بيت على الكيبورد

[ابوخالد..]

صباح الخير من قلبٍ يكن
الحب والتقدير
لكل الي قراهـ من اوله .....
وتفقد حرووووفه........

[رسام المشاعر]

مثل المطر طيبك ليا طاح بالقاع
تفرح به العربان من كل ديره


وجهك مطر وسيول ضحكك لها اشعاع
ولا نبدل طيب قلبك ..........................بغيره

[ابوفهد العمري]

لا تحسب انك لو تمنيت ربحان ...كثرالاماني ماتفيد الفقارى

[رسام المشاعر]

شاب القلم وانا اكتب البيت والبيت
الين بان العقوق بـ وجه من هو له

هذا وانا اللي حي ماقد توفيت
وش عاد لو روحي من الصدر مشيوله

والعذر يـ اقلامي ترى ما تمنيت
الا بياض الخواطر دون ما قوله

[المهندســ]

ما هو ب عيب إذا كتبتــــي قصيـدة
ولا هو حرام إذا انكســــر بينها بيت

كم واحــد(ن) ما يفتخر في رصيـده
طبعه كـريم ويملـــكـ المال والصيت

وكم واحـد(ن) ما عنــده الا عصيدة
يفــرح بها ويصبّ من فوقهـــا الزيت

هذي نصيحــة ,, لا تكوني عنيـــدة
اقبـل ليا شــفتكـ ولارحتــي اقفيت



ونرجع ونقول ,, دنبق دنبق دنبق

[نبض]

....

قلب عطاني الحب مانيب ناسيه
لين الجسد والعمر تذبل اغصونه..!

..

[رسام المشاعر]

.
.
.
.
.

أنتي عيونكـ وطن لا ضاعت أوطاني
وانتي تفاصيل باقي العمر ........ وسنينه



# قديم

[الصيـــ ( ضــــاري ) ــاد]

خالفتني بالوصل والبعد يازين
وفينا التوافق حب ماهو بـ عاده

خالفتني ومخالف القرب بالبين
بابن على الخلان لأهل النكاده

أفطن مكانك داخل القلب والعين
وحولك من الحساد سايس مراده
الصيـــاد

[المهاجر07]

لا ماقد نسيت الموده وأنا
مدري وش اللي ع الهوى حدني

يابعد ذولا هناك وهنا
خذيتني بس ليش ماتردني

لو صار كل شيء مثل ماودنا
ماشفت ذا فقير وذا غني

#محمديات

[نبض]

...

ربيــع قلبي ياحيـــــاتي وريفي
يابسمة ايامي وصحوة سكاتي

نبضك سعاده للخفوق الرهيفي
واحساسكـ يجمـــع بقايا فتاتي


..!

[الصيـــ ( ضــــاري ) ــاد]

بعض المسافه ليل وامطار وبروق
باقي المسافه قلب تسمع حنينه

لو ينتهي دربك يفجج لك الشوق
اثناعشر دربن تودّيك عينه

ان هدهد الناي وزفر نافخ البوق
غن اعترفلك والخطا عاذرينه





الصيّاد

[رسام المشاعر]

.
.
.
.
.

تعال خذني واشبك الكف بالكف
خل العواذل من قهرهم يموتون

[ابوفهد العمري]

في عيون الليل برد وفي براد الليل سر ... فيه سر ما يعرفه غير عشاق السهر .

[أبو ريان]

في عيون الليل برد وفي براد الليل سر ... فيه سر ما يعرفه غير عشاق السهر .

الهوا في القلب ساكن يعرفه من ذاق مر
كم طوى ليله وكم شافه على طول الدهر

[المهندســ]

طيّب طيّب
شكل الاثنين ناوين على حســـــــوة http://forum.baniamro.com/images/icons/icon10.gif



شاكي الليل الطويل إذا اشرقت شِمّر وسِــر
ما يشوف الهم من عــوّد رجــوله ع السفر

[الصيـــ ( ضــــاري ) ــاد]

السفر سكه وليلي كالغريب اللي يمر

ان كتبت أحساس ليله مابها ضي القمر


الصياد

[رسام المشاعر]

الزفره اللي بصدر الليل تتعبني
تشهق بكا والصبح تشتاق موته

اكتب خيال وواقعي اللي كتبني
واليا سكت لا تسأله عن سكوته

[الصيـــ ( ضــــاري ) ــاد]

عنّاب شعره يامسا مازج التوت
انفاسها الجاني على احمر شفاها


لامس شفاها وقالت بذايب الصوت
ابيات شعر وردد الكل وراها


ياحيّ معزوفه وياحيّ هالنوت
وياحيّ أماسي مع شفاها تباها



الصياد

[نبض]

....

هرجك بتال الليل والا القوايل
يحيي عروقٍ ساقت ابْها المنيّه


...!

[الصيـــ ( ضــــاري ) ــاد]

هزة الشوق اطاحت بالندى للمسيل
عقب ليل السهارى بعد شمس الزوال


انت ياغصن أخضرتشرب السلسبيل
ماهقيتك تفيض الدمع في ليل طال



والله ان الليالي وحملها مو بقليل
نوّخت للسهارى بين لاله يالال







الصياد

[المهندســ]

جعل المطـر يا زين يســقي اراضيــكـ
حتى يفــوح بهـــا النفـــل والخـــزامى


كم مرة(ن) تزعل واجي لكـ واراضيكـ
كنّ العُــــذْر لاجــلكـ عليّـــــه لــزامـا


سبقوبكـ عنّي http://forum.baniamro.com/images/icons/icon12.gif

[الصيـــ ( ضــــاري ) ــاد]

يامن قرا كف السهر لقى بها للضو نار
من التوجّد ياعرب كفي نويت إشعالها

وين انت يامن طلّتك ماخلّت الدنيا قرار
تمر من التصّور طلّتك وأقوم أشعى لها


مثلما سبقوا بالأثنين عن الثلوث والربوع...:)

[ابوفهد العمري]

يازين حاول لـدة الـعين للـعين ... الصد ما فادك وانا مبتليني
احاول اصبرغير تفضحني العين ... قلبك قسى واقول عله ياليني

ههههه
من مذكرات قديمه عام 1394هـ
اقراها واضحك من قلب .

[أبو ريان]

يازين حاول لـدة الـعين للـعين ... الصد ما فادك وانا مبتليني
احاول اصبرغير تفضحني العين ... قلبك قسى واقول عله ياليني

ههههه
من مذكرات قديمه عام 1394هـ
اقراها واضحك من قلب .

مسكين يابوفهد ..

ذاك الزمان بصدرك اثنين قلبين
واحد كنزته لأجل يمسك يديني

والثاني الحينـه بـه الهـم همــــين
ما عـاد يقـوى للغزل والحنيني

للتوضيح ..
واحد كنزته لأجل يمسك يديني يعني يدين المغناطيسو الثنتين
ماهي يديني أنا الله يهبلك قنبلة http://forum.baniamro.com/images/icons/icon10.gif

[ابوفهد العمري]

ههههههه

الله يسعدك يابو ريان قسم ان ضحكت ان ضامني بطني من التوضيح .
اقشر من القصيدة . ههههههههههه

[أبو ريان]

ههههههههههههههههههههههه
والله إني أكتب وأضحك من قلب والله يرفع قدرك أبو فهد ..
المهم تعييت مذا أقول http://forum.baniamro.com/images/icons/icon10.gif

[ابوخالد..]

يقووول ابوخالدعلى كل منطوق
نويت اعَسف القاف واظهربيانه
يامدعين العشق ولهايب الشوق
الحب والاخلاص ولى زمـا نه
وجهة نظر هههههه
تحيتي....

[المهندســ]

88
صح لسانكـ يا بو خالد
الظاهر الاثنين اللي فوق فعلوا البهايت زمان
والحين يمنعونا من الموسيقى والصور ........... الله يعفو عنّـا وعنهم
شكل البرد مسوي فيهم سوايا بالايام اللي راحت http://forum.baniamro.com/images/icons/icon10.gif


العلـــم يا بو خـــالد اللي كِتب فوق
اهله لهم تـــاريخ يعــــرف مكـــانه

لو حاولوا يخفون عن كل مخلوق
نكشف خفـــــاياهم بمـــزح وميانة

ليت للمغناطيسو بدية على ذكريات 94 قسم ان يقعد يغني في الحوش الى صبح http://forum.baniamro.com/images/icons/icon10.gif

[نهى آل الشيخ]

طل الشتاء!!
من شرفة الليل وامسيت..
اجمع حطب ذكرى سنين ومواجع

[رسام المشاعر]

لا تقتل اللحظات في عين مشتاق
ترى المشاعر لانكسر غصنها مات

جيتك وفي كفي تذاكر للاشواق
والشوق في عيني وعينك مسافات

عمر المحبه مالها حدود وافاق
مخلوق ما ينعد من ضمن الاموات


#

[نبض]

...


حبّـگ مجنّنّي وأبي مـــنك تدْري..!
إنْك ليا أظْلمْ كُوني أمسيت صبْحي


!

[ابوخالد..]

امنيات كثاروأغلبها سراب
والزمان اقفى بيسره والعسير
ماتحقق منهاغيرالجواب
مرهٍ وحده وانا طفلٍ صغير
بوحي/♥!! ‎~
مساءالخير الجميع
:010305123602:

[الصيـــ ( ضــــاري ) ــاد]

بعضك نسا..هالليل وانسل للصبح
وبعضي أرتكا له ليل بايديه غِلّه

أنسل بعضك نور ياوجهك السمح
أنسل صبح ورود....غيم ومظله

[ابوفهد العمري]

لا بأس يامن بكت عيني على شأنه ... تفـداك عيني ومـا هلت مدامعهــا
منزلك في وســط قلبي عـالي شأنه ...علق مع الروح وبطول المدا معها


قديمة جدا الله لا يبلانا . هههههههه

[حكيم المنتدى]

يقول الشيخ
ابو فهد الله يطول عمرة
!!!
لا بأس يامن بكت عيني على شأنه ... تفـداك عيني ومـا هلت مدامعهــا
منزلك في وســط قلبي عـالي شأنه ...علق مع الروح وبطول المدا معها
!!!

واقول ممازحاً استاذي ابا فهد
!!!

الشيخ يصعب عليً اليوم غشانه ... وانا اعرف المرجله والعقل جامعها
لكن قدره طفح واشوف غشانه ... والظاهر انه بوســـــط الدار جامعها

أخي واســـــــتاذي ابو فهد
اســعدك الله في الدارين
انت والاخوة جميعا
!!!

التوقيع
حكيم المنتدى

[حكيم المنتدى]

أنتي في النور شمس وفي الدجى بدري
وأنا اخبره بســترا في مزرعة صبحي


!

[الشمالية]

مدري علامي حزين وخاطري ضايق
من عثرة الحظ والا وش معنيني
نفسي دمار ومزاجي ماهو برايق
وازعل من الظل لو شفته يباريني

[المهندســ]

آنا على شـــــوفكـ مُتيّــم ومشتـــــاق
................................ ولا على غيــركـ يهيض اشــــــتياقي
.
امطرت لكـ غيم(ن) سـرى فيه برّاق
................................ وعنّيت لكـ في ليلـــة الخــوف ساقي
.
إمّا خذيتيني على صـــدركـ إشـــفاق
................................ وإلا اتـركي قلبي يـــزيد احتـــــراقي

[الصيـــ ( ضــــاري ) ــاد]

لا بأس يامن بكت عيني على شأنه ... تفـداك عيني ومـا هلت مدامعهــا
منزلك في وســط قلبي عـالي شأنه ...علق مع الروح وبطول المدا معها


قديمة جدا الله لا يبلانا . هههههههه



صح لسانك ياعظييييم

[المهندســ]

في ذمـــتي يا حـــــرفكـ اللي قــــــريتــه
إنّه مخــلّيني من البــــــــــارح اشــــتاق
.
عرضت حُبّكـ على الهوى واشــــــتريته
مشرى غشيم(ن) ما عرف سوم لسواق
.
والليــــلة انس اللي ســرى واحتــــريته
وش حيلتي لالتفت الســــاق بالســـــاق

[نبض]

....

والله مالـك في خـــفوقي مخاوي
لاوالذي نزّل لــسبع المـــــــثاني

لك الــزعامه فيه منْت بنحـاوي
متمــــرْكزٍ بـين المــــعاليق داني


..!

[الصيـــ ( ضــــاري ) ــاد]

شفت الندا في غصون ورود ذبلانه
حتى الذبول يتراوا بماكسب غيره

ماكنّها الأمس تهدى ايدّين عشقانه
وماكنّ هالليل بنجوم اللقا ..تنيره

قبل الفجر والسهر ساعات عطشانه
ياحيرة العين تنظر وبالنظر حيره

الصيّاد

[نبض]

..........

بس اقول :)

إرجع وعجّل لي بصدق الخطاوي
نار انتــــظاري ماتــبي له رهاني

!

[رسام المشاعر]

حنيت لـ ايامكـ عسى أيامنــــا خير
وهـذي ثلاث سنين وانا لـ حـــالي


ياعمري اللي فات ماعــــاد لي غير
صورتك ، والذكرى ، وذيك الليالي

[رسام المشاعر]

.
.
.
.
.

ساري واسولف لك واناظر مكانك
ولا لقيت الا ........... خيالك بعيني

[الصيـــ ( ضــــاري ) ــاد]

زهرة الصمت لومالت بكفٍ جحوف
ماشكت قلّ ماها وأشتكن ماهطل

فمن تعدا مصيره ما شكا قلّ شوف
الخيال بسما العشاق بدرٍ ..كمل

اقبل الليل حزنٍ فاقبلن به طيوف
إلين صارن سواة الحب قطع الجمل



الصيّاد

[المهاجر07]

لا تميلين معا كل من جاء يميل
الوفاء طبع عند أهل العقول الوافية

من يبيع الهوى للناس يصبح ذليل
وهذي ماهي على مثلك ابد خافيه

[الشمالية]

أنا مسافر والوطن غربة بدوني ••وطعم الحياة بدوني يامرها

فيه اعتراض لاسمح الله :)

[نبض]

......


خذْني جنونٍ بـ نبضگ وبتراتيلگ
مرفوع عنّي قلم والعقلْ ماشوفه...!



!

[الصيـــ ( ضــــاري ) ــاد]

لوّه خذاني لك زمن.. ليه عصاني!!
ويوم المفارق دمعتي بجد ....سالت

لا ماشكرت الوقت ولوبك ..هداني
انا أشكر عيونك حبيبي على الوقت

الصياد

[الصيـــ ( ضــــاري ) ــاد]

لاتجيني إلا... الحبيب
وش لي بلوم وعتاب...

فيّـ من... ذاك القريب

وانت بك بعض اغتراب..



الصياد

[المهندســ]

؛
الهــوى ما فيه .. حـق ولا حقيـــــقة
غبن واوهــــام وعنــــا واحــلام ليـل
,
قيس ,, عاش ومات ما حصّل دقيقة
يهتني فيها .. وهـــــــــــذا اكبر دليل
,,,,
صحــ ؟؟

[نبض]

....
صحـ ..! :)

فيه لذّه فيه دمــعه فيه ضـيقه
به حيــــــــاة ايام وايـــامٍ ذليل

رغم هذا ساطعٍ نوره و بريقه
ينعــــش القلب ويداوي للعليل


...!

[ابوخالد..]

ياقايدالريم ياملفوووف**يالي لك الروح ملهوفه
اناعلى شوفتك ملهوف**يامهجة القلب وشغوفه
الحزن قدلاف قلبي لوف**الحق قبل يعلن عزوفه
يابوثمانٍ كماالمصفوف**الله على الماس وصفوفه
قلمي المتواضع
تحيتي...

[ابوفهد العمري]

لو جفاك الناس واهلك والقريب ... عد الى الله واطلبه في العافية
واعـلم ان الحـل عنـد الله قـريب ... ثـق بـربك والليــالي لافيــــــة

[أبو ريان]

لو جفاك الناس واهلك والقريب ... عد الى الله واطلبه في العافية
واعـلم ان الحـل عنـد الله قـريب ... ثـق بـربك والليــالي لافيــــــة

كلمة الطيّب تلاقيهـا لهيــــب
تعطي المعنى بنيّـة صافيــــــة

نسمع اللي كلمته دايم تصيب
وزنها معروف . وتبقى وافية

[المهاجر07]

كلمة الطيب تلاقيهـا لهيــــب
تعطي المعنى بنيّـة صافيــــــة

نسمع اللي كلمته دايم تصيب
وزنها معروف . وتبقى وافية


الرجاء بالله لا يمكن يخيب
اللي ماتخفى عليه الخافيه

قل لمن قلبه من الدنيا عطيب
رحمة الله للبنا آدم كافيه

[ابن عياش]

بعيد عن عيني وفالقلب حسره
....................... كيف الظروف الجايره تلتويني

ياللي دوا غيري بحبه وابره
...................... وانا دواي انته وضحكة سنيني

[المهاجر07]

الله يخلي للوطن سلمان
اللي حزم رايه وتفكيره
خله يأدب كلب إيران
الحوثي اللي حان تدميره
حنّا هل الطولات والشان
ماهمنا لاهو ولا غيره

[الصيـــ ( ضــــاري ) ــاد]

اقبلوها فهي جات كذا ع الطاير بما أن الجو هالأيام كله على الطاير وسامحونا لو بها قصور...:biggrin:



ماطاع دار السلم واللي نخبها
يذل اليمانيه ويذل بالقبيله

وحنا أهلها وحنا وافي نسبها
وان جت لهلها تعيش ماهي ذليله

أنظر سلاح الجو يعانق سحبها
ثم يلتوى يرمي الحمول الثقيله



الصياد

[نبض]

***

صبــــاح الخيـــر

.
قلْنا نصـبّح علـى الــغالين
اللـي يفـــكّون ضــــيقــتنا

الشوق الاوّل غدا شوقين
والــوجْـد صـايـر حكايـتنا


.!

[ابوخالد..]

على الهون ياسيدي ترى القلب لك مرهون
عسى خير كنك حالف انك تخربهــا
انا ما احتمل بعدك ولا أنته علي تهون
ولاتصلح الجلســــه بليا معزبهـــا
تدلل وانا بوخالد الي تقول يكون
وعهدٍ علي لارضيك والناس احاربها

[ابن عياش]

عينك تشاغل عيني ابكل حتّه
....................... اشوفها قدْمي واسجّ ابخيالي

ياعاذلي جعلك فدا والف قـتـّه
.................. لحساب عين الحر جزل الخصالي






دمج الثقافات

[ابوفهد العمري]

اذا ضاق صدرك فاطلب الواحد المعبود ... وقل وانت صادق كاشف الهم فرجها .
يجيك الفرج من عند راع الفرج والجود ... وسج القدم في طاعة الله وادرجها .

[الصيـــ ( ضــــاري ) ــاد]

عينك تشاغل عيني ابكل حتّه
....................... اشوفها قدْمي واسجّ ابخيالي

ياعاذلي جعلك فدا والف قـتـّه
.................. لحساب عين الحر جزل الخصالي






دمج الثقافات




راااااائعه فكرة دمج الثقافات ....:biggrin:

[الصيـــ ( ضــــاري ) ــاد]

مامثل حر الطير صاحب لأحد
وافي مع اصحابه ووافي لراعيه


إن شالته ريحٍ تشيل الرعد
من السما تحطه كمابرق داعيه

أي والله اني بخوة الطير أعدْ
وماعود بلا فود ولايخيب ساعيه

الصياد

[ابوفهد العمري]

لو زانت الدنيا بعينك تراها ما تدوم ... الله يكفى شرها ماسرع اتقلابها .

[الصيـــ ( ضــــاري ) ــاد]

فيك اكتمال البدر يعني وصوله
لحد عينك يعطي الدور دورك

فيك الحلا كلّه بمعنى شموله
ماغاب منه شي ابد في حضورك

يافتنه من النور مالنور حوله
من يفتنه وانتي الوحيده بنورك

الصياد

[ابوخالد..]

تعبت من لعبة هل الصن والشيش
ارمولي احكام الورق بيننا البين
ولكم علي اساوي اللعب بشويش
واقسم خسارتهاعلى واحد اثنين
انابديت آغير مدري على ويش
احساس يأتيني من الحين للحين
يارب منك السـترلاعودللطيـش
واجددايامٍ مضت لي من سنين
...........
ياسااااترارحمنى يابوخالدههههه
تحيتي..

[ابن عياش]

الجزيله ليتها تصبح جزيله
......................... عند من راحت به الهقوه بعيد

بعضهم راحت بيوته كالعبيله
........................... ولو تفهمه الصراحه مايفيد

[ابوفهد العمري]

من لم يقف جنبي نهار الشدائد ... لا مرحبا به في نهار العوافي .

[الشمالية]

والله لو انك مبعد(ن) فوق الاقمار
اني احسك جاري(ن) في وريدي

شمالية

[ابوخالد..]

الجادل الي شغل فكري ووجداني
قدغاب عني وانايلزمني حضوره
يكثرجنوني ليا مـا شـفته اوزاني
من شافني قال هذا فاقدشـعووره
عسى يعجبه عتييم الليل ويباني
في جيتـه يبهرالســماااربعطوره

[الشمالية]

في مسائي
......... و في صباحي
........ مايجي مثلك احد
.......... أشهد إني مكتفي بك 💕

[الصيـــ ( ضــــاري ) ــاد]

حبٍ بذلته مع تظافر جهودي
مافاد بك واليوم بعلن جهادي

ياصاحبي مهي قضية يهودي
ولا القضايا عالقه حول هادي

كنك مثل صالح بحكيك تزودي
وواديك ماصب الحقيقه لوادي


:biggrin:


الصيّاد

[ابن عياش]

سلامة النيه عليها غمامه
.......................... ماتنعرف حتى تهلّ بمطرها

من أرعدت هلّت مزون وكرامه
....................... وقامت بشايرها تسوق بخبرها

[الصيـــ ( ضــــاري ) ــاد]

ماهقيت الليل في قربك ينام
يلبس ثياب النجوم ولك يجي



ويعلن آفاقه مساحات الغرام
ثم ينادي ياقمرنا اخرجي



السهر بأوله ياليل الهيام
السهر يامي قاف اللي شجي

الصيّاد

[المهاجر07]

أنبّح صوت المنادي ,ولا به من سمع
ياقلب صبرك على الاشواق وش يحتمل

من كان خله معاه بزود وصله طمع
طيب ومن غاب خله عنه ويش العمل ؟؟؟

[نبض]

.....


أغلى الأماني ورب البيت يوم اجتمع
معْـك ومع اللـيل ونْعايش حلوم وأمل

ولا عـلينا مـن العـاذل مـع المـجْتـمع
مادام كلٍّ مـن اللحــــظه خـفوقه ثِـمل





*.....عذراً
فقط مجرد مجاراة وليست مقصودة...!

[ابن عياش]

اختلافات المشاعر والضمير
..................... ظاهره ف الناس لايمكن تزول

والظروف انواع واشكالٍ كثير
..................... تتعب القلب المشقى بالحلول

[الصيـــ ( ضــــاري ) ــاد]

على الطاير....:qlbe3:


ان جار وقـتك ياعلومن وكيده
فمن وكـاد الوقت احايل لحوله

يهـب نسناس الشعر والقصيده
ويمـطر المـعنى بكلامن نقوله

الحسـبه حسـبة جملتينن مفيده
ياويل من شـاكى التنقل سيوله

[نبض]

***


ياليت....لــيلي بك يطول
قلبي... مقــــــــرّك للابد

اقسم ...بخـلاّق الفصول
اني ...فــلا اهجر وابتعد..!







..!

خـ ر ب شـ ه

[ابوفهد العمري]

لا عـاد تبني على لقيـاي احـلامـك ... خلاص دورعلى غيري تلاعب به .
كشفت سرك وحبرك جف باقلامك ... واتبعـثرت كـل اوراقـك بـلا ســبّه .

[أبو ريان]

لا عـاد تبني على لقيـاي احـلامـك ... خلاص دورعلى غيري تلاعب به .
كشفت سرك وحبرك جف باقلامك ... واتبعـثرت كـل اوراقـك بـلا ســبّه .

الجور خلفك وجاء طاريك قدّامك
واحس نار الجفا في خاطري شبّة

إن كان هي قصةٍ من باقي أفلامك
فارفق وقلي غلاك انساه ما أحبّه

[الصيـــ ( ضــــاري ) ــاد]

مـا أشـبّهْ ايـجابي نقيض(ن) لـلامك
وماأوجزك في قـولة خليل التّعب بّه

حـبيت أنا اعـلامك بشي مـنـ كلامك
يومك تقول ان الحـكي ذاع لـعب بّه


الصياد

[رسام المشاعر]

سلام وغيابي له اعذار واسباب
والحمد للي كاتب الرزق والخير





يسعد مسساء الجميعـ ...


:010305123411:

[ابن عياش]

ماشكينا قلّ مال وضعف حيله
.......................... وماشكينا الهّم لو زوّد حموله

من يلاحظ يكتشف نفس الحصيله
......................... لكن انواع البشر مثل العموله

[نبض]

***

بَعدَك ترى كل شي صار متســـــــــاوي
عفـت الحيــــــــــاة ولا زهى لي مكاني




..!

[نبض]

***


ليتني حــــــرفٍ بشاشــة هاتفك
كل كلمه لي بهـــا لمســــة يديك



...!

امنيه وجوال

[ابوخالد..]

كل من شاهدمروري من هناله مني
اسعد الله هالصباح وطيب الله فاله
والعذرمنكم لكن تقديركم يجبرني
اني اتنشدعن الغالي واعرف احواله
ولا اناكثرة ضروفي عزمت تلهيني
عن مناجات الغوالي حتى لوبرساله
لاني اشاد قصوري واضحٍ للعيني
ميرماغفل عنكم وان حالت الحواله
وصباح الخير.~
مع ورده حمرا تشعلل القلوب..~http://forum.baniamro.com/images/icons/heartpump.gif
حتى تحرق البقاله الي جنبكم هههه
:010305123602:

[ابوفهد العمري]

سرقنا العمر واسرج خيوله وراح بعيد ... وانا حسّب اني باول العمر ورادي .
احسب حساباتي واكرر واجي واعيد ... الى اين اقتنعت ان اخر العمر ميرادي .

[أبو ريان]

سرقنا العمر واسرج خيوله وراح بعيد ... وانا حسّب اني باول العمر ورادي .
احسب حساباتي واكرر واجي واعيد ... الى اين اقتنعت ان اخر العمر ميرادي .

ترا العُمر قِصة من تهنّا عاش فيها سعيد
ويمضي في خلا الدنيا ويقلب حرّها برادي

خذوها نصيحة واقبلوها وسوّوا لها ترديد
عِش اللحظة على ماهِي ولا ترقب لميعادي

[رسام المشاعر]

الحرف يشرق والجفا غصته موت
والصدر جمره والمحاني بها النار

والونه اللي تشتكي مالها صوت
والليل من وجه المقادير منهار

باتت على النعش المزين بتابوت
واللي بكا بغيابها ماله اعذار

[ابوخالد..]

ترا العُمر قِصة من تهنّا عاش فيها سعيد
ويمضي في خلا الدنيا ويقلب حرّها برادي

خذوها نصيحة واقبلوها وسوّوا لها ترديد
عِش اللحظة على ماهِي ولا ترقب لميعادي
يعني
لايأس مع الحياااااة
ولاحياة لمن تنادي ههههه
شكراً ابوريان رووووعه
دائماًحضورملكي..
وشكراً لابوفهد..~وياللاله لاله واسمع قنيته
ولابلاش ههههههههه
لايزعل عليه الحبيب ...

[نبض]

سرقنا العمر واسرج خيوله وراح بعيد ... وانا حسّب اني باول العمر ورادي .
احسب حساباتي واكرر واجي واعيد ... الى اين اقتنعت ان اخر العمر ميرادي .



تحــتْ رحْمــة البــاري وله مايشا ويْــريد
ولا عنْ مكــاتيب الولِي مــــانعْ وحــــادِي

فيا ابْن آدمْ إبْمـــا لكْ كُتِب كـــــثّر التّحْميد
عسى تجْني الخِيره وتكْسبْ رِضى الهادي

...

[المهاجر07]

حبيبي شوف دوّر لك عذر وتعال
أنا الأعذار لأجل أجيك خلصتها

كيف الحال .. قلي بس كيف الحال
تموت الكلمة بصدري ولا قلتهااا

[ابن عياش]

صواريخنا في صريح العباره
.................. توصّل مداها وتقصف هدفها

تشال وتجهّز وتُحمل بغاره
................ والى لاقت اعداها تلعن جدفها

[نبض]

***


مــاأودّك ، مــاأبــيك ومـاأطيـقك
بس من دُونك يضيق الكون كِلّه

فـي عــيوني لايُـــرى إلا بــرِيقك
وبْخــــفوقـي لك منــيفات ٍ مطِلّـه



كيبوردية آخر الليل

[نبض]

***



إلْيا إنْتصفْ ليلي التعبان من شُوقي
شفْتك بكلّ إتّجاهٍ دون خلق الله...!



!

[ابن عياش]

القصيد بحور وألحانه كثيره
.................... وكل لحن يمثل اسلوبٍ يخصه

والتمكن في خياراتك تديره
..................... والقصيد الكفو يرقى للمنصه

[نبض]

***



أنا وخلي وابو نوره ودرب ٍ طويل
وانغام تلك الاماكن فارضه للسكون...!

نسرح بدنيا الخيال بفكر ماهو بخيل
ماغير بعْيوننا نحكي وماحلا العيون...!




..

[ابن عياش]

غوري معا باقي المعاميل محطوط
............................ في عزبةٍ جالت مواقع عديده

كم دلةٍ سوّت وكبسات مظغوط
........................ وكبساتها من لحم صيد الطريده

[ابوفهد العمري]

من يسب الصحابة وانتقص قدرهم ... مثل من كـفّر المسـلم وحـلّـل دمـه .
لـو بحثت بخفــاياهـم وباسـرارهـم ... تعرف ان قصدهم لسلام من يهدمه .؟

[أبو ريان]

من يسب الصحابة وانتقص قدرهم ... مثل من كـفّر المسـلم وحـلّـل دمـه .
لـو بحثت بخفــاياهـم وباسـرارهـم ... تعرف ان قصدهم لسلام من يهدمه .؟



الروافض بلايا من بدا عصرهم
كل منهو تكلّم ليت من يلطمه

أنت قلت الحقيقة والله يهدهم
والله يعمي بصيرة كل هالشرذمة

[ابوفهد العمري]

الروافض بلايا من بدا عصرهم
كل منهو تكلّم ليت من يلطمه

أنت قلت الحقيقة والله يهدهم
والله يعمي بصيرة كل هالشرذمة


بالتطرف بلونا وانتشر شرهم ... واصبح المسلم المعصوم يهدر دمه .
دولة ايران تشعلها وتلعب بهم ... وامريكا تحمي الارهاب بل تدعمه .

[أبو ريان]

بالتطرف بلونا وانتشر شرهم ... واصبح المسلم المعصوم يهدر دمه .
دولة ايران تشعلها وتلعب بهم ... وامريكا تحمي الارهاب بل تدعمه .

نسأل الله يكون الغدر في نحرهم
شلة باغية للدين هي مـجرمة

قوة الحق بأمر الله في دحرهم
لين تشهد عليه الخلق في معلمه

[ابن عياش]

بلل دمعك تشوفه شي
.................. ودمع الغير لك ماشي

ترى دمعك ودمعي مي
............... ولكن دمعي منْ جاشي

[نبض]

.........

الصباح اللي بدونك ثقْل دمّه
ياعسى صبْحٍ بقربك مايفارق


....

[ابوخالد..]

مالكم في حيلة الحيال حيله
الله الي قدره والله ..وكيله

[ابوخالد..]

يخف دمه ويتميلح على الناس
ويلبس ثياب احيان ماهي مقاسه
والفرق مابين الكرستال والماس
واضح وضوح الشمس ياسيدناسه

[المهاجر07]

أشتاق لك عقل قبل أشتاق لك عاطفه
تعال وأنسى الغياب و لا تدوّر عذر

مادام روحي وروحك جات متوالفه
في ذمتك ويش باقي يالغلا ننتظر ؟

#محمديات

[أبو ريان]

أشتاق لك عقل قبل أشتاق لك عاطفه
تعال وأنسى الغياب و لا تدوّر عذر

مادام روحي وروحك جات متوالفه
في ذمتك ويش باقي يالغلا ننتظر ؟

#محمديات

هذا اشتياقٍ يسمونه كما العاصفة
ينبان في مظلمات الليل مثل البدر

ياخوي خلّك سريع ونظرتك خاطفة
ولاّ تحل المحبة في مكان الخطر

[ابوفهد العمري]

ياشين وجه الحياة اذا رمتنا بشر ... وانا احسب اني على صكات بقعا عزوم .
بعض البشر ماتقول انه يعرف البشر ... يحارب الحق والباطل بشرعه لزوم .

[ابن عياش]

اجتــاح بعيوني من الدمع شلّال
............................ وبانت خفايا الصد مني وعليّه

اثري على طبعي شديدٍ وملّال
............................. واثر المفارق نيّـتـه والمطيّـه

[ابوخالد..]

كم لي ونااشاهدك ياقصة اقماشه
احاول اسـتوعب القصه ومافيها
الله يجازي من اخرجهاعلى الشاشه
والكاتب الي كتب واخفى معانيها

[ابوخالد..]

اشوف طيفك يالغضي قدامي
واحيان اقوم آمدله وانتاشــه
والتاليه عيت لاتجي من كثرالثقافه
الي مقطعه بعضها هههههه
سلامي
لكل من يمرمن هنيا.

[ابوخالد..]

الصاحب الي تغلى وعلن طناشه
تفداااااك ياقلبي الدنيا ومافيها
انت الحلى والغلى والذوق ياباشه
هذي مكاتيب ربي مالاحد فيها

[نبض]

***


البعد مابيني وبينــــك
ياكود يـاروح خطْواته..

تحنّ عيني على عينك
والقلب بي زاد نبْضاته..



...!

[ابوخالد..]

يالله طلبتك يسرأمري ياعزيزويا كريم
يالي ليامن راد شي(ن) قال له كن فيكون
ياعالم(ن)في دبة النمله في الليل العتيم
تيسيراموري منك يالله خيرممايجمعون
عندي أماني وأنت ياربي بماعندي عليم
حقق لي آمالي بحق اسمك ي هلال المزون
:010305123602:

[ابوخالد..]

جاني الزين من بعد الجفا يسأل عن الحال
دايماً كل مااغابوا محبيــــنه..رجعــلي
يلعن ام القهرهههه

[نبض]

***


فتّح عيونك جاوب اللي يناديك
الشوق جاب منادي ٍ لك وكزّه

ياكثر ماهوْجس بذكرك وطاريك
وابْدع بتصــــوير لخيالك وغزّه

تعال كلمني عسى الله يخـــليك
الصبر ماقْوى كبْحـــته كل حزّه




..!

[ابوخالد..]

يازين بأرسلك رسولي وناخيك
لوجاك مرسولي عن الناس وزه
في غيهب عيون الليالي واناخيك
والحـرس واجب كود ممن تعزه
ان جازمرسولي فهوبين اياديك
وان ماحلالك صك ضرفه ودزه

[ابوفهد العمري]

ولدت في الدنيا ضعيف ولا بي حيل ... وباخر الدنيا ضعيف وحيلي بار
فكــرت في الدنيــا حــلاها ومــرها ... ولــقيتــها لاهي مــقر ولاهي دار
لقــيتنــا نعمـــــر بــها دار لاخــرة ... فـيــاحــظ مــن داره مــع الابــرار
وياويل من غرته واعمت بصيرته ... حتى حـشــر نفســه مع الفجــار

[ابوفهد العمري]

الطيب لاهل الطيب مكسب وفائدة ... ولاهو يباع وينشرى بالدراهمي

[الضآميــه]

الطيب لاهل الطيب مكسب وفائدة ... ولاهو يباع وينشرى بالدراهمي
صح لسآنك يـ بو فهد

[ابوخالد..]

البارحـه صليت في هجعـة الليل
ودعيت ربي في سجودي ولحيت
انه يعــد لهــا بفضـله عن الميييل
وا نها تـوا فقـني على مـا تمنيت

[المهاجر07]

اتثيقل وانا مانيب رجلن خفيف
يوم روحي عليك من الوله مايله

والله إني ما احب الرجل لا جاء ضعيف
غير بعض المشاعر وقعها هايله

#محمديات

[المهاجر07]

يارب وانا ذليل وخاطري منكسر
ادعوك تغفر ذنوبي دقها وجلها

و لا اكون ممن بهذا الشهر خاب وخسر
ونفسي لطاعتك يارب انك تدلها

#مناجاه

[المهاجر07]

حي الصباح اللي تعود طلتك
يزهاه منك افراح ياوجه السعد

يفرح معي كل شيء حس بجيتك
حتى الصباح تزيد با افراحه بعد

[المهاجر07]

مايليق الحزن بك لا مايليق
افرحي خلي صباحي يبتسم

فدوه لك هالكون يالوجه الطليق
الله اللي راد وأختار وقسم

#صباح_الخير

[المهاجر07]

القلب لك وحدك
ماهو لحد ثاني

يرتاح في وصلك
وفي بعدك يعاني

[المهاجر07]

العيد في قرب المحبين عيدين
ياجعل عيدك دوم بالفرح عامر

وحتى لو أني في وسط ناس غالين
عيدي بدونك .. لا هو حلو ولا مر

#عادي

[المسكت]

كل عام وأنت بخير يامنتدانا
.... وأعضاك دايم جعلهم دوم في خير

[المهاجر07]

الشعور اللي يسبب لك حرج
لا قدرت تبوح به أو تكتمه

أدع ربك .. هو ترى راعي الفرج
منوّر الدنيا بعد ماهي أعتمه

#صباح_الخير

[الشمالية]

تكحل عيوني شوفته كل م ضقت
وانسى جميع الناس لاشفت عينه

[المهاجر07]

ياشوق عيني للوصل والملاقاة
شوق الغريب اللي مفارق دياره

تعبت من كثر التوجّد و طرياه
هو يحسب إن البعد يمكن شطاره

مايدري إن القلب حبّه ويبغاه
وإن التغليّ تاليته الخساره

#ياشوق

[اتعبني غلاك]

صح لساااانك ي شيخ مهاااجر وتستاااهل شووووووووق ^_*

[المهاجر07]

كثير اللي يمر بخاطري ويروح
لكنك عشت بي وبداخلي باقي

ياروحي مابعد روحك بقلبي روح
أنا بذرة غلا وإحساسك الساقي

تعالي .. دام باب القلب لك مفتوح
تعالي وأسكنيه وخلي أوراقي

#محمديات

[المهاجر07]

لو مر يومي بلا شوفك يجيه إكتئاب
يا أجمل إحساس فيني عاش ياسكره

إنتي خلاصة مالذا في حياتي وطاب
نعمة .. أنا أحمد عليها ربي وأشكره


#محمديات

[المهاجر07]

يالداعشي لو جيت بألف إنتحاري
والله مانترك صفنا في المساجد

إن كنت بعت الدين فيه ألف شاري
حلمه يموت وهو لله سااااااااجد


#محمديات

[رسام المشاعر]

.
.
.

الله يضيم اللي يضيمش يادياري يالجنوب
ومن لا يحبك يا عساه يطيح ما يقدر يقوم

[رسام المشاعر]

.
.
.

يا كثيرك ما لقيت الا .. قليل
وما لقيت من السما غير الرعد

لا تقول اني اسولف والدليل
منك ما شفنا .تباشير السعد

[رسام المشاعر]

.
.
.
.
.

شبيت قافي والشعر له لواهيب
لا يحرقك قربه ترى مقصدي أنت !

[رسام المشاعر]

.
.
.

حلم على وجه المقادير ينهار
كسر عروش الواقع اللي بنيته

انهد وايتام المحاجر لها ثار
وتعلقت الارواح باركان بيته

ما عاد لك ياوقت بالماضي اعذار
العذر حتى العذر منهم شكيته

[نبض]

.......


جيت
وفلول الشوق ..!
.................تطغى على الوصْف
جيت
وتمعّنتك
.............وفكّيت ريقي

يـــــــــــــــــــاغاليٍ
فاق الغلا..!
واتعب الوصف...!
.................... خذني جنونٍ فيك
عيّا يفيقي


!

[ابوفهد العمري]

لاتحسب ان الوقت سبحة بيدك ... محل ما لفيتها تنفتل لك

[رسام المشاعر]

.
.
.

سجتي جت بالسوالف ومن حولي سكوت
ما دريت اني اسولف ومن حولي اهجدوا

واثرني لحنت صوتي بقافي والبيوت
واسحب الونات بالصوت والناس اركدوا

ما وعيت اني مع الناس في جلسة بلوت
وانتهت صكه وصكه وهم تو ابتدوا

لو يموت النبض بالقلب شوقي مايموت
وحالتي لو غبت عني ما يرضاها عدو




وين هو السمي :d

[رسام المشاعر]

.
.
.
.
.

كن المدينه خاليه مابها حي !
تعال ضاقت بالقصيد الوسيعه

[شاعر من بعيد]

تدري
وتدري
بشيءٍ
كاتبه
لاجلك

ومسوي انك بهذا الشيء ماتدري

[نبض]

***



إنت لـحزّات الشّــقا راحـه وفي
لاضاقت بعيني فُجُوج الوسيعه

ياطــرْبتي ياعــزوتي يابعد حي
هذي كفُوف الوجْد يمّك ضِريعه

تدْعي دفى قلبك يطوّق لي إيْدي
ويْلمْلم أشْتاتي ويجْـــمع قطيعه




..!

[المهندســ]

قالت بنيت العـــــــام لكـ بيت وانت ابن
هـذا الســــــنة بيت (ن) يشــابه لداري
..
قلت ابرزي حجتـــكـ ,, وإلا كلي تبــن
ماهو بلي بيتـــــكـ ,, من العـــام داري

[المهاجر07]

مادام بك شيء ينبض لي ياروحي كفى
ابكتفي قلته لأنك بعيني كثييييييييير

هاك اقبلي قلب بين يديك طاح وغفى
دامه معك ياغرام القلب فهو بخير

[المهندســ]

.
.
.

سجتي جت بالسوالف ومن حولي سكوت
ما دريت اني اسولف ومن حولي اهجدوا

واثرني لحنت صوتي بقافي والبيوت
واسحب الونات بالصوت والناس اركدوا

ما وعيت اني مع الناس في جلسة بلوت
وانتهت صكه وصكه وهم تو ابتدوا

لو يموت النبض بالقلب شوقي مايموت
وحالتي لو غبت عني ما يرضاها عدو








وين هو السمي :d





ارحب يا سمي

ســـجّ والا هِجّ والا اسكن اطراف الخبــوت
من تولّــع بالمجــاهيم عـــــاش مع البَــــــدَو

ما ينال الغـــــالي إلا معَطّـــــرَة البــــشوت
وما يجي بالصيــد من لا تعـــوّد ع الهــدوء

قُل لعُشـــاق الســـــوالف وصكّــات البلوت
جهّزوا للصيــد والا تعشـــــوا وارقــــــدوا

يا سمي جاكـ الخبرع الهوا صورة وصوت
وانت مرسى الجــود والعود في عين الـعدو

[المهاجر07]

صاحبي لا تعلقني معك
لا تخليني فغيبتك انتظر

مثل ما أخاف المفارق يوجعك
خف عليّه ياغلا كلك نظر

[نبض]

***
:36_1_6[1]


في جـيتكـ ...يحـــلوّ جرّ المواويل
ويزين بال / ويترك الضيق صدري..!

اوْله عليكـ ..ومنْزل الفـــجر والفـيل
واتوق للي / من خفوقك يحدْري...!




!

[رسام المشاعر]

.
.
.
.
.

يا وجد حالي كل ما حل طاريك
وجد الغرير اللي فقد ريحة أمه

يصيح جده كيف تنسى مربيك
وهو دموعه تغرق اطراف كمه

[رسام المشاعر]

.
.
.

ساري ومسرا الليل ماهوب لي فال
والخطوه ابعد من جميع .. الخطاوي

وانا خوي الليل والليل لا قال
اقول : سم وما تبيه أنت ناوي

نبغى ديار اللي لها الشعر موال
اللي غلاها لي يفوق ... الهقاوي



في أمان الكريم

[المهاجر07]

لا والله إلا ابطى عليّ اتصالك
والقلب يسأل يالغلا وش جرى لك
ليتك تجيني ياهوى البال مشتاق
ترى الغلا يحتاج منّك وصالك

ياقلب أنا غنيت من حر مابي
يرضيك حزني يالغلا أو عذابي
قصة هوانا نبتديها كذا فراق !!!
يومين ما أتحملت والقلب ذابي

تعالي أضمك هنا فوق صدري
وأقول أحبك ياحبيبي وتدري
حاولت أنا أبعد لكن القلب ماطاق
حتى وأنا في الحلم بإسمك أهذري

[الصيـــ ( ضــــاري ) ــاد]

ما للوداع كف ويدين في وقفةٍ كلها التياع
الوقت.. وكله لحظتين.. يا كلمةٍ ماتنحكى

ابطا الوقوف بدمعتي من سبّق الثاني ضياع
وما للوداع كف ويدين..والصمت شبّه البكى


الصياد

[نبض]

***


يضيّق صدْري بظنّه وتـــأْويله
وأنا اللي ماهذا فكري بغير إسْمه

وشْ الدّبْره وشْ المخْرج وشْ الحيله
من اللي حلّ قلبي وانْــطبــع رسْمــه

يِثيرنْ قُوله وتُــوجع مــــواويله
وهُو ماغيره بكُوني ظهرْ وسْمه

[ابوفهد العمري]

ان كانت الدنيا سهود ومهود ... كـــلٍ يقـول انـي انـا العــارفــه
لكـن لـو صكـت حيـود حيـود ... ضاعت علومه واصبحت سالفه

[أبو ريان]

ان كانت الدنيا سهود ومهود ... كـــلٍ يقـول انـي انـا العــارفــه
لكـن لـو صكـت حيـود حيـود ... ضاعت علومه واصبحت سالفه


تدري المطر يسبقه بارق مع رعود
السيل يجرف عاليتها على الطارفة

حتى ولو حطوا له اعقوم وعقود
اللي تـعــوّد درب ما فارقـــــة

[المهندســ]

يقول أبو فهــــد ..
ان كانت الدنيا سهود ومهود ... كـــلٍ يقـول انـي انـا العــارفــه
لكـن لـو صكـت حيـود حيـود ... ضاعت علومه واصبحت سالفه
ويقول أبو ريان ..
تدري المطر يسبقه بارق مع رعود
السيل يجرف عاليتها على الطارفة

حتى ولو حطوا له اعقوم وعقود
اللي تـعــوّد درب ما فارقـــــة
.
مع انهم يقهروني هـ الاثنين إلا اني احبهم
أقول ..
دامــوا هَل الحكمة ودام الوجـــود
............................. اللي به اغصـــون الحِكـــم وارفة
كفــــوفهم ما بين فود(ن) وجُــود
............................. وقلوبهـــم ع الطيب متــــوالفــــة

[المهندســ]

وفي مزواً آخر http://forum.baniamro.com/images/icons/icon10.gif,, يقول ..

سمعت الصوت والتصفيق والشــيلة
سَكَتْ ورحتْ لكن ,, ضاعت البسمة

يَا ويل اللي يخـــون العهــد يَا ويـله
وويل اعيــون بين اثنيــــن منقَسّمَه

مادام الغـــدر مرّتَسمْــه تفاصيـــــله
تبان اعلى الجبيــــــن آثار مرّتَسْمه
:010305123602:

[نبض]

***


كل زفره جات من صدرك دوا
والتقاها من قضى عمره عليل

لامثيــل ولا شبيـــــه ٍ له قـوا
يطفي بصدري تنهّات وغـليل

لانْتثر عطره على الكون ارْتوا
بالسعاده واصــــبح بظلٍ ظليل


..!

[ابو سيف العمري]

البيتين هذي لقيتها على رف من أرفف المحبين قلت أشارك بها

مرحبا في وصالك بعد طول الغياب
وغيبةً دون سبه ( جرحها ) .. يقتلك

بين لحضة لقـاك وبين لحضة عتاب
لو عيوني تكلم قالت : " اشتقت لك "

[المهندســ]

يقول ابو سيف ..
البيتين هذي لقيتها على رف من أرفف المحبين قلت أشارك بها

مرحبا في وصالك بعد طول الغياب
وغيبةً دون سبه ( جرحها ) .. يقتلك

بين لحضة لقـاك وبين لحضة عتاب
لو عيوني تكلم قالت : " اشتقت لك "


وانا آقول ..
حقيقة مدري منهوله الترحيب
بس يستاهل وانت كفو طال عمركـ ومن المونة ودي ارد عليكـ
ونطلق العرضة :tongue:
,
البقــــا يا مرحب يا رفيـع الجنــــاب
يمكن إنكـ مشـــــبّه ,, ليتني قلت لكـ
.
دام قلبـكـ نظيف ودام علمكـ صواب
إعتبر كل هرجة فيكـ ( والبيت لكـ )
http://forum.baniamro.com/images/icons/icon10.gifhttp://forum.baniamro.com/images/icons/icon10.gif
كلنا تحت امركـ الله يحييكـ http://forum.baniamro.com/images/icons/icon12.gif
http://forum.baniamro.com/images/icons/alam.gif

[ابو سيف العمري]

هههههههههههه صح لسانك يا مهندس الكلمة


وقلت لك لقيتها وأعجبتني

وانتو كلكم عزاز جعلك ذخر

تسلم

[المهاجر07]

أبو سيف
المنقول هنا ممنوع

[الأزدية]

أبو سيف
المنقول هنا ممنوع

في خاطري اكتب شئ هنا
هل تسمحون لي؟
غير الشعر

[المهاجر07]

العنوان واضح اختي الازديه
ان كان معك شعر عطينا

[أبو ريان]

في خاطري اكتب شئ هنا
هل تسمحون لي؟

غير الشعر



الأزدية ..
طبعاً رد المهاجر عليك وافي وفي محله حول طلبك المشاركة هنا بغير الشِعر ..
ويُفترض أن لا نرد بعده ..
ولكن أطلب من المهاجر التنازل عن رأيه اللي هو صح أصلاً وإعطاء الأزدية
فرصة الرد وطرح ما لديها فلعلها تخلق لنا باب جميل للقصيد (:
أقصد لنستمع لوجهة نظرها ولكن إن كان فيها حذف ولا سبحان الله فمقروعة (:
تقديري ..

[ابو سيف العمري]

المهاجر. .... منين لي سكون ياهبون لي شعر؟

بعدين قلت لكم لقيتها

المهم اقعدوا انتو والسكون

في أمان أهل حرفة هههههههههه

[الأزدية]

العنوان واضح اختي الازديه
ان كان معك شعر عطينا
سمعا وطاعة http://forum.baniamro.com/images/icons/icon8.gif

[الأزدية]

الأزدية ..
طبعاً رد المهاجر عليك وافي وفي محله حول طلبك المشاركة هنا بغير الشِعر ..
ويُفترض أن لا نرد بعده ..
ولكن أطلب من المهاجر التنازل عن رأيه اللي هو صح أصلاً وإعطاء الأزدية
فرصة الرد وطرح ما لديها فلعلها تخلق لنا باب جميل للقصيد (:
أقصد لنستمع لوجهة نظرها ولكن إن كان فيها حذف ولا سبحان الله فمقروعة (:
تقديري ..

تسلم الله يجزيك خير
وجهة نظري معروفة " شاوروهن وخالفوهن "
عموما ماقصروا في قسم الحوار عن الشعر والشعراء
واكتب مافي خاطري هناك اذا اتسع لي الوقت ان شاء الله

[الصيـــ ( ضــــاري ) ــاد]

مساء الصحه والصحبه الرائعه...:071:



يبدو لي ان موضوع ابوفهد والشعر وجد له رواجاً وقبولاً في الداخل
فعلى ما يبدو ان هنا تحرك شعري حذر ...:g:
ولابد لكل ثورة ان تشهد ظلالها قبل ان تواجه الثورة المضاده لها ... المهاجر... ابوسيف ...تحيتي... الجميع


صحت السنة المشاركين

[المهاجر07]

يجود الوقت بك ياغاليه وإلا ...!
مثل ماقد بلاني البعد جاء يبلاك !!

اربه مو ثقل .. وإلا أنت تتغلا
وقلبي من قبل يازين قد غلاّك

يقولوا من تغلا سهل يتخلاااا
عسى يالغاليه ربي يرد خطاك


#محمديات

[نبض]

***




إي والله آفزّ لك وأعْشق مراسيلك
والشاهد الله على الاوضاع بغْيابك

يانــور عــينٍ مهامه في تفاصيلك
لاجت بعطرٍ وروّح بي عـلى بـابك





!

[الصيـــ ( ضــــاري ) ــاد]

امنّي امن هالاماني واجي لـ حد
ولا انتي العذال في لبس وحداد...!

شيّن تلبّس معه للعشق من جد
شيّن من العشّاق في لبسة اضداد

هبتك نظر ياهيّب الملح بالـ قد

قدّك على ميهاف الانظار ينعاد


الصياد

[ابوخالد..]

يامساءالخير والاشواق مخفيه**في بريدالهوى للزين بارسلها
خايف اطريه ثم اجيب مرثيه**عند الاغراب والعذال ماشكلها
والرسايل حشى ماهيبـ شكليه**عند من تنطفي ناره ويشعلها
الرسائل حديث النفس والنيه**وانطباعات نفسي من دلايلها
ياقلم سجل اسمي فوق ماليه **دون حروف ابوخالدوجملهـا

[نبض]

***



راحتْ رزانتنا هوى والصبْر مانقوى عليه
وصرْنا نخاف نحطّمْ حدود ٍ...علينا واجبـه

تعوّدتْ لحْــظاتنا (للمـوعد) اللي نرتجـــيه
حتى بدتْ صفْــحاتنا.... لاشواقنا مـتـقاربه



!

[ابوفهد العمري]

في زمن كلِ يقول اني سهيل ... يعجيك هـرجـه وتتمنى لـقــــاه
تلتـقيـه اذا حصل بـن وهيـل ... وفي زمان الضيق والله ما تراه

[المهاجر07]

لا تحتري مني عتاب
يومك بخلتي بالوصل

البعد له عشرين باب
وأكبر دليل اللي حصل


#محمديات

[رسام المشاعر]

.
.
.

الوقت وظروف الزمان القويه
واللي علينا كاتبه مالك الملك

لا ماتغيرنا وننسى .... الهويه
واللي خلق مايهمل ان كان يمهلك

[ابوخالد..]

مرحبا ياطلة سـهيل اليماني
مرحبا يافرحة البيد وعربها
النواوير ازهرت والديدحاني
من شمال المملكه لي سوده ابها
:110103_billiard_prv

[الصيـــ ( ضــــاري ) ــاد]

لوالـعطا باعداد في حـاجز العد
لا مابعد ربي بقى.. لعدّنا اعداد

ومَـدّه على المِنّات للناس تنـحد
ماهي بـقالة من بغا ود وامجاد

الود نهرٍ من عطا ومالقف سد
والمجد لال سعود به مَد وإمداد

الصيّاد

[المهاجر07]

مشتاق والشوق ماهو ذنب
الذنب في البعد ياغايب

خل العتب ياقف على جنب
مابيني وبينك طلايب

#محمديات

[ابوخالد..]

اسمع وخذعلمي الصائب
من دون وعد(ن)وميعادي
وش لك وللشيخ والنائب
خلك مع الشعب ياهادي

[الصيـــ ( ضــــاري ) ــاد]

لانتابك شعور الغلا... والمحبه
ولاانت بوليفٍ ياجفا منت ولاف

غنت عصافير الغلا.. له بدربه
غنيت معها لحن..غنيت له قاف



الصيّاد

[الصيـــ ( ضــــاري ) ــاد]

لانتابك شعور الغلا... والمحبه
ولاانت بوليفٍ ياجفا منت ولاف

غنت عصافير الغلا.. له بدربه
غنيت معها لحن..غنيته القاف



الصيّاد




...:biggrin:

[ابوخالد..]

العييد بيني وبينه يوم
وعيديتي شوفة الغالي
والجووكله مطروغيوم
والحظ الاقشرتعنالي

[ابوخالد..]

ويلاه من قلبي المنكود
من شفت هاك الشقرديه
ريميةـٍ من بنات الخود
والاصل طبعاًسعوديه
نجديةٍ من اصول اسود؟
معلوم ماهيب عاد يـه

[المهاجر07]

عيد والناس كلن عيد أحبابه
وأنت مبعد وبعدك وشهي أسبابه

كل غايب يجيبه عذر ياغالي
عذرك العيد .. يزهى بك وتزهابه

#محمديات

[ابوخالد..]

طالبك ياحسين اللون طلبه ماتقل لا
ظن بي خير ولا فكني من سوءظنك
اييييييييييه ايه استوت استوت ههههههههه
كل عام وحبايبي الجميع بالخيرالكثييير...
:010305123602:

[ابوخالد..]

العيد يجمع بين الاحباب دايم
وانا على الله كل يوم(ن)طلابه
من شاف حالي قال ذا فلداهيم
ميرالحقيقه شي ماينحكابه...
الله يخارجنا هههه

[الصيـــ ( ضــــاري ) ــاد]

ويلاه من قلبي المنكود
من شفت هاك الشقرديه
ريميةـٍ من بنات الخود
والاصل طبعاًسعوديه
نجديةٍ من اصول اسود؟
معلوم ماهيب عاد يـه




رائعه سلسه معبره واكثر...

[الصيـــ ( ضــــاري ) ــاد]

لو من برا حالي تروّا بهالحال
ماأشرت بعض الملا لي بسّوي

الحب يربك كم سردته بالامثال
كم قلت ليت انه.. وكم قلت لوّي

[المهاجر07]

بين الزعل والرضا
ياشوق وقفّ شوي

الصبر فيني قضى
والبعد يكوي كوي

#محمديات

[الصيـــ ( ضــــاري ) ــاد]

لآخر حدودٍ من غلا جيت كلي
ماكنت احسّبني بجي واتعدا

الفرق واضح دون اوفي تعلّي
واكيد شكّك عني للدّون ودّا

[ابوخالد..]

اكذب ع نفسي وقول مافات
مات ونسيته وانبرى كوني
توبه من الروحات والجيات
وإذا ذكرته ينخطف لوني
اصفق بكفي واتلي الونات
وهموم قلبي طافت امكوني
والسـدبان وهلت العبرات
من زودمابي بان مكنوني
على وليفي صافي الوجنات
لي من ذكرته بان بعيوني
.........
على ماقسم ههههه
تحيتي ..
:010305123602:

[ابوفهد العمري]

وللمسلم الصادق الى الله دعوة ... تُجاب وان ظن انها لا تُجاب
فاما عطــاك الي ســـألت بامره ... وامـا دفع شـر به لا تصــاب
اوانه حفظها لك الى حين ساعة ... فتنجيك من هول وشرعذاب

[المهاجر07]

تتحمّل الغيبه وأنا صبري قليل
ياقو قلبك يوم رحت وسبتني

الناس صبح العيد خلن مع خليل
وأنت بغيابك يالغلا عيدتني

#عيدك_غيابك

[صمت]

بكره الايام بتجيبك تعلمك منهو حبيبك
وقتها انا بخليـــــك وآخذ بحقي وأروح ...

[الصيـــ ( ضــــاري ) ــاد]

ياوحشة حروف القصايد بقرطاس
وحشة كفوفٍ من غـلا ماجفتكم

تكتب هقاويها مـع النـاس للنـاس
تاقت بعيد.. وليتـها.. بعيد جـتكم

[نبض]

***



انا وقلبي وتفكيري على عيني .. !
والشوق والوجْد لكـ ياروح متحرّي



...!

[ابوفهد العمري]

بغيت اعبر عن اللي في فؤادي يدور ... لكنه اكبر من التعبير واصدق منه
كتمت سري بصدري لن قلبي صبور ... والبـوح بالسـر شـره دوم لا تأمنه

[صمت]

صغيرتي ...

لأنك أمراة لاتحصى
عقدت العزم على لملمتك
حرفاً حرفاً
حتى تبلغ ألابجدية نصابها
ويكتمل نضجي بـك
أحبك وكفى ...

[الصيـــ ( ضــــاري ) ــاد]

صاير لغيرك في شتاتك مـلامــه
مثله كما لامـن بأسمك ولا الّّّلام

ماغال باطراف الحكي منك هامه
لوهو كتبـ لك الف لامٍ مع آلّّّلام




#fmm

[المهاجر07]

ياحلو كل الحكي منّك ويازينه
يقولها اللي معك يفقد موازينه
أحتاج لك بس اشوفك مبعدٍ عنيّ
واللي يحبك كذا يعني تجازينه ؟!
أحب وصلك لو إني ماقدرت أحكي
أحياناً الصمت أبلغ في مضامينه

#محمديات

[الصيـــ ( ضــــاري ) ــاد]

ماكل من يغرق تعلق له بقش
كثير غرقى مالقوا بعض قشه

ياعاشقٍ ورقا تروا ارقبه عش
ياكثرهم من يتبع احساس غشه

وماكل حيّن يستمر بنظم مش
بعض العلاقات بتآويل هشه

[الصيـــ ( ضــــاري ) ــاد]

كانت احاديث التراب المبجل
من بعدماهبت عواصف شديده

خطت على وجهٍ طفولي توجل
وهدت على عذراحذار الطريده

[نبض]

***



تشكـي وانا مـثلك حـــــروفك شــكيته
سِـبتْ بي الظّاهرْ وهـــــزّتْ للاعْمـاق

ظُــمى حيـاتي مـن بحـــــرْها سِــقيته
واوْجاع عمري شافـت النبـض ترْياق

والقلب في كُونك بنــى ســــاس بيـته
والفكر مع ليلك شرب كـاس الاشواق



.

[الصيـــ ( ضــــاري ) ــاد]

عنّ الخفوق بهواكم والهوا عنّه
ومن صدكم ياحبيبي ماتحملنا


قمنا نغني وحشتونا ابكن الونّه
وغنّت كناري الرياض ماقلنا

[رسام المشاعر]

.
.
.
.
.

عذري مطر لو صار للوقت ديمه
ينبت جفاف الكلام اللي يبس حلقه

لو ان حرفي كسر من خاطر الغيمه
ماشفت عبراتها بالضيق منخنقه

[نبض]

***



توالفت روحـي وروحـه ودوّنّا
اصدق مشاعر يرددها وارددها


.

[رسام المشاعر]

.
.
.

بين الحنايا صالي الجمر وهاج
من صاحب (ن) بالقلب باقي محله


قصة فراقه بين مخرج ومونتاج
واحنا نمثل واقع البعد كله

[المحترف]

تجربة لعب ...
بدع:
عيني اللي جفاها النوم عيت ما تنومه
من منع نومها يا صاحبي م الرأس منعا
...
رد :
عل يا صاحبي مادام تشرب ما تنومه
ليت وأنك ترى شلالها من راس منعا


المحترف (شاعر الغيم ). 1437/1/9هـ

[نبض]

***



يشــدّني نثــرك ان هلّت مرازيمه
ويفتّح ابـواب ٍ بجــــوّاي منْـغلْقه


..!

[المهندســ]

,
زعلت ! تقول انت تقصـــدني وتعنيني
او انت تكـذب على قلبي وتلـعب بــــه
.
قلت امس كنتي هوى قلبي نظـر عيني
واليوم عين المهنــدســ يا هوى قلبــــه
.
لا يخدعـكـ حرفي اللي جـنّ بجنـــوني
تعــويذتي قبل ما آســـوقه هي الســـبّة

[المهندســ]

,
بعض العرب لاتــورط يفتــل اشــــنابه
والبعض لاطـــاح قــال ,, الله يشـفيني
,
لي صاحب(ن) طحت عنده وابتلشنابه
والظــاهر إنّـه تـــورّط وابتلــش فيـني
http://forum.baniamro.com/images/icons/icon10.gif

[نبض]

***
واخاف
تسبيني
حروف
المعاني
.......................

لا مايــلام اللي غـدا عــدة اشْـلاء
من حاجزٍ واضح بـلا تـرجـــماني

مير اطلب اللي نزل آيات الاسراء
يلطف بحـــالي لايزيــد امـــتحاني



..!

[المهندســ]

,
للشعِـر روّاد ,, ماني واحد(ن) منهم
لكنّي احضــــر واجــــادلهم بلا منّــة
,
يا طارشي رح مرابعهـــم وطمّنهـــم
قُـل للوليف إن قلبي ما شــــبع منّــه
.
شكله من بدو موريتانيا http://forum.baniamro.com/images/icons/icon10.gif

[المهاجر07]

ماعاد لي بالشعر شف
لو هاجسي كثّر ازعاجه

ياقلب ريحني وشف ...
لك حاجة غير ذا الحاجة


#محمديات

[المهاجر07]

ياحلوة الروح لا لا لا
إلا زعل خاطرك ما أقواه

ايه البني ألوان واشكالا
لكنك اللي الفؤاد اغلاااااه

الشعر بك غصب ينقالاا
لو ما أنكتب لك معاد ابغاه

#محمديات

[ابوفهد العمري]

يا هاجسي لا تروح ابعيد تبحر بي ... خلك على شاطيء الدنيا وتكفينا

[ابوفهد العمري]

البــارحة جـتنـي اعــز الــهدايـــا .. من مسندي من عزوتي تاج راسي .
من بو محمد كاسب الجود والوفا .. راع الجمــايل يشـبه طويـق راسي .

[ابوخالد..]

الاماني كلها راحت .....وطي
بين ســم وبــين تم ...وربما
ارحم الملهوف يـالفجـرالندي
شوفتك بالعين حظ من السما

[المهاجر07]

في القلب لو تبعدين
ماغيرك أحدٍ ساكنه

والوصل لا بد ويحين
لو إن ريحه ساكنه

[نبض]

***


أضْحك فرح أضْحك سعاده ومرْتاح
وشْلون ماضْحك والسّـــــعاده قبالي




!

[ابوفهد العمري]

احيانا ابني من القصـايد قوافي ... واحيانا ابغا بيت ما ينبني لي .
ياللي جنيت تمور نخلك عوافي ... ارق النخل بلاش جمع الهليلي .

[نبض]

***




غيبتك يادفْء المشــاعر والانفاس
ضيقات فقْد ٍ/ بالصّدور إزْدحامه..!

فعلا وُجودك غير في زحْـمة النـاس
مِتْمـــــيّزٍ / ربّي عــطاك الزّعـامـه




!

[ابوفهد العمري]

رزقي على الله رازق الطير بالجو ... لا هو خذا رزقي ولا اخذت رزقه .

[المهاجر07]

اللي على الفرقى يحدك حدني
مدري عقل وإلا هبل ماهو عقل

الشوق لك طاغي وربي هدني
أثقل وأنا ضد التغلي والثقل

#محمديات

[المهاجر07]

ليل .. وشوية براد وشوق
وإحساس فقد وطاري الذكرى

أخذ نفس يمكن .. لكن مخنوق
تبطين فيني جرح .. مايبرى

#محمديات

[ابوفهد العمري]

يقلون جده غير واقول ماغير ... حر ورطوبة وان هطل مزن غرقت .

[المهاجر07]

تدري ياسكر زياده
إن قربك ما هو عاده
قربك لقلبي وروحي
هو ترى معنى السعادة


#محمديات

[ابوخالد..]

هات الرساله وعنونها على ذوقك
وخفف عليه معانيها وفحواها...
انت المعلم وانا تلميذبصفوفك
إلا انت ربانها واحنا رعاياها...

[المهاجر07]

تعال .. انا تراني منتظر جيتك
اشتقت لك مامعي غير المحبه أعتذار

الشوق حره كواني .. ودي بفيتك
مالي على ذا الشعور اللي احسه قرار

#مقصوده

[ابوخالد..]

الصاحب الي عشقته فوق حسباني
يستاهل اذكر تواصيفه واماريبه
في شكله الموت والمضمون شي ثاني
ياسعدروحي لواصبح من معازيبه

[المهاجر07]

غالي حبيبي ماله داعي تغلى
ترى الوصل بين المحبين لازم

ان جيتني بالوصل يازين والا
قلي خفوقك بالهوى ويش عازم

#محمديات

[نبض]

***



بَعدكْ ترى كل شي صار متـساوي
عفت الحياة ولا زهى لي مـــكاني

دامـك عناي وشوفتي لك تداوي
للضيقة اللي طــوّقت للــــمحاني

أقرب وعجّل لي بصدق الخطاوي
نار انتــــظاري ماتــبي له رهاني


!

[المهندســ]

عندي كلام(ن) كثير وما اقدر أقول شيء
............................. م اقدر احاكيكـ حتى احل بعض الأمور
الجُب مليـــــان لكــني فقــــدت الرشــــي
.............................. واخاف بعض النخيل تهلّ نيّ التمور
حشا,, سديسي الرجال http://forum.baniamro.com/images/icons/icon10.gif

[ابوخالد..]

الصاحب اللي يوم دبرفقدناه
الله يرده بالعجل و السـلامه
نذرٍعلى لاحط له يوم ملفـاه
اجمل تعـابيرالفرح والكرامـه

[المهندســ]

الصاحب اللي يوم دبرفقدناه
الله يرده بالعجل و السـلامه
نذرٍعلى لاحط له يوم ملفـاه
اجمل تعـابيرالفرح والكرامـه



هذا الزمن ما يُربط أقصاه بادنـاه
ســــعادة(ن) مرّة ومـرّة ندامــة

واللي فقـــد غالي عسى الله ياقـاه
ويـرد له من يمنحــه لابتســــامة

صح لسانكـ أبو خالد
http://forum.baniamro.com/images/icons/alam.gif

[ابوخالد..]

هذا الزمن ما يُربط أقصاه بادنـاه
ســــعادة(ن) مرّة ومـرّة ندامــة

واللي فقـــد غالي عسى الله ياقـاه
ويـرد له من يمنحــه لابتســــامة

صح لسانكـ أبو خالد

باكتب رساله للمهندسـ على الريق
مااااااااني مأجلهـا ليا بعد الافطار
حامي بحامي تاصله ساعة يفيق
مزركشه باجمل عبارات الاكبار
زيارتك ياسيدي تنزح الضيق
وتريح قلب اللي من الهم محتار
يامرحباياشاعر(ن) له مواثيق
مع سمان الهرج وخيار الافكار
شاعر ويبدع في جميع الطواريق
عليه بسم الله من شـرالاشـرار
هذا صباحي ياخوي المطاليق
بأرفق معه بوكيه من زين الازهار
http://forum.baniamro.com/images/icons/alam.gif
http://store2.up-00.com/2015-12/1449635111531.gif

[ابوخالد..]

طالت الغيبه وشفنا العجايب
الله يجيب العواقب سليمه
اعتبرنا ياعظيم النجايب
قبل ماتاتي العواقب وخيمه.
اشهد اني فاضيٍ للطلايب
ساعةٍ والكل يعرف غريمه
..........
بالطياره هههههههه
:010305123602:
تحيتي للغالين..

[ابوفهد العمري]

http://up.n4hr.com/uploads/1410361044163.jpg


اللي بلاه الهبوب وبرد صلب الركب ... يكفيه حزمة حطب ويشب نيرانها .
وبجالها خبزة الملّة وصحن الرطب ... والدلة الشاذلية فعل من زانها .
تجمل اللي تعزوى ثم عدى وصب ... وتكيف اللي تناول زبن فنجالها .

[نبض]

***

قالت:
لاحانت السابعه تزعجني اشواقي
واجي بليا شــــعور انده واناديلك

قال :
وشلون اغيب وفي يدينك عناني
تطمني من صـــار بيديك مايْغيب

قالت :
مـادام في قربك لقـيت الحـــناني
اهديت لك نفسي بلا شكّ او ريب

قال :
دوك الوفا هـاك الصّـــــفا والتّفاني
خوذي جميعي دون هرج ومطاليب

شوفي هذاك اللي بوسـط المحاني
شوفيه في قربك يذوق المشاريب

اول بيت شاطح :cool1:

[المهاجر07]

بين الضلوع الحدب سكناك
ياللي تزعلني وترضيني

في غيبتك لو قلت بنساك
كذاب .. مقدر يانظر عيني


#محمديات

[المهاجر07]

ادعيك ما اسمع دعاك
معي ولا إنتي معي

الشك مني خذاك
وسيطر على اللاوعي

احبك أيوه وأباك
والوصل هو مطمعي

إن كان قلبك عصاك
روحي
ولا ترجعي


#محمديات