تسجيل الدخول

مشاهدة النسخة كاملة : قصيده شاب يخطب بنت عمه المليونير ..


حفيد الملوك
07-07-2012, 05:11 AM
سبحان من يرزق بتوع الملاييـن------------------
------------------ الرازق اللي ما يخيب الرجـا بـه

لي عم عنده معـرضٍ للصواليـن-------------------
-------------------أموت واعرف بس من وين جابـه

وإذا سألته قـال بعـت الدكاكيـن--------------------
------------------ما يدري إني ما هضمت الإجابـه

الشاهد إني رحت له قبـل يوميـن -------------------
---------------------في قصره العامـر ودقيـت بابـه

قال ارحب ارحب عدّ ورد البساتين ----------------
---------------------يا مرحبا باللـي لفـا يـا هلابـه

قلت البقا عـدّ النفـل والرياحيـن--------------------
-----------------يا شيخ شمل اهل الكرم والذرابـه

قال اسلم الله يحفظك لي من العين -----------------
-----------------وآمر أوامر حضرتـك مستجابـه

قلت الصراحة طالبٍ قرب غاليـن------------------
-------------------ودي تزوجنـي كريمتـك يـابـه

ثنّى وقال اهليـن والله وسهليـن -------------------
----------------والكون ترخص لجل عينك رقابـه

لكن ترا عندي شـروط وقوانيـن------------------
----------------قلت اشرط اشرط يا حبيب الغلابـه

قال أولاً مهر العروسـة ثمانيـن------------------
----------------غير الرسوم وغير حق العصابـه

والثانية عمك يبي منـك سبعيـن------------------
------------------رسم الأبـوّة والنسـب والقرابـه

وام العروسة حقها منـك ستيـن ------------------
-----------------عشانها ست الحسـن والمهابـه

واخوانها كلن يبي منـك خمسيـن-----------------
------------------عداً ونقـداً تنـدرج فـي حسابـه

وخواتها الخمس اعطهن من ثلاثين--------------
-----------------عشان تتوثـق عـروق النسابـه

وتجيب طقم عيار واحد وعشريـن ---------------
---------------وخاتم من الماس المصفى ترابـه

واكياس متروسة كعوب وفساتيـن---------------
-----------------ألوانهـا واشكالهـا مـا تشابـه

وموتر بسواقـه وفيـلا بدوريـن ------------------
------------------أثاثهـا مـن بطرتـه ينحكـابـه

واحجز لنا قاعة بقصر السلاطيـن---------------
---------------واحجز بهـا رقاصتيـن وربابـه

وامنع دخول اهل اللحى والبزارين--------------
----------------واعزم أميـر المنطقـة بالنيابـه

هذي الشروط اللي على بالي الحين--------------
---------------وذكرني اللي ما حسبنـا حسابـه

قلت اذكر الله يا عـدو المساكيـن----------------
------------------واستغفـره لا يبتلـيـك بعـذابـه

الظاهر إنك منت عارف أنا ميـن -----------------
----------------أنا لو ارقا فـوق متـن السحابـه

ما جبت حتى نص درزن مواعيـن----------------
--------------واضحك بكيفك واعتبرهـا دعابـه

شروطكم هذي شـروط المجانيـن-----------------
---------------شروطكم شغـل ابتـزاز ونهابـه

شروطكم تقصم ظهـور البعاريـن-----------------
-----------------شروطكـم همّـن وغـم وكآبـه

شروطكم والله سيوف وسكاكيـن----------------
--------------تذبح بنات المجتمع مـع شبابـه

وين الرضا والعطف واليسر واللين--------------
----------------اللي ذكرهـا الله بمحكـم كتابـه

وين الصفات اللي أمرنا بها الديـن ---------------
------------ وين اختفى نهج النبي والصحابـه

يا عم جعل اللي خلقنا من الطيـن----------------
----------------يرد عقلك مـن خطـاه لصوابـه

ويجعل نصيبي عند غيرك قل آمين---------------
------------ويحسن عزا الصابر ويجزل ثوابه

قال انت لو فكرت تفكير صاحيـن ----------------
-------------ما شفت في مجمل شروطي غرابه

حنا بعصـر العولمـة والمزاييـن ------------------
------------ ماهوب عصر الفلسفة والخطابـه

الناس تسعى للرتـب والنياشيـن-----------------
---------------وانت اهتمامك بالشعـر والكتابـه

والشعر ما ينفعك لو هو دواويـن ---------------
----------------ما دام جيبك مثـل بيـت الخرابـه

يا بوك لا تسمع كلام المصاخيـن---------------
------------واسأل مجرب عاش في وسط غابه

قلت الله اكبر يا محـرر فلسطيـن -----------------
--------------من يسمعك يحسبك ذيـب الذيابـه

تراك شايب راس مالـك رياليـن -----------------
------------- والبنت ما تسوى جنـاح الذبابـه

قال انقلع مالت على وجهك الشين---------------
----------------لا عاد اشوفـك عندنـا يالزلابـه

قلت ابشر ابشر لكن الباب من وين---------------
-------------واقفيت من عنده على صوت بابـه

^
منقول

ابو سيف العمري
07-07-2012, 11:47 AM
أشهد وأن لا إله إلا الله ...... يعني يبغالة يوقف على مضيق هرمز ويبيع ناقلة بترول على شان يتزوج ذا المكلف هههههههه

يعطيك العافية على النقل المميز

عــذبــة الـــروح
07-07-2012, 06:45 PM
إختيار رائع
سلمت يداك
الله يعطيك العافيه

ابو زياااد2009
07-07-2012, 08:05 PM
اختيار رائع

تسلم الايادي

مودتي

سد الوادي
07-07-2012, 11:43 PM
قلت الله اكبر يا محـرر فلسطيـن -----------------
--------------من يسمعك يحسبك ذيـب الذيابـه

تراك شايب راس مالـك رياليـن -----------------
------------- والبنت ما تسوى جنـاح الذبابـه

كلام كلام

سلمت الايادي

حفيد الملوك

ولك تحيتي

حفيد الملوك
07-08-2012, 04:47 AM
حيآكم آلله ,,
مروركم هو من آضآف للقصيده لمعآن وبريق ولون مميز ,,
تحيآتي لكم..

أيهم..
07-09-2012, 01:20 AM
خربها آخر القصيد
ماكان جرب معه تأجير منتهي بالتمليك:S_057:
لاحول ولاقوة الابالله

يعطيك العافية حفيد الملوك

حفيد الملوك
07-09-2012, 02:48 AM
خربها آخر القصيد
ماكان جرب معه تأجير منتهي بالتمليك:S_057:
لاحول ولاقوة الابالله

يعطيك العافية حفيد الملوك

آذآ جيت رآيح كثر آلفضآيح ,
شروطه شبه مستحيله وتكسر آلظهر ,,يروح يخطب غيرهآ مآوقفت آلدنيآ على بنت عمه آللي مآتسوى جنآح ذبآبه على قولته ,,

يسعدكـ ربي ويعآفيكـ ..