ما ينقش العصفور ..!

[إبراهيم سعيد]

الصدق ..

ما ينقش العصفور .. في تمرة العذق ..

وما وشوش الدبور .. زهرة الرمان ..

والصدق .. ما زاعت أ رض جوفها بركان

وما يحفر الأظفر في جلدة المجدور

وش يخفي الإنسان .. الطيب .. المغرور

عضيت أنا اجساد الحروف الواضحه ..

يا اخت الطريق ..

عضيتها صدق الشفاة الناضحه

شهد وشري ..

وكان الحديث .. جرح ٍ طري ..

مضمد بالياسمين

كان الحديث .. ما هو الحديث اللي تبين ..

وش اللي تبين الصدق.. ؟

وش الصدق ؟!غير الدفا والنور ..

وما يقتل الإنسان الطيب .. المغرور

لو قلت لك .. إني ضعيف ..

هش ٍ كما ورق الخريف ..

أو قلت لك إني أخاف ..

أبكي .. واخفي عبرتي ..

واني لبست .. ثوبي .. عقالي وغترتي ..

با أجامل الليل .. والجفاف

بيعجبك .. هذا الصدق .. وهذا العفاف .. ؟!

بهديك أنا يا مهرتي .. سرج ٍ حرير

وقلادة ذهب ..

وأبا أشتري سيف ٍ رهيف ..

لو ما بقى عندي ثمن .. نصف الرغيف ..

اللي يسد الجوع ..

والجوع .. صدق ..

الجوع .. صدق .. وما سواه ..

يا اخت الطريق ..

كذب .. كذب ..


بدر بن عبد المحسن ..

[الريم الجفول]

رائعه جدآ جدآ
وكان عنوان ديوان للبدر بنفس اسم القصيده
//ماينقش العصفور في تمره العذق//
لك لك الشكر على هذا الاختيار الرائع
دمت ومن تحب بخير ..

[تراتيــــل]

دومآ للبدر موسيقى عذبة وممتعه وانيقة
سلمت يا أبراهيم وسلم حسك المخملي الفاتن http://www.7c7.com/vb/images/smilies/kn7.gif

[إبراهيم سعيد]

اهلا الريم
معلومه صحيحه ، كان ديوانه الأول بهذا الاسم ،،
وهي قصيده ، ولوحه كلها بهذا الاسم ،،،

شاكر الحضور ،،

[إبراهيم سعيد]

تراتيل ،،،،

من ذوقك ، شاكر لطفك ،
تحياتي