كل شاعر يمثل قيف الا قبيلة ..

[المسمّى]

مشرف القسم شاعر له مقامٍ كبير ..
والشعاعير عندي وزنهم ما اختلف ..
كل شاعر يمثل قيف الا قبيلة ..
وبعضهم مايمثلنا ولا حن هله ..

[الشيباني]

االرد
اللذي يزرع البُر..ادعى ملك بير
صاحيِ ماهو ابغاوي ولا مختلف
مرحبا هيل والشاعر يقابل قبيله
اقدم وكل بحر ينعرف منهله

[الرادار]

البدع
يا سلام لكم واثني بعدها بخير
جيتكم لأجل اجدد عهدنا ما سلف
واسمحوني على الغيبة لمدة طويلة
واعذروني على التقصير ذا فـ الصلة

[سعيد عوض العمري]

الرد=
يالمسمّى مراحب راس مانته باخير=
وابن مشيب لفانا يقتضي ما سلف=
والوفي امبارك امن اهل الشيم و الطويله=
علمنا و صلكم و الشعر ذا فصّله=

[المسكت]

يعطيكم العافيه والله ولا اروع صراحه
واصلو ولا تحرمونا الاستمتاع
دمتم بكل سعاده

[المسمّى]

عذركم قابلينه ياوكيل ومدير ..
دامكم من رجالٍ ماتدور وتلف ..
قم وعوض غيابك دام فيك انت حيله ..
والجمايل نراها بـ اهلها مقبله ..

[أبو ريان]

الله الله ..
الله يعطيكم العافية ..
سرنا وجود الرائع المسمّى وعودة الرهيب الردار ..
أبو نايف وأبو مشيّب ما عليهم كلام ..
ممتعين ولكم متابعين وصحيتوا ولكم تقديري ..

[الشيباني]

الرد
الجبال الرواسي في لقانا مدير
الله كم شاعر خليت فيه التلف
المدير الذي قبلك تحيّل بحيله
والكلام الردي ياصاحبي ما اقبله

[الرادار]

البدع
ينشرح خاطري لا شفت عرضة وزير
صدقوني بليا حلف والاّ احلف
والذي قلت فيه انه من اهل الجميلة
مايفوت المعاني ذي تجي منك له

[سعيد عوض العمري]

الرد=
الله ياكم تحمّل غاربَك مالوزير=
شفت زولي لبعض الناس لو .لاح .لفّ=
خايفٍ كم وياكم كم منَه رجّ . ميله=
وانشدوا عن مطبّ القايلة من ..كلَه ؟=

[المسمّى]

لا توصي شجيعٍ في اللقى وص غير ..
والمعاني سمانٍ لكل بيتٍ هدف ..
وكل فارس في الميدان يبدي بخيله ..
كب عنك المدايح والجمل عقّله ..

[الشيباني]

الرد
افترست الكبير امن العرب والصغير
وانتصرنا على الغاوي وجبنا الهدف
والنفوس الكريمه ما تحب البخيله
كيف انا افهّم المجنون واعقله

[الرادار]

البدع
ما حسبنا قليل ولا حسبنا كثير
لد عينك وركز يا المسمّى وشف
صاحب المعرفة عند اللقاء بث قيله
كان في خاطرك شيءٍ وعلمٍ قله

[سعيد عوض العمري]

الرد=
مدبرٍ في المعاركْ والغبَر منْك ثير=
وانا ما عاد لي في الطرد رغبه و شفّ=
و الدميّ الخفيفة ما تحب الثقيله =
لا تحدّ النشاما شيل عالمنقله=

[أبو ريان]

ما أروعكم رغم صعوبة القافية ..
دمتم وفقك الله ..

[المسمّى]

والله اني على ماقيل راعي ضمير ..
والعساكر على الرادار دون الملف ..
مانبي نخطي الليلة وفي كل ليلة ..
وان تعليت .. شعري يعتلي منزلة ..

[الشيباني]

الرد
و الله ان نخلكم ياثنين راعي ضمير
لاتخليني احقق واجيب الملف
سيفنا في المعارك ينعرف من وليله
لا تقابلت انا واياك في منزله

[أبو ريان]

الله الله من كلام ومن معاني ..
قمة الروائع بالمحاورة نستمتع بها ..
نلاحظ غموض وقد يكون تقصير بفهمنا نحن ولكن الشكل العام قوي جداً ..
وهذا يدل على وجود شعار لهم كلمة وحل وربط ..
عساكم على القوة ولكم تقديري ..

[الرادار]

البدع
انت ماشي ولكن في طريقٍ خطير
ودي اوصّفه لكن ماله وصف
يمكن احملك حملٍ كثيرٍ تشيلة
والاّ خذ ثوبك اللي تلبسه بسفله

[سعيد عوض العمري]

الرد=
مانت باول ولا اخر كمْ في الفخّ طير=
لو تكرّمت قدّم في القواطر و صفّ=
وجهك اللي نزيه اللون لو قلت شيله=
والكلام الذي ترميه انا بسْفله=

[المسمّى]

والله اني ليا من قلت لابه يصير ..
والذي وسط حصنه يرمي امن الشعف ..
خبره يابن مشيب ماندور بديله ..
والله اني لاصيبه رمي في مقتله ..

[الشيباني]

الرد
يا مطوع بريده وش يكون المصير
عف دقنك عن التزوير والغش عف
مملك وشاعرٍ لكن ما ينبدي له
حتى لو كنت جاريته ونشّقت له

[الرادار]

الرد
انت ترمي ولكن من محلٍ عسير
واضحٍ منه ماتقدر تصيب الهدف
لكن اسمع كلامي ولاتوشي الفتيلة
لن راعي السلاح ايطيح في مشكلة

[المهندســ]

نجوم .. نجوم .. نجوم
قمة الابداع والاثارة
قواكم الله

واعتذر للمقاطعة

[سعيد عوض العمري]

الرد=
كان تبغى مواصيلى فسر كعّ سير=
من علوم الردى يا خوك ندري الهدف=
يالذي يفتل و يتعب و ينَقَض فتيله=
شاطر ٍو الهياط الله يا مااشكله=

[المسمّى]

احسبك عنتر القيفان والا جرير ..
يا جمل ليه تهدر يوم شفت العلف ..؟
وليه بعض الخلايق قام يلعب بذيله ..؟
المواقف تبين عارفٍ واجهله ..

[الشيباني]

الرد
جرّتك خطوتك صوب المخاطر جرير
كان لفّيت عنها يالمطيويع لف
دام خصمي غشيم ما درى باللذي له
قد نويت اشطبه مالقايمه واجهله

[الرادار]

المعذرة بعيد عن الاتصال
البدع
اثر دربك طويل واحسب انه قصير
وانا كنت احشمك واجاملك لﻷسف
لكن اليوم مالك يا المسمى وسيلة
لن عندي مفاتيح لكم وقفله

[سعيد عوض العمري]

الرد=
ما سفلنا الصديق و ما غدرنا القصير=
يالذي من ثرى الاخطا تغطّى و سفّ=
لكن اصبر لزخّ الحق جا لك و سيله =
مقدمك يغسله و اليا خلص فاقف ..له=

[المسمّى]

جعلكم سالمين وجعلكم في وجود ..
قصدنا نمزح امع اهل الوفاء والسعود ..
يا "مبارك" مبارك في الشعر والعلوم ..
جمل الله حالك وانت من روس قوم ..
ويا "سعيد" الوفي ماكل رجلٍ سعيد ..
والله اللي حماكم من رديّة و كيد ..
و"ابن مشيب" حزامٍ ف اللقى لي حزام ..
اتنومس بخوت شاعرٍ ما يظام ..
بارك الله فيكم يا شعاعير ربعي ..
من حدودك يا حرفة لين وادي شري ..


بستلف بيت من شاعر كريمٍ وجود ..
"كل ماعاش عودٍ راويٍ يبس عود" ..
الشعر للعرب ديوان بين العلوم ..
فيه عز ومهابه وفيه شر وسقوم ..
انشدو "الاكلبي" والا "الذيابي سعيد" ..
كب علم الحثالة .. جاك علمٍ وكيد ..
والشعر له حدودٍ في طريقٍ حزام ..
من تعداه ما حن نكفله بالنظام ..
والله ما كل من جاء بحرنا به يربعي ..
وفوق روس النوايف بيرق و ناشري ..

سبحانك اللهم وبحمدك .. اشهد أن لا اله الا انت وحدك لا شريك لك .. وان محمد عبدك ورسولك ..

[الشيباني]

صح لسانك يالمسمى ..
وكان ودي نستمر شوي عشان اطلع شي بقلبي على بو فاارس
عالعموم بيض الله وجهك ووجيه الاخوان سعيد بن عوض والرادار
..وان شاء الله نلتقى على خير وفي محاورات قادمة ( فانه ماعاد الا حن يا اربعه )..خلونا نضل نتقابل ونتقاصد

[أبو ريان]

بيض الله وجيهكم جميعاً ..
أمتعتونا وقدمتوا محاورة من أجمل ما يكون ..
تسلمون وجعلكم على دروب الوفاء دائماً وبصراحة هذه المحاورة من أجمل وأرقى المحاورات ..
صحيتوا ولا هنتوا ولكم تقديري ..

[سعيد عوض العمري]

وو جهك أبيض يا بو ريان

شاكرا للأخوان على طيب مشاركتهم
وأخص بالشكر المسمّى فهو صاحب
المتصفح والقارعة

و الشكر موصول إلى كل من تابعنا

مرورا او تعليقا ,,

واقول للشيباني الزمان بيننا وما فاتكم
اليوم تدركونه غدا ,,

دمتم في رعاية الله جميعا

وإلى الملتقى ,,

[سيد الموقف]

ياسلام والله روعه واسماء لها وزنها

تحياتي المسمّى انا مشجع خاص لك
بالتوفيق للجميع

[جاسر الغراني]

بيّض الله وجيهكم


محاورة على مستوى عالي ، وشعراء وزن ثقيل
أهنئكم بهذا المستوى

ما شاء الله



المسمّى - الشيباني * الرادار - أبو نايف

صحت الألسن و عاشت الروس