تسجيل الدخول

مشاهدة النسخة كاملة : شر الريح

دلع
12-24-2003, 11:06 PM
شر الريح

كفانا الله شر الريح ..
وموت العشبة الخضرا لحظة داسها
الساقي..
قلتها .. وراح..ولاهمه..انه
قبل يزرعها
كانت حلمة الباقي..
وانا قلبي ..الى هالحين بعد
يهتم..
بعد كل ماصار في هالدنيا..
ويظل شاقي
كفانا الله شر الريح
والطعنات..
وشر الناس..وحكي هالناس
والتمليح
وبعد ماشفت كل ماعفت ..من
خذلان..
سمعت الصبر يناديني
بصبرك قاوم التجريح..
وانا الجمرة وسط قلبي..
ايا خوفي ما اتحمل..
وابعثر صمتي بالتصريح..
عرفت ان احلامنا تجمع .. رغم
عنا…
وتصور ..
خلنا وافي…
خسارة عمرنا
اللي راح .. بكذبة والزمن غافي..
خناجرهم وسط ظهري..
ولا حيل بقى بحيلي ..اصرخ
ياغدر كافي..
كفانا الله شر الريح ..من
المجهول .. او الجاهل
وقهر قادر ..على انه
يسحب بالخفى سلاحك..
وانت الطير بإيدينه..
عجبته ((حر)) من نظره
بس الظلم من خوفه ثار ..وكسر
جناحك..
وتترنح قبل موتك
بسؤال يدور في بالك..
ياصدق البشر وينك..
وكيف اوصل لمفتاحك؟
كفانا الله شر الريح..والغفلة..
وصحوة جرحنا النازف..
والمظلوم..
اذا زدته غبن ..ولع..واذا
استبيع
ترى بجازف ..
ولكن..
يصنع ناي من ضلوعه..
انين وقلبه العازف..
كفانا الله شر الريح..
وشر الجرح والتجريح..
وشر عيون تتسأل:
من اللي طاح؟
ومن هومي ..على حد..
الخطا....وبيطيح؟؟؟؟

مع خالص التحية والتقدير

دلع
المسكت
12-24-2003, 11:29 PM
كفانا الله شر الريح..والغفلة..
وصحوة جرحنا النازف..
والمظلوم..
اذا زدته غبن ..ولع..واذا
استبيع
ترى بجازف ..
ولكن..
يصنع ناي من ضلوعه..
انين وقلبه العازف..


دلع
دلع
دلع
بكلمااااااات
يبقى لها صدى الجرح

ترتقي الكلمات بإرتقاء الاحساس
وتضع الانامل ما يهمس به القلب

دائماً لك ابداع عندما اجد لك مشاعر بالخواطر

يعطيك العافيه ومن ذووقك والله

المسكت
العناااا
12-25-2003, 08:50 AM
وتصور ..

خلنا وافي …

خسارة عمرنا

اللي راح .. بكذبة والزمن غافي ..

خناجرهم وسط ظهري..

ولا حيل بقى بحيلي ..اصرخ

ياغدر كافي..


إي والله ياغدر كافي

صح لسانك دلع


بس يا زمن يكفيك ما نلت مني ... ماعاد بي شي يكفي غرورك

خدعتني يومك تقول انت مني ... حمّلتني باسك وحكمك وجورك

ارحم ذليل منك عودي يونـــي ... يخاف من غدرك ولفحة شــرورك


كلماتك رائعة اختي ..

أثرت فيني كثييييير .. يعطيك العافية يالغالية ..

ولا تحرمينا من مشاركاتك الحلوة في صفحة الشعر ابداً

وتقبلي مني ... أرق التحاياااا http://members.lycos.co.uk/qetharah/up/up/ROSE32.gif

العناااا
شاهن
12-25-2003, 09:12 AM
كفانا الله شر الريح..
وشر الجرح والتجريح..
وشر عيون تتسأل:
من اللي طاح؟
ومن هومي ..على حد..
الخطا....وبيطيح؟؟؟؟

مشاركة حــــــــــــلوة
تقبلي هاي الهدية من أختك

aasw:)