أنا بخير

[بسمةالكون]

أنا بخير ياللي جيت تسأل عساك بخير ..
ولا شي ينقصني سوى شوفة عيونك ..

على حطة إيدك .. مالك الحب والتفكير..
ولا أحب غيرك .. غير منهم يحبونك ..

وصدري لحبك .. مثل صدر السما للطير
تجول بصدري ..دام صدري غدى كونك

على خافقي رافع شعار .. الكبير كبير ..
ولو تجتمع كل البشر .. ما يساوونك ..

أحبك .. عساك تحس بالحب والتقصير ..
ذبحني غيابك .. لعنبو من يذمونك ..

أحبك .. عساك تعرف بإن الغلا تقدير ..
ذبحني برودك .. لعنبو من يلومونك ..

تبي تعرف إنك غير عندي .. وحسنك غير ؟
تلفت .. تشوف إن النسا ما يطيقونك ..

يغارون منك .. ودم قلبي عليك يغير ..
ولا عندك إلا : كيف حالك ؟ وشلونك ؟

آنا بخير ياللي جيت تسأل عساك بخير
ولا ينقص عيوني سوى شوفة عيونك ..

آنا بخير لكن دور لحالتي تفسير ..
ينادوني وأحس فيهم .. ينادونك ..

أحسك بداخل روحي وبالعروق تسير ..
والله يعلم كأنني صرت مجنونك ..

أحبك.. وأحبك حيل من يوم كنت صغير..
على كثر ما أحبك .. على كثر ما أصونك ..

من أربع سنين وصدري لسر حبك بير ..
وأخبيك في قلبي لجل ما يشوفونك ..

أحب الحكي عن زود حسنك وأعكس السير ..
أخاف أتكلم عن جمالك .. يعرفونك ..

تشوف الحمام يطير ؟ قلبي معاه يطير ..
إذا جيتني قبل اللقا تسحب ردونك ..

فديتك .. ترفق بس .. واللي تبيه يصير ..
ولو قلت: جيب الشمس ..بقول : لعيونك ..

بحاول ,, وإذا إني ما قدرت.. العفو يا أمير ..
ترى قدر حبك فوق طاقات مضنونك ..

ولو تعرف اللي لك بقلبي من التقدير
وربي بتحلف إن أهلك .. ما يحبونك ..





● ●

[عــذبــة الـــروح]

رووعه الابيات لاكن الختام أروع

ولو تعرف اللي لك بقلبي من التقدير
وربي بتحلف إن أهلك .. ما يحبونك ..

تسلم الأياادي
الله يعطيكِ العافيه

[شيخة بني عمرو]

اختياااااااار رااائع بسوومه
يســـــــلم ايدينكـِ غلاتي

[بسمةالكون]

يسلموووو حبيباتي
تقديري الكم

[سد الوادي]

بسمة الكون

اختيار موفق وراائع

تسلم الايادي
ولك تحيتي

[المسكت]

إختيار راقي وطرح جميل جداً
شكرا لك بسمة الكون ولاعدمنااك

إحترامي

[بسمةالكون]

سد الوادي
المسكت
هلافيكم والله يسعدكم
دمتم بود
تقديري الكم

[بن ظافر]

اختيار موفق لا خــلا ولا عــدم
تشوف الحمام يطير ؟ قلبي معاه يطير ..
إذا جيتني قبل اللقا تسحب ردونك ..

فديتك .. ترفق بس .. واللي تبيه يصير ..
ولو قلت: جيب الشمس ..بقول : لعيونك ..

بحاول ,, وإذا إني ما قدرت.. العفو يا أمير ..
ترى قدر حبك فوق طاقات مضنونك ..

ولو تعرف اللي لك بقلبي من التقدير
وربي بتحلف إن أهلك .. ما يحبونك ..

[حره ما تنقاد]

وصدري لحبك .. مثل صدر السما للطير
تجول بصدري ..دام صدري غدى كونك

على خافقي رافع شعار .. الكبير كبير ..
ولو تجتمع كل البشر .. ما يساوونك ..

وه وه يا بسمه كلمات رائعه بما تحمله من احاااسيس دمتي متئلقه يالغلا