السبب .. كله عشان مكالمه !!

[صقر ال هيفه]

"مـــكـــالــــمـــه "

تغيب وتخلي !!..المولع بين هجران ولضى !!
وأنت الوحيد .. اللي ملك قلبه .. وعاش بعالمه !!
وغيرت فيه .. اشياء ..كانت فيه .. من وقت ٍ مضى
واطباعه اللي قبل عرفك.. كلبيها .. والمه !!
يرسم لك البسمه .. وخافي ما بصدره ما نضا
حتى لو ان سيف الزمن جاير عليه و ثالمه !!
يدرى عليك من الزعل .. ويموت في كلمة رضى
يشفق عليك من الهوى .. يا جعل روحك سالمه
هذا أنا .. نعم أنا .. كوكب يعيش بلا فضا !!
حبك غراااامه فالحياه .. وخوف فقدك .. آلمه !!
تغيب وضلوعي .. تناثر لك .. شضا شضا شضا
ويلك من الله .. كان قلبي ما سواتك .. ظالمه
مشيت دربك .. والهوى باااارد .. وبي جمرة غضى
اضمها بكفي .. واغني للعيون الحالمه !!
يا حظني بك .. ايه !! لكن .. يوم قلبي بك حضى
وش هي حياته دون ما تشوفه ودون تسالمه !!
يا غاوي ٍ مغوي عيوني .. في جمال وفي عضا
بيت ٍ ربيت وعشت فيه .. استوحشت . سلالمه !!
قاسي ولا تدري شحصل .. واهداب عيني مرضا
وحمد ما عاده لك حمد .. تغيرت معالمه !!
محد ٍ سواك فغيبته .. آحس باهمال .. وفضى
ومحد ٍ سواك فعالمي .. وأطمح اعيش بعالمه !!
صبرت .. يا لاهي .. وصبري من ( جفا صوتك ) قضى
واحرقت قلبي .. والسبب .. كله عشان مكالمه !! .

تقبلوا تحـياتـي وانتظروا المزيـد,.,

[رسام المشاعر]

الله عليك

راق لي طرحك وبانتظار المزيد
ولا تحرمنا


تحياتي ...

[بن ظافر]

بارك الله فيك الله يعطيك العافية
قاسي ولا تدري شحصل .. واهداب عيني مرضا
وحمد ما عاده لك حمد .. تغيرت معالمه !!
محد ٍ سواك فغيبته .. آحس باهمال .. وفضى
ومحد ٍ سواك فعالمي .. وأطمح اعيش بعالمه !!
صبرت .. يا لاهي .. وصبري من ( جفا صوتك ) قضى
واحرقت قلبي .. والسبب .. كله عشان مكالمه !!

[عــذبــة الـــروح]

كلمات رائعه..صح لسان شاعرها...


الف شكر لك....الله يعطيك العافيهـ،،،

[المسكت]

قاسي ولا تدري شحصل .. واهداب عيني مرضا
وحمد ما عاده لك حمد .. تغيرت معالمه !!
محد ٍ سواك فغيبته .. آحس باهمال .. وفضى
ومحد ٍ سواك فعالمي .. وأطمح اعيش بعالمه !!


صقر
شكراً لك لإمتاعنا بتلك الرائعه
وصح الله لسان شاعرها

مودتي

[نبض]

.,.

غنائيه رااائعه

سلمت




تقديري