乂♥乂 غيم القوآفي يسقي ورود الاحلام ..حالتك النفسيه ببيت شعر 2.. 乂♥乂

[عــذبــة الـــروح]

ياصاحبي تنشد عن الحال والحال
من الزمان الشين فيه الف عله

احيان اجر من الهواجيس موال
واحيان اقول الهم خله لعله

[ابو سيف العمري]

غاديٍ حالي كما حال منحوووف الجريد
واجحد العلة على الناس ما ودي تبين

[عــذبــة الـــروح]

يكفيك عن بعض الردود إبتسامه
والشخص ما كل السوالف تهزه

ناس تعاملها بعز و كرامه
وناس تجاهلها لـ نفسك معزه

[ابو سيف العمري]

يوم شحت بالوصل سود الليالي
و الرجا قتّال . . و الفرقا فجيعه

ما قدرت اشوفك الا في خيالي
حي شوفك والعوض ولا القطيعه

[عــذبــة الـــروح]

الوقت يكشف لك المخلوق في طبعه
ورفيقك اللي يسرّك في نوآيبها

كم سلعةً تعجبك باللون واللمعه
وتغيّرت في نظر منهو مجرّبها.

[ابو سيف العمري]

اعز نفسي عن دروب ،،،، الجهاله
و اسمى بها عن كل سافل وجاهل
،
من عايش الهزله ،، يعيش بـ هزاله
ومن عانق العليا ،، يتخطى الهوايل

[عــذبــة الـــروح]

تخذلني ظنـوني وأنا أقول لاباس
ما الله على طـرد المقفي أمرني

الله يخلي من وصلني من الناس
والله يسهل درب منھـو ھجـرني

[عشقك خفوقي]

عندي قناعة :: ما يكررني الوقت ، وتبطي بك الدنيا ولا شفت مثلي..!!

[عــذبــة الـــروح]

أثر الغلا يثر على حال راعيه
حاولت اكابر واتناساه واشتقت

الوقت يكفل كل جرح ويداويه
الا الغلا جرحه ما يبرا مع الوقت

[ابو سيف العمري]

البس الصمت حشمة عن صغار العقول
واسرج الحرف حكمة .. للثقيل إن حكى

[عــذبــة الـــروح]

الليل موحش والسهر يتعب الحيل
وعقارب الساعه من العمر عدت

كن الصدر مضمار وهمومه الخيل
صفت على صدر الشقا واستعدت

[رسام المشاعر]

احبك محبه مالها بالوجود حدود
وقمت ازعجك والله من زود حبي لك

ياويلي عليك اشبهك باخر العنقود
ولو زاد هجرك حسبك الله وياويلك

[عــذبــة الـــروح]

يقول الغياب آن طال يعلمك الجفاء
وانا مع جملة كل غايب عذر معه

[ابو سيف العمري]

القلوب البيِض تصبر على مالا تطيق
والسبب طيب النوايا وطيب ظنونها

[عــذبــة الـــروح]

‏القبــول أوّل عناويــن المــودّه
‏واحترام الذات من طيب العقول

‏شخص تحترمه من إسلوبه ورده
‏وشخص ماله لا احترام ولا قبول

[عــذبــة الـــروح]

احيان ودك تفرش الغيم وتنام
وتصير مثل الريح وهمومك ورق

[الضآميــه]

‏مضغوط نفسياً ومرهق من العام
‏أكافح اخلاقي واجاهد مزاجي
‏ٰ
‏لا قلت هانت .. والمسرّات قدام
‏خيّم على عيني ما يعقد حجاجي

[المهاجر07]

ياقلب لا تكثر هواجيس واوهام
تراك سبّت ضيقتي وانزعاجي

الناس تتكشفّ مع مر الأيام
لا ينكسر خاطرك مثل الزجاجي

#محمديات

[ابو سيف العمري]

الشـوق يا روح الغلا هـزّ مغليـــــك
والبعد يذبح و انت ما اقسى برودك

لو شفت حالي كل ما حل طاريـك
ما كان مـا تبخـــــل عـلي بـردودك

[عــذبــة الـــروح]

رفقة الطيب تزيدك مع الايام طيب
تدفعك قدام ما هيب ترجع بك ورى

مايخيب الظن فـ كل طيب مايخيب
لوجراله من ظروف الليالي ماجرى.

[الضآميــه]

قولي لـ طآرف حمآم الدوح .. يـ ورقآ
لـ اعطآني الضيق يعطيني جنآحينه ..!

[ياسر إبراهيم خليفه]

فِراقٌ تلك هي الدنيا ,, عِناقُ الحب فيها يبكينا
وشوقٌ يقتل المُهَجِ ,, فمن من وأد الروح يُنجينا

[عــذبــة الـــروح]

يالله تجمعنـا على خير ميـعـاد
في جنة الفردوس نلقى بعضنا
حيث أن هالدنيا بها هم وبـعـاد
أبكـت كثيـر ونـادر مـاضحكتنا

[صالح آل سلمان]

وكيف أصادق في الصبح مداً
وفي الليل أمنح ودي لجزر
تعبت من البحر لكن قلبي
يصر علي البعد عن بؤس برٍ

[ابو سيف العمري]

انا وش ذقت من حبه سوى جرح وغبن وفراق !؟
انا وش شـــــفت من حبه سوى حزنٍ يباريني !؟

[الضآميــه]

عديت لـ العليآ وحدتني ظروف
وحولت من رآس الطويله .. لـ السمآ

[عــذبــة الـــروح]

بعض العرب يفرض عليك احـترامه
يعطيك من حلو النبأ حسن منطوق

دايم على وجــهه تشوف ابتسامه
ما تحس به لو كان ضايق ومخنوق

[عــذبــة الـــروح]

بعد الحزن دايمّ نهايه سعيده
مهما كبر همك توكل على الله

[عــذبــة الـــروح]

طردٍ ورى اللي فات م يغني الحي
اعرف مسافات الحياھ القصيرھ

لا عاد تندم في حياتك على شي
ما راح راح وجعل فـ الامر خيرھ

[عــذبــة الـــروح]

لا جفاك اللي من الناس له عندك مقام
نعمة النسيان جزله وفي الدنيا سعه.

[عــذبــة الـــروح]

القلوب البيض تصبر علـى مـالا تطيق
والسبب طيب النوايا وزينات الظنون..

[عــذبــة الـــروح]

يالله وانا أدعيك تكتب لنا الخير
وأعوذ بك : شر النفوس وجهلها

يا كافل رزق البشر مشبع الطير
اغفر لـ نفسٍ قـصرت في عملها

[عــذبــة الـــروح]

⁩ ان كان ودك تعيش العمر في راحه
لا ترخي إذنك لهرج فلان وفلاني

فـ الناس ذمّامه وفـ الناس مداحه
والكامل الله ، ولا به كاملٍ ثاني

[سجة فكر]

ياقلب لا تكثر هواجيس واوهام
تراك سبّت ضيقتي وانزعاجي

الناس تتكشفّ مع مر الأيام
لا ينكسر خاطرك مثل الزجاجي

#محمديات

الله على قافك وحرفك والاقلام
كله على بعضه يعدل مزاجي

والقاف من يمك لو انه من العام
عذبه مزونه ما لفى بالهماجِ

#سجة #بقلمي

[بن ظافر]

أمسك خيوط الليل وأقول وش عاد
ينفع وجود الـذات مـن غيـر ذاتـي

وأعلن ضياعي وأترك النفس تنقاد
يـم السـراب وبالصحـاري منـاتـي

[عــذبــة الـــروح]

الله يغفر لي كبار المساوي
في يوم تجزا كل نفس بعملها

انا بوجهه من جميع البلاوي
وبحماه من طيش النفوس وجهلها

رب لغيره ما تلوق الشكاوي
اللي خلق كل النفوس وكفلها

[عــذبــة الـــروح]

آستبشري يآ نفس والدنيآ فنآ
على النوايآ البيض بكره ترزقيّن

[عــذبــة الـــروح]

انا في رجا اللي مابعد خاب من يرجيه
يحل الفرج في ساعة الضيق والشده

لك الحمد ياربي على ماتاخذ وتعطيه
تهونها وتفرجها على منهو وصل حده

[عــذبــة الـــروح]

القلوب اللي تغير الى دار الزمان
يغني الله من وفاها وباقي ودها.

[الشمالية]

يا وهج شوقي ويا أنات وجداني
‏طولُ المقام على الأحزان أعياني

‏أطرقتُ في وحشة الآلام أرقبها
‏نجماتِ حِبّي وقيثاراتِ أشجاني

‏كم هدّ خطوي جراحاتٌ تفتّحُها
‏تلك المسافاتُ من آنٍ إلى آنِ

‏ياليت عيني على الأطلالِ ماوقفت
‏ولا بكت تحت جنح الليل ألحاني

‏

[عــذبــة الـــروح]

يارب تلحقنا على الصوم ونصوم
وترحم نفوس العام كانت معانا ㅤ

انت الذي بالكون ماغيرك يدوم
ماغيرك اللي لا طلبنا عطانا

[عــذبــة الـــروح]

اللي كتبه الولي لنفوسنا خيره
لوتجزع النفس بالمكتوب نقنعها

[عــذبــة الـــروح]

درب القـدر غامض وفوقه مشينا
وكلن على ما قـيل همه يكنه

يـ الله تـرحمـنا و ترضـى عـلينا
واكتب لنا في يـــوم لقياك جنـه

[عــذبــة الـــروح]

وش فيه سلم الهوى مايملك مروّه
وشلون قفيت عني وانت تغليني .

[عــذبــة الـــروح]

لو ب أغض الطرف واروح ب سلام
وش يغض القلب عن صوت الحنين.

[عــذبــة الـــروح]

آغليَــھ وإحســآسـي بـليَــآھ مـفقــود
وإن غـــآب عــنـي مـآ تـغَيــر مگــآنـھ

[عــذبــة الـــروح]

أعميتني عن شوف غيرك وصديت
واصبحت لا أشوفك ولا اشوف غيرك

[عــذبــة الـــروح]

تعال عطني علومك واترك الصده
علامك اقفيت وانت الحال تدريبه

قدني على شوفتك شفقان من مده
ولا مر طيفك على بالي اهلي بهه

[عــذبــة الـــروح]

من يوم فارقتك وأنا أقول خيره
مـن باب تقديـر الزمـن والمقادير

و إلا فـ عهد الله علي و نذيـره
إني بعد فرقـاك مانيب فـي خيـر

[عــذبــة الـــروح]

يعلم الله ما نققول إلا ﺎلصحيح
نعشق اهل الطيب عشق ﺎلعآفيه
.
ولا يداوي اﻟهم وٰ القلب ﺎلجريح
غير شوفة أهل القلوب ﺎلصآفيه

[عــذبــة الـــروح]

ذخرته سّلوة الليل الطويل من الحزن ملجأ
وسرى ليلي وأنا ما بين بـ يجيني ولا جاني

[عــذبــة الـــروح]

كل ما طرّف من الليل ثلثينه سريت
تحت زين الذكريات و تحت تأثيرها

[سجة فكر]

كل ما طرّف من الليل ثلثينه سريت
تحت زين الذكريات و تحت تأثيرها

وكل ما حنيت للغالي أجري ما دريت
والقوافي مثل برقٍ سرا تهجيرها

[المهاجر07]

لاتقولين ان قدرت وليتو اقدر
اللقاء مابيننا ماهو خطيه
الوصل في الحب يبقى هوه الاجدر
لو ظروف الوقت ياعمري قويه

#محمديات

[عــذبــة الـــروح]

عيني جفاها النوم والصوت مبحوح
والفكر في حضرت معاليك سارح.

[عــذبــة الـــروح]

يستفز الليل جرحي ، و أعذره
وأستعيذ من المدامع لجل انام
َ
ألتهي وأرجع .. بـ شوق آتذكّره
بـ الأماكن ، و الأغاني ، و الكلام
َ
ذكرياته .. بعثرتني / بعثره !
من تفارقنا .. وأنا ماني تماام

[عــذبــة الـــروح]

اضحك مع العالم وانا ضايق البال
امدح لهم حالي وانا خاطري شين

[عــذبــة الـــروح]

قطع أتصالك و آلوصل و المرآسيل
ماهو ب قاطع سيرتك في : خيآلي

[عــذبــة الـــروح]

الخاطر اللي عكر الوقت صافيه
لابد مايلقى الفرج من بعدها
.
لو بانت الضيقه على وجه راعيه
لابد تظهر بالملامح سعدها

[عــذبــة الـــروح]

أكرمت نفسي لو كسرنَي زمانـي
وسرقت من مرَ الأمـاني حلاها

وخذيَت في صّدر المكارم مكاني
وابعدت عن كذب النفَوس وغثاها.

[ياسر إبراهيم خليفه]

عندي قناعه ان ما فات فات
وما فينا نعود تانى لماضينا

الله يرحم قلب من الوفا مات
وظاهرنا ما يعلن عن خوافينا

[عــذبــة الـــروح]

يا الله بصدر وسيع وخاطر مستريح
وصبر من الله على ماجا من ايامنا

[حروف الغلا]

ماكل من يبعد به الوقت ناسيك
بعض البشر قدام عينك وينساك؟؟

فيني عتب ودموع عيني تناديك
تشوفني قدامك وانت عيونك هناك

[عــذبــة الـــروح]

الحين صرنا نلبس الصمت وننام ..
و بـ قلوبنا : ضجة حنين / وأماني.

[نوره التركي]

ليته يعـرف كيـف أغليـه وأبيــه
ربي طلبتك تحفظه وين ما راح

[عــذبــة الـــروح]

وإن قفّت الناس عنا ما لحقناها
ما نرخص النفس للي ما يقدّرها

[نوره التركي]

بينْ تقبِيلْ*(إلغيابْ)*وَ بينْ هزّات*(آلحنينْ)*
يرتعشْ حِسْ آلشمُوخْ وَ يحتِرقْ فيهْ*(إلولهْ)

وبِينْ تَوديعْ الأمآنيْ وَ أجملْ أحلامْ آل سنِينْ
أجوِبهْ بآتتْ*( مُحآلْ )*وَ أسئِلهْ في أسئِله

[عــذبــة الـــروح]

القناعة والرضا فالنصيب اللي يصيب
راحةٍ لـ الادمي فالبيان و فالخفى
ٰ
كل مخلوقٍ على الارض له حظ ونصيب
قالها الله في كتابه ، وهدي المُصطفى .

[عــذبــة الـــروح]

الصبر نعمه يالصدور المغاليق
والآدمي يصبر على كل ماجاه
.
ياصاحبي قبل الطموح التوافيق
وهذي هي الدنيا كفاح ومعاناه
.
تضحك تهوجس تبكي تحاتي تضيق
في كل حالاتك قل الحمد لله

[عــذبــة الـــروح]

يا ساكن القلب ما في القلب متسعٌ
لغير حبك أغلق بعدك البابا

مـاذا تظن بدار "أنت سيدها"
غدا لك النبض واﻷنفاس حُجَّابا

[عــذبــة الـــروح]

معذور فـ غيابك ليالي ولـكن
مالك عذر لا غبت في ليلة العيد

[عــذبــة الـــروح]

ياليت من يطري على البال ينشاف
وياليـت مـن نبغاه .. دايــم نشـوفه

[عــذبــة الـــروح]

هذا أنت ياللي.. مال حبّك نهايات
يستقبلك حاضر.. ويحضنك ماضي

في زحمة العالم.. لو تمر لحظات
كنّ المكان إللي تجي فيه.. فاضي

بس أنت من يجعل من الهم بسمات
يمرّك الزعلان.. ويروح راضي

[عــذبــة الـــروح]

مالي أرى فِي عُيونِ الناس عَيناهُ
مالي أرى حيثُ ما أمضي مُحياهُ؟
أإختار سَكنًا لهُ في وَسط أعيُنِهم
أم أصبح الخلقُ للمَعشوقِ أشباهُ؟
أحبهُ! ، بل احبُ كُل شئٍ بِهِ
أَحَببْتُ مِنْ حُبِّهِ حتىٌ خطايَاهُ"

[محمد سالم آل سعيّد]

وينك طال البعد وحالتي بالحيل لك مشتاقه

[عــذبــة الـــروح]

أَينَ الصَّباحُ ؟ فقلبِي بعد فُرقتِكُم
ليلٌ تَغشَّاه ، مَا فِي الكَون إِصباحُ.

[الشمالية]

ياونتي ونة مصاب بكورونا

[قبل الرحيل]

ياونة ونيتها من خوي الراس
من لاهب بالكبد مثل السعيرة

[ياسر إبراهيم خليفه]

الحب يا صاح ماهو مزوح وتسالي
الحب عقد امتلاك لقلبك وروحك