ما عرفتـوا ليـه تسهرنـي فعولـه!!!

[ابوصاهودالعمري]

ما سألتوا صاحب النظرة الخجولـة
كيف يسهرني وله وجـهٍ صبـوح

كيف يظلمني وله طهـر الطفولـة
كيف يسكنّي وهو دايـم يـروح

وكيف أنا ألقى ربيعه فـي فصولـه
دام كذبه صادق وصدقـه مـزوح

له صفاتٍ تورد العاشـق ذهولـه
مستكين و صامت وكلـه جمـوح

أصعب الأشياء و أكثرها سهولـة
أغمض الأشياء و أكثرها وضـوح

سهل تغرم به وصعب انـك تنولـه
غامض فـطبعه و واضح في الجروح

أسعد بشوفه ولكـن مـا أطولـه
كنّي الوادي وهو أعلى السفـوح

يبتسم لا منهم عنّـي حكـوا لـه
ولا حكوا لي عنه أعماقـي تنـوح

لي بقلبه شـي لكـن مـا يقولـه
وله بقلبـي كـلّ لكنّـي أبـوح

كنّه الغيمة و انا أرجـي هطولـه
ما نـزل غيثـه ولا برقـه يلـوح

ما عرفتـوا ليـه تسهرنـي فعولـه
وليه يسكنّي وهـو دايـم يـروح

هو يبيني بـسّ أطباعـه خجولـه
وما يبي أغفى وهو وجهه صبـوح


؛؛


:

[المسكت]

راقي ابو صاهود وإختيار راائع
سلمت ودمت ولاعدمناك
إحترامي

[ابوصاهودالعمري]

هلا وغلا بالغالي
شرفني مرورك لاهنت
ولك احترامي

[عــذبــة الـــروح]

إختيار رائع
سلمت يداك
الله يعطيك العافيه؛

[بن ظافر]

اختيار موفق الله يعطيك العافية

كنّه الغيمة و انا أرجـي هطولـه
ما نـزل غيثـه ولا برقـه يلـوح


ما عرفتـوا ليـه تسهرنـي فعولـه
وليه يسكنّي وهـو دايـم يـروح


هو يبيني بـسّ أطباعـه خجولـه
وما يبي أغفى وهو وجهه صبـوح

[تراتيــــل]

ذائقه جميله وانيقه
سلمت الايادي ولاخلا ولاعدم..