ازهموا لي الرادار

[خالد بن مشرف]

اسعد الله اوقاتكم بكل خير
ودي ناخذ لنا طاروق مع اخوي الرادار قلطة

يا ناس من عيّن لنا الرادار
0000000000 له مدةٍ ما صاد طيارة
0
0
يقلون متعاون مع بشار
000000يتقنّص الشيبان في الحارة

[أبو ريان]

يا سلام يا خالد ..
نداء جميل ويستحق الإجابة من الردار وهو قدها ..
تقديري لك وله ..

[بن ظافر]

تبارك الرحمن الله يعطيكم العافية جميع

[المسكت]

أضن ماوصلته لأخبار
... والضن ماهو بكفاره

إرسل رساله وقله سار
.... بالملعبه ناس بحاره!

خالد الردار ابشربه لكن دخوله متفاوت للمنتدى دز له رساله ويجيك مثل الطير
ونستمتع إن شاء الله معكم

[الرادار]

المعذرة على الغيبة يابو مشرف

يا صاحبي لو نرصد اللي صار
كان الزمن يبدي لنا اسراره

المعذرة لو تقبل الأعذار
لن الخلل في بث لإشارة

[خالد بن مشرف]

اساتذتنا
ابو ريان
بن ظافر
المسكت
الله يحييكم شرفتونا
واخوي الرادار ما ابطى من جاء


لا تاصل المغول والتتار
0000 خلك مع بو زيد في داره
0
0
وشفيك تتقنص حمام الدار
000 وتحط وسط الحوض سنّارة

[الرادار]

خلك معي وابعد عن الأشرار
......بو زيد ما يغزي على جاره
.
.
.
نقنص حمام البر لكن طار
يوم البحر له ناس بحاره

[خالد بن مشرف]

لا تامن الغدار والمكار
000000لو لحيته غطت على ازراره
0
0
من كثر ما تجهرني الانوار
00000 فصلت لي عشرين نظارة

[الرادار]

الله يستر من لهيب النار
...... يامن تشوف الناس مكاره
.
.
اقولها بالسر والأجهار
..... الثوب ما يصلح وهو عاره

[سعيد عوض العمري]

يا سلاااااااااااااااااااااااام

طاروق و لا احلى

عاد مع نجمين من عمالقة الشعر

ابو مشرف & مبارك الرادار

عز الله معاني عميقة الله عليكم من جد !!!!!
!
يطيب لنا الأنس و السمر معكم

تابعوا و احنا متابعين و مستمتعين إلى النهاية ,,,

[المهندســ]

يعطيكم العافية
متابعون ابداع الكبـــار .. خالد والرادار !
قواكم الله

[خالد بن مشرف]

اخواني سعيد بن عوض
والمهندس
الله يحييكم متابعتكم شرف لنا
الله يبيض وجيهكم

[خالد بن مشرف]

ترى الهوى يتقلّع الاشجار
00000 والآدمي ما تسلم اشجاره
0
0
احذر تروح ايمين ولّا ايسار
0000 ركز على الطبلون والطاره

[الرادار]

الضلع توك به صفي واحجار
000هب الهوى مايقلع احجارة
0
0
انا معك في الدرب يامن سار
000 لكن ماهو درب سيارة

[خالد بن مشرف]

شفت المطوع طاح في المسيار
00000000 يالله عسى للذنب كفارة
0
0
غديت للعالم كما المنشار
000000 حتى رصيدك زادت اصفاره

[الرادار]

حن هل الطولات واهل الكار
000 لكن ظروف الوقت غدارة
0
0
اللي حصلي يا الزميل اقدار
000 والكفو مابيقل مقداره

[المسكت]

ثنائي راائع
نستمتع معكم ومنكم نستفيد
رعااكم الله وإلى الامام

إحترامي

[خالد بن مشرف]

مديرنا القدير المسكت
نشكر لك متابعتك واهتمامك
الف شكر طال عمرك

[خالد بن مشرف]

مادم عودتو من المشوار
000000 بنغير الطلقات والشارة
0
0
وشهي علوم السيل والامطار
0000000 ربيعنا ما هلت امطاره

[أبو ريان]

خالد بن مشرف ..
الرادار ..
الحبك والقوة والمعنى والفن والحل والربط كلها موجودة هنا ..
لله دركم يا راقيين ..
تقديري بلا حدود ..

[الرادار]

ويش باربك يالقائد المغوار
0000كنه حصل من ليتنا غاره
0
0
السيل مازل الحبوس وحار
0000 والناس ورّاده وصدّاره

[خالد بن مشرف]

الله يحييك يا ابو ريان
شهادتك ومرورك وسام على صدورنا

[خالد بن مشرف]

انا الى شفت القدر ما فار
00000000 اغيره لو صاح صفاره
0
0
ما تهدم الجدران والاسوار
0000 الا من السوسة ومالفارة

[الرادار]

اطبخ وشب ان كان تبغى الحار
000 راعي الكرم معروف دواره
0
0
واللي يشوف ان الجدار انهار
000 بنساعده ويقوّم اجداره

[خالد بن مشرف]

شبيت ناري وانشد الحضار
00000000 ما بين جمّاله وبقّاره
0
0
الساعة اللي سبقت الاعصار
00000 درّت عليك الفين وعمارة

[الرادار]

نشدت لك في السوق والمخطار
000 قالوا ان سوقك مغلي اسعاره
0
0
لكن بيني وبينك المضمار
000 والحد بيدك حط مسماره

[خالد بن مشرف]

يازين مشي الكابرس عالقار
0000000تمشي على كبري وعبارة
0
0
لكن الى جات الجلد تنهار
00000000 وزيوتها في القاع خرارة





اخوي الرادار اشكرك على اجابة الدعوة تشرفت باللعب مع
شاعرٍ متمكن وكفو مثلك وانا اعتبر نفسي المستفيد من هذي المحاورة
واشكر من علق وشارك وتابع
هذا آخر طاروق

[الرادار]

قافك ثمين ويلفت الأنظار
000 والكفو مثلك نعرف افكاره
0
0
والا الجلد ناطاه بالفكسار
والكابرس مايلحق اغبارة

الأخ الشاعر خالد تشرفني المحاورة معك وللمحاورة هذي من بدايتها نكهة خاصة فتقبل تقديري لك والى اللقاء في محاورة اخرى