حديث الرووووووووووووووووح

[بدر الشمري]

كل انسان يتحدث مع الاخرين بشتى المواضيع، الاحاسيس... الامال... الطموح...

الماضي ... بشكل غير مباشر ربما،

ولكن عندما يخلو مع الروح ويستعرض ما جرى له في يومه وكانه شريط سينمائي وهو المتفرج،

يقيم ما جرى من احداث واحاديث مع الاصدقاء... التجارب...الخ
"
قد يكون الحديث سلبي او ايجابي.
"
هنا ســــ يكون حديثي لروحي
كما أردته
هنا ســ اكون

[بدر الشمري]

انكانها هانت على الناس الاسرار=انا دفنت اسرار روحي بروحي
اخفيت من جور الزمن كل ماصار=تنزف جروحي واعتني في جروحي
واقول ياسير الزمن يوم تندار=اذكر وقدر صابرٍ مايبوحي
ياما سقيته من بلاويك الامرار=لا درب سمح ولا زمانه سموحي



بقلم
.
.
.
بدر

[بدر الشمري]

علـى مكانـه كـل مـا مربـي فـال=لو ما اليديـن تسلـم القلـب سلّـم
ولله قسيتي يالليالي علـى الحـال=شوفي قساك بحاجر العين علّـم
شحت مواصيل الغلا والرجـا طـال=ورقيت برج الوجد مـن غيـر سلّـم
كم صحتن من نومتي ضيقة البال=وشحيلتـي لمـن اشتكـي وتكلّـم


بقلم
.
.
.
بدر

[بدر الشمري]

يقول شكسبير:

اننا بحاجه للخلافات احياناً

لمعرفة مايخفيه الآخرون في قلوبهم

قد تجد مايجعلك في ذهول

وقد تجد ماتنحني له احتراماً...

مع انني لا انساق خلف الكثير من حكمه الا هذه تلك اعجبتني

وأضفتها هنا

[بدر الشمري]

خيرتنـي بيـن انظـلامـي وفـرقـاك=واخـتـرت فـرقــا مـــاوراه التـفـاتـه
مابغـى تذكـر بـس واجـد خطايـاك=احسن خلود الذاكـره فـي سباتـه
تلقـا خـطـا واحــد عـلـي اتـحـداك=كل(ن)يعرف اللي جرى في حياته
ياما بحـق النفـس قصـرت لرضـاك=ارجــع لقلـبـك وسـئـلـه ذكـريـاتـه
اجلس لحالـك وفتـح كتـاب ذكـراك=شـــف آخــــر الايــــام وتقـلـبـاتـه
آسـف قصـدت تقلباتـك وممشـاك=اللّي بخمـس ايـام سـوت سواتـه



يقلم
.
.
.
بدر

[بدر الشمري]

http://im15.gulfup.com/2012-04-19/1334784131181.jpg (http://www.gulfup.com/show/X1n9iwcwuyq6)




رحت اتمشى في فجوج الغلا شـــوي=وسئل شجرها ليش يبست غـصـونه
جلست بــه حتى علي اغرب الضــي=وطفى صخب روحي بصامت سـكونه
مــدري فـقـدلــه مـي والا فــقــد فــي=والا فــقـد حـنــان مـن يــحــضـنــونــه
ان كنت باقي حي ماشفت لي حـي=مــبــطــي يـنــاديـنـي وانا اطيح دونه
الــعــام حسيت أن في خــاطره شي=الـصــوت والـي درهـمـن مـن عـيـونه
طــوت مـقــاديــر الــزمـن وصـلنـا طي=ارســل مــراسـيــلـي والا يـوصـلـونـه
راع الــهـوا لــو الــغــــلا كـــاويــه كــي=الا تــحــده عــن مــنـــامــه شجـونــه
مــــاكــنــه الا ضــامــيٍ فـــاقــدٍ مــي=فــي صــحــصـــحٍ زامي سرابه يخونـه


بقلم
.
.
.
بدر

[بدر الشمري]

نثرت ورد الفرح خلفي وقدامي

http://im26.gulfup.com/2012-04-19/1334786971641.png (http://www.gulfup.com/show/X6ldr9heek86k)


قبل امس ومس ومعاه اليوم يالغالي=كــلـــه تــشـــابــه بـقربـك زحمة ايامي
الـعــام الاول يشــابــه عـامنـا التالي=نــثــرت ورد الــفـــرح خـــلـفـي وقدامي
دايـــم وسـسـتـم غلانا لمبره عالي=في ملعب العشق غرّد صدقنا السامي
انـــام وصـحـا وانـا طـاريـك في بالي=اجـيــك ضــامـي واروح بـلـهـفتـي ضامي
من كــثـر مـاصرت واثق فيك مابالي=شفني مـتـرجـم خـفايــا الروح باقلامي
من شافني ظن قلبي من الغلا خالي=وانــا من الخوف الـدهدم جرحي الدامي

بقلم
.
.
.
بدر

[المهندســ]

لله دركـ ايها البـــدر
بدر الشمري ,, تسلم روحكـ ودام حديثكـ
حديث روح يفوح مسكاً بجمال مافيه من الابداع


لن اشوه موضوعكـ مرة اخرى باي مشاركة
بل ســاتعاوده للاستمتاع فقط ولتكن انت .. بدر المنتدى
لكـ تقديري

[بدر الشمري]

اللّي مرضتنا طيحته وقتها مرض
"
http://im27.gulfup.com/2012-04-19/1334787862521.jpg (http://www.gulfup.com/show/Xqcby8rhkjw0o0)
ليتك بقيت للمد الفارسي سداً حصينا
لتوضيح ان ما احزننا من طاحو من الحكام الا هذا
البطل
"

نجوم(ن)تهاوت من سماهـا علـى الارض=وده بـحـضـن الــكــون والــكــون عــيّــا
كــم طـوّلـت تـلـف بـالـطـول والـعــرض=تـطــوي غـيـاهـب ظـلـمـة الـكــون طـيّــا
مـاتـدري ان الـمـوت مــن ربـهـا فــرض=غـــــرّه مـفــاخَــر جــديَــهــا والــثــريّــا
الـلّـي مرضتـنـا طيحـتـه وقتـهـا مـــرض=حَـزَنــن لـــه الشـطـيـن طــلــق الـمـحـيّـا
ومن حزَن من غيره نقول استرح وارض=الــشـــام بـــــه طــاغـــوت لازم تـهــيّــا
الله يـاعــلّ سـلالـتـه تـنـقــرض قــــرض=ولا يتـبـقـى لــــه عــلــى الارض حــيّــا
مدعوم من طهـران ومحرض(ن)حـرض=مسـقـيـنـه الــديــن الـمـجـوســي سـقــيّــا
والرافضـي شيـن النوايـا دخــل عــرض=جـهّــز كــــلاب الــحــزب درب وهــيّــا


بقلم
.
.
.
بدر

[بدر الشمري]

لله دركـ ايها البـــدر
بدر الشمري ,, تسلم روحكـ ودام حديثكـ
حديث روح يفوح مسكاً بجمال مافيه من الابداع


لن اشوه موضوعكـ مرة اخرى باي مشاركة
بل ســاتعاوده للاستمتاع فقط ولتكن انت .. بدر المنتدى
لكـ تقديري

لا ياغالي المهندس

بالعكس اسعد في تواجد قامه من قامات المنتدى بدون قصور في الاحبه

كلهم نورت صفحتي ويسعدني مرورك الراقي ومرحبابك

لك مني ازكى التحايا والاحترام

[بدر الشمري]

أضيع بين الرمش وسهاب عينك=مثـل الطـفـل لاضـيـع امّــه بحفـلـه
طـوّل يصيـح وهـي تنـاديـه ويـنـك=فيه الشغف يرجف وهي ترتجفلـه
وصف الشعور اليوم بيني وبينك=ضـابـط تفـاجـئ بالعـلـم ونعطفـلـه
كـنّ الأسـاور مغـرمـه فــي يديـنـك=من النحف كنّ يدينك يدين طفله
عطني حبيبي تـاج راسـي يمينـك=خــلاص نـجــل عـيـونـك ابعتـرفـلـه
خـل يتـدلّـل شــوف عيـنـي بزيـنـك=قـبـل يـسـكـر حـاجــز الـبـعـد قـفـلـه
اوضح كنيني وانت وضـح كنينـك=ومـن رافلـك ياسيـد الحـسـن رفـلـه
حسّ المشاعر مع لطافـة حنينـك=وادي جــمـــال وقـمّــتــي تـنـجـرفـلـه
منك العـذر كنـت بغـلاك استبينـك=واليوم قلبي يطلب الصفـح شفلـه


بقلم
.
.
.
بدر

[بدر الشمري]

http://im9.gulfup.com/2012-04-20/1334875509941.png (http://www.gulfup.com/show/X8wms4tr6oqw400)


للـورد يــافتـّح بـعــد سـقيـَـه الـقطـف=قـبـل يــذوّي في غضيضة سمـومــه
يــاللّـي جمعت الـزين والـثقـل واللطف=وعكش الرموش المجرمه في سهومه
أن ســلـهمـن ظنيت بغضايهن عـطـف=وان ركــزن نـفـســي تــردت اعـزومــه
خطفت قلبٍ مقفي اعن الهوى خطف=وعــرضـتـبـه لـلايم الـلـّـي يـلومـه
يــاعود راكــن يـنـعـطـف للهـوى عطف=بـيـن الـخــشـون ولين عوده خصومـــه


بقلم
.
.
.
بدر

[بدر الشمري]

غرتني الدمعه

http://im24.gulfup.com/2012-04-21/1335001449391.jpg (http://www.gulfup.com/show/Xqsjuc2835zk8c)



وين أنت ياللّي رحلت وطوّل غيابك=علّقتني في غلاك وطالت الغيبه
غرّتني الدمعه اللّي بلّت اهدابك=ماني متوقع يجي للوصل تغريبه
ياليت ذاك اللقا للقلب ماجابك=وشفيك ماجبت لي يالوقت تقفيبه
ياوقت ذي سبّتي والاّ من اسبابك=والاّ من اسباب كثر الصدق والطيبه
ياوصل ماتسقي العطشان في بابك=يمّك تجيبه مقاديره وترميبه
يا افراق لي غالين قفّت به ركابك=بعده يديني على قلبي تهدّيبه
الشوق والضيق من فرقاه متشابك=مع ذكرياتٍ تركها ويش اسوّيبه
ان قلت للقلب هذا باقي احبابك=بالعكس صارت سبب ذبحه وتعذيبه
ياللّي رحلت وتركت القلب يشقابك=ماخالجك ذنب حبي وانت تدريبه
ماودّي اقسى وانا تجهلني اسبابك=مازلت طيّب وقلبي طيبته عيبه
لو كنت ميّت نصيت القبر وترابك=اونّسك وارجع لنفسي واعزّيبه
وين انت ياللّي رحلت وطوّل غيابك=علّقتني في غلاك وطالت الغيبه

بقلم
.
.
.
بدر

[بدر الشمري]

أنـــا حـروفــي يــــوم يـكـتــب قـلـمـهـن=أجـيـلـهـن دافـعـنــي الــشــوق هــــاوي
أصـوغـهـن واجيـبـهـن مـــن عـدمـهـن=حــتــى يـصـيــرن الــــدواء والــمـــداوي
يــوم يتـضـايـق خـاطــري وأستلـمـهـن=ألـجـي لـهـن مـثـل الدخـيـل الـجـلاوي
حـتـى يـرفـرف فــي مـزاجــي علـمـهـن=ويصبـح بهـن عقـب التكـدر ســلاوي
فــي ملـعـبـي وأبـيـاتـي أنـــا حكـمـهـن=ان قــام فــي شـعـره بعضـهـم يـــلاوي
يـلــعــن بــيـــوتٍ مـبـتـديـهـن ثـلـمـهــن=ســوالـــف الـســكــران بــافـــمٍ رخـــــاوي
لـمـلـم خرابـيـطـه وعــجــز يحـشـمـهـن=مــايـــدري أنـــــه بـــيـــن نـــاقـــد وراوي
الله يــاهــجــوس تـــراكـــم عـســمــهــن=ساقن على القلب الصبور الخطاوي
طــوّل يصـارعـهـن وعـجــز يهـزمـهـن=واصبـح لهـن عقـب العـداوه مـخـاوي
حـنــا الـبــلاوي ذوق ذقـنــا طـعـمـهـن=وراحن مثل طعم الخلاص الحساوي
قشعـت مـن صـدري بقـايـا مخيمـهـن=وعـرضـتـهـن بــــلاش لأول شــقـــاوي
رجّـعــت ماضـيّـعـت مـــن مستـلـمـهـن=وبنـيـت صــرحٍ مـــن بـطــاه مـتـهـاوي
عــواطــفــن زل الـــزمــــان بـقــدمــهــن=عـــيّـــت لـيـالـيـهــن والايــــــام تــــــاوي
راحــــن وجــــن المـقـفـيـات بـكـرمـهــن=عوالهـن فـي عسـعـس اللـيـل عــاوي

بقلم
.
.
.
بدر

[بدر الشمري]

http://im18.gulfup.com/2012-04-26/1335423421191.jpg (http://www.gulfup.com/show/X290rabbs64kks)
.
.


عشـردقـايـق قـاسـيــه للمـحـبـيـن=قبل الغياب بميلت الشمـس لغـروب
فيها الهواجس تقسـم القلـب قسميـن=كنّه على جمرٍ من السمر مشبوب
من الراس ينـزل حـزن الايـام للعيـن=وتسهبه الونه على لحـون مسحـوب

بقلم
.
.
.
بدر

[بدر الشمري]

من ارشيفي
"
"


اول لــقــانـــا الـــعــــام بـــــــول يــنــايـــر=وهـــــذا يـنــايــر لارســـالـــه ولاصــــــوت
الــشــوق مـحـرقـنـي ولازلـــــت حــايـــر=وانــا احسبـنـي يـــوم الاقـيــك مـبـخـوت
الـصـبـر طــــال وشــــوق غـالـيــك ثــايــر=قلبتـهـا فـــي غيـبـتـك حـــزن وسـكــوت
ان شـفـت قلـب(ن)لـه جنـاحـيـن طـايــر=تـــــراه قــلــبــي لايــتــعــداك ويـــفـــوت
خــــذا مــــن عـيـونــي مــعــاه الـعـبـايــر=يسقـيـبـهـا ورد الـلـقــا قــبــل لايــمـــوت
بــس ازهـمـه ويجـيـك لـــو كـنــت جـايــر=يـابــو شـفـايـا يـغــار مـــن لـونــه الـتــوت
وشرحـلـه الـلّـي طــول هالـوقـت صـايــر=وسـمـع مـنـه آهــات صــدري لــك بـيـوت
مـازلــت اداري فــــي غـيـابــك واســايــر=مواجع(ن)منـهـا اصـبـح الـحـيـل مـفـتـوت
حـنــيّــة عـيــونــك عـطـتــنــي بــشــايــر=وشــيّــع غـيـابــك فـرحـتـيـبـك بـتــابــوت
دارت عـــلــــى سـعـادتـيــبــك دوايــــــــر=والـوصـل حبـلـه عـقـب ماشـتـدّ مفـلـوت
ذكــرى عـجـزت اســـدل علـيـهـا سـتـايـر=بَـقْـيَـة كـمــا نـقــش بجـرانـيـت مـنـحـوت
كــســـر الـخــواطــر مـاتـفـيــده جـبــايــر=بـيـن الحبـايـب قـاطـع الـوصــل مـمـقـوت
مــاتـــدري ان الـعــهــد نـقــضــه كـبــايــر=يسبى المشاعر لين تشرف على الموت
جـرحـتـنـي واقـفـيــت والــجـــرح غــايـــر=الله حسـيـبـك خـاطــري مـنــك مـكـبـوت
حـطـيـت لـــي عـلــى طّـريـقــي عـثـايــر=شكـراً علـى التحذيـر مــن قـبـل مـافـوت
اول لــقــانـــا الـــعــــام بـــــــول يــنــايـــر=وهـــــذا يـنــايــر لارســـالـــه ولاصــــــوت
بقلم
.
.
بدر

[بدر الشمري]

http://im27.gulfup.com/2012-04-28/1335626126471.jpg (http://www.gulfup.com/show/Xk1g5172mwsj)


ليتك تعرف الشعور اللّي يخالجني=مبطي وانا اخفيه عنك وباريٍ حالي
لاجيت ودّي ابوح البوح يحرجني=احسّ ماهو مناسب جوّنا الحالي
يامن عن الشوق وجروحه يعالجني=والّا يبدّل بقلبٍ دالهٍ خالي
واعطيه قلبٍ يدق الصدر مزعجني=لازاره الهاجس أثّر فيه واجتالي

بقلم
.
.
بدر

[بدر الشمري]

http://im21.gulfup.com/2012-05-08/1336432235741.jpg (http://www.gulfup.com/show/Xrhj6k9i6ixw4c)

دورتــلــي مـبـدآ قـبـل لابـتــدي. فـيـــك
وجــبــرنــي. الـمـبـــدآ وعـيـّـا. يـتـعــداك
"""
"""
يــاحــاكَمٍ. بـالـخيـر. بــانـت.. مـسـاعيــك
عـلمـت شـعـبــك.. درس مجـدك ومبداك
"""
"""
يــافــارسٍ.. مـاضـيــك.. دوّن ويــكـفـيــك
حـــرٍ تـهـيّـــب.. بــس.. طـلــقٍ مـحـيــاك
"""
"""
تـصـافـي مـصـافينـك.. وتقهـر.. معاديــك
وتــاصل مواصيلٍ.. عسيره.. علـى عـداك
"""
"""
وشــاعـر حـكيـم..وواضحـاتٍ.. مـعـانـيــك
يـجـذب.. ويـطرب. صاحب الفكر.. م.عناك
"""
"""
ويـوم أتـذكـر.. وش قـديـمـك.. ومـاضيــك
مــاهــي غريـبـه. تفعـل الطيب.. يـمنــاك
"""
"""
اصـلَـك.. علـى برج.. الـرجولـه.. مـعـلـيـك
نـجـمٍ.. لـمـعـت وخـالــق الخـلـق. عـــلاك
"""
"""
وشـديت كـل اعـجـاب.. شعـبٍ.. حـواليـك
وعـجـبـك اللّـي عنـده.. احســاس. ودراك
"""
"""
وحـنــا نـتـفـاخر في.. فـخـامـة. مبـاديــك
يــفـــز واحـــدنــا.. الــى.. حــل.. طـريــاك
"""
"""
حـيــدٍ..طـويـل... ومـخضراتٍ ..ضــواحيــك
شــقـر... الـحـرار. ان ضايقه شي تـرقــاك
"""
"""
تـمـشّــي سبــاعٍ سـاطـيـه مـــاتـمشيــك
تـــخـــاف.. مـن.. غيـضـك مـخافـه وتـدراك
"""
"""
وتـزعـل.. قـلـوب.. وتـرضي قلـوب تـغليــك
وتـضـحـك.. عـيـون وتـبــكـي. عيـون لـولاك
"""
"""
كـــم.. مـن ضميـرٍمــاتـعـرفـه.. مـصافـيــك
مـن. حـكـمـتــك يــاطيّـب.. الخُلـق صـافــاك

تعمدت تنسيقها اليدوي
.
كما كانت بالفيس
.
بقلمي

[بدر الشمري]

متى نسيك القلب من شان يذكرك=والله يصحيني غرامك من النوم
انا الوحيد اللّي على الجرح يشكرك=ادوخ من طعناتك اطيح واقوم



بقلمي

[بدر الشمري]

الحب لاطوّل وطالت لياليه=سم القلوب وحاجر العين سوّد
ياهي بلاوي لاتداعت بلاويه=ماظن من يغْرق بموجه يعوّد


بقلمي

[بدر الشمري]

http://im14.gulfup.com/2012-06-10/1339277709271.jpg (http://www.gulfup.com/show/X5zi5505nevae)




الـكـاس لاطاح وتـكـسّر عـلـى الارض=ابـسئـلك تــقـــدر تــجــبّـر كـســوره
دام الخيانه في حيـاتـك كـمـا الفرض= تـحـطـمـت لك يــــابــو وجهين صوره


بقلمي

[بدر الشمري]

http://im12.gulfup.com/2012-06-10/1339278198141.jpg (http://www.gulfup.com/show/Xo0r46hw9c2s4w)



لذكريات الماضيه عود كبريت=اللّـي تـذكـرني غــرامٍ نـسيتــه
ابـطيـت يـاقلبي تسلابه ابطيت=مات الغرام ولازم تكون ميتــه


بقلمي

[بدر الشمري]

لاتجبر النفس العزيزه على شي=النفس لاعيّت تراه معذوره
طعها وجاملها على صده شوي=تعيش دورك وانت تعيش دوره


بقلمي

[بدر الشمري]

ماشي ومالي في غلاك التفاته=شفني لحبلي عن مداليك طاوي
القلب يصحى لو يطوّل سباته=راسي على صدمات الاحباب قاوي


بقلمي

[بدر الشمري]

طبعاً هنا قد يتسأل القارئ
.
لما هذه الابيات المختلفه بالمعاني الجواب رحيل من مدونه سابقه في
.
احدى المواقع وعندكم خبر وشلون الرحال ينثر عفشه
.
بطريقه عشوائيه


فلت شعرها وانطلق كّنه الليل=غطا خدوده والمناكب تغطت
مهرة شيوخٍ حاميتها مصاقيل=لشموخ ذاك الراس مايوم وطت

بقلمي[/SIZE][/COLOR][/FONT]

[بدر الشمري]

هاذي احدى قصائد اخوي الصغير
.
ماجد الشمري شيله
.


http://www.youtube.com/watch?v=-K0mjuJ8LPM

[بدر الشمري]

وشلون تجرح وانت ماعندك دوا=والمفترض لامن جرحت اتداوي
لو الطعين وطاعنه طاحوا سوا=والشوق فيهم صار ذيبه عاوي


بقلمي

[بدر الشمري]

http://im30.gulfup.com/2012-06-10/1339357686561.jpg (http://www.gulfup.com/show/X66h963rgr5uo)

صوره مازلت محتفظ فيها
.
كل ما احتاج بيني وبين نفسي اني اقرأ شي عن المرأة المثاليه اجد الكثير ولله الحمد ولاكن عندما
.
اريد ان اشاهد هذه المرأة في صوره فتوغرافيه واضحه ارجع لهذه الصوره القديمه بعض
.
الشي ولاكن ينتابني فخر شديد عند مشاهدتها
.
رحم الله صاحبتا الصوره رحمة واسعه ان كانتا من الشهداء في ارض الجهاد والرباط ارض الشيشان
.
وان كانتا على قيد الحياة والله انهم مفخرة الامه
.
الاسلاميه قاطبه مجاهدات صابرات مومنات
.
رحم الله المجاهد المفخره خطاب الذي قاد المعارك الضاريه في الشيشان
.
جنباً الى جنب مع ابنائها وبناتها في ادغال الغابات الموحشه ولله دره على زواجه من احدى تلك
.
الشامخات وانجابه ابناءً منها الحسب والنسب الدين والطهر والعفاف في الاسلام
.
صورته رحمه الله مع ابنه

http://im27.gulfup.com/2012-06-10/1339358030561.jpg (http://www.gulfup.com/show/X674fwkym860l)

قتل بينهم مدافعاً عن اعراضهم وترابهم
.
اللهم ارحم شهداء المسلمين
.
كافه
.
ولاتجعل عوضنا من نسائنا المجاهدات(حصه ال شيخ)وامثالها يالله في بلاد الحرمين
.
ارحمنا يا الله بواسع رحمتك
.
بقلم
.
صمت الزمان
.
بدر

[بدر الشمري]

http://im18.gulfup.com/2012-06-11/1339364336371.jpg (http://www.gulfup.com/show/X22ldpvwlnwpww)



ياللّي دموعك حزّنت بالملايين=ذرفتها بالشرق وابكيتنا غرب
خلاص لاتبكي ربوعك كثيرين=الفرق والله بس بالبعد والقرب


بقلمي

[بدر الشمري]

ولاتجعل عوضنا من نسائنا المجاهدات(حصه ال شيخ)وامثالها يالله في بلاد الحرمين
.
ارحمنا يا الله بواسع رحمتك
.
بقلم
.
صمت الزمان
.
بدر


................................................
هنا لتوضيح فقط
.
حصه ال شيخ هي من قالت عندما تسمع صوت احدى المطربين
.
تحس انها تسمع صوت الله (استغفر الله العظيم)
.
وبالنسبه لـ(صمت الزمان) معرف سابق
.
لي في احدى المواقع
.
فقط لتوضيح

[بدر الشمري]

قالو لعين انسان تكرم مدينه=وانا بقول لعينها يكرم الكون
من حب مايترك بنفسه ظغينه=يقولها صادق على شان يدرون



بقلمي

[بدر الشمري]

اللّي يحب وصادقٍ في مباديه=يكسر حواجزها ويكسر ظروفه
يصرخ ويعلنها على راس غاليه=يرمي بوسط الناس جلباب خوفه
الكون كله لو درا ويشبي فيه=اللّي زعل يدق راسه بطوفه


بقلمي

[بدر الشمري]

حطيت لك بالصدر حشمه وقيمه=وخليت قدرك غير ياواحدٍ غير
دايم وروحك بالمشاعر كريمه=عسى صباحك والمساء خير في خير


بقلمي

[بدر الشمري]

http://im21.gulfup.com/2012-06-11/1339366707501.jpg (http://www.gulfup.com/show/Xov5qpmncmas48)


أن ضقت من واحد تعرفه من الناس=والله يهمك لاتكابر يهمك
حاول تديره بين قلبك والاحساس=تلقا كلامي ممزج وسط دمك


بقلمي

[بدر الشمري]

http://im26.gulfup.com/2012-06-11/1339367437831.jpg (http://www.gulfup.com/show/X22ojwv0q3n404)


والله يالولا اضيّع الضيق بالبوح=الا يتساوا الليل هو وصباحي
اروح وارجع مادري وشبي اروح=احس ينفعني مجئ ومراحي


بقلمي

[بدر الشمري]

http://im13.gulfup.com/2012-07-28/1343428317541.jpg (http://www.gulfup.com/show/Xs54nj175hq800)

كم اشتقت للتواجد هنا بينكم
..
اعضاء منتدانا الرائع..وان كنت مقصر كثيراً بالحضور
..
لاكن يبقى التواجد هنا له طعم خاص..نعم وان كانت المنتدايات كثيره
..
يبقى للنفس ميولها واستئناسها لما ترغب وتحب نغيب ويشغلنا مايشغلنا ونرجع لهذا
..
المنتدى الرائع وفينا من الشوق والهفه الشي الكثير
..
تقديري واحترامي لكم وللمنتداكم
..
الشامخ في شموخ اخلاقكم
..
يابني عمرو

[تراتيــــل]

تفننت فابدعت فاصبحنا نعانق السماء في ظل حرفك
لا يسعني امام هذا الزخم من الاحساس الراقي
والعواطف الجميله
الا ان اقف اجلالا لقلم انت
صاحبه
تقبلني زائره دائمه هنا
http://im26.gulfup.com/2012-06-16/133984199364.gif

[بدر الشمري]

تفننت فابدعت فاصبحنا نعانق السماء في ظل حرفك
لا يسعني امام هذا الزخم من الاحساس الراقي
والعواطف الجميله
الا ان اقف اجلالا لقلم انت
صاحبه
تقبلني زائره دائمه هنا
http://im26.gulfup.com/2012-06-16/133984199364.gif



كل التقدير والاحترام
..
لهذا التواجد لهذا الحرف ايه الفاضله فأن دل على شي
..
يدل على طيب الاصل وطيب الاخلاق
..
امتداد لتلك الشخصيات الرائعه من الاخوان والاخوات الكرام
..
شرفني مرورك العطر

[بدر الشمري]

http://im30.gulfup.com/2012-07-30/1343602994331.jpg (http://www.gulfup.com/show/Xs5cz07xy2qoko)

هههههههههههههههه
..
بجد عاجبني رد الاخير والله يستاهل..
..
يقول المثل بالعاميه مال ها الشق الا ها الرقعه اما الاول يتفلسف هو.. وجهه
..
والله ماخبرت اي واحد يشوف جمال يقول زي مقولته البايخه!! والسبب بسيط جداً اجمل من بنات
..
السعوديه مافيه..بالكوره الارضيه كلها الا كانه مايشوف اوعايش مع قرود ذا شي ثاني
..
بس رد الرجال عليه..ههههههههه بصراحه علاج
..

[بدر الشمري]

http://im24.gulfup.com/2012-07-30/1343606083971.jpg (http://www.gulfup.com/show/X2cg62qshnqtcs)



محتار مدري يالغلا وين اخبيك=بالقلب والّا بالعيون الشفوقه
ماني مصدق ياكبر فرحتي فيك=صارت امانينا الكذوبه صدوقه

بقلمي
بدر

[بدر الشمري]

لاتسئلوني عن جديد الغرابيل=ابيّح كنين العام ثم أسئلوني
لعب بقلبي عشق وانهد بي حيل=لعب الهوى في ليّنات الغصوني
باقي بصـدري له حنين ومواويل=لــه بصمـةٍ عيت تفارق لحوني
تـزورنيـي ذكـراه لـعسعـس الليل=يضيـق بي خاطـر وتسهر عيوني
واقـول وينـك يــازمــان المـواصيـل=يــاجـورهم وشلون منه حـرمـوني

بقلمي

[بدر الشمري]

مجبور اقول الكلمه اللّي تبكّيك=لو تزعلك والله مجبور اقوله
لومك على تفكيرك اللّي لعب فيك=من العام وانته شخص ضاعت حلوله


بقلمي

[بدر الشمري]

والله تعبنا من مصارعك ياقاف=مثل مغاز الريش خيرك لجانيك
لك هاجسٍ كانه سرا يرجف ارجاف=في خاطر اللي جاذباته معانيك
لو اقطعك ما طول اجيك ميلاف=أحاول استلطف شراسة مراسيك
هاضت خوافي خاطرٍ دكه إخلاف=فجأه بدت ماله كوابح ولابريك
وقمت التمس في مظلم الوصف الأوصاف=لشفرة اللي باقيه دون تفكيك
طوّلت في ترديد يا ميم يا كاف=ياحضرة الباشا وياحضرة البيك
ياصناف موجات المنا بس ياصناف=تعبت من تضميد تبريد تدليك
ياما رقينا راس زالف ومزلاف=وفي دربنا شفنا بعرضه مباريك
الدرب واحد مال ماشيه محراف=لكن وراه لياعبرته مساليك
يعني كما دورة رمايه للاهداف=إن كان أصبت من الدرجات تعطيك
والرغبه اللي ماتكرر من اعياف=ماضنتي للي براسك توديك
تجاربٍ خوضه كما حرب الانزاف=لو تنتصرفيها جروحه بقت فيك
والذكريات اللي قلب حبرها جاف=جيّرتها لمخزون بنك الزمن شيك



بقلمي
..
بدر

[بدر الشمري]

دقيت من بيبان الاشعار لي باب=لين انكسر قفله وفتحت بابه
محتاجله واحمله أشوأق وعتاب=أزعلت شيبانة وراضي شبابه
ولحظة دخلت الباب شديت الاسباب=لروابعن قامت ترابع أركابه
وقلت أقطفي يافكارمشتاق ماطاب=دام الزهرتوه غضيض يتشابه
يافلوس يلي مالك أبنوك وحساب=مايقدّرك من لااودعك في حسابه
أنكان ماجاب أثقلك وزن ماجاب=ريشن يطيرة الهوا في مهابه
لك اعتكف مثل المصلي بمحراب=تطري ذنوبة ثم يجيب مابه
لابوبيوتٍ ماتدون ولاتجاب=غصنٍ مثل باقي غصونٍ بغابه
كم شاعر(ن)شعره للاعجاب ماصاب=وهو جامع لفن البلاغة خطابه
لاتسأله ترهاجس الشعركذاب=أغوت بحوره من بغاه وغدابه
لاتسئل البواب وشفيه بواب=هذاألمكان الي الطموح أنتهابه
بعض البيوت أحسن لها مسح وغياب=قبل يكدر ضعفهامن قرابه
وبعض البيوت الراقية تكسب أصحاب=يرعد ويبرق بالمشاعرسحابه
شهدالعسل من وسط شمعه الى ذاب=به من صفا لونة وسرع انسكابه


بقلمي

فلسفتي تجاه الشعر

شعراً

بدر

[بدر الشمري]

http://up.graaam.com/forums/672572/01336609681.jpg
.
.
اظن مافيه احد مايعرف المزيونه هاذي قربها قرب غير
..
لدغتني بعمري ثلاث مرات وعدت بسلام
..
بس تصدقون لدغت بعض الناس صاحب الظغينه الشينه والقلب الاسود اشد منها 100 ضعف
..
جربت هاذي وجربت هذا
..
ياحليلها ياطيبها ياخف دمها عند لدغت الحاسد
..
اه اه اه لاصارت لدغته بتفريق اقلوب لها زمان..ولا بلاش
..
لحد كذا اخليها بالقلب تحرق مابقا

[بدر الشمري]

يـــاشيـنـها لاسـالـت دمـوع غـالي=ومـالك وسيـلـه تمسح دموع عينـه
يبكي الحجر من شكوته لاشكـالـي=يـــامـبـعــديـنـي عنـه يــامبعـدينـه
روفــوا بـحــالــه يـــاهـلـه يالغوالي=مـحـتــاج لـوسـاعه يحس بسكينه
يـعنـي جـريـمـه لاصـفيت وصفالي=الله عـلـى مــاصـــار منـكـم يـعينـه
قــولـو لـه انـي لاغفيت وطرالي=تـسـريبي اشواق الغرام الدفينه
وقــولـو له ان اللّي جراله جرالي=انـا حـزين انـكـان نـفسـه حزينه

بقلمي

بدر

[بدر الشمري]

أن اجـمـعـتـنـا بـيـض الايـــام أبرضيك=عن جرحـك اللّي سببه ظـلـم واشي
انـا اللّي أن خـان الـزمن فيـك شاريك=مـــا ابــدلــك ولا غـــلا ك أمـتـلاشي
ذيــك الـعـيـون وضافي الرمش يكفيك=مـع الجـمـال الـلّـي مـن الله بـلاشي
مـلـح الـزمـن مـع سكره مجتمع فيك=يـلـي لـعيـنـي فـي ظـلامـه فلاشي

بقلمي

بدر

[بدر الشمري]

يــاعــاشـقيـن الـشعر مادمت رايـق=خــوذو بـيــوت بسـلـم الـشــعر ترقا
الـصــدر مـلـه عـشـرت ايــام ضـايق=فـيـه أحــرقـت قـل المـواصيـل حرقا
شين أنقـطـاع اهل القلـوب الصدايق=أن خـيـمــت فـرقــا علـى راس فرقا
ولله مــــاهـو بـيــن الاحـبـــاب لايق=اللـي ثــلاث اسـنيـن بــالحـب غرقا
تـجبـر كـسـور الوصل خمسة دقايق=حتى أيش لوهي بين الاحباب سرقا
الـلّـي مـع أحـبـابــه يصـادف عـوايق=ان غــربــو ســاق بخـطـاويـه شرقا
من خــوف حسـادٍ تعـكــس الحقايق=صـفحــاتهـم فـي غيبـة النــاس زرقا
ان شــب هـوجــاس الغـرام الحرايق=ولله مـــايـــحــتــاج يـحــزنــك ورقــا

بقلمي

بدر

[بدر الشمري]

ياللّي تجي ذكراك بالعام مـره=تغيب لاكن حزت حضورها حضور
تسري بقلبي مع نجوم المجره=ترجع تعيشني رجا وصلك شهور


بقلمي

بدر

[بدر الشمري]

اشتاق لك واقول وشفيني اشتاق=وشبه يصحيني من النوم شوقي
انا ادري ان الحب به بعد وفراق=لاكن الـرجا عيا يفارق خفوقي


بقلمي

بدر

[بدر الشمري]

لاولله الا غاب وقفت ركابه=عهدي بهن يسوقهن غيض وعتاب
لوغاب غيره ماشغلني غيابه=ولله بعضهم غيبة البدرلاغاب
الجو لو غبّر تغسله سحابه=ولاعاد يبقى شي بنفوس الاصحاب
بيني وبينك كنّ رابط قرابه=حتى أيش لو ماكنت من ضمن الاقراب
هذا الزمن لاجاب شيءٍ غدابه=كم جاب بس احيان يمنّ لاجاب
لو كنت اعرف البيت دقّيت بابه=ورميت لحبال المواصيل الاسباب
بقى سؤالي يفتقر للإجابه=وين أنت يالغالي وشحال الاحباب

بقلمي

بدر

[بدر الشمري]

ليله ومرتني مرور الليالي=لوكنت مشتاقٍ لها بس راحت
ظني ف باله شي ماهو ابالي=لاكن حمامة صادق البوح ناحت
روّح وخلا بين الاضلاع صالي=والله مانسى دمعته يوم طاحت
هو كان بإسلوبه رقيق ومثالي=حاول يخفّي رغبته بس باحت


بقلمي

بدر

[بدر الشمري]

http://up.graaam.com/forums/672572/01337033612.jpg


راع الهوا لاهزه الشوق واشتاق=لو مابكى يصبح مع الوقت باكي
ان حدته سود الليالي على فراق=يعيش في دنيا المعاناة شاكي
تسوقه اقداره ويمشي وينساق=واغلب هذايانه لنفسه يحاكي
ناره تزيد وتحرق بقلبه احراق=يحس عمره منجرف للهلاكي


بقلمي

بدر

[بدر الشمري]

.
.
.



تكفين ياعجلات الايام تكفين=آمانتك ذاك الحلو يسريله
الله يعين القلب يادمعة العين=جرتي علينا يالسنين الطويله
ياليت للانسان بالصدر قلبين=اذا تعب واحد يشغل بديله
اقولها من ضيقتً قبل يومين=مستلطفتني لعن ابوها ثقيله

بقلمي

بدر

[بدر الشمري]

http://up.graaam.com/forums/672572/01336940717.jpg



راع الهوا رحال نزال رحال=عسى السفر يرفق بنفسٍ شجينه
يسكب عليه من الهواجيس شلال=ويبصم جنون الشوق على جبينه
وله ملتقى مع كل ضيقه وغربال=يظهرخفي عبراته المستكينه
لو ينجبر كسرالمواصيل بالمال=راع الغلا تجبر كسوره يمينه


بقلمي

بدر

[بدر الشمري]

خل الجروح أشوي تهدا عن النزف=ماعاد باقي دم تشوف نزفه
على الرومنسية بديت اجمل العزف=ياخف دمك وانت بادي تعزفه


بقلمي

بدر

[بدر الشمري]

ياقلب ياجالك من الزين طاري=خبه عن عيونٍ دموعه تحدا
مبطي وانا اهدّي ذريفه واداري=افرح اذا ليلي براحه تعدا
لي غاليٍ بعيد لو كان جاري=بيني وبينه حطو عداي سدا


بقلمي

بدر

[بدر الشمري]

ماهمني وردٍ نبتله على جال=ماهو بعارف عن ورود الثرى شي
مع الهبوب منين ماجاه ميال=ون حس في شمس الضحى ينطوي طي


بقلمي

بدر

[بدر الشمري]

الي يحط غموض الاشعارله في=ويخلي المعنى مريضٍ دفيني
خواف خلف استارتة ينطوي طي=لكابوس خوفه في حياته سجيني
كم قلت له وضح خفي مقصدك لي=اسلك وضوح العالم الواضحيني
بالماضي اول كنت ماشوف بك غي=واليوم اشوفك ضايعن ضيعتيني
في كلهن وقفت لك موقفٍ سي=أحذر جدارك لاتحسبة حصيني
بلط بحرها لين يردك ادبي=ووعدك تبقى معايد القريتيني
انا الخطا يحرك شجون الزعل بي=حتى ايش لوهومختصر كلمتيني
انكان في قلبك وفي خاطرك شي=وضح لنا الخافي وخله يبيني

بقلمي

بدر

[بدر الشمري]

http://up.graaam.com/forums/672572/01344579081.jpg



ياضيف والله في مجيئك فرحنا=واليوم اشوفك ناويٍ في رحيلك
ياضيف احسك يوم جيت استرحنا=كل السعاده في نهارك وليلك
لبعض الذنوب اللّي كسبنا مسحنا=ارجوك لاترحل وما انسى جميلك

بقلمي

بدر

[بدر الشمري]

ياعالم شاهدو تلك الشرذمه الفاسده
..
والكافره بنفس الوقت شاهدوهم على حقيقتهم
..
مجتمع مادي بحت يجمع الاموال من اتباعه في استخدام الدين
..
والكذب والدجل هل يوجد في اتباعهم عاقل يشغل مخه يفكر قليلاً
..
او... خلاص طبع الله على قلوبهم بالضلال


http://up.graaam.com/forums/672572/01343396254.jpg


http://up.graaam.com/forums/672572/01344744065.jpg


وهنا شاهدو تلك الكذاب الماسخ شاهدو هذه الوقاحه
..
انظرو كيف يستهمجون عقول اتباعهم الى هذا الحد وصل بهم الكذب
..
لاحول ولا قوة الا بالله العلي العظيم
..


http://up.graaam.com/forums/672572/01344644926.jpg

بقلم

بدر

[بدر الشمري]

"
"
"

انا الوحيد اللّي على الجرح يشكرك

http://up.graaam.com/forums/672572/01344915016.jpg

"
"
"

متى نسيك القلب من شان يذكرك=والله يصحيني غرامك من النوم
انا الوحيد اللّي على الجرح يشكرك=ادوخ من طعناتك اطيح واقوم
ودّي عليك اقسى وازعّلك واخسرك=مشتاق احصّل ظالمي صار مظلوم
تعيش دور الي انت تجرح ويعذرك=الي انت في دخل حناياه مضموم
,
,
,
,
بقلمي

بدر

[بدر الشمري]

"
"
"


مابيننا ما صار بين المخاليق=لو وزعو ربعه على الكون كفّا
ياسيدي ماعاد باقي معاليق=كلاه حب العام كفّا ووفّا,
,
,
,
بقلمي

بدر

[بدر الشمري]

عيد الجلوس اعر بلادك مسمعاً=تسألك أين هناؤها هل يوجدُ
تأتي وتذهب والبلاد وأهلها=في ناظريك كما عهدت وتعهدُ


العظيم :

(عبدالله البردوني )

كأنه ينظر إلينا من خلف الحجُب

[بدر الشمري]

"
"
"


http://up.graaam.com/forums/672572/01349044475.jpg


"
"
"



ياهل الهوى في خاطري شي مخفيه=أحتار دايم كل ماجيت أقوله
لي غالي(ن)مشتاق له حيل واغليه=وفرقاه ما كنت أتوقع حصوله
عندي قريب ولا اقدر آصلْه واجيه=خابت حلولي و اضمحلت حلوله
مع انقطاعه طولت حيرتي فيه=حاولت وصله بس ماني بحوله
قولوا وش اللّي يجبر الوصل أسويه= أرجع واجدد لي مع الوصل جوله

,
,
,
بقلمي
بدر

[بدر الشمري]

راع الهوا لو عدل ضلوعه العوج=ماهو معدل شبح عينه لغاليه
يلعبه الهاجس كما اللوح بالموج=شف عاد وين الموج يلطف ويرميه
كّن العواطف خيل مامسه اسروج=عند الهواوي كان دكة طواريه

,
,
,
بقلمي
بدر

[بدر الشمري]

الصديق العزيز ابو راكان



http://www.youtube.com/watch?v=7F7Rn4Ilg5c

[بدر الشمري]

http://up.graaam.com/forums/672572/01352091478.jpg



أظننا والله غنيين بالحيل=عن بارقٍ تبقى فياضه معاطيش
لا بمنتصف وسمه ولا باول سهيل=حمل الجبال السود من بارقه ريش
أدبح شجرها للمزون المثاقيل=تبرق وترعد من سنتين مافيش
ضاعت علوم الصبح في والج الليل=والمستفيد من الظلام الخفافيش


بقلم

بدر

[بدر الشمري]

http://im17.gulfup.com/qRdg1.jpg (http://www.gulfup.com/?29PKad)



كـثـر الـوصــل مــازاح هـــم القطيعه=احــس مــاغـيـّـر وفــاي بــزعـلـهـم
الــشــافـع انـك يـابــلادي وســيـعه=مـاسـلك مسـالكهم ولعمل عملهم
الـي الــصـداقــه لاتـمـصلـح يـبيـعه=احـسـن لـي اعيـد الـنظـر واعتزلهم


بقلم

بدر

[بدر الشمري]

http://im21.gulfup.com/Np0l1.gif (http://www.gulfup.com/?hhUwGb)


مـن غـــاب عـن عـينـي لـو انـه قريّب=طـيـرت لــه من غصـن ذكـراي ذكـرى
أســـأل عـنــه وارتــــاح مـــادام طيّب= والــي تـخـفّــى الـيــوم يبـيـن بكـرى
ان خـــــاب ظـنــك كــــم ظــنٍ تخيّب=بـس أنـتـبــه يـحـطـك الـحـزن وكـرى
يــــاحــلــو يـــالــي مـستـكـنٍ مغيّب= مـتـوقــعٍ مـنـك مـــع الـوقــت مكـرى



بقلمي

بدر

[بدر الشمري]

لن آخذ من تلك القصيده المختصره للشاعر (خلف المشعان) الا
هذه الابيات واتركها كما كتبها ونسقها هو عندما داخلتها
بما اورده بعدها..

يشهد لنا قوقل على قافية اكس
................. لو أيهرج قوقل وش يقول عنا ؟

اقصى طموح عيالنا يطعج بجكس
................. وبالمملكه .. مثل البنات يتثنى

بستار اكاديمي وفي سرسرة بوكس
............ الله على صوت الولد يوم غنى ..!!

أضافتي في تلك الصفحه في ذاك الموقع الابيات
التاليه..


الجو فيه الإف والميغ والواكس=يميننا يسارنا يلعبنا
وحنا ترا شكراً قلبناه ثانكس=مبطي وشيخ اكشن وامبي طعنا
يدينك اغسلها مع المي باللوكس=حنا عطيناهم بيدنا رسنا

[بدر الشمري]

ماكفّتك طعْنتك الي بول الوقت=من يطعن اللّي طايحن ماتشافا
من حقد قلبك كيف للحين مافقت=القلب لو يحقد تراه يتعافا
اضيق وانت تزيد ضيقي الى ضقت=ماودك انا يالقطوع نتجافا


بقلمي

بدر

[بدر الشمري]

http://im15.gulfup.com/CqWA1.jpg (http://www.gulfup.com/?SpPcQU)



استبشرو في خير ياهل الامارات=دام الشيوخ تسطر المجد فيها
اهل المواقف في جميع المجالات=الله يحفظ دارهم ويحميها
كذا كذا ولا بلاش الزيادات=الله يديم ظلال عزه عليها
حكامكم دايم يديهم جزيلات=في كل عيدٍ خيرهم يكتسيها

بقلمي

بدر

[الكعبية]

غرتني الدمعه

http://im24.gulfup.com/2012-04-21/1335001449391.jpg (http://www.gulfup.com/show/Xqsjuc2835zk8c)



وين أنت ياللّي رحلت وطوّل غيابك=علّقتني في غلاك وطالت الغيبه
غرّتني الدمعه اللّي بلّت اهدابك=ماني متوقع يجي للوصل تغريبه
ياليت ذاك اللقا للقلب ماجابك=وشفيك ماجبت لي يالوقت تقفيبه
ياوقت ذي سبّتي والاّ من اسبابك=والاّ من اسباب كثر الصدق والطيبه
ياوصل ماتسقي العطشان في بابك=يمّك تجيبه مقاديره وترميبه
يا افراق لي غالين قفّت به ركابك=بعده يديني على قلبي تهدّيبه
الشوق والضيق من فرقاه متشابك=مع ذكرياتٍ تركها ويش اسوّيبه
ان قلت للقلب هذا باقي احبابك=بالعكس صارت سبب ذبحه وتعذيبه
ياللّي رحلت وتركت القلب يشقابك=ماخالجك ذنب حبي وانت تدريبه
ماودّي اقسى وانا تجهلني اسبابك=مازلت طيّب وقلبي طيبته عيبه
لو كنت ميّت نصيت القبر وترابك=اونّسك وارجع لنفسي واعزّيبه
وين انت ياللّي رحلت وطوّل غيابك=علّقتني في غلاك وطالت الغيبه

بقلم
.
.
.
بدر




صح لسانك واعتلا شآنك

اعجبتني جدا هذه الابيات صح بدنك عليها ولا ضام لك حال ومن تحب

اسعدني جدا ان استمع لحديث روحك العذب واستقي منه

دمت بصحه وسلام دائمين

[بدر الشمري]

صح لسانك واعتلا شآنك

اعجبتني جدا هذه الابيات صح بدنك عليها ولا ضام لك حال ومن تحب

اسعدني جدا ان استمع لحديث روحك العذب واستقي منه

دمت بصحه وسلام دائمين

صح بدنك
تواجدك هنا يشرفني ويسعدني ايه الفاضله حضور كـــ حضور المطر
لكي خالص تقديري واحترامي
دمتي بألف خير..

[بدر الشمري]

ديكٍ نفش ريشه على طلعة الشمس=يرقص طرب ومجمعٍ كم بطّه
مايدري انه لوهمس بالخفى همس=نعرف مرامي همسته وين حطّه
مسكين ضيّع خمس من خيرت الخمس=وان غز راسه قالو الناس وطّه
يصيّح وصيحاته تسبب له العمس=كم مرتٍ يخٌدش من يدين قطّه
حنا نحمس الكبد في نارنا حمس=ونحط فوقه ملح ونحط شطّه
نرفع صهيل اصواتنا ماتجي رمس=وبعض الخشوم بوسط رمله نغطّه
واللي يجينا مضيّع امسه وقبل امس=له عندنا ياضيّع الدرب خطّه
ياللي تحب اللمس ماتقبل اللمس=ابالمسك واعلى الطويلات نطّه

هذه القصيدة

فيس بوكيه لموقف من المواقف وهنا وضعتها

للتوثيق لاني جعلت من هذه المدونه

في هذا الصرح الرائع مرجع

اساسي عندما تتطلب

الحاجه لذالك
"
"
"
"
"
بقلمي

بدر

[بدر الشمري]

اصحى وانا مشتاق وانام مشتاق=تعبت اهدي توق نفسٍ شفوقه
من بان لي من صاحبي بالهوا فراق=وانا مثل طيرٍ ترده سبوقه
يكفخ بجنحانه من السبق منعاق=يتوق لكن بسفل الرجل عوقه
تلوح ذكرى صاحبي لوح براق=ويفز قلبٍ لاعبٍ فيه شوقه
تخالطت مع المخاليق الاذواق=وانا قنعت بشف قلبي وذوقه
لغطروفةٍ قلبي ونبضه له انساق=سوق الهوا لمزون وسمٍ حقوقه


بقلمي

بدر

[بدر الشمري]

هذه القصيده لشقيقي الاصغر
كنا في احدى المواقع وكان متواجد في نكنيم لا اعرفه كان أن ذاك نكنيمه الساري
وانا صمت الزمان لكن هو يعرفني وانا لا اعرفه وقال هذه القصيده واعجبت
فيها واضفة ابيات كــ مجراه ومن ثم استمرينا في عدة قصائد ولم اعرف انه
هو الا بعد سنه بعد ان اخبرني شخصياً
قصيدته...



هزتني الذكرى علـى روس الاطـلال=وعدّيت فـي صمتـي حـدود السكينـه
وغنيّت مـن شعـري علـى كـلّ مـوّال=ولحّنت من حزني لحون(ن) حزينه
الصمت يجبرني علـى وسعـة البـال=وانــا الحقيـقـه ويــن شـوقـي وويـنـه
أثر الصبر في بعض الاحيـان قتّـال=لــــو إن لـمـسـاتـه بـنـفـسـي ثـمـيـنـه
امسـي ونــا حـزنـي لــه ايــام ولـيـال=واصبر علـى صمتـي بزينـه وشينـه
قـمـت اتخـيّـل وقتـهـا بـعـض الازوال=ويــشـــدّ قـلــبــي لـلـخــوالــي حـنـيــنــه
لـكـنّ يقطعـهـا عـلـيّ اشـهـب الــلال=الـــلـــيّ يـبـشــرنــي بـــجـــوّ الـغـبـيـنــه
يرسم لي الفرقـا وانـا مااقـدر احتـال=ودمـوع عينـي وسـط عينـي سجينـه
اضيـق وآعــدّي عـلـى راس مـاطـال=واشـــوح شـوفــي والـعـبــاري تـهـيـنـه
واليا خذيت مـن اشقـر البـن فنجـال=وغديـت مـع ذكــرى الخـوالـي رهيـنـه
غنّيـت مـن شعـري علـى كــل مــوّال=ولحّنت من حزني لحون(ن) حزينه


مجاراتي


مـاهـزتـك هـزتـنـي أيـامــن أطــــوال=بـيَـح بـهـا قـلــب المـشـقـى كنـيـنـه
مـع كـل طـاري شـارد الفـكـر يجـتـال=كـنــي لـحـالـي لوسـكـنـت بمـديـنـه
أشيـل حملـي واتحيمـل علـى الحـال=لـوطـال صـبـري واستمـاتـة سنـيـنـه
لـلـبــوم مـنـزالــه ولـصـقــر مــنــزال=أن أظـهــرت ســـود الـيـالـي دفـيـنـه
صـحـيــح راع الـعـاطـفـه دوم مــيــال=بس ان قسى الزمـان وشفـي يدينـه
يـاكـم مـحـزونٍ بكـالـه عـلـى أطــلال=ويــاراح حـــزنٍ فـيــه يـلــوم عـيـنـه
مـازال حـزن السنيـن بالقـلـب مــازال=فـي صــدر كتـامـه سيـوفـه سنيـنـه
قسمت حملي لواحـدن بـس ماشـال=عـيــّا يقاسـمـنـي قـسـاهــا ولـيـنــه
وطشيت حبله طش من شرفة الجال=وقطعـت مـنـه العـلـم شيـنـه وزيـنـه


رده مرتٍ آخرى


للهم مــع بـعـض التفـاكـيـر مـدخــال=والــهـــم واجـــــد والـــطـــواري تـعـيــنــه
من قال ما خيّم على البال من قال=مــــن قــــال مللهم فـالـقـلــب عـيــنــه
اقضي عليـه وينقطـع منـه الارسـال=ويبنـي لـه بقلبـي بـروج(ن) حصينـه
كـــــم مـــــرّة يــحـــوم ويــكـــدّر الــبـــال=وادفـنـه فــي صــدري واكـتّــف يـديـنـه
واالقـاه مـن بيـن الهواجـيـس يخـتـال=مـســوي(ن) مـعـهـا عـلاقــه مـتـيـنـه
وابنـي لـه بقلـبـي مــع الـزيـن مـنـزال=لــكــنّ يـبـطــي مـــــا يــحـــرّك وتـيــنــه
الـصـبـر قـبــر الــهــمّ والــهــمّ رحّــــال=لا صــار صـبـرك بـيـن قلـبـك وبـيـنـه
لايــدري بهـمّـك مـــن الـنــاس رجّـــال=الـنــاس مـــا تنـفـعـك لــــو تستـعـيـنـه
والا المـره لـو تـدري فبعـض الاحـوال=يصـيـر هـمّــك غـيــر هـمّــك رطـيـنـه


ردي عليه الاخير وانتهينا..


تجين يالوديـان مـن روس الاجبـال=ويدمر شخاليلك مـن الارض طينـه
ياموج يلـي تحتمـل شيـل الاثقـال=وصيتهـا ترسـي علـيـك السفيـنـه
ويبيوت يالـي جيتـي اليـوم زرفـال=ضحـك لـك الخاطـر وجيتـي وزينـة
من الألف مانتي فئت الجيم والدال=معروفة المنشـى ولانتـي هجينـه
لـك هاجـس(ن) نـزال رحـال نــزال=يمشي على مطلوبك اللـي تبينـه
صارت لي الذكرى مع الوقت زلزال=يــون هاجـسـهـا ويـزعــج ونـيـنـه
راع الهـوا لويـربـط النـفـس بحـبـال=ماتطاوع النفس الشجينه شجينـه
يسكب عليه من الهواجيس شلال-ويبصم جنون الشوق على جبينـه
وله ملتقى مع كل ضيقـه وغربـال-يظهرخـفـي عبـراتـه المستكـيـنـه
لـو ينجبـر كسرالمواصـيـل بالـمـال-راع الـغـلى تجـبـر كـسـوره يمـينه

لتوثيق فقط اضعها

هنا

بدر

[بدر الشمري]

للأسف ما اكتملت القصيده
الاخيره وانقطعت بعض
الابيات اعيدها كامله
"
"
"



تجين يالوديـان مـن روس الاجبـال=ويدمر شخاليلك مـن الارض طينـه
ياموج يلـي تحتمـل شيـل الاثقـال=وصيتهـا ترسـي علـيـك السفيـنـه
ويبيوت يالـي جيتـي اليـوم زرفـال=ضحـك لـك الخاطـر وجيتـي وزينـة
من الألف مانتي فئت الجيم والدال=معروفة المنشـى ولانتـي هجينـه
لـك هاجـس(ن) نـزال رحـال نــزال=يمشي على مطلوبك اللـي تبينـه
صارت لي الذكرى مع الوقت زلزال=يــون هاجـسـهـا ويـزعــج ونـيـنـه
راع الهـوا لويـربـط النـفـس بحـبـال=ماتطاوع النفس الشجينه شجينـه
يسكب عليه من الهواجيس شلال-ويبصم جنون الشوق على جبينـه
وله ملتقى مع كل ضيقـه وغربـال-يظهرخـفـي عبـراتـه المستكـيـنـه
لـو ينجبـر كسرالمواصـيـل بالـمـال-راع الـغـلا تجـبـر كـسـوره يمـينه


بدر

[بدر الشمري]

عجب حاولت ان هذه الابيات
ضمن القصيده اعلاه وما
قدرت عند الاعتماد
تنقطع من ماتجي
ضمتها..


يسكب عليه من الهواجيس شلال-ويبصم جنون الشوق على جبينـه
وله ملتقى مع كل ضيقـه وغربـال-يظهرخـفـي عبـراتـه المستكـيـنـه
لـو ينجبـر كسرالمواصـيـل بالـمـال-راع الـغـلا تجـبـر كـسـوره يمـينه

حتى لوحدها مختفيه

[بدر الشمري]

تَرَاتِيِــــلٌ‏ likes this.

شاكر تواجدك واطلاعك واعجابك اختي الفاضله
كل الشكر والتقدير والاحترام
دائماً مايخجلنا مرورك خصوصاً اننا في هذا
المجال مقلون لن نواكب حسن مرورك
لاهنتي...

[الكعبية]

مبدع انت واخاك

لكما جُل التحايا وارقاها

دوم نجمكم ساطع في سماء المنتديات اجمع

تقديري

[بدر الشمري]

مبدع انت واخاك

لكما جُل التحايا وارقاها

دوم نجمكم ساطع في سماء المنتديات اجمع

تقديري

تقديري واحترامي
فاضلتي
للتواجد البهي رائعه في كل حالاتك
لاهنتي..

[بدر الشمري]

ياطيفها لاغابت الشمس ياطيف=ارجوك قلي لانويت الزياره
لو شفت قلبي بالضلوع المهاديف=يرجف الى جا الليل واقفى نهاره
رجيف طبلٍ في يدين الملاقيف=في يد عبدٍ جاه بالحفل زاره
على حبيبٍ فاقده باول الصيف=طال الغياب وطال وقت انتظاره
اللي يسولف رمش عينه سواليف=افهم عباراته عباره عباره
يسكن بوسط القلب سيد المواليف=والروح والوجدان والصدر داره"
"
"
"
بقلمي

بدر

[بدر الشمري]

http://im30.gulfup.com/I0aT1.jpg (http://www.gulfup.com/?8LmWTa)


انشاءالله

بشرى خير للمواطنين

مع تحياتي...

[بدر الشمري]

http://im30.gulfup.com/I0aT1.jpg (http://www.gulfup.com/?8LmWTa)


انشاءالله

بشرى خير للمواطنين

مع تحياتي...



http://www.youtube.com/watch?v=UiUu6tXrgc4

اكلنا مطب حسبي الله عليهم

حساب مزوووور وليس

لـــ داود الشريان اي

صله به

[بدر الشمري]

ياقلب لاطوّل قساها لياليك=اصبر ترا ماحدٍ من الهم خالي
كم من فقد له غاليٍ مثل غاليك=واقفى يجر خطاه ماهو بسالي
احترت مادري كيف ياقلب اسليك=حبيت والي راح بالحيل غالي
ودعك عقب البعد جرحٍ بقى فيك=ينزف على ذكرى الليال الخوالي
ذكرى تجيبه لك وذكرى توديك=والسد ما بين المواصيل عالي
ياغايبٍ من غبت ماغاب طاريك=في كل ليل يعذب الضيق بالي
افز من غفوات نومي واناديك=كنك قبالي وانت مانته قبالي
واقول ياقلب العنى ليش وشفيك=اللي تنادي صار وصله محالي

"
"
"
"
بقلمي

بدر

[بدر الشمري]

ياقلب لاطوّل قساها لياليك=اصبر ترا ماحدٍ من الهم خالي
كم من فقد له غاليٍ مثل غاليك=واقفى يجر خطاه ماهو بسالي
احترت مادري كيف ياقلب اسليك=حبيت والي راح بالحيل غالي
ودعك عقب البعد جرحٍ بقى فيك=ينزف على ذكرى الليال الخوالي
ذكرى تجيبه لك وذكرى توديك=والسد ما بين المواصيل عالي
ياغايبٍ من غبت ماغاب طاريك=في كل ليل يعذب الضيق بالي
افز من غفوات نومي واناديك=كنك قبالي وانت مانته قبالي
واقول ياقلب العنى ليش وشفيك=اللي تنادي صار وصله محالي

"
"
"
بقلمي

بدر

[بدر الشمري]

لا اعرف لما توقفت اضافة المواضيع
في المدونه ما ادري هل المشكله عامه في كل المنتدى ام عندي فقط
مع التحيه لمن يهمه الامر..

[تراتيــــل]

اخوي البدر بأمكانك طرح مشكلتك بقسم الشكاوي وهم سيجدون لك حل يرضيك بإذن الله ..دمت موفق اخي الكريم..