ماني رخيص ....سايق الخير

[سايق الخير]

مدري متى صارت جروحـي تسليـك=عقب الوفا وشلـون غرتـك دنيـاك

يامن علـى اليـوم كثـرت طواريـك=نهايـة الغـدار مـاظـن تخـفـاك

في حبك الثانـي عسـى الله يهنيـك=حنـا مـع الأيـام ندلـه وننـسـاك

كنت الرجا واليوم خاب الرجـا فيـك=ارخصت ماضينـا وغيـرت مبـداك

وين الحنـان اللـي مقـره محانيـك=وين الضمير اللي عن الغـدر ينهـاك

غالي الدموع ارخصتها لك وانا ارجيك=ابني لـك بدمعـي وتهـدم بيمنـاك

يكفيـنـي ماقـد قاسيت من تغليك=منتب علـى قلبـي وصـي ومـلاك





ولازلت اقول ماني رخيص
ولا انت رخيص ياسايق الخير انا افداك ...
قد لا اكون شاعرا
ولكن بعض المواقف
تجعل الانسان يتكلم بلغه الشعراء
ومع كل بيت مناسبه
ومع كل مناسبه الم
ومع كل الم حدث
ومع كل حدث سايق الخير

كتبت في 25/7/1423هـ

[الوفــــاء]

كنت الرجا واليوم خاب الرجا فيك
.............................................ارخصت ماضينا وغيرت مبداك

قصيدة تحمل في طياتها من الاسى والحزن الكثير

وربما مثلما تقول اننا نشعر بأننا لا نمت للشعر بصله لكن المعاناه هي ما تجعلنا

نمسك باقلامنا واوراقنا لنخط ونسجل عليها ونعبر عن تلك اللحظات

والتي ربما من قسوتها لا نستطيع الحديث بها مع الاخرين


سلمت يداك

وصح لسانك

ويعطيك الف عافية


الوفا

[سايق الخير]

الوفاء
على اسمك وفاء
ان جيت ابقول شكرا ما تكفى واحده
وان قلت شكرا مرتين خجلت لانها قليله
وان قلت ثلاث صدقيني ما توفي

لكن لو قلت الف الف الف شكر على تعديلك الموضوع
وعلى ردك الرائع
وليس مستغرب من مشرفه متالقه بالاسم والمعنى والقلم
فلكي من الاحترام والتقدير
وفقك الله

[المسكت]

لا والذي سواك بالحق رجال=ما يرخصك إنسان وانت اطيب انسان
لايمكن ان الوقت يطوي لنا جال= هذا اعتراف وسايق الحب وجدان


كلمات لها احساس سايق
لها همس وجداني
ستبقى سيدي مهما انكتبت الكلمات

لك تحياتي

المسكت

[ابو امجاد]

صح لسانك يا سايق الخير
يعطيك ربي العافية
وفعلا فيه ابيات تنبش بعض المدفون وتخلق بذرة لمعاناة سنتجرع لوعاتها آجلا او عاجلا


ولكن خلووووها


واسمع هذه الأبيات

تنقل فلذة الهوى في التنقل **** ورد كل صافي ولا تقف عند منهل
ففي الأرض احباب وفيها منازل **** فلا تبك من ذكرى حبيب ومنزل
ولا تطع امرئ القيس انه مضل **** ومن ذا يقتدي بمضلل

تحياتي

[العناااا]

صح لسانك ولا هنت ياخوي سايق الخير

واسمحلي اشاركك بهالقصيدة :


أقفيت عنك برغبتي وأختياري=وتركت نية رجعتي للمقادير

حلفت ما أرجع لين أرد اعتباري=وأكشف غموض راوده ألف تفسير

النفس طابت وما يغير مساري=حديثك اللي فيه حلو التعابير

وفر حديثك لاتجر العباري=بتحتاجها في موقف يخدع الغير

هاذي النهاية رغم طول انتظاري=والكل منا جعل مستقبله الخير

**

**

**

كلمات رائعه و قصيده اروع

حقيقه كانت أكثر من جميله

قصيده شامخه طالت هامات الغمام كصاحبها

يعطيك العافية

وتقبل مني ... أرق التحاياااا http://members.lycos.co.uk/qetharah/up/up/ROSE32.gif

اختك العناااا

[king]

صح لسانك اخوي سايق
ومن قال انك رخيص ابحش ريوله حش

اخوك
king

[المهاجر07]

مانت برخيص وانت ساس الرجاجيل = نهين من يرخص حبيب ويذله .
وانت يا سايق الخير من قوم المراجيل = ومن يرخصك بعناه وشربنا دمه .


تحياتي

المهاجر

[سيف الساهر]

في حبك الثاني عسى الله يهنيك
0000000000000حنا مع الأيام ندله وننساك

صح لسانك سائق الخير

كلمات فى منتهى الروعه والجمال بروعه حضورك

تقبل تحيات سيف

الساهر aasw:)

[سايق الخير]

الحبيب المسكت
وفقك الله الى ما يحبه ويرضاه
صدقني ان وجودك متوقع والم ترد فاعرف انك قراتها
ومدامك علقت فهذا دليل على ان القصيده ناجحه
سلمت والله يا استاذي الغالي وفقك الله

[سايق الخير]

ابو امجاد الحبيب
اسف على التاخير وصح لسانك يالغالي
وسلمت يداك على هذه الابيات التي كتبتها يالغالي
تقبل مني الاحترام والتقدير


العنا اااااااااا
؟؟؟؟
اسعد الله اوقاتك بكل الخير
وصح لسانك والله على الابيات الرائعه ذي
بس ماكل من ركب خيل قال انا فارس
وما كل من معه صقر قال انا صقار


تحياتي لك وسلم الله يديك يا مشرفتنا الغاليه gv)

[سايق الخير]

الحبيب KING
اسعد الله اوقاتك بكل الخير يالغالي
وسلمت لي اخا حبيب وفقك الله
اشكرك على مرورك بالموضوع
تقبل مني الاحترام والتقدير


اخي الحبيب المهاجر
صح لسانك وسلمت يمناك ولا عدمناك يالغالي
دمت لي اخا حبيبا ورائعا يالغالي
وفقك الله ورعاك aasw:)


اخي الحبيب سيف الساهر
مرورك بموضوعي اسعدني كثيرا وفقك الله
فلك مني خالص التحيه والحب والاحترام يالغالي