المطايا وشـرّقهـا وغرّبـها= واقطع بـها كـل فج ٍ دارس ٍ خالِ

بأبعد عن منتداها ودارٍ تقـرّبـها= واختار للنفس في العليااااء منـزالِ

لـو بتّ فـي ديرةٍ يجفاك صاحبها = كم ذا الـجفا والتجافـي والتـّعلالي

دوس المخاطـر ولا تـخشى عواقبها = الموت واحـد وبعـد العـز يـجلالي

(إن المنـايـا إذا مـدّت مـخالبها = تـدركّ لـو كنت في جو السما العالي)

مـا قـرّت الأسد فـي عالي مراقبها= تسعى على الرزق ما حنـّت للاشبالِ

والشمس في برجها والغيـم يحجبها= تـقفي وتقبـل لها فـي الفلك مجدالِ

[عائض شداد]

ردّي الأصل لو شفته صفالك = ترى الانذال عشرتها مصايب
ولو تعطيه من غالي حلالك = ترى الخايب على ما قيل خاااايب

[المهاجر07]

إمسح الدمعه اللي فوق خدك وقلي= ذي علامة حزن والا دموع إعتذار

[عائض شداد]

يا عنود(ن) واجهتني حيرتني واخلفتني = باسمها ما علمتني صادفتني بالمرو
طالعت واستغربتني اعرفتني وماعرفتني = بالعروبة حلفتني وايقظت كل الشعور
قالت انظر في بلدنا اعتنينا واجتهدنا = في بناها مارقدنا في شوارعها الجسور
قلت كانت ارض صحرا واصبحت ريضان خضرا = في شوارعها نمرّا ضعت انا بين القصور
قالت احنا شعب واحد بالنوايا والمقاصد = والتقاليد والعوايد قلت انا نفس الشعور

[العناااا]

ماشكيت من الوله بين المحاني
ooooooooooooooooo ماجزعت من الفراق وكبر غلــه

ماتحس انك فقدت انسان غالي
oooooooooooooooo مايمل القرب منك ولا تمله

كان تذكرني مع الخلوه ثواني..
oooooooooooooooo انت في بالي تراك ..

:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:

العمر كلــــــــــــــــــــــه

[°¨¤ عيــن الظبـي ¤¨°]

http://members.tripod.com/~LorettaCulp/glittery-images/roses.gif

بسم الله الرحمن الرحيم

«¨`.¸.* إحساسي تترجمه هذه المقوله*. ¸¨`»

لي قلب محدن هز عرشه ولا جاه = ومحد تجرأ يطلع في كتابه
كم مر من عنده حبايب بدنياه = وكم واحدٍ ينثر لقلبي اعجابه
لكن قلبي محد منهم أغراه = كل الوجوه اللي تمره تشابه
الا انت صوتك كل ما قلت بنساه = احس لك وحشه وقدر ومهابه

http://members.tripod.com/~LorettaCulp/glittery-images/roses.gif

~ عيــــن الظبــــي~

[الجــرح]

تدرين ما شلّ الفتى غير ممشاه=وتدرين قلبي بين سكرة نيابه

أن أشهد انك مثل بدر تجلاه=وسط السماء ليلة خميس ازدهابه

لك وسط قلب من غرام تحداه=طيف السعود اللي سكب غيض مابه

[°¨¤ عيــن الظبـي ¤¨°]

http://members.tripod.com/~LorettaCulp/glittery-images/roses.gif

بسم الله الرحمن الرحيم

«¨`.¸.* إحساسي تترجمه هذه المقوله*. ¸¨`»

ياحيلة الله وش اسوي بالاقدار = مالي على رد المقادير قوة
مكتوب اصير بدار والزين في دار = وقلبي تولع من فراقة وتوه
يا ما صبرت وراعي الحب صبار = يخفي عذابه كان عنده مروه

http://members.tripod.com/~LorettaCulp/glittery-images/roses.gif

~ عيــــن الظبــــي~

[الجــرح]

تمشي وأنا أمشي والحكم بيد الاقدار=مير الغلا ياصاحبي فيه قوة
ماهام صقر البيد والظبي في دار=والله ان الصقر ما بان توّه
تحيا بقلبي عشق ماعشت صبار=واحيا بقلب الظبي طيب ومرّوة

[سيف الساهر]

أكتبيني يا الحروف وعبريني يا المشــــاعر === با الكلام وبا الغرام وبا الهيام وبا العنـــاقي




عانقيني يا القوافي وإنزفي دم المحـــــــابر === واغمريني با الشجون وجوديني با الوثاقــي




داعبي قلبٍ حزين وكفكفي دمع المحـــــاجر === أنثريني با الفراق ولملميني با التلاقـــــــــي




كل يوم وكل ليله يا نسيم الليل نــــــــــــــاطر === ناطرٍ منك الحنان وشوق قلبي وإشتيـــــاقي




جيت لك يا الليل الأسود والتغلي وحش كاسر === ما يعرفه غير من ذاق التغلي والفراقـــــــــي




جيت ساري لك بهم وطيب قلب وحظ عــــــاثر === جيت مشتال الجروح ولا بقى با القلب باقـي




لا طريق ولا صديق ولا ضنين وسرت خاســـــر === فرحتي مثل السراب وصدري الملتاع ضاقي




كان ودك تضمد جروحي دخيلك لا تغـــــــامر === خايفٍ تطفي نجومك من همومٍ ما تطاقـــــي

[المهاجر07]

يامرحبا يلي تغني بالأشعار = والليل هادي والسماء بان نوه
شعرك طرب ياصاحبي مابه أسرار= وأنشهد إنه زين و يازين جوه
ليت الظبي ياصاحبي بيننا جار = كان الهوى نوٌر من أنوار ضوه

[العناااا]

مرااااااااااحب بالجميع ..

ويالله انك تحيي الغالية عين الظبي ..

أسفرت وأنورت واستهلت وامطرت ..

ومرحباً ألف بشخصك الجميل جداً معانا بالمنتدى ..

،
،
،
،

كنسلت الحب ...............

وعشت دنياي مرتاح .. !!

حتى الهوى غيرت فيه اتجاهي ....

لا حزن ..

لادمعة ..

ولا ذل وجراح ..

لا القلب مشغول ولا الفكر ساهي ..

من جا .. يجي .......

وان راح .. ماقول وين راح ....

صحيح طبعي تغير بس بالي استراحي ... !!

[عائض شداد]

ياللّي من الشبّاك كانت تناظر = واليوم حطّت لوح في نافذتها
تقول ماني مثل ما كنت خابر = حالة صريح الحبّ ما ناسبتها
روحي مع العشّاق ماني بقاصر = ياللّي كثير اعمالها ما كفتها

[العناااا]

دار الزمان وكل مرن شربته..=وعفت الحياه ومابقالي مطاميع
دار الزمان ونور عيني خسرته..=والشمل ضاع ولا هقا فيه تجميع
ياليتني جاهل والحب ماعرفته..=وش لي بحب قطع القلب تقطيع

[العناااا]

منك نتعلم...

لعبة الصــد ونصد..

مادام قلبك والليالي علينا..

منك نتعلم كيف ما نحفظ الود..

وتشوف منا

ماتسويه فينا..

الحين لازم تاخـذ المساله جـد ..

علمتنا نقسـا وشفنا ..

قسينا

[الجــرح]

هلا بك عد ما نسنس هوا الغربي هلابك=هلا بك عد ما تبني الحروف قصور

هلا بك عد ما تنسى وتجفا في عتابك=غالي ولا يلفي من الغالي قصور

[المسكت]

يابنت مـدري وش إللي حرك اشجاني=هـو ابتلا للمشاعر لجل اركدها
ابنتظر لحظه المظلوم والجاني=نفتح لباب الغضب فرحه ونكـدها

[الجــرح]

أقبلت كنت صقر وأصبحت عصفور=لا راح ريشك ما تطير اجنحانك
وان كان لك مرغوب لا شك معذور=مير البلاء ذكري يزوّد جنانك

[المسكت]

استحي من شايبٍ تعرف مكانه له مكانه=ولا لو ماهي بيدي كان هنت اهل الكرامه!
انصحك يانفس جوزي لاتبدين إستهانه=الشهور! اللي مضت جرح يتوطي الندامه
شلها خلك عزيز وخل في وسطك حصانه=لاتعديها حدود(ن) ثم تتمنى السلامه
قلت لك مليون مره الضرر ماهو عشانه!=قلتلك لكن غبي إللي من بعدك بشامه

[عائض شداد]

لعبي وليفي لعب كوره ضربها بليه = وسجّل بها فوز البرازيل في الدوره

[الجــرح]

ثار الغلا ولا يدري عن القصد والال=ما أقصد جنابك ياسعادة جنابك
لك بالخفوق النبض في صدق واجلال=الله يسود وجه من هو سطا بك
أنت الرفيق اللي به القلب يختال=يازين مرضاتك وما ألطف عتابك

[المسكت]

فتى السهوه
اكيد انت تأثرت من ضربه الجزاء الهلاليه
ههههههههه

العب ياكبتن مثل بلادك ولك الشرف=نظم الهجمه وارسمها رسمه تصنع هدف

لعيونك فتى السهوه

[جــــــــود]

السلامــ عليكمــ..
لازمــ انطــ على كل المواضيعــ اللي كنتــ ازورها زمااان..
<<< مصدقهــ..

وهذا إهداء للمنتدى..ولكل الاعضاء..



احبكــ حب مااقدر..
اعاند فيهــ احساسي..
لقيت الحب شي اكبر..
من اني اخذ انفاسي..

ولكمــ مني أعذبــ التحايااا..
جـــــــود...

[المهاجر07]

مزاجي بعدك أتعكر=وصدٌع يالغلا راسي
وعيني كنها تعصر =دموع العين في كاسي

[المسكت]

ياصاحبي ماعاد للحزن ساحات=يكفي شربنا مر الايام انا وانت

[الجــرح]

ألا يا مسك ياعنبر=وعود الكادي القاسي
تلين وتنزل المبخر=وعطـّر كل جلاسي
ألا ياجود يا مكبر=فرح رجعتك باقياسي

[عائض شداد]

شهر العسل ما ذقت شهر العسل = ذاق العسل غيري وانا صاحبه
يا علتي ما هي بمثل العلل = على وليف(ن) راح واطالبه

[العناااا]

ودي أبكي في حضنه دقايق= ودي أبكي واكشفله حقايق

ودي أبكي في حضن المودة = وأموت اهناك واتموت الحرايق

أبيها تذوب عيوني باعيونه =ولو راح النظر بيروح رايق

يفداه النظر وتفداه روحي = وتفداه الجروح بصدر ضااااايق

حبيبي .. لو عرفت انك حبيبي = بكيت الحب على صدري وثايق

وجيت بشوق لعيوني تضمك =وينسانا العمر وتنسانا الدقايق

[الجــرح]

تدرين وادري بنفترق
تدرين قلبي بيحترق
حنا اتفقنا في كل شي الا الزمن
عيى الزمن لا نتفق
ولاتزعلي لو نفترق
قلبك خلي
وقلبي انا اللي بيحترق

ياوردة في كل الفصول
يافرح عيى لايطول
قولي واقول
ان كان عندك لي حلول
يافرحة القلب الحزين
الوقت يمر ..
ومالك عذر
كانك تبين ننسى العمر ..
ننسى السنين
وانذوب في حب وحنين
تدرين وش سر الحكاية
الوقت يمر .. ولكل شي لابد نهاية
وحنا قربنا من النهاية
ومالك عذر
يابسمة الثغر الخجول
ان كان عندك لي حلول
وان كان ودك نتفق
والا ترانا بنفترق
ولاتزعلي لو نفترق
قلبك خلي
وقلبي انا اللي بيحترق

ياحب .. يادنيا جديدة
يا احلى ابيات القصيدة
ان كان جرحي ما كفى
انزفلك جروحٍ جديدة
وان كان شعري ماوفى
انسى الحكي وانسى القصيدة
يا احلى ايام العمر
كثر الحكي وش بيفيد
ومابقى عندي صبر
والجرح في قلبي يزيد
مالك عذر
يابسمة الثغر الخجول
ما اظن عندك لي حلول
وما اظن ودك نتفق
واحنا ترانا بنفترق
ولاتزعلي لو نفترق
قلبك خلي
وقلبي انا اللي بيحترق

[سيف الساهر]

ضاقت الدنيا وضاق صدري عليه
حبيبي يااللي ماينسى ذكراك
طالت الأيام وانأ ولهان أبيه
أموت في حبك وأتمنى رجاك
آه يالدنيا لو اقدر اجبه
أضمك حبيبي وأتذوق شفاك
أغامر في نفسي وانأ دوم افديه
لوتطلب عيوني وانأ معها أفداك
دمعتي قدجرت على الخد ياهيه
تكفى اسمعني وانأ ميتاً في هواك
مليت ياناس من كثر ما ارجيه
وباقي ابياتي أبتركها معا

[جــــــــود]

روّح وروح ابعد بدنياك = يامتعب قلبي بصدك
الدرب لي ضحكّ بكاك = موت وتكوّى بنار حقدك


جــــــود..

[المسكت]

وشهو الضماء للي رويّ يوم يشتاق=والشوق وشهو لضمى يوم يروىّ

[جــــــــود]

انا ماخنتهــ تبلاني ..

ورّاني العذاب امرار...

غريبه صدفة احزاني..

احب كاذب واحب غدار..


__

جــــــــــود..

[المسكت]

جــود استشعرت المشاعر فرحه الرجعه
0000خلاص للرجه العنوان مرجوجه

هههه

[الجــرح]

الخل جافي وعينـي كـم يحاربهـا=والأهل واصحابنا والدون والعالي

والروح وش عذرها في ترك متعبها=أحبها يا سعـد والحـب موّالـي

نفسي تبي العز والحاجات تغصبهـا=ترمي بها بيـن أجاويـد وانـذالِ

الحب يحيي عظام ٍ لا حيـاة ابهـا=كالسيل يحيي الهشيم الدمدم البالي

[جــــــــود]

احبس دموعي حبيبي من غلاك..

انت دمعه خايف ابكيك وتطيح..

من عذاب البرد جيت ابغى دفاك..

واثرك بصادق حنينك لي شحيح..

[الجــرح]

حبيبتي ضاق الفضا وين باروح=وان رحت ظلم النفس للنفس ماراح
مجروح ماهو هم لوقلت مجروح=يالله عسى مااصير في قلبك جراح
تبسمي برق ٍ على ثغرك يلوح=بشد له مدام في العمر مرواح
غزيت وجه الصبح من غير مصلوح=وانكفت دون الشمس هقوات ورماح

[عائض شداد]

قلت اباعاملك بالطيب والشيمه = ويا خساه معك ضيّعت هقواتي
كلمة الحبّ عندك مالها قيمه = رح في دربك وغيرك يا الغضي ياتي
عندي الامر تاخيره وتقديمه = طاح مركب غرامك في محيطاتي
لو دريت انها خطه وترسيمه = كان حطيّت حيلتكم بمخباتي
شف قلوب البشر ماهي على البيمه = مابقى دون حلقي يكون يدّاتي
كل ضربه لها يا زين تعليمه = انتهينا وخذنا درس للاتي

[المسكت]

تقول جننتني ياخِبل وأنت إمْجَنُول=قلت الجِناَنْ إن مَجنونٍّ يجنن أَجنْ

المسكت

[العناااا]

فمان الآه ياحلامي اشوف وجيهكم بالخير=انا يكفيني القاكم خيال وعالم ٍ فاني

لقيت اني مسافة ياس .. حالة مالها تفسير=قتيلة في يدي سكين ومدري منهو الجاني

نزيفي ريش متبعثر جمعته وافتكرته طير=رياح الغدر ورتني حقيقة رايها ثاني

فمان الحب ياحبابي .. ياكل الشوق والتفكير=ياكل احساسي .. جنوني .. ونبض الروح بالواني

فمان حروفي الثكلى الى من خانها التقدير =فمان الفقد والاحباط وقبرك وسط شرياني

فمان الآه ياجرح ٍ يشقونه بلا تخدير=يقهوونه اجاج الملح الى من زارهم عاني

فمان الصحبة اللي تطعن المقفي بلا تبرير=فمان اغبى انتصاراتي على جرحي وخذلاني

تعبت من الحكي والله .. تعبت وهدني التعبير=تعبت اسال وجودي فيك ولك رغبة تناساني

اخيرا بحزم احساسي وشعري واعذر التأخير=انا مليت من حرثي محيط الياس .. واحزاني ..

[العناااا]

كنت أحسّـه طفلـي إللـي منّـي و لـيّ إنتمـاءه=و اشعر إني طفلـةٍ لـه / و الهـوى طفـل الخجـل


كنت احبه .. إيه احبـه .. لـو بَـدَر منـي إسـاءه=يَمَّه اركض / إصحى تزعل / ما اقوى يا خلِّي الزعل

[جــــــــود]

جرحك على خبرك ورى حدب الاقواس..= وانا على خبري ظروفي اهي ظروفي..

[جــــــــود]

طمنوني عن حبيبي كان مريتوا عليه = وعلموني كيف اعيش وطمنوني كيف حاله
ياترى مرتاح ولا صار بعدي شي فيه = واسألوه ان كان حي لحين هاللحظه لحاله

[عائض شداد]

يالطف الحشا لو تسمح من وقتك ابي لي ساعه = وانا اعطيك وقتي كله ريّح نفسي الملتاعه
لو كلمتني بالهاتف صوتك من ورا السماعه = تيارات تدخل دمي باشكال الهوى وانواعه

[جــــــــود]

حتى رفيقي ضما القلب وعلاجه = على كثر مااتمسك فيه صدقني
لو ادري انه مرافقني على حاجه = لا امسّكه حاجته واقول فارقني

[عائض شداد]

وين ربي جابني لك وانت لي = جاد حظ(ن) ما هقيت أنه يجود
جاب غالي عندي أغلى من هلي = عشت انا ويّاه قي دنيا الوجود

[المهاجر07]

يحسبني يوم سلم ما سمعته =سامعه...بس إني اتغلى عليه
بس قلبي حاول يرد ومنعته =لا ترد .. وسو نفسك ما تبيه
قلت ابثقل بس ثقلي ما استطعته =و ابتسمت.. و جيت لمعانق يديه
قال احبك.. وقلت أنا حبك طبعته =من زمان.. بخافقي ما احدٍ يجيه
قال بدري.. قلت هذا اللي جمعته =من كلام .. وقال أنا كنت احتريه
حبه اللي داخل عروقي زرعته =يشربه قلبي.. و روحي ترتويه
قدره اللي بينهم عندي رفعته =عن سواه ويصعب التشكيك فيه
يحسب إني يوم ما رديت بعته =ما درا إني بكل عمري مشتريه
والصراحة يوم سلم ما سمعته =كنت أفكر.. كيف أنا اسلم عليه

[جــــــــود]

يامسافر قبل ماترحل بدوني = وتختفي في زحمة الدنيا الكبيره
رد قلبي وخذ مني عيوني = والوداع ان كانها المره الاخيره

[المسكت]

عليل الوقت لو يضحك يخفي عبرته مجبور=يخاف الناس تدري عن حياته وش حصل فيها
أقول الوقت يضحك لي وأشوف إن الزمان إدور=وهذي عاده الدنيا بحاضرها وماضيها

[جــــــــود]

ترحل وانتهت وادري يقولوا خير اجل ياطير = واقول الخير مامن خير بغيابك ترحمته

[جــــــــود]

ترحل وانتهت وادري يقولوا خير اجل ياطير = واقول الخير مامن خير بغيابك ترحمته

[المسكت]

كـل يوم(ن) اعيش إبجرح كنه جديد=وأثره الجرح الاول يلتهب واقرشه

[الجــرح]

http://www.shathaaya.com/ash3ar/abdullaalfisal.htm

[عـمـرين]

غريبه الدار ومنايه التسلى ==== اسلى خاطرى عن حب خلى

[أَلــَـق ْ]

تدري يا شاعر ؟! ... إذا ليلك غـدا=سَرْمَدي عُتمه .. و طوله ألف عام !!


لو شعرت إن الملـل اصبـح مَـدى=يغترف صمته مـن ابحـور الكـلام


لا انطفت فيه المشاعر مـا عَـدى ..=رجفـة اجـروحٍ يفَتِّقْهـا الـمَـلام


ترسل احروفك .. تعَوِّد لـك صـدى=يوقـظِ ابْحزنـه مُواجعْـك الـقِـدام


و الفـرح لا صـارت طيوفـه نَـدى=فـوقِ شبَّـاك الألـم واقـعْ حـرام


و الشِّعر .. لو ضاعت اطروقه سُدى=و انتهىْ عناده مع اعنادك .. خِصـام


و ابتِدى همَّـك و فجـرك مـا بـدا=و احترق بوحك على جمـر الظـلام


تدري يا شاعر ؟! .. جعل ليلك فِدا !!=طنِّشَهْ .. ثم احضن لحافك .. و نـام

[سيف الساهر]

لا تحرمينـي ياعيونـي عـن النـوم*** نومي غداء من بعدهم فيه قلـه

حالى تردي والهـوى صـار معـدوم*** والنفس ملت من هوى الزين كله

مايدرى أني صرت ساهـر ومهمـوم*** ومايدري أن الدمع عيني تهلـه

ومايدري أنحرفه على القلب مرسـوم*** ومايدري أن الزاد نفسـي تملـه

هذا الهوى الى هم يقولـون مقسـوم*** ولازم على كل المحبيـن شلـه

حمله ثقيل ولازمه صبـر معلـوووم*** وحمله على العاجز مكيده وعله

واليوم أنـا بينـت لـك مكتـوووووم*** ماباقين غير الهوى فـي محلـه

أن كان قلبـك قاسيـن يقبـل اللـوم*** قلبي ترى مايـوم جاتـه مذلـه

أنت الذي ظالم و أنـا منـك مظلـوم*** وحفظ لسانك لا تجي منك زلـه

أن كنت أنا في الحب تايـه ومحـروم*** الله يعين الى حرم شـوف خلـه

[جــــــــود]

قضيت العمر في راحه واثاري للزمان اتعاب = سكبت الدمع من قلبي وجوفي للفرح ضامي
وحيدة همّ واسمالي قديمه والدروب اعتاب = وصبري من زمان الشح غادر سكة ايامي

[عائض شداد]

رسالة حبّ أكتبها من ادموعي على المنديل = الى حضرة جناب اللّي أودّه سيدي الغالي
وبعد ازكى تحياتي اليك الشرح والتفصيل = وهذا الخطّ يالمجمول يشرح لك
عن احوالي
ولا يخفى عليك اليوم أنا مشتاق لك بالحيل = ولاتنسى ( عناااا ) حالي الى ما جاك مرسالي

[جــــــــود]

معقول هذا عندك اليوم قدري = وانا اللي كنت احسبني اسكن عيونك
يالله بسيطه وان بعد ضاق صدري = معاد تسوى ضيقتي اليوم دونك

[المهاجر07]

تعلمت أكتم آهاتي وإذا زاد الوجع مرتاب =أشيل إبقلبي إهمومي ولاشكي وضعي الدامي
حزين وعلتي فرقى حبيبٍ ماحسبت إحساب =فراقه كنت أظن إني معه وإن طالت أعوامي
إذا بضحك فذا ولله لأني صادق و كذاب = أبضحك من سواليفه وببكي شيء إلزامي

[عائض شداد]

صار الزعل يا وليف الروح عاداتك = وانا الصبر صار لي عاده وحبيته
وانتا على الراس والزلاّت ما جاتك = وما جاز لك يا وليف الروح سوّيته
بكره تندّم على وقت(ن) مضى فاتك = يوم النّدم مايفيدك والخطا اخطيته

[جــــــــود]

ماني بخايف تطول غيبتك عني = اخاف بغيابك اتعود على غيابك

[المسكت]

ينشدون الليل عن نور المدينه=والمدينه كلها في نورها
ويسألون الشوق عن شينه وزينه=من نظرها الشوق قام يحبها

[مصرقع نت]

http://www.movn.net/na9r_alq76any/al_fqerah.ram

[الجــرح]

يابنت ياللي بالقصايد تغنين=جوزي عن الاشعار وش لك بالاشعار



خليك بالمطبخ وغسل المواعين=صعبه ترى يابنت تتغير الادوار



خليه لاهل الشعر يابنت تكفين=وانتي لك البكله .. وروج .. واستشوار



تدرين ولو كان مانتي بتدرين=ترى قصايدكم طماطم مع خيار



شعر مكسر خالي من المضامين=ذوق جماهير الشعر طعم الامرار



والبيض عند الشاعرة اسمه التين=ولاشافت الجربوع تقول ذا فار



والشاعرة لو عمرها بالثمانين=تكذب وتعلن عمري بعمر الازهار



تستخدم الميك اب وتكحل العين=واصغرهن اللي عمرها عمر سنجار



الشعر وين وشاعرات الغثا وين=طاحن بكبد الشعر لين الشعر ثار

خخخخخخخخخخخخ

والله مــــــــزح

http://www.arabiyat.com/forums/images/smilies/boxing.gif

[المسكت]

الشكوى لله مابها اي مذله=الشكوى لله كان تشكي لظالم

[أَلــَـق ْ]

لا تنتفض يا قلبـيْ مـا عـادِ يَمديـكْ=إللي تبيهم .. روَّحوا.. من شِقاهـم !!


راحوا.. و لا لك بعدُهُمْ مِـن يواسيـكْ=إلا دمـوع ٍ ساكنـه فــي غَـلاهـم


ما ظـلِّ غيـري لـك بهَمَّـك يعزّيـكْ=و ما ظلِّ غيركْ لـي بوقـت ٍ خَذاهـم


غَمِّضْ عيونكْ باحْضِنَكْ لجـل أنسّيـكْ=و انسى معاك إللـي ذِكرتـه مَعاهـم


يلَّهْ خفوقي .. حُبي لك مـا يكَفّيـكْ ؟!=و إلا انتَ حالفْ ما يحبَّـك سواهـم ؟!


خلَّـك كبيـر ٍ لا يِخيـب الرِّجـا فيـكْ=خُبري بَك اعندْ من جروحـي وراهـم


راحوا ترى .. و إن بُعدُهم يَـبْ يبَكّيـكْ=طول العمر .. لا ترتجي بَـه لقاهـم !


يا قلبي اصبـرْ وش بـلاك اللهْ يَهْديـكْ=أدري تعبت ِ امن النَّـوى فـي هواهـم


و ادري بشوق ٍ فَـزِّ يَرجـفْ بياديـكْ=ساعة مِشوا تتبـع عيونـك خُطاهـم


و ادري- بَعد- بَسْبابها حَسرتـك ذيـكْ=لَنْهُمْ كفاهمْ - هُمْ بعدْ - ما كفاهـم !!


بس إنتْ قلِّي كيف أنا الحين أبرضيكْ ؟=لا اتقول أبيهم .. رَوَّحوا.. وشْ تباهم ؟!

[عائض شداد]

أمسحي دمع العيون الباكيه = فوق خدّ(ن) جرّحه سيل الدموع
عالجي كلّ الجروح الخافيه = وصفة الدكتور ما فيها نفوع
نظرة أعيونك تجيب العافيه = ساعدي مسكين خلّوه الربوع
وشعلي كلّ الشموع الطافيه = نوّري بالأمل درب الرّجوع

[العناااا]

ما بقالي يالشعـر غيـرك رفيـق=مثل ما جينا بنرجـع .. هالطريـق

خلنـا نسـري قبـل ليـل الشقـا=ينتبه من سكـرة احزانـهْ وْ يفيـق

مثل ما جينا سوى بنرجـع سـوى=دنيتي فِرقهْ / و انا و حزنك فريق!!

شفت وش سوَّت بنا ادروب الهـوى=حَمَّلونا في الهوى مـالا نطيـق

ما قدر يشرب ظما حزنـي سـواك=يوم انا كنت ابظما حزنـك غريـق

هالمكـان إللـي مـن أوَّل ضمَّنـا=ما هقيت إنْهْ ابيجي يوم و يضيـق ؟

لكـن الدنيـا كـذا يـا صاحـبـي=غدرها في سالفة عمـري عريـق

اقسم برب الضحـى .. مـا همنـي=بَعدك .. إن شبَّت ( فيافيها ) حريق

يكفي أرجع بَـك و كفِّـي محتضـن=كفك / و مـا بيننـا عهـدٍ وثيـق

إني ماآخونـك و لا آظنـك تخـون=أسكنك عشقٍ و تسكني عشيـق !!

http://members.lycos.co.uk/qetharah/up/up/i.gif

[المسكت]

اكتبيني للزمن ذا ذكرياتك =وإمسحيني وإحرقي حتى الرسايل

[المسكت]

مــوال


أجازيك الوفاء ألوان وحضي لي يجازيني=صحيح إن دارت الايام بلقى من يواسيني
أمل صادق يواجهني ونفس الليل يسريني=بدايه عشق في قلبي تخلي صورتك فيني
ابد خذ راحتك وارحل أدور من يجاريني=إذا كانك نسيت لشوق انا إبحوري تواريني
تصور بس في لحظه لقيت إنك تواسيني=وضعت العالم إبلحظه بوجهك وانت تشقيني

المـسكت

[عائض شداد]

ألا بالله يا رامي رميت الظبي واخطيته = ترى ممنوع تعبر حدّنا لو زيد ناجيته
وانا بسّ انظره وامسح على راسه وحبّيته = ولا منّه بغى يسرح مع الغزلان خلّيته
وبعض النّاس يتمدّح يقول الزين لاقيته = وهو كذّاب ذاك الشخص ماحد يدخله بيته
وان اتكلّم بحقّ النّاس ماحسن بوه تربيته = وتاخذ من عيوبه كان سايرته وماشيته
ترى العشق الحقيقي مامع العاشق سوى صيته = أذا عقلك براسك وانّ راح العقل ردّيته
عوايدنا عرب مهما الزمن غيّر مواقيته = قيمنا في شيمنا من ترك طبعه تحدّيته

[المسكت]

ألا ياوردي الضامي حلات الشوق شميته=وله مني فتى السهوه عذابي كيف هديته
حرام اهل الهوى تعشق وكل(ن) له نسب بيته=وحرام(ن) الوفاء يذبل وانا بالمثل رديته
أمانه اعشقك ياعود ضامي يابس(ن) صيته=وله قطرات في قلبي سهوم(ن) كل ماجيته
حبيبي يافتى السهوه خلاص الشوق شبيته=تعال ابادلك نفس الشعور إللي ترجيته

لك انت فقط
مع جل تقديري

[جــــــــود]

أحلى من الكذبهــ..
على شفّ الطفل..
فرقى الاحبه..ياهوى..
احلى من الحلمــ..
اللي ودي لو كمل..
قالت ليالينا سوا..
مرتني الدنيا بتسأل عن خبر..!
مابه جديد..!
عشّاق ليلهــ تفارقوا..
صاروا بعيد ..
ولا طاحت نجومــ السما ..
ولا تاه بالظلما قمر..
لا تاقف الدنيا وتسأل عن خبر..؟
مابهــ جديد..

[المسكت]

إجمعيني ليلة (ن) فيها أحتري=لملميني وإنثريني في سماك
دلليني ليتني كنت أفتري=علميني وإرحميني في هواك

المسكت

[جــــــــود]

لمني في محجر عيونك حبيبي وخلني = خلني اشوف نفسي في عيونك واطمئن
دامك ان سلهمت بالرمش الظليل تفلني = لعن ابو هالرمش كيف اني من اسبابه اجن
حبك اللي تل قلبي من بعد ماتلني = صدق انا ميت بحبك كانها عيونك كفن



http://members.lycos.co.uk/qetharah/up/up/i.gif

[عائض شداد]

ـــ تحياتي أخي الكريم المسكت وسوف
أحاول الرد على أبياتك لاحقا


وردة البستان طالت ومالت = ودّي اقطفها ويدّي قصيره
كنت ناوي قطفها واستحالت = يا هلي صارت عليّه عسيره
قالت اللّي تزرع الورد قالت = بس شوف الورد واروح عبيره
لايغرّك طولها يوم طالت = توّها بالعمر لسّع صغيره
كم قلوب أتذوب ودموع سالت = عذّبت عشّاق من كلّ ديره
قلت نفسي هوّنت واستخارت = من دروب اهل الغرام الخطيره
نشوة العاشق من الرّاس طارت = استريحي يالعيون السهيره

[عائض شداد]

ديره بدل ديره ودار(ن) بدل دار = بكره نوّدعكم على خير يا زين
وان طالت الايام وجيناك زوّار = أحفظ عهود الحبّ يا كامل الزين
وان جيتنا عيّنت حشمه ومقدار = أهل الكرم لو نوفي الدين بالدين
واقسم بربّ البيت علاّم الاسرار = مانساك مادمنا على الارض حييّن

[العناااا]

ليش الدمع يا قلبي ؟! ترى دمعكْ عَلَـيْ غالـي=أنـا مالـي بهَالدنيـا سِـواكْ أحْـدٍ يواسينـي

دخيلكْ حتى لُو صاحَتْ جروحكْ ترفُـقْ بْحالـي=أخافْ صْياحَهـا يحْـي جـروحٍ مَيِّتَـهْ فينـي

صِعيبهْ و الله هالدنيـا علـى مثلـكْ و أمثالـي=صْغارٍ عَالحِزنْ لكـنْ أبَـتْ تسْتوعِـبْ سْنينـي

سِقَتْني المُرْ في عُمْرٍ شرَبْ بَهْ غيـري الحالـي=و كِلْ ما صِحْتْ يا دنيا ذبحْني المُرْ .. تسقيني !!

وحيدهْ عِشتْ اْنادي الفَرْحْ لِجْروحي و لا جالـي=رَحَلتْ بْكِلْ صُوبْ و ما لقيـتْ إللـي يداوينـي

و تراها ما غَدَتْ تَفْرقْ مَعي لُو طـال تِرْحالـي=أنا أصلاً سِكَنْتْ الجَرْحْ و ضاعتْ بَهْ عَناوينـي

عَشقْتْ الحزنْ مُو برْضاي ْ.. عيَّا الوقتْ يصفالي=و يومْ إنهْ رجَفْ دَمعي ذِبَحْتَهْ في وَسَـطْ عينـي

لَكْ الله وشْ يفيد الدَّمعْ وْ لُو هُو سيـلْ مِتوالـي=لك الله .. إمسحْ دْموعَكْ ترى هالدمْـعْ يشقينـي

مِصير جْروحِنا تذبَلْ قِصَرْ هالعُمـرْ أو طالـي=و إذا جرحكْ أبَـى يبْـرى بَضَمِّـدْهْ بْشراينـي

http://members.lycos.co.uk/qetharah/up/up/i.gif

[المسكت]

انا من عادتي مأكذب ولا عمري ظلمت إنسان=أنا إذا قلت حبيتك لاتسـأل عن الباقي
تروح وترجع الدنيا ولو طال الزمان أزمان=إلا منك طويت البعد تلقى مسكنك راقي
سهر ليلي وتعذيبي وبعدي والهوى الترفان=حكايه صدق يجليها الزمان إن كان فراقي
إلأ منه طلبني صاحبي النخوه علييّ أثمان=اقسمها على الطيب وكل(ن) يلحقه شاقي
على الحبلين انا مالعب مشاعر داخلي الحان=احن من النسيم إللي يعطر ورد ذواقي

المسكت!

[العناااا]

ياجبال .........
..................... تهامة ..........



ما عليا .........
.................... ملامة ...........



هاجسي ........
................... وفكري .........



شاغلها ........
.................... غرامه ..........

[عائض شداد]

ما شفت منّك غير لوعات وجروح = خلّه يفيدك من طمع فيك واغراك
عيني على الخوّان ماتعرف النّوح = والقلب عافك يوم غيّرت ممشاك
تبغاني اكتب لك بخطّي على اللّوح = أنّك تعلمت الخيانه وعفناك

[العناااا]

اتصدِّق إن المسأله // أصغر و أبسـط مـن كـذا !!=و اتصدق .. إنْ حبي لك اكبر من مُجرَّد ( مسألـه )


و إن هي تحدي بَ انسحبْ ..و اعلن لك اخضوعي إذا=كان الخضوع إللي تبيه !! ابشر .. أبخضع لك / وَلَه


مو ضعف .. بسّ انِّك خذلت القلب / و اجبرته / لِذا..=بَ اهديه أنا لك منكسرْ / دام إنَّه اصـل المشكلـه !!


رغم انّ به منِّك كثير / اجنونك / وْ / طيبـك / خَـذا=حتى العناد / وْ قسوة الحرف / وْ جمود الأسئلـه ..!


منِّك عَرف درب الهوى / طفل وْ على حَـذوك حَـذا=بسْ ليهِ يوم إنَّه كبـرْ .. طاوَعْـك قلبـك تقتلـه ؟!


( خِلِّي ) ترى طفلك غـدا / محـزون لَ اتزيـده أذى=خَلَّهْ يعيش ابغربتك مكسـور و طعونـك / هَلَـه !!


و اتْرِكْه في دنيا الألم / يملى فَضـا الذكـرى شـذا=دام انتَ عايِشْهْ ابجنون // اسمح له ايعيشَك / بَلَـه !

[المسكت]

فتى السهوه
خذ الزير واعرض
ولك حبي

علمتنا الليالي ننشد الطيب ونّشد عنه
وأخذت الحال منا وسط الاصحاب ونعد الحقايق
واصبحو بأمر ربي كلهم وسط سوره بينه


الرد
يالله يامنشي بأمرك سحاب(ن) ويمطر رينه
المنافق مع الاصحاب مشرك وسلمه دوم عايق
مانبي من رفيق(ن) يجرح الصدق باقي عينه


المسكت

[طـلـولــي]

يمين اللــــــــّه لاهجرها وأحرمها منام العين=وأخليّها بسود اللّيل ما تحلم بأعياني

ولا يرحم عليها حال دام انه لها وجهين=ولا يسري لها طيفي ولا تدري منو الجاني

ولأخليها تذوق الويل من نار الجفى والبين=وترحل في دروب الوقت وتحلم يوم تلقاني

ولاسرق حلمها المولود لو يصفى لها هالحين=ولا تلقى لها ذكرى باشعاري والحاني

واعذبها بنكراني اذا ما أقبلت ..من وين؟=واغرّبها من الدنيا ولا تحلى لها اوطاني

[عائض شداد]

ــــ المسكت والله انك انسان غامض وكلامك ايضا غامض
صدقني ما قدرت أفسر كلامك
أفصح يا رجللللللللللللللللللللللللللل .........!!!!!!!!!!!!!!!

ـــ بالنسبة لقصيدة ( الا بالله يارامي رميت الظبي واخطيته )
انا والله ماقصدت بها شخص بعينه أبدا ............
وبالعكس أعجبني والله ردك عليها ..................



ألا يا عسى صاروخ يقذف مساميره = على منطقه مابين حدّين خابرها
يشكّل سحب في الجوّ من قوّة تفجيره = يهدّ المدينه والمنازل يدمّرها
وينجى من الصاروخ وفعله وتدميره = خشوف(ن) من الغزلان ماني بذاكرها

[العناااا]

أبـي هالنـاس تِدْريبـي و تسمـعْ خافقـي لا نـاح=تعبتْ أقتِـلْ ألـم قلبـي بجوفـي و أدفنـهْ بِسْكـوت




ذبحنـي هالزمـن لمَّـا أخـذ مِنـي العزيـز و راح=أخـذ روحـي و خلانـي بفكـرٍ تـايـهٍ مَشْـتـوت



خذاك البُعدْ يَا غالي وُ تَـوْ عِطـر اللقـى مـا فـاح=ألا وشلـونْ يتصَبَّـرْ خَفـوقٍ حُبكُـم لَـهْ قُــوت



تِعبـتْ أشتـاقْ لِعيونـكْ و نـورٍ فـي جِبينـكْ لاح=صَدى صوتكْ إلى هالحين وَسط سَمعي ترى مَنحـوت



سُواليفِكْ و ضحكاتكْ ذِكِرْهـا فـي الحَنايـا صـاح := ( متى بتعودْ يَا غالي ؟ ) ترى بُعدك لروحي مووووووت !!

http://members.lycos.co.uk/qetharah/up/up/i.gif

[سيف الساهر]

أباارسلك مظروفي
أشرح فيه اظروفي
وحالة قلمي وحروفي
أباارسلك يامحبوبي



ودي أرسلك اعيوني
فبعدك زادت شجوني
وزاد حبي وجنوني
قلبي صار مصيوبي


سهير الليل ماانامه
تمنيت اني احلامه
أغيض كل من لامه
انت جرحي وطيوبي


على كيفي فتفكيري
على كيفي فتعبيري
أحــبه يـــم وأغيري
وهذا هو أسلوبـــــي

[العناااا]

دفـا حضنـك وترنيمـة هدبـك الفاتـر الجـذاب=خجلك المنتثر لمسـات يـدّك عطـرك المسكـوب

سوالف عينك وفمـك وشعـرك الناعـم المنسـاب=دلالك .. سكّر حروفك إلـى مـن ذاب فينـي ذوب

دقايـق صمتـي ودقـات قلبـي لا فتحتـي البـاب=إلى آخر ذكرياتـي والشـروق المنتهـي بغـروب

بقتْ فينـي وخلتنـي علـى حطـة يـدك مرتـاب=أعلّق رغبتي في دفتـر احلامـي بـدون اسلـوب

على بساط السهر نامت بك عيوني ولـه وعتـاب=وطارت لك معه كـل السنيـن ودمعـة المحبـوب

أحـس ان الليالـي مستبـده والـزمـن كــذاب=غلبت الصبر لكنـي علـى أمـري معـك مغلـوب

أعيشك في حياتي قصـةٍ مـا قـد حواهـا كتـاب=على صفحاتها طـاح الحنيـن بجذعـه المصلـوب

انا بسألك : توّه ما شبـع قلبـك دلـع وغيـاب !=واذا صعب السؤال استسمحك باسترجعـه واتـوب

لأني بس ابـي حضنـك وسحـر الفاتـر الجـذاب=وسوالف عينك وفمك .. وهنا .. هذا هو المطلوب !

[المهاجر07]

الطريق اللي مشاني رغم رفضي رغم خوفي=يبتدي مثل النهاية لاانتهى حلم بصياحي
اه...يا عتمة نهاره كنّها ظلمى الكهوفي=ظلمى كهف(ن) ماتزاور فجوته شمس الصباحي
هاجسه ينبت سنابل..روسها تمسح كفوفي=تلمس الرعشة بطرف(ن) فيه بات البرد صاحي
حفته من كل جانب..لين وصلت للكتوفي=مثلما حفت شكوكه فكر من كل النواحي
الحذر ماكنه الا قيد والهمة سيوفي=قيد الخطوة ولكن حدتي تطلق سراحي
والرجا يمشي الخطاوي كلما ارتب صفوفي=واتلفت مابه الا وحشة بصوت الرياحي
فجاة(ن) طارت عصافير الخطر لحظة وقوفي=وانكسر غصن الامان وضاع بالغدرا سلاحي

[عائض شداد]

حرام ياللّي تنقش الكفّين = من حبّكم تسعي بهجرانه
أربع شهور(ن) كنّها عامين = وانا انتظر كلمه من السانه

[الجــرح]

هل قرأتي نجمي اليوم ؟!
أخبريني بأني سأموتُ داخلَ

لوحــة !!



أتعبها جنـونُ اللونِ
ورتابـةِ المـدارات
و عقـدةِ الحكايـات


مسجـون أنـا داخلَ لوحـة
سيريـاليّة مجنونـة
جعلتنـي رجلا يتوهّـجُ غموضـاً




" ساحـرةٌ أنتـي " !
هكـذا تمتـمت لبرهة..!!


ولأن السِحـرَ مُحرّم
فإنكِ ستذبُليـنَ قبـل أوانكِ
فوهجـكِ أشدُّ من احتمـالِهم
و أعذبُ من ارتوائـهم





ولأن السحر ياسيّدتـي
مَجنٍ عليهِ وجانٍ
فانتِ الخطأ ،، وأنتِ الصوابْ


/


\


وأنتِ احتمـالاتُ القــدر
وانهيـارات العَــذابْ


/


\


وانتِ انعتـاقاتُ الخُطــى
نحـو ليلِ الاكتئــابْ


/


\


وأنتِ شموعُ الغروبِ الطويــلِ
وانتِ دموع اللقا و الغيــابْ


/


\


وأنتِ كل استباحـات فكـــرٍ
في عقلٍ مُجيبِ وقلبٍ مُجــابْ


فـ يا أنـتِ !!


ذ

و

ب

ي

بأنفاس الغرام..!!

وقـــبـلـيــني..@@

[المهاجر07]

فـ يا أنـتِ !!


ذ

و

ب

ي

بأنفاس الغرام..!!

وقـــبـلـيــني..@@




ياخي أنت رومنسي

[طـلـولــي]

يابو رهف بنشدك عن ريم زهران =ام العيون السود ريم العنيده

ماجت علومه يوم غادرت ميسان =من عام وانا ودى اعرف جديده

عهدى بها ترسم تشاكيل فنان =لوحات ترسمها يقولوا فريده

كم طالعت عيني فلا مثلها كان =صفات فيها ميزتها عديده

من قرية الحكمان الى حد بيضان =ومن جبل شمرخ الى قاع بيده

[العناااا]

صح لسانك يابورامي ..

ههههههههه .. من وين جبت ريم زهران هذي ها ؟؟

والنهاية جبل شمرخ بعد as)

تيب

/
\
/



من علمك تسرق افكارى وتغرفنى=من بحر شوقك لبحر الصوت ياغــالي

لابعد من الصبح تاخذنى وتتركنى=لانـــــى بليـــــلك ولانــى فيك بلحــــالى

[بريق الماس]

بحر من الاشواق ماعاد يتركني=من يشري الهم من قلبي مع فالي

ما ابغى حبيبي بعد ذا اليوم يرحمني=لابارك الله فيه وحبه البالي

بريق الماس

[سيف الساهر]

ياشوق روحي وقلبي وقطعة مني
عتابك الطف من النسمة على فؤادي
ما يجرح القلب إلا غيبتك عني
ولا عتابك يشابه طبعك الهادي

[الجــرح]

في غيابك أنا والليل وجرح الحب نغتابك=نتكلم عن عيونك ونتهاوش على حبك!!

[المسكت]

تعال نسجل الفرحه ونشعل ليله الولهان=ونكتب كـل عنوان(ن)يقربنـا ويخفينـا

[الجــرح]

أنا محيت أسمه وتغير رقمي الجوال=وصرت أبعد عن الذكر الذي يمه يودينا

[جــــــــود]

ان كان صدرك ماوسعني فلا باس = الباس لو صدرك بضيقه وسعني

[المسكت]

خل الجروح إطيب لاتنبش الجرح=وخل العلوم إتزين لاينخدش باب
والباقي انا والليالي بنفرح=أعرف مناك الجرح! لليوم ماطاب

المسكت

[جــــــــود]

ومن لا أشبعه مخلاب طيبه ونابه = يقمح ليا انهد النشامى على الصيد
خبل ليا راحت سنينه نهابه = عود يدور عند شانيه تمجيد

[المسكت]

ومن لايكن طيب منين الرجابه
000 لو نزرعه بالطيب ما فيه تجديد