قصة من الواقع للعبرة ..7سنين انتظرالحمل تفاجات بخبرطلاقي

[الكعبية]

كتبت عشان افضفض لكم ضايقه فيني الوسيعه

بداية قصتي متاخره بالحمل 7 سنين بس. صابره ومحتسبه عند ربي

حتي زوجي ماعمرھ حسسني انه ودھ بالعيال دايم يصبرني

الحمد لله كان مهون علي

كنت مرتاحه ومبسوطه _مع رجلي تصير مشاكل عاديه بس كنا

نعشق بعض الحمد لله علي كل حال مااذكر تزاعلنا فتره طويله

ابتدت قصة معاناتي قبل شهرين بالضبط كثرة

مشاكل وصراخ مايعدي اسبوع الا متزاعلين صرت اتجنبه بس. مجرد

نتراضي ننسي كل شئ ونحاول نصلح اللي انكسر

تخيلو قبل اسبوع سافرنا نبعد عن المشاكل ونجدد حياتنا ومنها قلنا

نتعالج عشان الحمل قضيناها تمشيات ووناسه كنت اميرھ زماني

واااه ليتني ماسافرت بدت مشكله صغيره مره

تزاعلنا يومين وبعدها حاولت اراضيه مافيه لاني كنت غلطانه

مارضي قلت اوك. اخليه يهدﯼ

جلست اسبوع وقتها بروح لاهلي عشان الاختبارات

قلت نبعد عن بعض شويه عسانا نتصالح ونشتاق لبعض


ااه مادريت انه البعد مافيه رجعه


كنت ادق مايرد قبل يومين ابوي سالني وش بينكم قلت له متزاعلين

زعل عادي وبنهدﯼ قال وشلون تهدي وهو يقول انك صرتي مو

مو بذمته

كنت اطالع لابوي وفيني الضحكه احسه يلعب علي او يخوفني

طلع حقيقه معشوقي تخلي عني

7 سنين راحت بغضمة عين اللهم لااعتراض

مو مصدقه حتي الحين احسه كابوس

اااھ ياهو كسر قلبي في يوم وليله مااقدر اسمع صوته

معليش ثقلت عليكم بس. حسيت اني مخنوقه

يصبروني بالله يعوضك غيره اااھ ياناس هو روحي كيف يسكن قلبي

غيره


ادعو لي ربي يجبر قلبي.

[الأزدية]

عسى ان تكرهوا شيئا وهو خيرا لكم

والله يجبر قلبها ويعوضها خير منه

وما كتب الله أن تبقى معه ولا يربطها به ولد ولا بنت

والدليل عدم حملها

وتراني مانتبهت لكلمة منقول متعودة اشوفها

في اول النص او آخره

سلمت على نقل هذه القصة

[أبو ريان]

نقل مؤثر لهذه القصة ونسأل الله أن يعوضها خيراً ..
كل شئ مقسوم من رب العزة والجلال ولن يأخذ أحداً نصيبه أو رزقه بيده ..
تقديري ..

[تراتيــــل]

قصه مؤثره الله يجبر قلبها ويعوضها خير منه
الدنيا لاتستوي لاحد ولا احد فيها يأخذ الا ماكتب له
لك شكري وتقديري ام بدر..

[أمآبعد ㋡]

الله كاتب لها الخير بآذن الله ..

[ابو زياااد2009]

http://img227.imageshack.us/img227/5323/61fq1.gif

مودتي

[شيخة بني عمرو]

لعل في ذلك خيـــــــــراً ..
الكعبيه
يســــــــلموووو