اقرب يالمسمى ابن عزيز ....

[صبي بني التيم]

بسم الله الرحمن الرحيم .....
مساكم / صبحكم الله بالخير ....
اتمنا رباعيه يكون فيها خصمي المسمى بن عزيز ....

البدع .../

بسم رب البريه ببتدي في كلامي .
ثم اثني صلاتي عالنبي والسلامي.
يا سلامي على اللي جالنا منه لامي.

لا في القلب صبر ولا في اليد حيله ...

شفت سيف الغدر واهل النميمه حاضرين
يالذي ودّك تحطّ الهنادي في قفايه
ابد وابدي والسيوف البريعه فاصله

[بن ظافر]

الله يعطيك العافية وصح لسانك وابو عزيز قريب ان شاء الله

[سعيد عوض العمري]

حيّاك الله يا صبي

اشتقنا لك كثيرررر

صح لسانك و ابو عزيز حولك

وإن بغيتوها رباعية فيشرفني
اكمل معك ,,

[فارس القوم]

أبـــــــــو عوض
خلك بعيد انــــــا مع صبي بني تيم واذا ما وده
فـ يبــشر بي خصم

أنا محزمك ما أبغى ياجيني منك لامي
حن سوا بالحروب وحن سوا بـ السلامي
والسناني يفكر بانه غش الزلامي

باقي الليل بدري والمسافه طويله

البدو لهم طبع ما يحبوا الحاضرين
كل منهم لو يشوف الطبع اقفى قفايه
ما أرتجى منه سلام(ن) ولا ادفى صله

[غرمان بن عزيز]

أرحب يا صبي حتى نلين الصفي وأبرك الساعات والحمد لله على السلامه وأخيرا عدت لنا 0



يا هلا مرحبا بك يا الزميل المنادي
لكن أحذر ترانا ما نحب الحنادي
والقصايد قريبه من ذراع للزنادي

وباقي الليل بدري والمسافه طويله


أبتل أبتل يا إبن عمي وحنا باتلين
والكلام اللي سمعته ترى ما هو حكايه
هذا حكي اللي ودي علومٍ باطله

[أبو ريان]

الله الله ..
ومن اولها واضح الحماس ويقابله الهدوء والحكمة فهل سيستمر الرسم كما هو أم أن للجولة القادمة جديد ..
بصراحة أعلق أحياناً بطريقة مباشرة ولكن ثقوا بأني عندما أعلق بهذه الطريقة فإني أعلم بأني
أمام من سيقرأ التعليق كما هو بعيداً عن أي مفهوم خاطئ ..
متابعين ودمتم راقين ولكم تقديري ..

[غرمان بن عزيز]

ما فيه نفر هوه كمّل مع نفر أنا

[غرمان بن عزيز]

يا تهم يا حجازي يا حضر يا بوادي
ما بدأ من طرفكم من يحب البوادي
كان ما في جبلكم سال سيله بوادي


باقي الليل بدري والمسافه طويله


ما صدق من قال يآتيه من الهبات لين
والقصيد اللي بصدري نسوي له حكايه
حتى يفهمها الذي ينسب الإحباط له

[الشيباني]

انا باكمل معك بعد اذنك

الرد
مرحبا يالبديوي يا زميل المنادي
شاعرٍ ينعرف لا هبت الريح نادي
كم لي انادي اهل الطيب والعز انادي
باقي الليل ..
الصخور القاسية غصب غصب انها تلين
التهامي في تهامه وفصل له حكايه
والبديوي جا بفزعه ولكن باطله

[صبي بني التيم]

طيب طيب ...
لي الشرف انك تكمل معي بارك الله فيك وكلكم وافين ....
اوووه يا ما بصدري من علوووم ...

اسمع يا غرمان اسمع ..


البقا دام لك جينا نريد الحقيقه
مانريد الضعاف ولا القلوب الرقيقه
كل رجال فالميدان يحمى شقيقه

لا في القلب صبر ولا في اليد حيله .

والله انا ما نشلّ ابكلام الفاسدين
غير من رمي قفايه متى جاد الرمايه
يوم غاب الذيب ساروا الرخما باسله

[فارس القوم]

والبقاء وكل يشرب لو إنه نشف ريقه
والسماء ماطره والبرق نبصـر بريقه
والكريم اللي جانا بدلته وجا بريقه

باقي اللي بدري والمسافه طويله

لا تسوي لي شجيع(ن) مدام الفاس دين
صخرة الهلالي قالوا إنها تخر مايه
والكفو فعله وشيمته وصدقه لباس له

[غرمان بن عزيز]

الله يحي الجميع وألف شكر لك يا الشيباني لكن ترى رديت على نفسي فالأول والآن كمل معي الله لا يهينك يا بطل 0



يا صبي لا تحسب إني جهلت القصيده
لا وربي ترى العاقل وهب من قصى يده
والذي مد بيده للحنش يلقص يده


باقي الليل بدري والمسافه طويله


أنا ناجح يوم بعض الخلائق راسبين
وأتلفت دوم قدام ما أناظر ورايه
ما تغير موقفي وأبتلي يالقافله

[الشيباني]

الرد
كم لي اقول وينك يا سعيد وسعيده
العرب في لقاكم في حماس وسعيده
كان جدك بدار القرو ما توسع ايده
باقي الليل ...
كل سيف بيد غرمان له في الراس بين
شافه المبصر وحتى العمي شافه ورايه
شاعر ما ظني انك ترد القاف له

[صبي بني التيم]

جدّنا مدّته تاسع قريب وقصايا.
علمنا لا بدا يا كثر منهم ضحايا
هات علّتك فيها يا عريب السجايا

باقي الليل بدري والمسافه طويله.

والله انا في دروب المعزّه سالكين
ليت وان الدرب قدّام يا بعض العصايه
وقفة اهل الشين عند النشاما سافله

[فارس القوم]

أنـت ظاهرك ساهي والعظيم الخفايا
الله كم ناس شافتني وراحو خفايا
ولو تزيد النباح اكثر با ألدك قفايا

باقي الليل بدري والمسافه طويله

بين ربعك نجلد اللاش وحن له سالكين
واللي مثلك والله ما يمشي إلا بالعصايه
لو هرج بأغلى هروجه تراني سافله

[غرمان بن عزيز]

كل رجال له تاريخ يثبت وجوده
يوم جدي وجدك بآن علمه وجوده
وأنصحك لا تطاوع شخص يكثر وجوده


باقي الليل بدري والمسافه طويله



ألف بالدرهم تعاملت أنا وألفا شلين
في حياتي كاسب المدح وأكسبت العلايه
وأحمد الله سيرتي بالمكاسب حافله

[أبو ريان]

مبدعين ورائعين ولكم متابعين وعساكم على القوة ..
تقديري ..

[الشيباني]

الرد
كل واحد من الشعار يلزم حدوده
لان سيف العدالة شابين في حدوده
والوطن حن حماة اهله ونحمي حدوده
ما في القلب صبر ولا في اليد حيلة
,,,
ما يزعزعنا كلام الصغار الفاشلين
اتمشى من تنومه الى سبت العلايه
وان لقيت امثالكم خذتهم في حافلة؟.

[صبي بني التيم]

يالربع اما تحمسنا وكل يوم ثلاث اربع ردود ولا اغلق المحاورة يا مشرفنا ....
فارس القوم عليك بالشيباني وازهل بن عزيز عندي ..
وكل رجال فالميدان يحمى شقيقه ...
اسمع يا ولد اسمع ....

اي نعم عندنا تاريخ يضوي منارة
يوم بعض العرب للضيف ما شبّ نارة
الله يا قوّ ضهره كيف يحمل شناره

لا في القلب صبر ولا في اليد حيله

للفساد وللكساد الربا يا مسلمين
العُشُر ناشف ولا عاد باعروقه روايه
باحتطب عوده وبا شب نارٍ شاعله

[فارس القوم]

اســـــــــــمــــع يا ولد /
الشيبـاني ازهله ما حولك احد

الجمل قوته بالحمل ويضرب بكاره
وانت همك لكاره وداخل القلب كاره
يوم صبحنا بالحصباء بفجر وبكاره

باقي الليل بدري والمسافه طويله

كم غزينا في ديارك واثركم مسلمين
يوم ضحينا بربعك وصرتوا انتو الروايه
في لسان القوم حتى الردي يشاع له

[غرمان بن عزيز]

مرحبا بالجميع لكن أنتبهوا ترى الزعل ممنوع وفي النهايه كل واحد تسجل سلبياته وإيجابياته وعفاكم 0



وارد السوق ناظر تمر بيشه وسامه
عند تاجر صغير السن فيه الوسامه
قال له من هو أنته قال أنا أسمي أُسامه



وباقي الليل بدري والمسافه طويله



صادق الصادق وتابع ترى ملفاي زين
وأنا بأدعي صادق والله يتقبل دعايه
إن من حرّف كلامي يهب له نابله

[الشيباني]

الرد
يا علام البديوي يا عرب يا علامه
ما درى انا هبينا في دياره علامه
لامه اهل الوفا والعود والورع لامه
باقي الليل بدري
يشهد العراف للغانمين الفايزين
وانت وامثالك حثالة وكثرتو الدعاية
وينهي الاخلاق يا اهل القلوب النابلة

[ابوفهد العمري]

صحت السنتكم وبارك الله فيكم .

وارجو ان يكون الشعر بدعا وردا بينكم بين بعيدا عن القبيلة والسباب والله يقويكم .

[غرمان بن عزيز]

الله يصح بدنك يابو فهد وألف شكر لمرورك ولكن ترانا من قبيله واحده وشركان وعواني وحبايب ولا هناك سب ولا نب مجرد أبيات يشلون بها العراضه أبو ريان وأبو ظافر والمسكت ويدق الزير علي زاهر الشهري والعرضه تراها في مفرق الحصباء يعني ما هناك مسافه 0أخخخخخخخخخخخ 0

[صبي بني التيم]

طيب طيب ....
الزعل مرفوع وخاب رجال يزعل من كلام شعار ....

بعت له تمر من عذقٍ يطوّل مقامه
حتى يعرف على سلم النشاما مقامه
يلقم التمر لكن ما يخلّص لقامه

لا في القلب صبر ولا في اليد حيله

اشهدوا يامن جلس واشهدوا يالقايمين
شفت انا غرمان في حجرتة تو المرايه
يحسب انه مثل ذيك الوجوه المذهله

[فارس القوم]

اســـمع

الخلايق درت بالكفو حزة سلامه
وتعرف اللي يعادينا يعادي السلامه
لا تكرر بعلمك جاك امن الناس لامه

باقي الليل بدري والمسافه طويله

في مقابركم ندق الزياره وقايمين
واللي مثلك ما يفيده كبر وإلامرايه
بالقاء مطعون مذ البشر ومذ هله

[أبو ريان]

تبغون الصراحة ..
مبسوطين منكم وفي نفس الوقت زعلانين ..
مبسوطين لجمال قصيدكم وروعة محاورتكم وزعلانين لأنكم تبطون علينا ..
ودنا تكونون متواصلين أكثر عشان ما تفقد المحاورة جمالها ..
نقدر ظروفكم ولكن حاولوا وعسى الله يعطيكم العافية ..
تقديري ..

[غرمان بن عزيز]

ابشر بالسعد يا بو ريان ولكن ألتمس العذر الصبيان لازم يدورون حول الزير وقلبون المسبحه و ومن رهبة الجمهور ما يستعجلون وعفاك 0

[غرمان بن عزيز]

كل خيال في الميدان يظهر بخيله
واليدين الكريمه ما تصافح بخيله
وأسمع الرعد يرعد غير ماني بخيله


ولا في القلب صبر ولا في اليد حيله


يا صبي أبن التيم لو دار جيم ودار سين
فأسأل أهل النيل وش حد مصر على كفايه
حزب ماهو للتقدم ولا أحدٍ قابله

[الشيباني]

الرد
ليت وانك تجيب الطيبة والجميله
غير سويت ما سوا جميل وجميله
البحر لا تكبر صار في الموج ميله
باقي الليل بدري ...

حن رجالٍ بيننا العارفين الدارسين
كان في راسك علوم ولا جاتك كفايه
قبلك الونعم تقدم تعال وقابله

[صبي بني التيم]

هههههههههههههههههه...
غرمان حنا نوقف قدام شيوخ وقبايلهم وما نهاب تبانا من غيرهم نهاب ؟؟..
وان شفتني الف المسبحه فاعرف انه بيجي علم يقص ضهر العدو ...
اسمع ...

يابني عمرو نعرف كل وادي وسيله
وان حكمنا الردي ما عاد يلقى وسيله
بحكمه وان توسل ما بينفع وسيله

لا في القلب صبر ولا في اليد حيله

كل رجال ٍ على ساعة المنصا يبين
النهايه فالسما والنجوم النا بدايه
كل جاهل لا يجي في مقامٍ يجهله

[فارس القوم]

لو يجيبوا الجميله عند اصغرنا رذيله
ما أبغي ألد له وأطرح على المر ذيله
ولو قعد هو أذي له وإلا لو فر أذي له

باقي الليل بدري والمسافه طويله

كم رمينا في هدفكم وحنا صايبين
ما درينا تعبد الله وكتابه وتعبد ايه
وإلا تمشي بالضلاله مع من يجهله

[غرمان بن عزيز]

أبتعد عن قبائل تنعرف في المعارك
وأنت تجمع كلامي فيه غثٍ مع رك
خلها بيني وبينك وخلك معارك


وباقي الليل بدري والمسافه طويله

لو جهلتوا قصدنا والقصائد يا ثنين
لازم ندعي لكم بالصلاح بالهدايه
والذي ما يهتدي لازم إن أقاتله

[صبي بني التيم]

طيب طيب ...
انهها يالشيباني ...
والله العضيم اني نفسي طابت منها اخذت وقت مو لها .....
والعذر والسموحه يالربع ان حصل خطا ولا زلينا ....
واعذرني يابن عزيز كنت ابغاك تولع وتتنرفز لكن ابدي اعجابي بك ....
احترامي للجميع ...

[فارس القوم]

لاااااااااااا اله الا الله
بيض الله وجيه الشعار والعراضه والمخيله ومن حضر خخخخخخخخخخ
ما قصرتوا جميع
اعذرونا على ما جاء يابني عمرو
حبكم بالقلب والعالم الله

والف شكر وشكر لأخوي سعيد بن عوض العمري
اللي اخذت سراه
ويعلم الله اني ما جهلته لكن انا والصبي باقي طلاب
وودنا نكون ثنائي بسيط
احترامي لك يا بو عوض

يا صبي عز الله انك نعم الخوي
ومن يحتزم بك انك تجمله
ابيض وجه

تحياتي للجميع ......

[الشيباني]

لو انك صادق يا صبي التيم كان خليتها محاورة مباااشرة
اما كذا ما ينفع ..ما ندري متى تفضى..واذا انت واثق من نفسك انت وخويك فارس القووم حددو لنا يوم معين ونشوف الشاعر منهو ؟؟
اما بالنسبة لسعيد عوض فشكله زعلان وانتو السبب

الرد
انت شاعر من الشعار تبغى تشارك
والجمل لاهدر من هدرته صرت بارك
غير خلك مسالم لا تطب المشارك
باقي اليل ..
الاحد والسبت من بعدها يوم الثنين
فارسٍ شارك معانا ويبغا له هدية
العسل والتمر لي والدخن والقات له

[غرمان بن عزيز]

الله يعطيكم العافية وشكرا للجميع شاعر ومشارك ومشاهد 0

[فارس القوم]

هههههههههههههههههههههه
الشيباني يا جماعه مدري وش فيه
احس اللي بصدره قلب بعير
وش عليك مني انا وسعيد بن عوض

ثاني شي
من ناحية المحاورة المباشره
دندن وغن وتلقاني قدامك ......

[صبي بني التيم]

طيب طيب ...
يالشيباني ترا صعبه كلمة ونشوف من الشاعر ...الشعار الكبار يقلون ما تحكم على الشاعر من عشر حفلات ..
وانا جاهز وخويي جاهز والميدان يا حميدان ....
وحددوا وقت لكن راعوا ضروف الايام تيه ...
واعفااكم ...

[فارس القوم]

كفو ومطلق يا صبي بني تيم
عز الله انك شيخ ولد شيخ

اصلا يمزح الشيباني
ما يقصد
ماهو بمهايطي على الفاضي
صح يا الشيباني

بعدين الكلام عند بعض العرب الله ما اكثره
وعند الفعل ؟؟؟؟ اقلك ... ما يحتاج اكمل

وكل واحد ادرى بنفسه