آل سعود

[فيصل سعد]

بسم الله الرحمن الرحيم







بسم الذي نبدا بذكره فالكلام
يالله تجملني بعلم الطايله

مجيرنا ومعزنا يوم الزحام
يوم ان كل اجره بسعيه نايله

واليوم وانا والله وتالله وبالحرام
اني بوقتن زايده هوايله

ثمانين عام ونارد بورد الحيام
على الوعد والعهد كلن شايله

عزيتنا يالله بعيال الامام
بوقتن حظوظه في جواري مايله

ديرة هل العوجا تعمر للامام
والغادر الحاسد بلاده زايله

حنا فدا ال سعود في حرب وسلام
جدي وابي قبلي دميهم سايله

بايعتكم والحر مايثني الكلام
واللي خلف رد الكلام لقايله

عمار بيت وداعين السلام
واهل العقول الراشده والهايله

واهل العدل والرشد والسيف الحسام
يوم ان راعي الكيل خان بكايله

انتوا ليا ظلل على الحاسد غمام
برقن لمع كل العباد تخايله

وان ثورت حن للولي درع وحزام
وحنا معاهم صايلين وجايله

ويالله ديم العز وامنك والسلام
فان النعم والخير بامرك زايله

وسلامتكم......

[الكعبية]

صح لسانك واعتلا شانك

ويستاهلون آل ســـعــــود الفدا

تقديري وعظيم إمتناني

[الأشقـــر]

صح لسانك

والله يوفق ال سعود لما ينفع البلاد والعباد

لك تقديري

[ابو زياااد2009]

http://img509.imageshack.us/img509/5552/51dp5.gif



http://img227.imageshack.us/img227/5323/61fq1.gif

[ابوفهد العمري]

الله يحفظ الطيبين منهم ويكفينا شر الاشرار .
صح لسانك كلمات من صادق وفي .

[ظافر ال عثمان]

وفيت وكفيت بيض الله فالك وعلى شأنك كلمات رائعة
ومعاني سامية وال سعود ابقاهم الله ذخرا لبلادهم
وسدد على طريق الخير خطاهم لهم من الكل الولاء
والسمع والطاعة فى غير معصية الله
ولك انت ابلغ الشكر والتقدير لاهنت

تحياااااااااااااتي

[حفيد الملوك]

ويالله ديم العز وامنك والسلام
فان النعم والخير بامرك زايله

آلله يديم علينآ آلآمن وآلآمآن وآلآستقرآر , ويعز آمتنآ وينصرهآ ,,
سلمت ولآ هنت , تقديري لكـ ..