ابوليلى المهلهل
12-20-2011, 09:08 AM
المراجل كنز وحميا العريب أعظمها
لو ثمن من يحتميها دمها الوشالي
والكريم معان وارهى من قراه ودمها
ضحكة حجاجه ومرحب تسبق الفنجالي
والصعيبة تدرك اللي لاوقف يخزمها
والمناصب تظهر العالي من المتعالي
والرجال بتم لو في ذبحها تلزمها
والضعوف تبيعها وتسومها بريالي
والقصايد ماتساق الا على فاهما
فالذهب مايعرف الا من يعرف الغالي
قوم أحشمها وقوم(ن) لاحشى ما أحشمها
واعرف ان مر الكلام من اللسان الحالي
واسفه الخيّب واجنب هرجته واكتمها
دون شرهات الرجال مزبنين الجالي
وان لقيت ان السوالف ما انتهى غارمها
وابتليت به والرشا ركب على المـــــحالي
لحية(ن) ماتكرم من أصحابها ماأكرمها
ما لمن يقرب على الصالي ياكود الصالي
وانت يامقدم ربوعه طبت يامقدمها
راح عرفك مع صحاصيح السنين اللالي
أبني الهقوة معك كبر العلم واهدمها
لاطرت هرجتك ولا صورتك في بالي
جارح(ن) كبدي وعوجي من خطا واسمها
غالي(ن) حول بعيني من مقام(ن) عالي
وان خذا لك حنظلة بين البيوت أطعمها
عقب مامدحك يشابه للشهد ويحالي
ماومرك الله على العليا ولا تعدمها
عند مثلي لافرقت المبتلي والسالي
جبت لك الوجه من له فالعلوم أجسمها
واجنبي(ن) مع ملازيم الرجال موالي
عين أكحلها بعز وثانية يلطمها
وان عطى همال مزن(ن) ساكبه متوالي
لين بقعاء ناشته والباقية تعلمها
كم رفيق(ن) مع تماليل الدهر ميالي
أنزل الوقت أسهمه والطيبين أسمها
ماتهون ألا على ابن اللاش والبطالي
حدني يمك وانا لو في يدي لاحسمها
ماانتظر واسوق لك وجهي واسوق امثالي
وانت عذرك هرج خمة تتهمك واتهمها
شلة(ن) يكسر نظرها في المقام ظلالي
اجمع اللمة هنا واضرب بها واقسمها
واطرح هروج الضعوف من الزمان الخالي
ور وسوم لخدها ولا التراب لفمها
من متى قلي تساوي رفقتي وافعالي
واعضل ظنونك وراجع فالسنين ولمها
كان لك قلب يتمرى الأولي والتالي
من هجوسه في بخاريها وفي مسلمها
ماسمع عبده ولاحا عيضة المنهالي
وانت يا أشجع لابته في المعضلة واحلمها
لايحسك مانقصلك فالوفا مثقالي
خل قوم افتح ياسمسم تحتري سمسمها
ماتضيق الا تفرح والليال أبدالي
لو تقفل كل باب(ن) ضبته ملحمها
ماتغلق باب من يحيي الهشيم البالي
أرفع حجاجك ونار المقبلات اشعمها
ماتعودت أنحرف عن وقفتي وأقوالي
والله أني لامسي الشطة معك واجهمها
وجهك ولا في يدينك مابقى من مالي
وقفة(ن) تنفع رفيقي وقفة(ن) مااندمها
لو ماأورث عقبها الا مسبحي وعقالي
خالد محمد العتيبي
لو ثمن من يحتميها دمها الوشالي
والكريم معان وارهى من قراه ودمها
ضحكة حجاجه ومرحب تسبق الفنجالي
والصعيبة تدرك اللي لاوقف يخزمها
والمناصب تظهر العالي من المتعالي
والرجال بتم لو في ذبحها تلزمها
والضعوف تبيعها وتسومها بريالي
والقصايد ماتساق الا على فاهما
فالذهب مايعرف الا من يعرف الغالي
قوم أحشمها وقوم(ن) لاحشى ما أحشمها
واعرف ان مر الكلام من اللسان الحالي
واسفه الخيّب واجنب هرجته واكتمها
دون شرهات الرجال مزبنين الجالي
وان لقيت ان السوالف ما انتهى غارمها
وابتليت به والرشا ركب على المـــــحالي
لحية(ن) ماتكرم من أصحابها ماأكرمها
ما لمن يقرب على الصالي ياكود الصالي
وانت يامقدم ربوعه طبت يامقدمها
راح عرفك مع صحاصيح السنين اللالي
أبني الهقوة معك كبر العلم واهدمها
لاطرت هرجتك ولا صورتك في بالي
جارح(ن) كبدي وعوجي من خطا واسمها
غالي(ن) حول بعيني من مقام(ن) عالي
وان خذا لك حنظلة بين البيوت أطعمها
عقب مامدحك يشابه للشهد ويحالي
ماومرك الله على العليا ولا تعدمها
عند مثلي لافرقت المبتلي والسالي
جبت لك الوجه من له فالعلوم أجسمها
واجنبي(ن) مع ملازيم الرجال موالي
عين أكحلها بعز وثانية يلطمها
وان عطى همال مزن(ن) ساكبه متوالي
لين بقعاء ناشته والباقية تعلمها
كم رفيق(ن) مع تماليل الدهر ميالي
أنزل الوقت أسهمه والطيبين أسمها
ماتهون ألا على ابن اللاش والبطالي
حدني يمك وانا لو في يدي لاحسمها
ماانتظر واسوق لك وجهي واسوق امثالي
وانت عذرك هرج خمة تتهمك واتهمها
شلة(ن) يكسر نظرها في المقام ظلالي
اجمع اللمة هنا واضرب بها واقسمها
واطرح هروج الضعوف من الزمان الخالي
ور وسوم لخدها ولا التراب لفمها
من متى قلي تساوي رفقتي وافعالي
واعضل ظنونك وراجع فالسنين ولمها
كان لك قلب يتمرى الأولي والتالي
من هجوسه في بخاريها وفي مسلمها
ماسمع عبده ولاحا عيضة المنهالي
وانت يا أشجع لابته في المعضلة واحلمها
لايحسك مانقصلك فالوفا مثقالي
خل قوم افتح ياسمسم تحتري سمسمها
ماتضيق الا تفرح والليال أبدالي
لو تقفل كل باب(ن) ضبته ملحمها
ماتغلق باب من يحيي الهشيم البالي
أرفع حجاجك ونار المقبلات اشعمها
ماتعودت أنحرف عن وقفتي وأقوالي
والله أني لامسي الشطة معك واجهمها
وجهك ولا في يدينك مابقى من مالي
وقفة(ن) تنفع رفيقي وقفة(ن) مااندمها
لو ماأورث عقبها الا مسبحي وعقالي
خالد محمد العتيبي