يا كل شاعر هات بيت

[غرمان بن عزيز]

بو محمد قال يا كل شاعر هات بيت
تحفظه الأجيال وإن قلت لك ماهو بلك
فأعرف إن الشايعه تسبق الرعد والهبوب
وأنا وإن قلت القصيده تزودك بدرجه
لأني أعرف منبع القافيه من كل حجري
وأنت ما ضيقت صدري ولا ريعبتني

[صدى شوقي]

اعجبني هذا البدع من شاعرنا الكبير
غرمان بن عزيز
فله ولكم نقول من العائدين الفائزين
ويبشر بالرد
ونقول

!!!
بن عزيز احنا بنينا في التنهات بيت
بيت بنوه من حجاره ترى ما هو بلك
له جدار محصن يا رفيقي وله بوب
ما بتطلع على سطحه الا بدرجه
واسمنا مكتوب في كل دمك و كل حجري
من يشاهد هامته قال في الريع ابتنى

!!!

هذه مشاركة مني حتى يعود شعراء الصفحة
ولك ولهم تقديري

!!
مرور بدون عودة من غير شر

[أبو ريان]

بدع ورد على مستوى عالي ..
صحيت يابن عزيز وصحيت يا صدى شوقي ..
لا عدمنا الروائع وأصحابها ..
تقديري ..

[الكعبية]

بن عزيز شاعر قدير يستحق الاشاده والمتابعه

ننتظر تفاعل الشعار

[سعيد عوض العمري]

صحت الالسنة بدع ورد رايعين بالفعل
و اتمنى من صدى الشوق العدول عن رايه
و اتحافنا بمشاراكته الجميلة فليس لنا
غنا عن مثله وشرواه...

دمتم في امان الله ورعايته

[الشيباني]

السلام عليكم
وكل عام وانتم بخير
البدع
ابو مشيب قال يا حضرة الشعار جيت
وانت يا غرمان شاعر ونعرف منهلك
شاعر متمكن ولك محبه في القلوب
غير هذا الليل يا ربعنا ودي احرجه
ودي اعلمك يا بو محمد وش بصدري
غير يا خوفي تعوّد تقول انشبتني

[غرمان بن عزيز]

مرحبا بالجميع ملايين ولا يكفون

صدى شوقي


ابو ريان


ام بدر


ابو فارس


ابو مشيب

[غرمان بن عزيز]

مرحبا بك يا بو مشيب وأستلم طال عمرك


مرحبا بك يا زميلي وفي الملفى رجيت
لأن طيبك يا إبن الأجواد بين من هلك
والله يحمينا ويحميك من شر القلوب
يوم بعض الناس علمه مثيل الدحرجه
وأنت هات العلم في وارد المعنى وصدري
والنشب ماهو بحاصل ولا شيبتني

[أبو ريان]

الله عليك يا الشيباني والله عليك يا بن عزيز ..
الله الله من كلام ومن قصيد ..
صحيتوا ولا تبخلوا علينا بهذا الإبداع ..
تقديري ..

[الشيباني]

تسلم يا ابو رياان

البدع
الله الله كم مع الناس قد بعت وشريت
ناجرٍ بطران ما فيك لا منحا وشك
غير والله ما نزكيك من كل العيوب
اعتبر هذا اللقا بيينا ياخوك حصري
ما يجي بيني وبينك عدا ولا افتني

[المهندســ]

متصفح من الوزن الثقيل
صحيتوا وعساكم ع القوة

[تراتيــــل]

صح السنتكم ملايين ..مبدعين وأكثررر
سنكون هنا متابعين لكم ..

[غرمان بن عزيز]

يا أبن عمي شفت راعي الوفاء واللاش ريت
والمراوغ طيحته في الدمار على وشك
وأنا ما عيّبت غيري ولا أحب العيَوب
والقضيه غامضه بين كتانٍ وحصري
دور المفتي يجينا بها ولا أفتني

[صدى شوقي]

رائعين ومبدعين
على القوة
جزالة في المعنى وقوة في المبنى

مستمتعين بما تجود به قريحتيكما من جزل الكلام

تقبلا تقديري واحترامي

[الشيباني]

البدع
يا رجال المنتدى يا هل منهاج وصيت
نادو الشعار واهل القصايد كمبليت
نادو الرادار ذا يرصد اللي في الفلك
وابن سالم خير من للقصايد قد حبك
والغراني ذا نعده كما درع الجنوب
وابو فارس لا رمى رميته دايم تصوب
عصر شعر الجاهلية ترا ما هو بعصري
وامرؤ القيس انتهى لافقير ولا غني

[غرمان بن عزيز]

يا زميلي كل شاعر وله سمعه وصيت
وأنا من كثر المشاوير حتماً كم بليت
لا تقول شفي مع من يجيب وشف لك
مرحبك يا خط فيه الوناسه مرحبك
وأنا عندي لك نصيحه وشعار الجنوب
لا تراعون البروق البعيده في النصوب
يوم شعّار الحضاره تعصر الهرج عصري
يلغي الشاعر وقد قال غيره لاغني

[الضآميــه]

الله الله
متصفح يستحق المتآبعه
وعسآكم ع القوووه
صح لسآن من ابدع ومن رد
آعذب تحيه لكم

[الرادار]

البدع
وصلنا صوت المنادي وفي الميدان جيت
شاعر لاما نويت انجح الكيه كويت
ما اتسمع من علوم الذي في العلم لك
قلتها واعلم اللي حبك واللي سبك
والحقيقة شمسها مالها وجهة غروب
مانتعذر لادعينا من اصحاب الوجوب
والسفينة فوق بحر الوفاء والطيب تجري
واصله مطلوب لأقصى والا ارسلها الدني

[الرادار]

""""""""""""

[أبو ريان]

الله الله ..
هذا هو الردار جاكم ووالله وستين نعم ..
فعلاً رادار وأباتشي بعد ..
عساكم على القوة ودام إمتاعكم ودمتوا قادة وفرسان للميدان ..
بانتظار الرابع ..
بس مجرد توقع أقول أكيد بيكون سعيد عوض والله أعلم ..
تقديري ..

[سعيد عوض العمري]

على راسي يا بو ريان تقول و تطول
واتشرف باخوة الرادار و مقابلة من
يريد من شعارنا الأعزاء


الرد=
مرحبا و نقول راع الرخامة لا نجيت=
من حدود البحر الاحمر و سلّم عالكويت=
وانا با وجّه قصيدي واقول العلم لك=
يالذي ينوي بشر لنا فابليس بك=
بيرك اللي ممحلة مالسواني والغروب=
مقطع ماها و شدّ العرب عنها وجوب=
وانحن اهل المنهل العذب والوديان تجري=
كل من يغرف و يشرب يجي ما هدّني=

[الرادار]

بــيـــرك الــلـــي مـمـحـلــة مـالـسـوانــي والــغـــروب
مـقـطـع مــاهــا و شــــدّ الــعــرب عـنـهــا وجــــوب
وانحن اهل المنهل العذب والوديان تجري
كــل مــن يـغــرف و يـشــرب يـجــي مـــا هـدّنــي


الله الله عليك يابو عوض

[أبو ريان]

استوت من كل صوب ..
الشكوى على الله ..
عز الله قوة في قوة في تميّز وحليل اللي ما حضر ولا شاف ..
عساكم على القوة يا فرسان الميدان ..
تقديري ..

[الشيباني]

حيا الله الجميع .
واسمحولي اغير القافيه ,,

البدع
مرحبا مرحبا يا من حضر
بعد طول انقطاع وابتعاد
رفقة البدو واصحاب الدقون
ما يجي بعدها غير المشاكل
لا استوى رميها وانبالها

[غرمان بن عزيز]

ياهلا والهلا جاء من حضر
والسوالف قديمه وبتعاد
سالفه في الشوارب والدقون
والذي ما تحزب وإن مشى كل
ينتبه للمحن وأنبأ لها