محاااورة

[الشيباني]

البدع
يا مسلمين الوضع في سوريا خطير
ياليت بو متعب يوافق على المسير
ونسير من عرعر شمال ومن عسير
وانحرر اهل السنة من الزعيم الظالم
بشّــار واعـوانه وكـفّة كتايـبه

[سعيد عوض العمري]

ودنا بالرباعية ,,

الرد
يا مرحبا واهلين يا من لفى خطير
وبراعي الامثال خلا الصعَبَ مسير
و بفكره النيّر يخلّي السَهلَ عسير
يا الله تجنّبنا الخطا و الطريق الظالم
و تدلنا للخير نقرا كتايبه

[بن ظافر]

الله يعطيكم العافية ويكثر من امثالكم متابعين يا الصناديد

[صبي بني التيم]

يا زين المحاورة مع الثنين ذوليه ...
استلم ياللي بيرد ..

يا صبي شيبان الوزارة بتي وزير
يوم النعامه ما بتقوا على المطير
المملكه جيشٍ في المعركة خبير
قوّة قبايلنا يبصّم عليها العالم
السيف من ذا يشهره من جرايبه

[بدر كعب]

استلم الرد
يا اصحابنا نبغي حضور وشعر وزير
احنا رجآل الحجر ماحنآ عرب مطير
صغيرنا في الحرب قدّم عطا كبير
فينا الشيوخ اللي تحآضر وفينا العالم
يا الجاهل انشد بوك قل وش جرا يبه

[الشيباني]

البدع
يا احمد نجادي ما يسرّونك النفير
حنّا جيوش الدين والمذهب المنير
نحمل لواء الاسلام يالجاهل الحقير
حنا وسود السنة ولا عليها انساوم
والرافضي ناطى شعاره ومذهبه

[سعيد عوض العمري]

اسمع يا بدر والمعذرة على التأخير ,,

الرد
يا اصحابنا ما ينفع الزير و النفير
ما عاد ينفع غير بارودنا المنير
و نكبّ دنيانا سوى الزود و الحقير
و نهجم على االباغي و وجه نطا و انساوم
عزّ الله ان روحه قتيله و مذهبه

[صبي بني التيم]

الله الله ...
ياكم سلاسل ما تكبل بها الاسير
ياكم نضيرٍ ما نلاقيه بالنضير
كم سيف ما منه ذليلٍ ولا كسير
ولا عقادة خيلنا فاعطها بن سالم
واللي يعادينا بنلعن صلايبه

[بدر كعب]

اعطوني البارود وانا لهآ باسير
واحارب اسلال اليهود وبنو النضير
والشيعي اللي حضّه الطآيح الكسير
اما نشدّ الحيل حتى يجي ويسالم
والا يدور منعتن من زلايبه

[الشيباني]

البدع
لا ما حضر راعي المحاريف والخبير
يا بدر علّم صاحبك وانصح الصغير
لا يجحد النعمة ولا يكفر العشير
يا سعد دولتنا بذا الفارس اللي قادم
يحسب وينسب في بلاد المغاربه

[سعيد عوض العمري]

الرد
العقم ما ينفع و في جنبه الخبير*
وان كان في راسك و صاةٍ فوصّّ غير
الغرب راس المال واما العرب عشير*
كنا رجالٍ في زمانٍ مضى وتقادم
و اليوم شمسٍ في ثرى الغمّ غاربه

عشير = العشر و هو الزكاة
الخبير = الخبارة اللي تسرّب مياه العقم

[صبي بني التيم]

اعذروووووووني يابع عالتاخر فان الحاله الصحيه ماش الايام تيه...
استلم يا ولد ...

الحق بين القول ماله ترا خشير
ولا بدر بن كعب في دربنا ينير
الحمد لله كل شرٍ تلاه خير
هذا انت راعي واما انا ولْد شيخٍ غانم
في دير ابني شهر تمطر سحايبه

[بدر كعب]

المعذره ع التآخير

اسمعك يآ بشّآر واسمعك يآ بشير
لآتكثرون الحكى والشهق والزفير
واللي يحآود ع الريآده تراه اخير
مآ انت مثل بو زيد والا مثل غآنم
تملك جيوش عالعدآ هم سحآيبه

[الشيباني]

البدع

يا حضرة الجمهور يا حضرة المدير
من بعد ما سويت في المنتدى تحرير
وش رايكم في شاعر القوم والسفير
طاحت عزومه ما بيقوى على المطير
ردّو له الخطاف يعطيه زاد ٍ والم
من بعد ما خلص طعامه ومشربه

[سعيد عوض العمري]

الرد

يا مسرعٍ في السير قدامك المدير
وانظام ساهر حرر امخافله تحرير
خلّ الدروب الظالمه وانهج السفير
و الي تورط بالصحاء كيف بالمطير
ما يجني الا كل همٍ وكربٍ وآآآلم
و الشارب اللي عاند ايجيه مشربه

[صبي بني التيم]

يا الشباني اعقل الله يقهر الشيطان ....

ما تدري ان الونعم يعمّر الدمير
ما تدري ان اللاش بيدمّر العمير
يا شين ريحه صادره من رماد الكير
يا ذلّ قومٍ خانها الشيخ و الشوير
اترك رجال الطيب ولا بتصبح نادم
وش للردي في غير ذلّه و خايبه

[بدر كعب]

لآ مآ حصل يا أصحآبنآ بيننآ دمير
فالله يقطع ذا القلاله وذا العمير
بعض العلوم الوارده خانت التفكير
والنآس تبغي تبحث اليوم فالغوير
هذي علومك يأمعالم وهذا ابن آدم
والمرجله ترفض رجال لخآيبه

[الشيباني]

يالبحتري قبلك فيَ الملعبه جرير
اقدم على الميدان واعلّمك واشير
الاثنين موعدنا مع جمعنا الغفير
ونشوف منهو الشاعر الفارس الجدير
لكن ربي عالم الجهر والسرير
بالتاجر البطران والعامل الاجير
الاوله جت من نصيبه بحكم الحاكم
من بعد ما وصّى يمامه وشايبه..(امامه)

[سعيد عوض العمري]

الرد

من عادتي ماخذْك يالمخطي بالجرير
وليا نوينا كلها باصبع ٍ واشير
ما يحتمل عمده ولا انادي الغفير
يكفيه و جهٍ بايسٍ كانه الجدير*
مثله مسيكينٍ و يطرح على السرير
و لا له مكانه مستجيرٍ ولا يجير
ابتركه يا ربعنا فدوةٍ للحاكم
و الصاحب والوافي صبي المشايبه


الجدير*= صابه الجدري

[صبي بني التيم]

طيب طيب ...
اسمع يا ولد اسمع ...:

بهديكم النرجس وبهديكم العبير
واعلمك وش هي سفارتْك يالسفير
اقسم برب البيت لا جرّعك مرير
ما تقتوي رقي المراقيب يالضرير
ما عد تفرّق بين فاطر ولا بعير
با احدّرك يابن الاجاوين قاع البير
آخذتها بالسيف والرمح وانته نايم
في مثلهم يا ناس محلا نكاي به

[بدر كعب]

المعذره على التآخير

احكم ولآ تظلم في الحكم والتعبير
رح يم سدر اقبآب حتحِت من السفير
واحذر تغصّ وترفع الصوت والصرير
مثلك مثيل الفآرس الجآهل الغرير
اشوفكم يا ثنين ثورٍ بجنب عير
مآ فيكم اللي يعرف الدّبر من الادبير
خذنآ من الفآرس حصآنه معآ الغنآيم
واليوم يبحث عن عشآه وركآيبه