" سـاعدوني "

[المهندســ]

بسم الله الرحمن الرحيم
السلام عليكم


اخواني واخــواتي
فيه موضوع ودي اتكلم فيه من زمان بس مستحي شوي
تلخبطت بين ,, " الحياء شعبة من الإيمان " وبين " لا حياء في الدين "
ســألت شيخ ووضح لي الفرق والحين ارتحت وجاي آخــذ رأيكم
بس لا احــد يلومني ,, يمكن تطيحون فيما طحت فيه ! من يدري ؟
المهم .. الموضوع خاص شوي ويتعلق بحياتي الأسرية
ودي آخذ رأيكم !؟!


بصراحة ,, ودي اتزوج !!
أنا متزوج والحمد لله وعندي اطفال ومبسوط
بس جلست مع بعض الأخوان وقالوا ليش ما تتزوج ؟
عندكـ ماشــاء الله خير فلوس وعقارات ومنصب وصحتكـ مثل الحصان
ما ناقصكـ الا الشجاعة والإقدام لتجدد حياتكـ وتقتدي بنبيكـ وتعيش امبراطور
فكرت في كلامهم ,, وبعدين قررت ورحت ابحث عن مجددة الحياة ولقيت الأمور طيبة ..
يا رب لكـ الحمد كلما كلمت واحد قال عندي ابشر بطلبكـ
المهم ,, اليوم ما بقي إلا الأختيار

واحـــدة ..
موجهة بالتربية والتعليم
من اســرة ثرية ومشهورة ,, راتب وسائق وخدم وعلوم
وبعد ما يموت ابوها بتورث ملايين
شكلها لا باس وعمرها مناسب
بس مطلقة


الثانية ..
بنت شيخ قبيلة وافي وكفؤ .. يذبح للراس راس
بس احواله المادية ما هي الى ذيكـ الدرجة والبنت عندها المتوسطة
فرفورة وحلوة وفي العشرينات وبكر
بس اكيد مدرستها ( امها )
متعلمة على يدها


الثالثة ..

حلووووة موت
بس يوم سألت عن ابوها من اي قبيلة
قالوا ما ندري اسمه فلان الفلان باسم العائلة وبس
وامها ســورية وجنسياتهم كلهم سعوديين
مثقفة جدا ولها برستيج خاص
واسلوب فريد وصلت 30 سنة
وما تزوجت الى اليوم


احترت اليوم
مين اختار وايهن الأفضل والأنسبـ ؟
انتظــر نصائحكم وبعد شهر باتوكل على الله واسمع نصيحتكم
واروح املكـ . وسلامتكم






كنّي اسمعكم تقولون
يؤ يؤ يؤ
الكلام هذا مو لي < واحد خائف هههه
الكلام لواحد كان يكلم اشقاءه وشقيقاته في المنزل
لو كنتم بينهم ,, ما هي نصيحتكم ؟
إذا اعتبرنا انهن في الدين والخُلق متشابهات


بانتظار روعة مشاركاتكم


لكم جميعــاً تقدير العريس
وتقدير المهندســ

[طيف]

موضوع ينرفز صراحة بس اللي ابي اعلق عليه بغض النظر عن النصيحة اللي طلبتها انت أو العريس ..

قهرتني هذه الجملة (وبعدين قررت ورحت ابحث عن مجددة الحياة ولقيت الأمور طيبة )

تجدد حياته !!!
ويبنيها على أنقاض الاولى ......سبحان الله عقيلات غريبة ومنطق عجيب !!

لاتعليق الآن وربما لي عودة ..

تقديري لطرحك ..

[بن ظافر]

هــلا وغـلا با الغالي الله يعطيك العافية

سوى الموضوع لك أو لغيرك نصيحة بن ظافر خالك على أم عيالك ابرك والله

إنها استرلك وأريح من المشاكل والدوخة ومنين وفين وخذ من هــذه إلا سئله

ثم عند إلا نجاب شوف المشاكل الحقيقة ولي على هــذا الموضوع شواهـد كثيرة

ولكن أذا كان فيها مرض أو أصبح الأمر لا يطاق العيش بينكم ولكن تريد ان تبقى

على أولادها فــهذا آمر طبيعي ومن حقك أنت أو غير هــذا والله اعلم

[العمده]

شكلك تدور العذر يا مهندسـ
كلهم ما بهم شي ..
المشكلة فيك انته ..
خوااااااااف ..
هههههههه
ههههه


:wink2:
قوي قلبك ...
وشيل الثلاثه ..


بس نصيحة ابعد عن الموجهة
مشغولة ومو فاضية لك

بس قلي فين بيتهم :110103_potiraet2_pr


سلاااااااامـ

[أبو ريان]

الإقدام على الزواج أمر محمود بدون شك ..
ولكن كيف ولماذا ومتى ؟
الإجابة لا جديد حولها فلكلٍ أسبابه التي تقنعه هو شخصياً دون غيره فمهما كانت الآراء فلن ياخذ
بغير رأيه بما أنه قرر وصمم ولم يبقى سوى النصيحة إلى من يتجه ..
أقول له ( مولك أنت ) http://forum.baniamro.com/images/icons/icon10.gif
قسم مدري وش أقولك بس أنت اللي مصصم يا باشا تتزوج فأين يتجه عقلك وقلبك ؟
فأنت من تريد الزواج وليس غيرك ..
وعطفاً على أنك مصمم على الزواج ولن تثنيك الآراء فمجدداً لن تأخذ بأي مشورة تجاه أي عروس منهن ..
المهندسـ قسم إن شكلك تدس السم في العسل وتبي تشوف وين بنروح احنا هذا في حال فكرنا ..
عشان كذا يقعد خبزك بيدك فديت قلبك http://forum.baniamro.com/images/icons/icon10.gif
تقديري ..

[امل الجنوب]

انا اشوف تجلس مع ام عيالك ومع اولادك
ولا يكون تجديدك ع قولتك ع حساب نفسية واحاسيس ومشاعر غيرك ""لا تصيطر عليك حب الذات ""والي فهمته من كلامك "" ان دافعك لزواج ""مو لي نقص عند اهلك""انت تبي تتزوج لنصيحة بعض الاخوان ومن المال والصحه الزايده""ماشاالله

[ابوفهد العمري]

انا اقوووول الرجال اختفى من زمااااان ما عاد له الذكر !!!

الآن عرفت .

لكن النصيحه اسمع كلام اهل الخبره عندك !!
ومالك ومالنا هنا الذكور يأيدونك والاناث يعارضونك وتحتار زياده .

اذا توكلت على الله وسويتها لاتنسانا انا وبو ريان وبن ظافر ترانا نعم الرفيق .

[تراتيــــل]

هههههههههههههههههآآآي حيرتوا مهندسنا مسكين
اما انا فأقول اعقلها وتوكل وسو قرعه الي تجي عليها خذها وابشر بالرفده .... هههههههههههه لاتعلم أحد أني ايدتك *_^

[سد الوادي]

مهندسنا الفاضل

العبارة هذي شوي قوية
ما ناقصكـ الا الشجاعة والإقدام لتجدد حياتكـ وتقتدي بنبيكـ
هذي ودي تصرف عنها نظرا ,,,
اللهم صل وسلم على نبينا محمد كل ما حب واحد شي قالي يقتدي بالنبي
واحد مربي شعره الى وسط ظهرة ودقن ما فيه والبكت في جيبه ..ليش الشعر طويل قال اقتدي بالنبي ... يعني ما لقيت إلا الخصله هذي تقتدي بها ..
رفع الله قدرك عنهم , اصبحت لمجرد العذر .هذا هدفي من الكلام السابق..
وانا اقول اذا نويت فاقدم علمنا ان من نشر الخبر فلن يتزوج بالثانية ابدا لأن قضاء الحوائج بالكتمان ..

بالنسبة للاختيار فالثانية الافضل ..
لأن بنت الشيوخ شيخة
الاولى مريشه وما عليها كلام ولكن المذله شينه
الثالثه بلدي على مستورد هذي وين تلقي بعمرك ههههههههههه
واحد من معرفه راح جده قالوا له ناس فيه عرايس من يبي يتزوج قال انا
قالوا مصصم قال كيف قالو قم راحوا وطبوا في بيت الجميح وحصل ذيك البنت طبعا مطلقة تزوج واعطوه ذاك الفان الجديد
واخذها في جول الى عسير يقول اهم شي اول ما ركبت وتنص المعسل بجنبها .
قال ماشي الحال نتحمل المهم رجع الى جده ويقول كانوا في استقبالنا الاسرة كاملة
المهم اخذتهم بالدور سلام ومصافحة طيب هذا مين قالت ولد خالى والثاين ابن عمي قال توها استوت يعني بتسلمي على اهل جده كلهم
المهم يقول تعشينا واستأذنت وقلت باروح عند بعض الزملاء
وهذا مفتاح السيارة لو احتجتي شي
واليوم الثاني على المحكمة وطلاق ..
وان شاء الله ارسل لك قصه واحد تزوج مسيار اذا كانت باقي معي...

ولك تحيتي

[المهندســ]

اوه اوه اوه
يا ســــــــــــاتر !!
شكل سيرة الزواج جابت فيكم العيد !
وش فيكم ؟؟؟؟؟؟؟؟

قلت لكم الكلام ماهو لي
الزواج ما هو لي
العرس مو لييييييييييييييييي
( أبو الخوف يا شيخ ههههههه ) http://forum.baniamro.com/images/icons/qiq/59.gif


الرجال معــزّم ع الزواج
ويبي يشوف مين تختارون له من الثلاث بس
ما يبي نصائحكم يتزوج والا يهون
معزّم الله لا يعوق بشر
بس اي الزينات افضل ؟

اش فيكم عليّ أنا ؟
الشرهة عليه اللي علمتكم ههههههه
وللغالي ســـــد الوادي اقول ..
هناكـ يا سيدي فئة يبشرّون وينادون بالتعدد تحت ذريعة
أن هـــذا إقتــداء بالرسول عليه الصلاة والسلام وليس رأيي انا
واقول للجميع ..
مغليكم طرح الموضوع ليس حقيقة بل للوصول الى رؤيتكم للتعدد
ونظرتكم للزوجة الثانية ثرية أم فقيرة
قبلية أم غير قبلية ,, بكرا أم ثيبا
عاملة أم ربة بيت

اعلم بأنكم مدركين لذلكـ بس بعظكم وده يزوجني بالقوة
ودكم تبطون كبدي
العرس مو ليييييييييي
ههههه

ودي وتقديري لكم جميعا
ان شاء الله ساعود للرد على الجميع

مو لييييييي

[المسكت]

والله ياباشا مهندس على قولة العمدة شلهم الثلاثه بالجمله الشرع أباح اربع

وبالنسبه لمواصفات الزوج أعلاه مو ناقصه شي
لايروح عن الفرفوره الثانيه حتى لو كانت إمها اللي درستها

المهندس
شكلك بتزوجنا اسف اقصد(بتنشبنا) واحد ورى الثاني وتقعد تخيل :smilie3:

شكراً لك ولما تقوم بطرحه من تجديد وأفكار رائعه
تجمع كل شي

مودتي ورعااك الباري

[حكيم المنتدى]

ايها المهندس الشهم
صاحب الفزعات
!!!
في الحقيقة انا رجال ما اقدر احكم بدون علم
وحتى اعطيك راي سليم 100%
أطلب منك التالي
ان تزودنا بالسيرة الذاتية لكل واحدة منهن، إضافة الى صورة مقاس 6×8
ولا تنسى العريس سواء
كان او كان
!
الغرض من تكبير الصورة
تعرف النظر
لك عليه
!!!
وبعدها يمكن نقول لك كلهم
ما يصلحون وندورلك
أسف لصاحبك
بمعرفتنا
تراهم يقولون من هدرس غنى ومن سحق تحنى
ههههه
!!!
التوقيع

[الأزدية]

طرح ذكي وهدفه واضح


عَنْ أَبِي هُرَيْرَةَ رَضِيَ اللَّهُ عَنْهُ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ :

( تُنْكَحُ الْمَرْأَةُ لِأَرْبَعٍ :

لِمَالِهَا النموذج الاول

وَلِحَسَبِهَا ،النموذج الثاني

وَلِجَمَالِهَا ، النموذج الثالث

وَلِدِينِهَا ،
فَاظْفَرْ بِذَاتِ الدِّينِ تَرِبَتْ يَدَاكَ )

ظفره الله بذات الدين (زوجته الاولى)
والدليل انه مبسوط معها وبارك الله له في ماله
وصحته وابنائه ,
وصبرها عليه وعلى ضعف شخصيته
دل عليها تاثير الاصحاب
الله يكفينا شرهم وامثالهم

[غرمان بن عزيز]

أقول
أركب الهواء صارووووووووووووخ
وأظفر بذات الدين تربت يداك
هذا إذا كان هناك شجاعه لصاحب السؤال
أما أنت يا بو محمد فلا تلحق اللي يقول ما غير أمزح ما غير أمزح حتى ضيع الأول والتالي 0

[المهندســ]

ايها المهندس الشهم



صاحب الفزعات
!!!
في الحقيقة انا رجال ما اقدر احكم بدون علم
وحتى اعطيك راي سليم 100%
أطلب منك التالي
ان تزودنا بالسيرة الذاتية لكل واحدة منهن، إضافة الى صورة مقاس 6×8
ولا تنسى العريس سواء
كان او كان
!
الغرض من تكبير الصورة
تعرف النظر
لك عليه
!!!
وبعدها يمكن نقول لك كلهم
ما يصلحون وندورلك
بمعرفتنا
ههههه
!!!

التوقيع




احبتي ,, اسمحوا لي ارد على الحكيم اول واحد
وبعدين ارجع من الأول ,, ما اقــدر استنا لبعـــدين

شوف يا طويل العمــر
هههههههههه حلوة طويل العمر < اكلم الوزير انا والا خائف هههه
القصة وما فيها يا طويل العمر واحد ثاني وده يتزوج هههه مو انا !
تبي تشوفها هاهـ ؟ انس الموضوع
لا وصورة ملونه مكشوفة الوجه ,, ليه ؟ حضرتكـ مملكـ ؟ هههه
الله يسعد ايامكم حكيمنا ويطول بعمركـ ويزوجكـ
شكلي باطلب من الادارة يحذفون الموضوع ونرتاح هههه
قال يشوفها قال ههههههه


من كثر غلاكم نمــون عليكم
فكان هذا التعليق ,,
يا سيدي هناكـ موضة اسمها التعدد من اجل التعدد فقط
تحت ذرائع واهية , كالمساعدة في تقليل نسبة العنوسة
او القيام على ارملة واحتواء ( بزرانها ) على حد قولهم
وفيهم وكما اشـــار اخونا الغالي سد الوادي
من يقول اقتداء بالرسول عليه الصلاة والسلام وهم في وادٍ والسنة في وادٍ آخر
أنا واقولها بصريح العبارة مع التعــــــدد إذا كان هناكـ اسباب ومقومات
الشرع حلل اربع لنفعل ذلكـ دون البحث عن مبررات
وإلا نقعد على رأي حبيبنا المراقب بن ظافر على واحدة
النقطة الأخرى ,, عندما تتساوى الصفات المطلوبة شرعا
كيف نختــار الزوجة من خلال المواصفات الثانوية
وخاصة في وقتنا الحاضر
ربما هذا الموضوع يفيد المقدمين على الزواج
سواء الاولى او الرابعة


اقف لكم احتراماً حكيمنا الغالي
فلوجودكم نكهة خاصة
كلـ تقديري ـــ

[نبض]

.,.
..
ما شاء الله عليك يـ مهندس الحرف
دائماً لك اسلوب مميز
هندستـ الطرح بطريقة شيقه / ممتعه
دام انت مصمم فـ المشوره بالاخير لــ قلبكـ ومن يختار .


دمت بخير يـ عريس :)


.,.

[ذات الشان]

التقاعد معناه ان الشخص اصبح غير قادر على العطاء وان الايام القادمة يجب ان يرتاح فيها يوحقق لنفسه بعض الهدوء بعد سنوات العمل الطويله
وهنا تقوم جهة عمله بجبر خاطره وتجري له حفلة جميلة ويتم تكريمه فيها وتقدم له الهدايا الجميله والتذكارات الطيبة هذا غير مكافأة نهاية الخدمة وفوقها بوسة على الراس
والحياة بالنسبة للزوجة هي مثل حياة الموظف تجد وتجتهد وتتعب لسنوات حتى تكون لنفسها اسرة طيبة وبيت هادئ وحياة مستقره تعيشها حتى يكتب الله أمراً كان مفعولا
وهي تقدم كل ماتقدمه باخلاص وتفاني وحب ولاتنتظر مكافأة ولاراتب ولاجزاء ولاشكورا
لكن بعض الرجال مثل صاحب القصة يقرر ان يشكرها على طريقته فهي عانت معه سنوات وساهمت في ان يكون رجلا ناجحا تهافت على جيبه الحسان فيقرر ان يتزوج وحده من سن بناتها الصغيرات حتى يجدد حياته ويرتاح منها لانها خلاص ما صارت تناسب مقامه الكريم
اما هي فإلى حيث ألقت ..لا احد يهتم . المهم في الموضوع ان يقوم شيخ الشباب بتجديد حياته
( وبعدها تلومون المرأه لو اشترت كيس اسود وساطور ):110103_potiraet2_pr


الرجل اذا قرر ان يتزوج وهو في عمر متأخر فهو يتزوج ( عفيق ) يعني ليس مضطرا لأي سبب من الاسباب التي تجبره على البحث عن زوجة
هو يريد ان يجدد حياته ولذلك ارى انه بما انه مخربها فيا يخربها صح يا يخلي الحال كما هو
اما يتزوج امرأه قمة ف كل شيء او يستر يح
على قولة المثل : ان عشقت اعشق قمر
وان سرقت اسرق جمل

فالثلاثي اللي تكلم عنه يتركهم كلهم ويبحث عن غراء فرعاء مصقول عوارضها تمشي الهوينا كما يمشي الوجي الوحل

واذا لقيها كان بها او يبقى الحال على ماهو عليه افضل للطرفين

ودمت في خير .

[المهندســ]

التقاعد معناه ان الشخص اصبح غير قادر على العطاء وان الايام القادمة يجب ان يرتاح فيها يوحقق لنفسه بعض الهدوء بعد سنوات العمل الطويله
وهنا تقوم جهة عمله بجبر خاطره وتجري له حفلة جميلة ويتم تكريمه فيها وتقدم له الهدايا الجميله والتذكارات الطيبة هذا غير مكافأة نهاية الخدمة وفوقها بوسة على الراس

والحياة بالنسبة للزوجة هي مثل حياة الموظف تجد وتجتهد وتتعب لسنوات حتى تكون لنفسها اسرة طيبة وبيت هادئ وحياة مستقره تعيشها حتى يكتب الله أمراً كان مفعولا

وهي تقدم كل ماتقدمه باخلاص وتفاني وحب ولاتنتظر مكافأة ولاراتب ولاجزاء ولاشكورا
لكن بعض الرجال مثل صاحب القصة يقرر ان يشكرها على طريقته فهي عانت معه سنوات وساهمت في ان يكون رجلا ناجحا تهافت على جيبه الحسان فيقرر ان يتزوج وحده من سن بناتها الصغيرات حتى يجدد حياته ويرتاح منها لانها خلاص ما صارت تناسب مقامه الكريم
اما هي فإلى حيث ألقت ..لا احد يهتم . المهم في الموضوع ان يقوم شيخ الشباب بتجديد حياته
( وبعدها تلومون المرأه لو اشترت كيس اسود وساطور ):110103_potiraet2_pr







الرجل اذا قرر ان يتزوج وهو في عمر متأخر فهو يتزوج ( عفيق ) يعني ليس مضطرا لأي سبب من الاسباب التي تجبره على البحث عن زوجة

هو يريد ان يجدد حياته ولذلك ارى انه بما انه مخربها فيا يخربها صح يا يخلي الحال كما هو
اما يتزوج امرأه قمة ف كل شيء او يستر يح
على قولة المثل : ان عشقت اعشق قمر
وان سرقت اسرق جمل






فالثلاثي اللي تكلم عنه يتركهم كلهم ويبحث عن غراء فرعاء مصقول عوارضها تمشي الهوينا كما يمشي الوجي الوحل



واذا لقيها كان بها او يبقى الحال على ماهو عليه افضل للطرفين



ودمت في خير .







إنّــا لله وإنّا اليه راجعــون

اللهم لا حــول ولا قوة إلا بالله

الحمـــــد لله الذي لا يُحمد على مكروه ســـواه
لخبطوني ما عاد ادري من ارد عليه
انا كان مالي ومال الرجال يتزوج والا عساه ما يعود ههههه
استبيحكم العذر بارد على ذات الشــان واعود لكم
نفروا بابليسكـ يا ذات الشان
الحين نبي نهدي الوضع تقومين تقولين
خفراء خنفاء مشفوط خوارصها .. لولا المشاعيب طب البدر في زحل
وســواطير واشياء تخرع
هههههههههههههه
( مجرد مزحة لإمتصاص الحماس )
أكيــد راح تقدرين مونتي عليكـ








كاتبتنا الراقية

هناكـ إجحاف كبير عندما نقارن الحياة الزوجية بالوظيفة
وتشبيه الزوج بصاحب العمل ظلم اختي الكريمة
الحياة الزوجية - عند من يقدرها - مودة ورحمة وسكن
والود غاليتنا ارفع درجة وأسمى منزلة من الحب
ولهذا لم ترد كلمة محبة بل مودة






صديقي - الوهمي - سيقدم على الزواج بنصيحة من مجربين

بعضهم عنــده أربع ( قلوا باسم الله ) وماشيه امورهم زي الحلاوة
ويحب يأخذ رايكم - الله ياخذ عمر الشيطان - بس !
الحين وش لون باقي يقدر يحركـ ساكن بعد مايسمع
بالكيس الأسود والساطور ؟ هههههه






طيب نتجاوز هذه

الرجال يقول عينه على وحده من ثلاث
واعطانا مواصفاتهن , طلعتوا له بمواصفات عـــالمية
وينها ؟ ويروح وعساه ما يلقاها .. اشغلنا ولا شفناه هههه
الحقيقة اختي الفاضلة
كان الهدف معرفة ردة الفعل حول موضوع التعدد
الأسباب والمبررات والمقومات الضرورية لنجاح الزواج
بالإضافة الى الرغبة في نصح من سيقدم على الزواج .
فقد تغيرت الظروف ولم تعد مثل الســــابق
المسؤوليات كبرت وحسن الأختيار مهم








اشكر تواجدكـ الرائع

وردكـ الراقي الممتـــع
ولا غرابة فقد تعودنا منكـ جمال الطرح وحُسن المشاركة
لكـ ِ جل تقديري

[المهندســ]

موضوع ينرفز صراحة بس اللي ابي اعلق عليه بغض النظر عن النصيحة اللي طلبتها انت أو العريس ..

قهرتني هذه الجملة (وبعدين قررت ورحت ابحث عن مجددة الحياة ولقيت الأمور طيبة )

تجدد حياته !!!
ويبنيها على أنقاض الاولى ......سبحان الله عقيلات غريبة ومنطق عجيب !!

لاتعليق الآن وربما لي عودة ..

تقديري لطرحك ..







اعـــــــــود لأول مشاركة
وقد تشرفت بأنها لمراقبتنا الغالية طيف
الموضوع اختي لا يحتمل النرفزة فهو يحكي واقع ملموس
والحوار حول ذلكـ مفيد فقد يعود من عزم على التعدد !
وإنْ كنت أخشى أن يُقدم من لم يكن له نية ههههههه

صدقيني غاليتنا ..
الهدف من الموضوع اسمى مما يتصوره البعض
إبق ِ معنا الى نهاية الحوار وسترين مايرضيكـ ان شاء الله
كما اتشرف بعودتكـ والتعليق
العبارة التي اقتبستيها هي ملخص نصيحة اصحابة
وليس رأيي أنا


وافر التقدير والاحترام

[المهندســ]

هــلا وغـلا با الغالي الله يعطيك العافية

هلا بكـ ايها المراقب الغالي على الجميع

سوى الموضوع لك أو لغيرك نصيحة بن ظافر خالك على أم عيالك ابرك والله
الموضوع لي والزواج لغيري ,,
يعني يسويها معيض ويتروش فرج ههههه
ونصيحتكـ على راسي اخي الحبيب

إنها استرلك وأريح من المشاكل والدوخة ومنين وفين وخذ من هــذه إلا سئله
صدقت وربي

ثم عند إلا نجاب شوف المشاكل الحقيقة ولي على هــذا الموضوع شواهـد كثيرة
كلام سليم ولا غبار عليه ,, اثمن صراحتكـ وطيب قلبكـ

ولكن أذا كان فيها مرض أو أصبح الأمر لا يطاق العيش بينكم ولكن تريد ان تبقى
على أولادها فــهذا آمر طبيعي ومن حقك أنت أو غير هــذا والله اعلم
بالنسبة لي الحمد لله ابشركـ الأمور طيبة وما فيه امل اعدد ههههه
اما هو فمن البنات الحجر ومن راسه الدم





لكم مراقبنا الغالي
كل التقدير والاحترام على صراحتكم ونصحكم الرائع
اســأل الله لكم الصحة والعافية والسعادة بالدنيا والآخرة

تقديري

[المهندســ]

شكلك تدور العذر يا مهندسـ
كلهم ما بهم شي ..
المشكلة فيك انته ..
خوااااااااف ..
هههههههه
ههههه


:wink2:
قوي قلبك ...
وشيل الثلاثه ..


بس نصيحة ابعد عن الموجهة
مشغولة ومو فاضية لك

بس قلي فين بيتهم :110103_potiraet2_pr


سلاااااااامـ


العمــــــــدة
صدقني لو عُمل استفتاء
على من هـو سكر المنتدى
لصـوت لكـ الجميع

تملكـ - ماشــاء الله - القدرة على ايصال الفكرة
بروح الفكاهة وباختصار جميل
تستاهل الاشادة من الجميع !

اعود فاقول ..
تراهم مو ببيت واحد !!
وبعدين اللي يعرفهم ( صاحبي المزعوم ) مو انا
بس تقول الثلاثة مرة واحدة وبكذا يكتمل النصاب اربع
نجرب وبكيفها ههههه


تقديري لهذا القلم الماسي
محبوب الكل

[المهندســ]

الإقدام على الزواج أمر محمود بدون شك ..




ولكن كيف ولماذا ومتى ؟
الإجابة لا جديد حولها فلكلٍ أسبابه التي تقنعه هو شخصياً دون غيره فمهما كانت الآراء فلن ياخذ
بغير رأيه بما أنه قرر وصمم ولم يبقى سوى النصيحة إلى من يتجه ..
أقول له ( مولك أنت ) http://forum.baniamro.com/images/icons/icon10.gif
قسم مدري وش أقولك بس أنت اللي مصصم يا باشا تتزوج فأين يتجه عقلك وقلبك ؟
فأنت من تريد الزواج وليس غيرك ..
وعطفاً على أنك مصمم على الزواج ولن تثنيك الآراء فمجدداً لن تأخذ بأي مشورة تجاه أي عروس منهن ..
المهندسـ قسم إن شكلك تدس السم في العسل وتبي تشوف وين بنروح احنا هذا في حال فكرنا ..
عشان كذا يقعد خبزك بيدك فديت قلبك http://forum.baniamro.com/images/icons/icon10.gif
تقديري ..



هلا بمن امتلكـ القلوب والعقول
تشرفت بمروركم استاذي ولعلكم لخصتم المغزى
في عبارة واحدة بقولكم ..
( وتبي تشوف وين بنروح احنا هذا في حال فكرنا ..)

عبارة احتوت على الهدف المنشود بمعناها الظاهر والباطن
نعم .. ارائكم ومقترحاتكم ووجهات نظركم جميعا
تثري الحوار وتفيد المتصفح ولعل هذا مايميز منتداكم الراقي
حفظكم الله مااروع الحوار بصحبتكم


لكم جزيل الشكر ووافر التقدير
وكل الاحترام

[المهندســ]

انا اشوف تجلس مع ام عيالك ومع اولادك
ولا يكون تجديدك ع قولتك ع حساب نفسية واحاسيس ومشاعر غيرك ""لا تصيطر عليك حب الذات ""والي فهمته من كلامك "" ان دافعك لزواج ""مو لي نقص عند اهلك""انت تبي تتزوج لنصيحة بعض الاخوان ومن المال والصحه الزايده""ماشاالله


امل الجنوب
خلـ ِ الأمل في الله ,, واحسني الظن بالمهندســ
اشفيكـ توجهين الكلام لي بقوة ؟ ههههه
كأني مرتكب جريمة
(مزحة غاليتنا )

اختي حفظكـ الله
كلامكـ عين العقل ( لصاحبي طبعا ) انا برئ
إذا كان الزواج لاسباب واهية ولمجرد أن الله اعطاه الصحة والمال
فأظن أن فيه قسوة على عائلته وعلى ام عيالة خاصة
ليحمد الله على النعــــــــم وليهتم باهــله
ولا يكون الإنسان لعبه في يد غيره
متى اشاروا عليه قال تم !
ومع هذا لايزال الباب مفتوح امام الجميع للتعدد
متى كان ذلكـ ضروريا وممكناً


كل الود والتقدير

[ليالي جنوبية]

طرح ذكي وهدفه واضح



عَنْ أَبِي هُرَيْرَةَ رَضِيَ اللَّهُ عَنْهُ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ :

( تُنْكَحُ الْمَرْأَةُ لِأَرْبَعٍ :

لِمَالِهَا النموذج الاول

وَلِحَسَبِهَا ،النموذج الثاني

وَلِجَمَالِهَا ، النموذج الثالث

وَلِدِينِهَا ،
فَاظْفَرْ بِذَاتِ الدِّينِ تَرِبَتْ يَدَاكَ )

ظفره الله بذات الدين (زوجته الاولى)
والدليل انه مبسوط معها وبارك الله له في ماله
وصحته وابنائه ,
وصبرها عليه وعلى ضعف شخصيته
دل عليها تاثير الاصحاب
الله يكفينا شرهم وامثالهم






ماشاء الله تبارك الله
اعجبني ردك صحت يمينك

وان كان مازال مصمم فلا يتعدى الثانية

[المهندســ]

انا اقوووول الرجال اختفى من زمااااان ما عاد له الذكر !!!

الآن عرفت .

لكن النصيحه اسمع كلام اهل الخبره عندك !!
ومالك ومالنا هنا الذكور يأيدونك والاناث يعارضونك وتحتار زياده .

اذا توكلت على الله وسويتها لاتنسانا انا وبو ريان وبن ظافر ترانا نعم الرفيق .


ههههههههههه

مراحب مراقبنا العام
انقطعت عنكم لاني مشغول
اكتب لكم هذا الــرد وانا جالس باللبي بهلتون جـــدة
بالتــأكيد لحضور المؤتمر الهندسي العربي (مو لشيء ثاني)
وشائف العرسان طالعين نازلين واخوكـ قاعد مع مجموعة مهندسين
اللي بالغليون واللي بالسيجار ووجيه تقطع الرزق
والسوالف بالملايين وخلها على الله
ما علينا !!

الموضوع ومافيه صاحبي ( الوهمي )استشارني فنقلت لكم العلم
وش دخلني أنـــــــــا < خااااايف هههههه


اطمئن يا ابا فهد ما راح اسويها
وسووا اللي تبون انتم
وبو ريان وبن ظافر
كيفكم ههههه



تقديري وفائق احترامي

[المهندســ]

هههههههههههههههههآآآي حيرتوا مهندسنا مسكين
اما انا فأقول اعقلها وتوكل وسو قرعه الي تجي عليها خذها وابشر بالرفده .... هههههههههههه لاتعلم أحد أني ايدتك *_^


يمكـ دروبي

اعقلها وتوكل ,,
الله يكفيني شركـ هههههههه
اقول العرس مو لييييييييي ,, وتقول اعقلها
يا ويلكـ من ربي ,, تشجعين هاه

اسعدني مروركـ شاعرتنا
لازال الموضوع مفتوح للحوار حول ..
هل تلكـ الأعــذار مقبولة ؟
وهل الزواج الثاني اليوم سهل ؟
ام انه يحتاج الى تفكير واختيار سليم

تقديري

[المهندســ]

مهندسنا الفاضل

العبارة هذي شوي قوية
ما ناقصكـ الا الشجاعة والإقدام لتجدد حياتكـ وتقتدي بنبيكـ
هذي ودي تصرف عنها نظرا ,,,
اللهم صل وسلم على نبينا محمد كل ما حب واحد شي قالي يقتدي بالنبي
واحد مربي شعره الى وسط ظهرة ودقن ما فيه والبكت في جيبه ..ليش الشعر طويل قال اقتدي بالنبي ... يعني ما لقيت إلا الخصله هذي تقتدي بها ..
رفع الله قدرك عنهم , اصبحت لمجرد العذر .هذا هدفي من الكلام السابق..
وانا اقول اذا نويت فاقدم علمنا ان من نشر الخبر فلن يتزوج بالثانية ابدا لأن قضاء الحوائج بالكتمان ..

بالنسبة للاختيار فالثانية الافضل ..
لأن بنت الشيوخ شيخة
الاولى مريشه وما عليها كلام ولكن المذله شينه
الثالثه بلدي على مستورد هذي وين تلقي بعمرك ههههههههههه
واحد من معرفه راح جده قالوا له ناس فيه عرايس من يبي يتزوج قال انا
قالوا مصصم قال كيف قالو قم راحوا وطبوا في بيت الجميح وحصل ذيك البنت طبعا مطلقة تزوج واعطوه ذاك الفان الجديد
واخذها في جول الى عسير يقول اهم شي اول ما ركبت وتنص المعسل بجنبها .
قال ماشي الحال نتحمل المهم رجع الى جده ويقول كانوا في استقبالنا الاسرة كاملة
المهم اخذتهم بالدور سلام ومصافحة طيب هذا مين قالت ولد خالى والثاين ابن عمي قال توها استوت يعني بتسلمي على اهل جده كلهم
المهم يقول تعشينا واستأذنت وقلت باروح عند بعض الزملاء
وهذا مفتاح السيارة لو احتجتي شي
واليوم الثاني على المحكمة وطلاق ..
وان شاء الله ارسل لك قصه واحد تزوج مسيار اذا كانت باقي معي...

ولك تحيتي


ســــــــــد الوادي

بيض الله وجهكـ اخي
بس تراكـ جبت العيد !! وش هالعلوم ههههههههههه
ابشر بسعدكـ النصيحة مقبولة
وتراني بجدة الحين وكويس انكـ علمتني هههه
(مداعبة غالي)

استاذي الكريم
هناكـ من يتخذ من تلكـ المقولات اعذار للزواج
ومع عدم تحفظي على التعدد فهو مباح
لكنني اقول لماذا نضحكـ على انفسنا باوهام
الاحسن كم اشارت الاخت يمكـ دروبي .. احسبها ثم اعقلها وتوكل !
ويجب على المقدم على الزواج ( اليوم ) التفكير في المستقبل
لا يتزوج ويخلف وبعدين يقول ودي ابيع الولد ! ما عندي فلوس
كما رأينا في قصة الشهري _ لا اعلم مدى صحتها .


تقديري واحترامي الوافر

[المهندســ]

والله ياباشا مهندس على قولة العمدة شلهم الثلاثه بالجمله الشرع أباح اربع

وبالنسبه لمواصفات الزوج أعلاه مو ناقصه شي
لايروح عن الفرفوره الثانيه حتى لو كانت إمها اللي درستها

المهندس
شكلك بتزوجنا اسف اقصد(بتنشبنا) واحد ورى الثاني وتقعد تخيل :smilie3:

شكراً لك ولما تقوم بطرحه من تجديد وأفكار رائعه
تجمع كل شي

مودتي ورعااك الباري


المسكتــ

تشرفت بمروركم الكريم مديرنا الغالي
لو نطيع العمدة رحنا في داهية ههههه
بس انا معكـ ومع كاتبتنا الرائعة ذات الشان
اذا كان ولابد فالفرفورة احلى شيء .. يؤ !
والله شكلي انا اللي بينشب هههه


مديرنا العزيز
الظروف اليوم تحتاج الى تفكير
المسؤوليات كبيرة ,, من لا يستطيع تحملها يقعد مع ام عياله بس
لو تلاحظ الشكاوي بالمنتديات من الفقر والعوز وعنده عشرين احوس
من قالكـ جمعهم ؟ لا واربع نسوان كل وحدة بديرة !
اللهم لا اعتراض بس الله امرنا بالتفكير قبل القرار

احترام بلا حدود من ..
مغليكـ

[حكيم المنتدى]

مهندس الابداع
!!!
ينطبق علينا وعليك
قصيدة كنا نسمعها وحن صغار
تقول كلماتها

كل ما جينا اونحط حزامنا
حــولنا من يرين في يرين
!!!
انا اعرف جيدا ان معاشر المهندسين
يتعاملون مع الـــــــواقع دون
الـــــــــــــهروب المحسوب
بواسطة اللعب بالكلمات
والتورية
!!!
لكن فعلا شعرت انني امـــــــام
وزير خارجية طويل عمر بحق وحقيقة
والا كيف تهرب من الاجابة
على ما قلت ونصه
!!!
وبعدها يمكن نقول لك كلهم
ما يصلحون وندور لك
بمعرفتنا
ههههه
!!!
لا زلت عند كلامي والكفيل عليه ابو ريان
والعروسه عند جاري وعروس
فيها كل المواصفات ( 3+1)
واطلب عليك كفالة ابو فهد
هيااااااااااااااااااااااااااااااا
حقت اهـــــــل الديرة
اصطبها رصاصة
!!!
التوقيع
حكيم المنتدى

[جورية أبها]

{..

أخونآ المهندسـ توهتني بصراحة ماعاد عرفت انت اللي بتتزوج ولآصاحبك الوهمـــي
وهل انت أوصآحبكـ جآد بهذا القرآر
ولا هذي فكــــرة من هندستـــــكـ!!

عمومآ بطلع اللي بخآطري قبل أنفجر...
قل لصآحبك الوووهمـــي
وإذا عنده عقـــارات وفلـــوس وصحة جيـــدة !!! هل ترى ان هذه أسباب مقنعة لزواجه بالثانية!!
أسأله هل زوجته الأولى تمتلكـ قلب ., وإحســآس., وعشــرة طيـــبة., وخلق., ودين
اذا كان عندهآ ماذكرت فلمآذا الزواج ؟؟
الايخاف ع قلبهآ م الحزن...
وع احساسها م الانكسسآر..
وع عشرتهآ الطيبة أن تنقلب عليه نكد وهم منهآ او من الاخرى...
وع اخلاقهآ أن تنعكس عليه منها او من الأخرى..
وع دينهآ واتصالها بربها الآيخاف ان يجد العكس من الاخرى
أو ان يلقى دعوة م قلب مظلوم من الأولى..!

انا لست معارضة الزواج الثاني الا بحالة واحدةإذا كان بغير سبب
ع قولة صاحبك تجديدا...,!!

استغفر الله ع ماسأقول !,,
بس اطلب منكم يارجال لو تتخيلون أنه سمح لنا يالنساء
بالتعدد اكرر استغفآري ولكن أطلبكم أن تتخيلو معي أن ذلك جائزا وتخيلوه بتفآصيله
وتذوقو مرارته أليس ذلك مؤلـــم بالذات اذا كان بدون سبب مقنـــع
لآحد يقول الشرع حلل والرسول قدوه
انآعارفه بهالأمور..
بس ابغاكم تعيشون الخيال للحظات
وتعرفون ليش النساء تعارض...

نرجع لصآحب المهندس
اذا كان زواجه بسب وظرف خاص معقول لكل عاقل يسمعه يؤيده ع الزواج ف هنآ اقول مبآرررك له مقدمآ....
أما بالنسبة للخيآرات الثلآث التي عرضتهآ ف أنت أدرى بما يحتآجه صآحبكـ هل يريد الجمال ام الفلوس ام ام ....؟
هذه لاأحد يستطيع أن يجيب عنها غيره وله الاختيار بمن أراد قلبا وعقلا وقبل ذلك الاستخارة...

..}

[نواااااره]

بصراحه موضوعك حلو و يحمس ههههه باين من الردود ..

ذكرتني بقصة وحده من زميلاتي < طبعا جنوبيين .

تقول زمان يوم كانو صغار فجئه جاء ابوها و قال لامها اسمعي تراي ابعرس .. طبعا صار اللي صار هههه عويل و هليل و نواح و كل شي و جا يبغى يراضيها < بنفس الجلسه .. قال اصلا مو انا اللي خطبت .. زميلي خطب لي و انا مدري !! ههههه و نكبني الله ينكبه ..

مشت الايام و تزوج و يوم صار له ثلاث شهور متزوج من الثانيه .. قوّت قلبها الاولى و خيّرته بينها هي و عيالها و بين الجديده .. و طبعا اختار الاولى < ام زميلتي و طلق الثانيه ..

طيّب سؤال يطرح نفسه .. اش ذنب الثانيه يتعبها معه و يتزوجها بس ثلاث شهور و بعدين يرجّعها لبيت اهلها !! هي لعبه يعني و الا ايش .. اذا هو رجّال و رايه في راسه ليش مو من الاول صمل على الثانيه و الا تركها من البدايه قبل الزواج ..

هذي نقطه ..

النقطه الثانيه اللي ابي احكي عنها هي ما تطرقت له اخي العزيز في احد ردودك و هو انو الرجال لمن يبي يتزوج ثانيه لازم يشوف طروفه اول الاقتصاديه و كذا

ويجب على المقدم على الزواج ( اليوم ) التفكير في المستقبل
لا يتزوج ويخلف وبعدين يقول ودي ابيع الولد ! ما عندي فلوس
كما رأينا في قصة الشهري _ لا اعلم مدى صحتها

عاد والله محد قله يتزوج و يفتح مصنع انتاج بيض !!

هههه ..

شكرا لسعة صدرك اخي الفاضل ..

[المهندســ]

طرح ذكي وهدفه واضح




عَنْ أَبِي هُرَيْرَةَ رَضِيَ اللَّهُ عَنْهُ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ :

( تُنْكَحُ الْمَرْأَةُ لِأَرْبَعٍ :

لِمَالِهَا النموذج الاول

وَلِحَسَبِهَا ،النموذج الثاني

وَلِجَمَالِهَا ، النموذج الثالث

وَلِدِينِهَا ،
فَاظْفَرْ بِذَاتِ الدِّينِ تَرِبَتْ يَدَاكَ )

ظفره الله بذات الدين (زوجته الاولى)
والدليل انه مبسوط معها وبارك الله له في ماله
وصحته وابنائه ,
وصبرها عليه وعلى ضعف شخصيته
دل عليها تاثير الاصحاب
الله يكفينا شرهم وامثالهم







الازدية

باركـ الله فيكـ اختنا الكريمة
ســأكون معكـ اكثر وضوحاً
طرحت الموضوع بعد أن رأيت البعض يتحجج بامور كثيرة
منها احياء السنة او إعالة ارملة واطفالها وغيرها من الحجج
بالرغم انني لا اظن ان هذه الاسباب مقنعة
لماذا نبحث عن اعذار عندما يريد احدنا الزواج ؟
حلل الله التعدد ولم يفرضه وكل بظروفه
هل تعلمين اختي بأن هناكـ شخص اعرفه
له ثلاث زوجات اثنتان بالرياض والثالثة بمدينة اخرى ,, لن اذكرها !
ســالته لماذا ؟ قال سفرياتي لتلكـ المدينة كثيرة
فاحببت أن اعف نفسي واجد مايغنيني اثناء تواجدي هناكـ
قلت وهل تسافر اسبوعيا قال لا ,, بالسنة ثلاث مرات او اربع
وخاصة بالصيفية اثناء المخيمات الدعوية

يعني المسكينة تحصل منه شهرين بالسنة
ويمكن ثلاثة ايام كل شهرين
خلينا نقول المجموع ثلاثة اشهر بالسنة وبعدين
واللي بالرياض ما يشوفونه بالصيفية
انا ما أدري يمكن هذا الوضع جيد !! الله اعلم !
سألته عن المصاريف
قال اصرف على البيت الأول , الثانيات كل وحدة قائمه بحالها
هذه القصة حقيقية وهي مجرد مثال على حالات عدة


ومع هذا نقول التعدد في بعض الحالات مهم
ولا هو عيب ولا حرام ..

بس اللي يكثرون عياله يفكنا اذاهم
ولا يقعد يصايح .. الاجار غالي والاسعار موت
يصرف عليهم وهو ساكت

ما ودي اطول عليكـ
والا فيه بلااااوي
تدرين اختي إن فيه واحد عنده اثنا عشر سكني
اذونا بالأستراحات وبالأفراح
لا ومحترفين سرقات وهو يحدث علينا بالصالة
يعني يعدد الأخ وندفع الثمن احنا !
والله حالة


النقطة الثانية والتي كنت احب إثارتها من السؤال عن الأفضل
رأيكم حول الزواج من المطلقة , الموظفة , الغنية والغير قبلية
لم يتم التطرق لهذا الموضوع ! لا باس !
الظاهران حكاية زواج بحد ذاتها سببت مشكلة

تقديري

[المهندســ]

أقول


أركب الهواء صارووووووووووووخ
وأظفر بذات الدين تربت يداك
هذا إذا كان هناك شجاعه لصاحب السؤال
أما أنت يا بو محمد فلا تلحق اللي يقول ما غير أمزح ما غير أمزح حتى ضيع الأول والتالي 0






هلا بشاعرنا

تراكـ فاهم خطــأ وانا خوكـ
العريســـ وهمي يا رجـــــال !!!!!!
والا انا رايح انام الحين والله يستر !
ههههههههههه
اجمل التحاااايا

[المهندســ]

.,.

..
ما شاء الله عليك يـ مهندس الحرف
دائماً لك اسلوب مميز
هندستـ الطرح بطريقة شيقه / ممتعه
دام انت مصمم فـ المشوره بالاخير لــ قلبكـ ومن يختار .


دمت بخير يـ عريس :)



.,.




عريس ! من هو ؟
الله يتمم بخير ههههههه
لصاحبي طبعاً بس اقلكـ شيء ,,
بطل الرجال ,, جابوا العيد فيه هنا فكيف هناكـ ؟
انا ماكنت ادري ان الزواج وجع راس الا اليوم
مع اني اسمعهم يقولوا
" ما الم الا الم الضرس ولا هم الا هم العرس "
ولازال للتعدد فوائد

اشكر حضوركـ
ولكـ تقديري

[المهندســ]

ماشاء الله تبارك الله
اعجبني ردك صحت يمينك


وان كان مازال مصمم فلا يتعدى الثانية





ليالي جنوبية

وأنا وين راح تعبي في الموضوع الله يطول بعمركـ
اقتبستـ ِ رد الازدية ودعيتِ لها ,, طيب واحنا ههههه
لا باس مراقبتنا الغالية ,, نمزح !

الرجال مصمم ويقولوا اذا انفكت العقدة الاولى تيسرت الامور
اللي يثني يثلث ويربع وآخرتها ما يقدر يتربع ولكن ..
نصيحتكـ راقية وصحيحة اختي الفاضلة
نعم اذا كان ولابد فالثانية تكفي والله يعينه عليهم
لكـ كل الشكر والتقدير
وفائق الاحترام

[سيد الموقف]

أراد أحدهم
- وكان ذكيا رغم ضعف شخصيته -
أن يتزوج بالثانية
فبدأ بالتلميح لزوجته
- وزوجته شهادتها ماجستير شريعة -
وكانت تتنرفز في كل مرة ويصير اللي يصير :smile:
فذهب الرجل إلى زوجته
في أحد الأيام
وأخبرها أنه تزوج بالثانية
فردت عليه زوجته
بأعنف ما عرفه البشر
من الكلمات والتهزيء والضرب
والجلد والتعزير ثم طردته
من البيت إلى حيث لا عودة
وبقيت تذرف دموعها
وتبكي الليالي الخوالي
وهي تغلي حقدا على زوجها ..

وبعد ستة أشهر من الحادثة
اشتاقت الزوجة الاولى لزوجها
وعلمت أنها لن تستطيع العيش بدونه
وقررت أن ترضى بالأمر الواقع
وتراضي زوجها
وتقتنع بما حدث
وأقنعت نفسها
بمشروعية ما فعل زوجها
فاتصلت به وطلبت منه العودة
وهي راضية بما حدث
وذكرته أن يأتي بزوجته الجديدة
حتى تراها ..
ففرح زوجها وقال لها حسنا
سأكون عندكم في البيت
بعد ( خمسة أيام ) ..

وبعد خمسة أيام وصل الزوج
مع زوجته الجديدة
ورحبت بهم الزوجة الأولى على مضض
وخرج الزوج لبعض أعماله
وبقيت الاثنتان في المنزل
فقالت الأولى للثانية :
غريبة ، لكم ستة أشهر ولا قد صار حمل ؟
فقالت لها الثانية متعجبة :
من قال ذلك ؟ .. نحن تزوجنا قبل خمسة أيام ..!







القصة حقيقية

ولي عودة يا مهندسنا الغالي
إذا سنحت الفرصة



تحياتي

[الأزدية]

اولا
ان عدد الاولاد او البنات
سواءكانوا سكون او فتون فقد كتبهم الله قبل
ان يعرف ابوهم امهاتهم ودوره رعايتهم وتربيتهم
لانه هو من سيسأل عنهم

ثانيا
كنت بقول شئ (خفت )وبدلته بهذه القصة لانه

خذ هذه القصة من قصص التاريخ
والله اعلم عن صدقها



قال الأصمعي :
قلت للرشيد يوماً بلغني يا أمير المؤمنين أن رجلاً من العرب طلَّق خمس نِسوةٍ ،
قال الرشيد :
إنما يجوز ملك رجل على أربع نسوة فكيف طلَّق خمساً،
قلت :
كان لرجلٍ أربع نسوة ، فدخل عليهن يوماً فوجدهن متلاحيات متنازعات ـ وكان الرجل سيء الخلق ـ فقال :
إلى متى هذا التنازع ما إخال هذا الأمر إلا من قبلك ـ

يقول ذلك إلى لإمرأة منهن اذهبي فأنت طالق !

فقالت له صاحبتها :
عجّلت عليها بالطلاق ، ولو أدّبتها بغير ذلك لكنت حقيقاً ،

فقال لها :

وأنتِ أيضاً طالق !

فقالت له الثالثة :

قبّحك الله ! فو الله لقد كانتا إليك مُحسنتين ، وعليك مفضلتين !

فقال:

وأنتِ أيتها المعدِّدة أيادِيهما طالقٌ أيضاً ،

فقالت له الرابعة ـ وكانت هِلالية فيها أناةٌ شديدة –:

ضاق صدرك عن أن تؤدب نساءك إلا بالطلاق !

فقال لها :
وأنت طالقٌ أيضاً !
وكان ذلك بسمع جارة له ، فأشرفت عليه وقد سمعت كلامه ، فقالت :

والله ما شهدت العرب وعلى قومك بالضعف إلا لما بلوه منكم ووجدوه منكم ، أبيت إلا طلاق نسائك في ساعة واحدةٍ !

قال : وأنتِ أيتها المؤنٍّبةُ المكلَّفة طالق ، إن أجاز زوجك !

فأجابه من داخل بيته : قد أجزت ! قد أجزتُ .

[أبو ريان]

لا زلت عند كلامي والكفيل عليه ابو ريان
والعروسه عند جاري وعروس
فيها كل المواصفات ( 3+1)
واطلب عليك كفالة ابو فهد
هيااااااااااااااااااااااااااااااا
حقت اهـــــــل الديرة
اصطبها رصاصة
!!!



كان أبو فهد العمري قد طرح يوماً موضوعاً يخص الكفالة وما قد تؤدي إليه ..
وكان لي ردٌ ذكرت فيه بأن هناك من يستحق الوفاء وأنه كفو لأن نكفله ..
من هنا فإني أعلن أني كفيلٌ لحكيم المنتدى وأوافق على ذلك بكل قوة ..
بل إن ذلك من أبواب الشرف لي ومستعدٌ لهذه الكفالة كماً وكيفاً ..
الآن الدور على أبو فهد ليعلن موقفه من كفالة المهندس ..
وأحب أذكره بأن الكفالة هنا فيها ثلاث نسوان وليس مجرد مبلغ مالي http://forum.baniamro.com/images/icons/icon10.gif
آمل أن لا يستخدم أبو فهد القنبلة http://forum.baniamro.com/images/icons/icon10.gif
فهذا المهندس شرّق وغرّب وعسى ربي يجيب العواقب سليمة http://forum.baniamro.com/images/icons/icon10.gif
تقديري ..

[مخاوي الصقر]

حياك الله يالمهندس وعلمك والحقيقه شبهتك بواحد راح هو وولده للاتفاق عل الخطبه وعندما شاهدها الاب قال لصديقه أبو البنت أنه هو الخاطب أعجبته ههههههههههه
والظاهر إنك رحت مع ولدك وصادك الطمع ههههههه


أشكرك عل الطرح المراوغ هههه


أرقا التحايا مهندس القصص

[ابوفهد العمري]

ابو ريان

الله يجيرك من القنبله . :smile:

اما الكفاله فلا وستين لا وخاصة اذا كان فيها زواجات اخاف تثور في جنبي . :2guns:

اما المهندس فكفالته شرف لي في اي مجال ولكنه ليس بالعريس هو يقول صاحبه .

وحكيم مصر الا يزوجه !! :qlbe19:

اعبتني قصة الازديه وذكرتني بقصة زميل قرني يقول :

رجعت من صلاة العصر في المسجد وكان قد عزمني جاري على زواج له .

ومن العاده ان ام محمد تقهويني من العصر الى المغرب والامور طيبه .
ولما قلت لها ترونا معزومين عند ابو فلان .
قالت : وش المناسبة ؟
قلت : زواج .
قالت : لمن .؟
قلت : له .
يقول انقلبت عليه سب وشتم انتم يالرجال فيكم وفيكم وظلمه وما تقدّرون . وش فيها ام فلان تسوى سبعين من شكله .
يقول : قمت اهدي فيها واهون عليها .. رجعت عليه الا شكلك تخطط لمثل فعله .؟

قلت : لالا لكن اهدي وتجهزوا او نروح .
قالت : رح لوحدك والله ما روح لأنكم ظلمه .
يقول : زعلت وقلت لها :
اقول اسكتي والله لو كان الامر بيدك مالقى اين احط حذياني .

[عذب السجايا]

هههههههه ابو فهد الله يخزي ذالقرني ههههه قوية

المهندس لا عليك من ردود المعارضين وتوكل على الله

فانت تعمل عمل خير

بل يجب على الجميع الحث على الزواج بالثانية والثالثة والرابعة

بشرط الاستطاعة والعدل

وهو امر مباح شرعا وفيه ستر لعورات المسلمين وقضاء حاجاتهم

اما لو جلست تنتظر موافقة

الاولى فستموت وماجت الموافقة ...لو حرمنا التعدد فمن للنساء

غير المتزوجات اليس في ذلك دوة للانحراف ...فكر وتوكل وعليك

برأي حكيم ولكن تأكد انه ما قد شافها لاني لاحظت انه مركز على

الصور وقبل فترة نزل قصيدة كانت محل جدل .....

[سيد الموقف]

أحبتي الأعضاء

اسمحوا لي أن أكون (نذلا) هذه المرة

أخبر الجميع - بما فيهم العضوات المعترضات على التعدد - بسر خطير للغاية




حكيم المنتدى - المهندس - ابو ريان - ابو فهد


سواليفهم هذي هي نسخة بالكربون
من سواليف الشيبان في المجالس
ويحفزون الشيبان بعضهم بنفس هذه الطريقة
فيأتي واحد ويفتح موضوع الزواج بالثانية (المهندس)
وهو صداق ويبدأ يسولف في الموضوع ويفند الحجج ويجيب
الايجابيات والسلبيات ثم يجي واحد يمثل دور
"السوسة" في الموضوع (حكيم) ويبدأ يحاول يُزْرُقْ بذاك
- أرجو تفسير كلمة يزرق - ويحاول يشجعه على الزواج
ويتهمه بالخوف والجبن نفس حركات حكيم هههههههه
ثم يجي السوسة ويقول انا مستعد بالبنت
وانا اخطبها لك ويمكن يعطيه فوقها نفعه كل ذلك
محاولات حتى يتم " الزرق " بالرجال ..
ثم يجيك واحد مطفي النور (ابو ريان) وينط ويقول
انا كفيل الرجال في الوعود اللي جابها - جاري الزرق -
فإذا شافوا ان الرجال ماهو متشجع غمزوا لواحد رابع
(ابو فهد) فيقوم ويقول أنا كفيل الرجال ان يتزوج الثانية
بس انتوا قد كلامكم ووعودكم؟ فيقوم كل واحد منهم
ويعتزي : ابو فلان .. والله اني عند كلامي ولا ذا الشنب
ماهو على رجال .. ويبقى الرجل المسكين مذهولا بينهم
فقد خطبوا له وزوجوه - وزرقوا به - ولا يشعر بنفسه الا
عاد في بيت اهل البنت يخطب وشوي الا هو تزوج وعادت
معه ....... - تم الزرق بنجاح -..


السؤال المحير .. اش استفادوا هم ؟؟


أخشى إني ورطت بعض الازواج

هههههههههههه



تحياتي

[المهندســ]

{..

أخونآ المهندسـ توهتني بصراحة ماعاد عرفت انت اللي بتتزوج ولآصاحبك الوهمـــي
وهل انت أوصآحبكـ جآد بهذا القرآر
ولا هذي فكــــرة من هندستـــــكـ!!

عمومآ بطلع اللي بخآطري قبل أنفجر...
قل لصآحبك الوووهمـــي
وإذا عنده عقـــارات وفلـــوس وصحة جيـــدة !!! هل ترى ان هذه أسباب مقنعة لزواجه بالثانية!!
أسأله هل زوجته الأولى تمتلكـ قلب ., وإحســآس., وعشــرة طيـــبة., وخلق., ودين
اذا كان عندهآ ماذكرت فلمآذا الزواج ؟؟
الايخاف ع قلبهآ م الحزن...
وع احساسها م الانكسسآر..
وع عشرتهآ الطيبة أن تنقلب عليه نكد وهم منهآ او من الاخرى...
وع اخلاقهآ أن تنعكس عليه منها او من الأخرى..
وع دينهآ واتصالها بربها الآيخاف ان يجد العكس من الاخرى
أو ان يلقى دعوة م قلب مظلوم من الأولى..!

انا لست معارضة الزواج الثاني الا بحالة واحدةإذا كان بغير سبب
ع قولة صاحبك تجديدا...,!!

استغفر الله ع ماسأقول !,,
بس اطلب منكم يارجال لو تتخيلون أنه سمح لنا يالنساء
بالتعدد اكرر استغفآري ولكن أطلبكم أن تتخيلو معي أن ذلك جائزا وتخيلوه بتفآصيله
وتذوقو مرارته أليس ذلك مؤلـــم بالذات اذا كان بدون سبب مقنـــع
لآحد يقول الشرع حلل والرسول قدوه
انآعارفه بهالأمور..
بس ابغاكم تعيشون الخيال للحظات
وتعرفون ليش النساء تعارض...

نرجع لصآحب المهندس
اذا كان زواجه بسب وظرف خاص معقول لكل عاقل يسمعه يؤيده ع الزواج ف هنآ اقول مبآرررك له مقدمآ....
أما بالنسبة للخيآرات الثلآث التي عرضتهآ ف أنت أدرى بما يحتآجه صآحبكـ هل يريد الجمال ام الفلوس ام ام ....؟
هذه لاأحد يستطيع أن يجيب عنها غيره وله الاختيار بمن أراد قلبا وعقلا وقبل ذلك الاستخارة...

..}

جورية ابها

اعجبتني جديتكـ وصراحتكـ بالموضوع
ولو انكـ زعلتينا معشر الرجال ,, كيف تقولين تزوج المرة على رجالها ..يوه ؟
كيف لي وين عقله اذا قالت عن اذنكـ باروح البيت الثاني هههههههه
لا ويمكن تقول انتبه على البيت والاولاد لين اجي بكرة ههههه
وتجي تعبانة ومرهقة وتقول ابنام لا تزعجزني !!!!!
بصراحة جبتــ ِ العيد ! لا يسمعونكـ الرجال !
ههههههههه

اختي الغالية
عندما حلل الله التعدد للرجل دون المرأة
فهو سبحانه اعلم بحال عبـــادة وطبيعتهم
فليس هناكـ امر رباني الا وله مشروعية وعلّة
مثلا .. زواج الرجل من ثانية لا يسبب خللا بالانسـاب
اما لو حدث مااشرت ِ اليه فلمن يكون المولود ؟
هــــــذا سبب من عشرات الاسباب
اشرتُ اليه كمثال فقط

نعم ندركـ شعور المرأة عندما يتزوج عليها زوجها
ولكن إنْ كان لعــــذر فلا باس بل ضروري وقد يكون واجبا
وإنْ كان للتفاخر و ( الهياط ) فقط فلا ارى ضرورة


تقديري لفكركـ الراقي وقلمكـ الماسي
كاتبتنا جورية

[المهندســ]

بصراحه موضوعك حلو و يحمس ههههه باين من الردود ..

ذكرتني بقصة وحده من زميلاتي < طبعا جنوبيين .

تقول زمان يوم كانو صغار فجئه جاء ابوها و قال لامها اسمعي تراي ابعرس .. طبعا صار اللي صار هههه عويل و هليل و نواح و كل شي و جا يبغى يراضيها < بنفس الجلسه .. قال اصلا مو انا اللي خطبت .. زميلي خطب لي و انا مدري !! ههههه و نكبني الله ينكبه ..

مشت الايام و تزوج و يوم صار له ثلاث شهور متزوج من الثانيه .. قوّت قلبها الاولى و خيّرته بينها هي و عيالها و بين الجديده .. و طبعا اختار الاولى < ام زميلتي و طلق الثانيه ..

طيّب سؤال يطرح نفسه .. اش ذنب الثانيه يتعبها معه و يتزوجها بس ثلاث شهور و بعدين يرجّعها لبيت اهلها !! هي لعبه يعني و الا ايش .. اذا هو رجّال و رايه في راسه ليش مو من الاول صمل على الثانيه و الا تركها من البدايه قبل الزواج ..

هذي نقطه ..

النقطه الثانيه اللي ابي احكي عنها هي ما تطرقت له اخي العزيز في احد ردودك و هو انو الرجال لمن يبي يتزوج ثانيه لازم يشوف طروفه اول الاقتصاديه و كذا



عاد والله محد قله يتزوج و يفتح مصنع انتاج بيض !!

هههه ..

شكرا لسعة صدرك اخي الفاضل ..


نوااارة

اسعدني مروركـ مراقبتنا المميزة
فيه قصص كثيرة مشابهة لقصة ابو زميلتكـ
وهناكـ قصص اســـوأ بكثير


ولكن علينا ان نحمد الله إذ يســر علينا - رجالا ونســـاء - ديننا .
في الديانة المسيحية ( حاليا ) زواج الكنيسة لا ينتهي الا بموت احدهما اوكلاهما
مهما كانت الاسباب ولهذا لجأوا للزواج العرفي " خارج الكنيسة "
بينما يسر الله علينا في ديننا فحلل الطلاق إذا استحال الاستمرار
وحلل التعدد لحالات خاصة وبشروط وليس للعبث
كما حلل الخلع وغيره وهذه كلها حلول شرعية
لحالات مستعصية


اما التفريخ عندنا
فحدث ِ ولا حرج ,, بالدرزن
والتربية يعلمها الله

تقديري واحترامي

[المهندســ]

أراد أحدهم
- وكان ذكيا رغم ضعف شخصيته -
أن يتزوج بالثانية
فبدأ بالتلميح لزوجته
- وزوجته شهادتها ماجستير شريعة -
وكانت تتنرفز في كل مرة ويصير اللي يصير :smile:
فذهب الرجل إلى زوجته
في أحد الأيام
وأخبرها أنه تزوج بالثانية
فردت عليه زوجته
بأعنف ما عرفه البشر
من الكلمات والتهزيء والضرب
والجلد والتعزير ثم طردته
من البيت إلى حيث لا عودة
وبقيت تذرف دموعها
وتبكي الليالي الخوالي
وهي تغلي حقدا على زوجها ..

وبعد ستة أشهر من الحادثة
اشتاقت الزوجة الاولى لزوجها
وعلمت أنها لن تستطيع العيش بدونه
وقررت أن ترضى بالأمر الواقع
وتراضي زوجها
وتقتنع بما حدث
وأقنعت نفسها
بمشروعية ما فعل زوجها
فاتصلت به وطلبت منه العودة
وهي راضية بما حدث
وذكرته أن يأتي بزوجته الجديدة
حتى تراها ..
ففرح زوجها وقال لها حسنا
سأكون عندكم في البيت
بعد ( خمسة أيام ) ..

وبعد خمسة أيام وصل الزوج
مع زوجته الجديدة
ورحبت بهم الزوجة الأولى على مضض
وخرج الزوج لبعض أعماله
وبقيت الاثنتان في المنزل
فقالت الأولى للثانية :
غريبة ، لكم ستة أشهر ولا قد صار حمل ؟
فقالت لها الثانية متعجبة :
من قال ذلك ؟ .. نحن تزوجنا قبل خمسة أيام ..!







القصة حقيقية

ولي عودة يا مهندسنا الغالي
إذا سنحت الفرصة



تحياتي


سيد الموقف

مرحبا مليون ولو انكـ تأخرت شوي ! لكن ماابطا من جاء
وعلى فكرة ترى الحكيم وابو ريان وبو فهد وبن ظافر ..
متفقين عليّ انا وانت فخلكـ حذر
هذولاء العصابة ما يقدر فيهم الا ربي
بس الله ينصرنا عليهم ههههههه

اعود لقصة خويكـ
بصراحة ذكي جـــدا ولازم بعض الناس يجرّب ونشوف
بس من يصبر ستة اشهر ؟ وين يروح ؟

تقديري لكـ
ويا ويلكـ من الرد على تعليقكـ الثاني
اللي فيه زرق ومرق
هههه

على راسي

[المهندســ]

اولا


ان عدد الاولاد او البنات
سواءكانوا سكون او فتون فقد كتبهم الله قبل
ان يعرف ابوهم امهاتهم ودوره رعايتهم وتربيتهم
لانه هو من سيسأل عنهم

كلاااام رائع وعين العقل والله يعين ,, بس ودي نربيهم زين !

ثانيا
كنت بقول شئ (خفت )وبدلته بهذه القصة لانه

الحمد لله انكـ ما قلتيه شكله يزعّـل مثل علم جورية
والا يخـرّع مثل علم ذات الشان < جل احترامي لكـِ ولهن .

خذ هذه القصة من قصص التاريخ
والله اعلم عن صدقها



قال الأصمعي :
قلت للرشيد يوماً بلغني يا أمير المؤمنين أن رجلاً من العرب طلَّق خمس نِسوةٍ ،
قال الرشيد :
إنما يجوز ملك رجل على أربع نسوة فكيف طلَّق خمساً،
قلت :
كان لرجلٍ أربع نسوة ، فدخل عليهن يوماً فوجدهن متلاحيات متنازعات ـ وكان الرجل سيء الخلق ـ فقال :
إلى متى هذا التنازع ما إخال هذا الأمر إلا من قبلك ـ

يقول ذلك إلى لإمرأة منهن اذهبي فأنت طالق !

فقالت له صاحبتها :
عجّلت عليها بالطلاق ، ولو أدّبتها بغير ذلك لكنت حقيقاً ،

فقال لها :

وأنتِ أيضاً طالق !

فقالت له الثالثة :

قبّحك الله ! فو الله لقد كانتا إليك مُحسنتين ، وعليك مفضلتين !

فقال:

وأنتِ أيتها المعدِّدة أيادِيهما طالقٌ أيضاً ،

فقالت له الرابعة ـ وكانت هِلالية فيها أناةٌ شديدة –:

ضاق صدرك عن أن تؤدب نساءك إلا بالطلاق !

فقال لها :
وأنت طالقٌ أيضاً !
وكان ذلك بسمع جارة له ، فأشرفت عليه وقد سمعت كلامه ، فقالت :

والله ما شهدت العرب وعلى قومك بالضعف إلا لما بلوه منكم ووجدوه منكم ، أبيت إلا طلاق نسائك في ساعة واحدةٍ !

قال : وأنتِ أيتها المؤنٍّبةُ المكلَّفة طالق ، إن أجاز زوجك !

فأجابه من داخل بيته : قد أجزت ! قد أجزتُ .









نعود للقصة
قصة رائعة جــدا
وقسم انه بطل اللي ما سلم منه ولو مرة جارهم
صدقيني لو بيدي ما يبقى في الحارة واحدة هههههههههه
امزح لا تؤاخذوني


اعرف قصدكـ من القصة اختنا الفاضلة
ولكن تري الأمور طيبة
وعلى ماقالوا كلام في منتدى وبس
أنا وصديقي موحدين خائفين وجلين
ولله الحمد


تقديري واحترامي

[المهندســ]

كان أبو فهد العمري قد طرح يوماً موضوعاً يخص الكفالة وما قد تؤدي إليه ..





وكان لي ردٌ ذكرت فيه بأن هناك من يستحق الوفاء وأنه كفو لأن نكفله ..
من هنا فإني أعلن أني كفيلٌ لحكيم المنتدى وأوافق على ذلك بكل قوة ..
بل إن ذلك من أبواب الشرف لي ومستعدٌ لهذه الكفالة كماً وكيفاً ..
الآن الدور على أبو فهد ليعلن موقفه من كفالة المهندس ..
وأحب أذكره بأن الكفالة هنا فيها ثلاث نسوان وليس مجرد مبلغ مالي http://forum.baniamro.com/images/icons/icon10.gif
آمل أن لا يستخدم أبو فهد القنبلة http://forum.baniamro.com/images/icons/icon10.gif
فهذا المهندس شرّق وغرّب وعسى ربي يجيب العواقب سليمة http://forum.baniamro.com/images/icons/icon10.gif

تقديري ..




اقول ,, ابو ريان

ما تلاحــظ اني صرت معهم معهم عليهم عليهم
يقلون الرجال ,, التعدد طيب فاقول صدقتوووووا
قالوا الصبايا ,, الواحد يقعد مع مرته احسن له فاقول هذا الكلام صحيييييح
كلهـــا خرعة من العالم اللي هنا والموت من اللي هنااااكـ ههههه
بس وش قصة الكفــالة هذي ؟
قالوا لكم هندي تكفلونه
والله يا شيء يجي من وراكـ انت والحكيم وبو فهد ما اشيلّه
ههههههه



على راسي يا ابو ريان
بس ترو العريس صديقي
مو أنا http://forum.baniamro.com/images/icons/icon8.gif

[المهندســ]

حكيمنـــا الغــالي
اعـرف إني ما راح اقدر فيكـ
بس على الأقل بانشب لكـ
اقولـ طال عمرك..


وش بالحكيـــم الليــــوم زوّد عــــذابي
وانـــــا اتمــنى ما يطـــــوّل عـــــذابه

مـا يــدري إن الصــاحب اللي غدا بي
غــرو ٍ عسـى ربي يخــلـّي شــــــبابه

من زود حبــه خـــائف افقــد صــوابي
وابــوح باســـمه لو تقـــام الحـــــرابة

دونه عجـــزت اســــج واصــكـ بـابي
وانتـــم تحــــدونه على صـــكـ بــابه

نقـــول ( باسم الله ) قلتـوا ( سحابي )
واقبلتــوا الليــــلة عليّـــه عصــــــابة
هههههه


يااااا رب ,,
لا تحرمنا من هذه العصابة الرائعة
عصابة الفكر والأدب والروح الطيبة
حفظكم الله جميعا

مغليكم العـــ ,, عفوا المهندســ

[حكيم المنتدى]

حكيمنـــا الغــالي

اعـرف إني ما راح اقدر فيكـ
بس على الأقل بانشب لكـ
اقولـ طال عمرك..


وش بالحكيـــم الليــــوم زوّد عــــذابي
وانـــــا اتمــنى ما يطـــــوّل عـــــذابه

مـا يــدري إن الصــاحب اللي غدا بي
غــرو ٍ عسـى ربي يخــلـّي شــــــبابه

من زود حبــه خـــائف افقــد صــوابي
وابــوح باســـمه لو تقـــام الحـــــرابة

دونه عجـــزت اســــج واصــكـ بـابي
وانتـــم تحــــدونه على صـــكـ بــابه

نقـــول ( باسم الله ) قلتـوا ( سحابي )
واقبلتــوا الليــــلة عليّـــه عصــــــابة
هههههه


يااااا رب ,,
لا تحرمنا من هذه العصابة الرائعة
عصابة الفكر والأدب والروح الطيبة
حفظكم الله جميعا


مغليكم العـــ ,, عفوا المهندســ

الله يعين على هذا المهندس
قولوا آمين
يشتكي مني وهو اللي ذبحني حتى النقاش رده شعر
لكن وســـــــــــــعوا صدوركم علينا
فأقول رداً على هذا الداهية
!!!
حـــــــــكيمكم كالماء يشق العذابي
في ســـــــــــــد وادِ طايلات عذابه

راعي كرم قال العشاء والغداء بي
لو جوه خندف قــــال نادوا شبابه

وانته سنافي وافي قــــــــرم نابي
مثل النجوم اللي تعلى الســــحابه

مـــــــــا لوم بنت قلبها فيك ذابي
لــــــــولا الحيا يمكن تناديك يابه

وانا دخيلك لا تقول لي مــــــذابي
خــــــــــل المعنى لا تقله مذابه ؟
!!!
وتراك منت لاقي احلاء منها
وان عييت منها اعطيناها مبندق الفرضة
سيد الموقف
ارهي ان الرجال وده بالحرش
ههههههه

[المهندســ]

هههههه حكيمنا
وشبكم والضيقة هذي هههه
ما قلت لكم انه يحاورنا والعصا بيده
انشهد انكـ كفؤ ووافي ,, بس لا تضربني !
يقلون ما يعقلها الا شايب
انتم وابو فهد كبارنا وعلى روسنا من فوق
والدليل انكم ناوين تصكون باربع ,, قدها وقدود
وابشروا بالعون المادي والمعنوي
مني انا وابو ريان وسيد الموقف http://forum.baniamro.com/images/icons/alam.gif
صَدق سيد الموقف ,, تنشب العلم يا الحكيم وتسوي نفسكـ برئ
تدري حكيمنا .. ما عاد معنا احلى مما حصل
يبقى الحوار هنا لبقية الاحبة والوعد بيني وبينكـ
الخيمة والوادي هههههه

[المهندســ]

حياك الله يالمهندس وعلمك والحقيقه شبهتك بواحد راح هو وولده للاتفاق عل الخطبه وعندما شاهدها الاب قال لصديقه أبو البنت أنه هو الخاطب أعجبته ههههههههههه
والظاهر إنك رحت مع ولدك وصادك الطمع ههههههه


أشكرك عل الطرح المراوغ هههه


أرقا التحايا مهندس القصص


مخاوي الصقر

تشرفت بمروركـ الكريم
ولكن تراني اسولف واجد ولابه علم
اذا شفت الواحد يصايح ويغامر فاعرف ان الامور سهايل
الموت من اللي ساكتين ,, يسوونها ولا احد يدري
واذا انكشفوا بعدين قالوا نحيي السنة
ههههه

تقديري اخي الغالي

[المهندســ]

ابو ريان



الله يجيرك من القنبله . :smile:

اما الكفاله فلا وستين لا وخاصة اذا كان فيها زواجات اخاف تثور في جنبي . :2guns:

اما المهندس فكفالته شرف لي في اي مجال ولكنه ليس بالعريس هو يقول صاحبه .

وحكيم مصر الا يزوجه !! :qlbe19:

اعبتني قصة الازديه وذكرتني بقصة زميل قرني يقول :

رجعت من صلاة العصر في المسجد وكان قد عزمني جاري على زواج له .

ومن العاده ان ام محمد تقهويني من العصر الى المغرب والامور طيبه .
ولما قلت لها ترونا معزومين عند ابو فلان .
قالت : وش المناسبة ؟
قلت : زواج .
قالت : لمن .؟
قلت : له .
يقول انقلبت عليه سب وشتم انتم يالرجال فيكم وفيكم وظلمه وما تقدّرون . وش فيها ام فلان تسوى سبعين من شكله .
يقول : قمت اهدي فيها واهون عليها .. رجعت عليه الا شكلك تخطط لمثل فعله .؟

قلت : لالا لكن اهدي وتجهزوا او نروح .
قالت : رح لوحدك والله ما روح لأنكم ظلمه .
يقول : زعلت وقلت لها :
اقول اسكتي والله لو كان الامر بيدك مالقى اين احط حذياني .




ابو فهــــــد

ما نقدر نقول شيء طال عمركـ
كبيرنا والمراقب العام وتضرب بعصا من حديد
حرام ما نقدر نقول والا نسوي شيء وانت موجود ههههههه
بس اعجبني رد خويكـ القرني

يقول : زعلت وقلت لها :
اقول اسكتي والله لو كان الامر بيدك مالقى اين احط حذياني .

هههههههههههه
اما هذي ,, كبيرة يا بو فهد ههههههه

احترامي وتقديري

[المهندســ]

هههههههه ابو فهد الله يخزي ذالقرني ههههه قوية

المهندس لا عليك من ردود المعارضين وتوكل على الله

فانت تعمل عمل خير

بل يجب على الجميع الحث على الزواج بالثانية والثالثة والرابعة

بشرط الاستطاعة والعدل

وهو امر مباح شرعا وفيه ستر لعورات المسلمين وقضاء حاجاتهم

اما لو جلست تنتظر موافقة

الاولى فستموت وماجت الموافقة ...لو حرمنا التعدد فمن للنساء

غير المتزوجات اليس في ذلك دوة للانحراف ...فكر وتوكل وعليك

برأي حكيم ولكن تأكد انه ما قد شافها لاني لاحظت انه مركز على

الصور وقبل فترة نزل قصيدة كانت محل جدل .....


قوي يا عذب السجايا
ايوه يا شيخ ,, كذا يعلنها الواحد ولا يخاف
النسوان نعمة من ربي والتعدد حلال والخير واجد
ما باقي الا وين القلب الصامل هههههه

ما عليكـ طال عمركـ من الحكيم
طبّه عنــدي وانا اعرف وين اصيده
وتراه خطير لا تأمنونه هههه


اجل التقدير واعذب التحااايا

[المهندســ]

أحبتي الأعضاء

اسمحوا لي أن أكون (نذلا) هذه المرة

أخبر الجميع - بما فيهم العضوات المعترضات على التعدد - بسر خطير للغاية




حكيم المنتدى - المهندس - ابو ريان - ابو فهد


سواليفهم هذي هي نسخة بالكربون
من سواليف الشيبان في المجالس
ويحفزون الشيبان بعضهم بنفس هذه الطريقة
فيأتي واحد ويفتح موضوع الزواج بالثانية (المهندس)
وهو صداق ويبدأ يسولف في الموضوع ويفند الحجج ويجيب
الايجابيات والسلبيات ثم يجي واحد يمثل دور
"السوسة" في الموضوع (حكيم) ويبدأ يحاول يُزْرُقْ بذاك
- أرجو تفسير كلمة يزرق - ويحاول يشجعه على الزواج
ويتهمه بالخوف والجبن نفس حركات حكيم هههههههه
ثم يجي السوسة ويقول انا مستعد بالبنت
وانا اخطبها لك ويمكن يعطيه فوقها نفعه كل ذلك
محاولات حتى يتم " الزرق " بالرجال ..
ثم يجيك واحد مطفي النور (ابو ريان) وينط ويقول
انا كفيل الرجال في الوعود اللي جابها - جاري الزرق -
فإذا شافوا ان الرجال ماهو متشجع غمزوا لواحد رابع
(ابو فهد) فيقوم ويقول أنا كفيل الرجال ان يتزوج الثانية
بس انتوا قد كلامكم ووعودكم؟ فيقوم كل واحد منهم
ويعتزي : ابو فلان .. والله اني عند كلامي ولا ذا الشنب
ماهو على رجال .. ويبقى الرجل المسكين مذهولا بينهم
فقد خطبوا له وزوجوه - وزرقوا به - ولا يشعر بنفسه الا
عاد في بيت اهل البنت يخطب وشوي الا هو تزوج وعادت
معه ....... - تم الزرق بنجاح -..


السؤال المحير .. اش استفادوا هم ؟؟


أخشى إني ورطت بعض الازواج

هههههههههههه



تحياتي





يا مرحبـــا بالغالي
يقول سيد الموقف ,,
أحبتي الأعضاء

اسمحوا لي أن أكون (نذلا) هذه المرة

الظاهر انه من يوم خلقت ما هوبس هالمرة
هههههههههه
الدليل ان اي موضوع تدخل فيه يوصل الدم الى الركب هههه
بس تدري .. وربي اني احبكـ في الله !
لكن وش قصة الزرق والتـزريق هـــــــــذي ؟؟
ترى الدعوى خطبة ما بعد صار شيء وبعدين تقول تم الزرق هههه
حسبنا الله على الحكيم فعلا قاعد يزارق بنا من بئر في غدير
واحنا على نياتنا وآخر زرقة قصيدة سواها
زرقبنا فيها ,, زرقوا به سبعين متر ههههه
لا ومبسوطين ابو فهد وابو ريان !! http://forum.baniamro.com/images/icons/qiq/biggrin.gif



كل التقدير وارق التحايا
غالينا

[الأزدية]

من باب التذكير واثراء الموضوع بما يفيد


ثلاث جدهن جد و هزلهن جد

عَنْ أَبِي هُرَيْرَةَ رَضِيَ الله عَنْهُ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "ثَلَاثٌ جِدُّهُنَّ جِدٌّ وَهَزْلُهُنَّ جِدٌّ النِّكَاحُ وَالطَّلَاقُ وَالرَّجْعَةُ". أخرجه أبو داود
قال العلامة المباركفوري في "تحفة الأحوذي بشرح جامع الترمذي
": ( النِّكَاحُ وَالطَّلَاقُ وَالرَّجْعَةُ ):
الرَّجْعَةُ: عَوْدُ الْمُطَلِّقِ إِلَى طَلِيقَتِهِ، يَعْنِي لَوْ طَلَّقَ أَوْ نَكَحَ أَوْ رَاجَعَ وَقَالَ كُنْت فِيهِ لَاعِبًا هَازِلًا لَا يَنْفَعُهُ.
قَالَ الْقَاضِي: اِتَّفَقَ أَهْلُ الْعِلْمِ عَلَى أَنَّ طَلَاقَ الْهَازِلِ يَقَعُ فَإِذَا جَرَى صَرِيحُ

لَفْظَةِ الطَّلَاقِ عَلَى لِسَانِ الْعَاقِلِ الْبَالِغِ لَا يَنْفَعُهُ أَنْ يَقُولَ كُنْت فِيهِ لَاعِبًا أَوْ هَازِلًا

لِأَنَّهُ لَوْ قُبِلَ ذَلِكَ مِنْهُ لَتَعَطَّلَتْ الْأَحْكَامُ وَقَالَ كُلُّ مُطَلِّقٍ أَوْ نَاكِحٍ إِنِّي كُنْت

فِي قَوْلِي هَازِلًا فَيَكُونُ فِي ذَلِكَ إِبْطَالُ أَحْكَامِ اللَّهِ تَعَالَى. فَمَنْ تَكَلَّمَ بِشَيْءٍ

مِمَّا جَاءَ ذِكْرُهُ فِي هَذَا الْحَدِيثِ لَزِمَهُ حُكْمُهُ. انتهى كلامه رحمه الله،

وهذه المصيبة تقع كثيرا في مجالسنا فيقول أحدهم مازحًا: زوجني ابنتك فيرد وَلِيّهَا:

قد زوجتك إياها والبنت حاضرة فيقع الزواج أو أن يقول أحدهم لزوجته مازحا (بالعاميّة):

"روحي وانت طالق" فيقع الطلاق ولا حول ولا قوة إلا بالله.

[المهندســ]

الازدية

كلامكـ رائع اختنا الفاضلة
ربما انحرف الحوار بعض الشيء ولكن لازالت الفائدة موجودة باذن الله
دائما يكون لمشاركتكـ رقي ومنفعة فجزاكـ الله كل الخير


تقديري