ابن التيم للأهمية

[الرادار]

البدع
يالله اني طالبك دلني بدع النشيد
بعدها مني سلامي لكم يا الحاضرين
عد ما لاحت بروق المخايل والرعد
قلتها ماني بناوي بغش ولا بشر
داري ابن التيم لاشافني بيشد راسه
مثل ناس في المواقف تشدد روسها

[صبي بني التيم]

ابتنينا حن قصورٍ ولا زلنا نشيد
فعلنا عند البدو فعلنا فالحاضرين
فالمواقف ماتجينا المخلّه والرعد
يشهدون ابـ مانقوله مطاليق البشر
حتى لا واني صغير و بعدني في دراسه
الرجال الوافيه تنعرف بدروسها

[الرادار]

المعذرة موقعي في الأتصال ماش طول بالك
البدع
ادري انك ونعمٍ يافتى وانك حديد
ما احتقرناكم ونعرف بناكم من سنين
شد حيلك واعرف الدرب وابشر بالسعد
واكمل المبنى ولا تغلق ابواب القصر
واحتصن يا صاحبي واحكم اركانه وساسه
العرب للتهلكة ماتودي انفوسها

[أبو ريان]

أعتذر للمقاطعة ..
ولكن من مدة والله وأنا أتمنى هذه المقابلة بين الإثنين بالذات ..
والسبب والله العظيم لأني أرى فيهما إبداع وحبك مختلف ..
متابع وعساكم على القوة ..
تقديري ..

[سعيد عوض العمري]

الرادار & ابن التيم

هذا اللقاء المرتقب فعلا
شاعران مبدعان بمعنى
الكلمة رقي و رصانة
سمو و متانة
نحن متابعون إلى الآخر ,,
تحية طيبة للمبدعين ,,,

[صبي بني التيم]

جعلها فدا رجولك يا رجال لا تعىذر ولا شي ....
هاك الرد السريع لاني مستعجل .....
والله انك مطلقن وانت لي جار و حديد
ذاك بن عمك جبرني وشهرت السنين
غير تبشر بالسعد طير يا طير السعد
دام مدي وافين دام مدك ما قصر
الرجل في شدت الموقف ابيضهر بساسه
والروادي خايبه لجل قطع انفوسها

[جاسر الغراني]

بيّض الله وجيهكم ،
محاورة رائعة من رائعين
موفقين وفالكم البيضاء .

[الرادار]

البدع
بنشدك يا صاحبي واعطني علم وكيد
لو ضرب بركان في ضلع منعاء ما يلين
والإجابة خلها بيننا بدع ورد
لاتبينها ولا تفوت وابشر بالسفر
كل رجال يفصل على جنبه لباسه
مايزهب بندقٍ ما انتش نادوسها

[صبي بني التيم]

الرجل ما ضن ينهز من صيحه وكيد
والعقل ماهي تقرر شماغ المايلين
وضح المورد ترا انه قيصيدي ما ورد
انا شوف العلم خافت ولا شفنا سفر
الله كم من علم ياخوك فكينا لباسه
كان تشنا عند بيضان تشنا دوسها

[خالد بن مشرف]

ياسلام ياسلام
الله يبيض وجيهكم
الرادار وصبي ابن التيم
سجلوني واحد من جماهيركم المعجبين

[الرادار]

يالوووووول

اشهد انك وافيٍ ياصبي وانك سديد
ماوردت السوق تشري السلع ذمه ودين
مير حضّر حجتك واعطني منها سند
وانتظر مني شهادتك في واحد صفر 1433 هـ
والحذر لايجيك في تالي العلم انتكاسه
لن مثلي مايحدك على منكوسها

[صبي بني التيم]

الله الله ...
والله العضيم اني نشبت ...وكلامك اغامه كثير وانا ما املك الخبره الكافيه ...
لكن يا غالب يا مغلوب ...
اسمع لوان بعض كلامك لم افهمه لكن يتبين مع الوقت ....
اقبل الرد الملشلش ورايه اختبار ومستعجل اعذرني على قصوري يالمطلق ..
اسمع ...
من غمام السيل سايل ولا رده سديد
لو ما تملك حجةٍ لا تقاضي لا تدين
شعرنا من صلب راسي ولي نعم السند
و الشهاده مالكفو مثل عدوات الصفر
ادري انك مثل نهرٍ غزير منت كاسه
وانا ماني ماللي ياخذ وعد منك وسها

[فارس بني عمرو]

طرب وابداع

متابعين لكم مع كل التقدير للشاعرين

[الرادار]

استبيحكم عذر متجه للديرة وستكون اخر جوله لظرف طاري
يالووووول
ما حضرت الموقف الا وانا نظري بعيد
وانت عذرك تو الأبطال مقبول وسمين
شد حيلك بإختبارك ومن جد وجد
انا ماعذّلك ياصلب قوم ابني شهر
والله ما انكر واديٍ شاقني زرعه وناسه
والجبال الشاهقة ذي تلم احبوسها

[صبي بني التيم]

اعتذر عن التاخر ...لكن ابشروا بالعوض...
اسمع يالرادار اسمع ...
كمّل المشوار و خوك بيعيّد بعيد
السما تمطر على ابلادنا في موسمين
وانت جودك دايمٍ.. ورث من اخالٍ وجد
وانا ربعي هم بني شهر والمبني شهر
باعض العربان دنياه معكوس الوناسه
يا حبوسٍ رافضه لا تفك احبوسها

[الرادار]

صبي ابن التيم وعدتك بالشاهدة في واحد صفر

فأقول انت شاعر فطين ولك مستقبل انشاء الله وتملك خبرة في نقض الأبيات

التقدير ممتاز

[صبي بني التيم]

شهادة ووسام علي صدري وتاج على راسي وعلامه تسجل لصبي بني التيم ... يالرادار ...
اسمحولي يالربع ودي اقول قصيده اعذروني على قصوري بها ......
يقووووووووووووووول ...:
اول القول بسم الله ثمن صلاتي عالنبي
يا سلامي سلامن منبعه طيب ريحه دهن عودي
يا سلامي سلامن من صفا نيّةٍ ماله حدود

يا سلامي لهذا المنتدى والذين ابه انتدو به
ثم اثني سلامي يا شعاعير ندّر بالمقول

طاب ذالمنتدى ...ثم اعذورني بنذكر قصتي
يوم انا ما عابر في درب واثر السحب لاحة ببارق
ثم ناضرتها من نصّ عيني وهي لجلي تلوح

قالت اضهر وانا لك غيثةٍ من الاهك يا سعيد
قلت صبرك عليه دربنا صعب من دون السلالم
اصبري وابتنيلي من لبان القصايد سلّما

واثر ابو فارس .اللي مشرفٍ عالسحابه بالقصيد
قال لي مستواك يسابق الريح ياسعيد ابن سالم
ثم اخذني من ايديّه يقول السحابه فانتضار

يوم انا في طريقي معْه شفت الشعاعير العضام
شُعرا منتدى ابني عمرو نعم الرجال اهل القصايد
الشعر واضحٍ فيهم ونعم القصايد والحروف

ثم جاني من الشعار قولٍ يروّح عن جَهَادي
قول لما سمعته كنني للسحابه واصلي

افتخر في شهادت منتدى بني عمرو عمّا نقوله
اشهد انه واسامٍ فوق صدري وتاجي والباس

والله ان الشهاده جاتني من رجال ما بتكذب
جاتني من شعاعير تسير القوافي لاجلها


جاتني من صبي شيبان وايضا حكيم المنتدى
وجاتني من سعيد آبن عوض راعي المعنى الموثق
ثم جتني من الخطاف شاعر كما نثر الدرر.

ثم جتني من الرادار شاعر كما مزنٍ همايل
واعتذر لو نسينا .. والمطاليق تعذر فالزوم.

يعلم الله بِنْها دفعةٍ معنويه لبن سالم
وانا بعدي بدربي يالنشاما وبقاي باوله.

اوعدك يالذي فيّه تمنيت نوصل للمعالي
اني آكون في حسنا ضنونك وماملكم بنا

دامني بين شعّارٍ تروم العلالي والسما

[الشيباني]

حياك الله ..
وبيض الله وجهك على القصيده .. والحقيقه انك مريت بنا على المنتدى من اوله الى اخره ..وانا باتبع ان شاء الله على نفس النمط؟

الرد
عنّبي يا غصون الشعرفي كل موقف عنبّي
الله كم واحد قد فارقه قلبنا وده نعودي
يدري اني زعيم الشعر وان سيفنا ماله حدود

يابن سالم ترى درب القصايد طويل وانت دوبه
واحد يثبت على المنهج الصعب والثاني مقول

الله يا كم رقاب من سيوف العداله قصتي
وانت ونعم وربعك ونعم من البدواه لين بارق
لاتسمّع كلام الجاهل اللي كما جدر ولوح

وانت ضيف وفي مقدمك..خاطر رفاقتنا سعيد
وانت شاعر ولك بين المطاليق قدر يا بن سالم
شاعر لابدا بين المطاليق بان وسلّما

لكن احذر من الثعبان لا تمدحه لا يلقص ايد
لاتقول ابنسامح من تجنّا علينا وابنسالم
لاني اعرفك طيب قلب منت ابشديد ولا انت ضار

دامني شاعرٍ والراس عالي على صّم العظام
ناخذ ونعطي الاشعار بالكاش ولا بالقصايد
انزل ابكل وادي دامي لي بيرقٍ فوق الحروف

بين الابطال والميدان فيه التحدي والجهادي
واصلي يالنفوس الغارمه بالتحدي واصلي

سيل حرفه تكبر واكتبر يا بشر عما..نقوله
لايجي من سكن في ديرة البدو شر ولا لباس!

البيارق ترفرف في البداوه ولكن ما بتنصب
والمناني تغر انفوسنا ما درينا باجلها

يازميل القوافي نحسب انك حكيم منت داء
كنت اعدك زميل يرفع الرس واحزام موثق
غير بانت علومك وانتهينا ولا فاد الصبر

الملامه علينا يوم كنا انتحزم بالهمايل
ليتنا ما تلزمنا بكفك ولانمشي لزوم
حسبي الله على اهل الشر والصاحب اللي كان ظالم
يسمع القول من راعي الخيانه وقولي ياوله

فات ما فات وانا شاعرٍ وابني ابياتٍ معالي
الله ياكم بنينا من المعالي وهو يا كم بنا

ميسمي في جنوب اهل الخيانات بان ووسمّا

[صبي بني التيم]

على راسي يابو مشيب ووسام على صدري ....
لكن اسمحلي انت . لُغْم يصعب اكتشافه ....
مدري كيف..
مره تمدح وفي نفس الوقت معناك بعييييييييد وانا يعجبني اللي هذا اسلوبه ....
صبي شيبان لك مني اجمل تحيه و(((((أول))))) ابياتك وسام على صدري وشهاده تسجل لي ..وتعد من افضل النصايح يوم تقول ..درب القصيد طويل وانت دوبه ...وتقول واحد يثبت... والشهاده..تقول.وانت شاعر ولك بين المطاليق... .
اما وقولت منت ابشديد اضنك قلتها من دون نيه <<<هههههههههههههههه...
بارك الله فيك ....ومن يقرا ...

[الرادار]

ياصبي ابن التيم لغم الشيباني اكتشفته وصح لسانك وصح لسان الشيباني على الرد الملغم وتوضيح اللغم على الطاير

البدع

كل سيف بريع تنعرف سلته والمنصبي
وانت سيف من اسيوف النشاما بريعات الحدودي
مرحبا بك عدد ماهل وبل السحاب وهب نود

قلتها عقب ما خيّلت برقٍ في المنشا نصوبه
نرتقب جيته والحمد لله قرّب مـ الوصول

لأن له حصته بين النشاما وانا لي حصتي
والبحر من يطبه ما يجيد السباحه مات شارق
مير هذا المواهب والفتى يتّبع منهاج روح

والمواقف تبين ومن بدا حزة الملقا سديد
لكن اصمد مكانك واعطنا من علومك وانتعالم
دام ربي جمعنا نقتري علمكم ونعلما

والحذر يابن سالم من مناهيلنا قبل الوريد
لن من رادنا بالسوء لاما ورد مثواه والم
وانت رجل عزيز من رجال لهم صيت وجار

لك مكانه ولك موقع ولك عندنا قدر ومقام
والوفي في مقامه ماتغير سلومه والعوايد
حتى لو دارت الدنيا ولحقه في الدنيا ظروف

وانت ياللي تنادي سامع صوت صيحك يم تنادي
بعد ماطحت في الغبه ومن بعد جاك الحاصلي

وانا شاعر ولي ياقرو لاما وزت جوله وصوله
ثابت في مقام العز وابقى وانا زيزوم راس

والذي يحتقر دار البدواه عساه ابسم عقرب
كيف يسطى يذم اديار مقريه ويذم اهلها

يحسب انه يشيل الصوت ماحد يسمع بالنداء
مير بجاوبه واحمي المواقيف والله الموفق
رب يفهم مقاصيدي ويأخذ مع العالم عبر

قبل ما ابرّكه تو المطاليق واشد الحمايل
واهب القيد في يديّه واحط في جنبه وسوم

لين ماعاد يلفي في مياديننا والسيف ثالم
ويتعدا الين اتجيه منّا الردود امحوله

والله لاذوقه مر لحالي ولا بالمر حالي
حتى يعرف يميز بين طعم المرار وربنا

والنصيحة ندونها وبان الهدف يامن رما

[خالد بن مشرف]

اسمحولي على اللقافة حبيت اشارككم
واشقر على قصيدة الرادار



يا رجال الوفا والطيب والمرتبة والمنصبي
البيارق على روس النوايف وتلعات الحدودي
ويا مدير(ن) تدير المنتدى هب شزوط وهب بنود

الوفا يا عربنا بارقن ترحل العربان صوبه
والكرم والشجاعة والشيم مبتداها م الوصول

والمدرس يقل عندي نصابي وانا لي حصتي
جعل شمس(ن) دفاها ما يجي كل حيٍ ما تشارق
والسكاكين في كف المغفل يجي منها جروح

والسيول ان تلاقت ف ابن في تالي الملقا سديد
كيف باعلّمك يا من تدرس علومك وانت عالم
كم تخرج على كفك من امعلم(ن) ومن اعلما

الشرايين يجري دمّنا وسطها قبل الوريد
وانت يا صاحبي تالم لما صابني من جرح والم
حسبي الله على وقت(ن) تجبر على العالم وجار

واسمع العلم يا شيخ المشايخ ويا قايم مقام
الحكومة تعوّش شعبها بالضمان وبالعوايد
وانا بارسل لكم ياللي على الحالة الدنيا ظروف

يمكن الله ينفعني بها لا وصل يوم التنادي
يوم يلقى البنادم كل ما قدمه والحاصلي

والاصيل الذي بين الخلايق معربْةٍ وصوله
ما يهزه هبوب(ن) هب مثل الجبل زيزوم راس

وانت ياصاحبي باقول لك هرجتن واتسمّع اقرب
من يذم النشاما يظلم النفس واي ذمه لها

خل كف البخيل ورح لكفٍ تندّي بالندى
ما خلق ربي اكذب من لسان الربيعي والموفق
والله ان الذي ما يعبد الله وحده ما عبر

ولا باطاوعك يا ذا تسب الشيوخ اهل الحمايل
تحسب ان الحمايل سلعة حولها مشرى وسوم

وانا باالمّ في الجزلات واما انت خلك في الغثا لمّ
والذي ما ينّور للخلايق فصلت محوله

وانا للديرة اللي تشتهر بالوفا والم رحالي
مقصدي من رحيلي طاعة الله وحده ربنا
والله لو مت ضامي ما تجرعت لي مالمر ما

[صبي بني التيم]

الله الله الله الله ......
والله مابه الا طخ بواريد وطق ارماح ....
صحت السنتكم ومعلم يالرادار والله معلم ولا يهون صبي شيبان ولا بن مشرف ....
يالرادار ترا الغام الشيباني عندي لها كاشف وكانس..ولا يخفى منها شي ....
ودكم نمشي على القاف ؟؟؟؟؟.
وانا اشوف دام النار تزهر في الميدان انا نكتفي بالقصايد تيه فان من يقرا الاوله وردها يدوخ راسها ....
والله ما ودي اترك محاوره عبا تيه فاني احب الحماسه غير الزينه احلى ...
واعذروني يالنشاما ...

[سعيد عوض العمري]

صبي بني التيم
بيّض الله وجهك وعساك سالم
والمطرح مطرحك تسلسل عجيب
وسرد جميل لملحمتك الشعرية
من بدايتها حتّى النهاية و فالك
البيضاء و ما قلته و قاله أخواني
الشعراء و حكيم المنتدى صحيح
و بدون مجاملة و سوف نراك قريبا في
الميدان لا محالة ,,
.................................................. ........
الشيباني & الرادار

الشيباني / شاعر المشاكسات و المجابهات
الشعرية و افق ابن التيم في
ما قال و لاكنّه لا يزال يحثّ
ابن التيم على مواصلة العطاء
وان الطريق شايك و صعب و لا
بدّ من التزوّد للمواصلة ثم يتجه
الشيباني كعادته لفتل العضلات
وزرع الكثير من الألغام و التي
قام الرادار بالمرور عليها و تفجيرها
لغما لغما و ذلك بحذاقته و حسّه
المرهف لمثل هذه الألغام ثم
نوجيه القذايف المضادة للدروع
إلى الشيباني و إبراز مواطن القوّة
لدية و هنا تحدّي مع تحذير واضح
من قبل الرادار بعدم تجاوز الحدّ
.......................................
خالد بن مشرف
ثم يأتي البلسم الشافي و قيثارة
القوافي و من شرّفنا بهذه التفحة
الفنّية الرائعة و التي تحمل الكثير
من المعاني و الحكم في طيّاتها
و التي ترفض الكثير من المباديء السابقه وان
الشعر يبقى قويا باذخا بسمو معانيه
و كان ذلك بإرسال رسائل من بداية
وضع الشروط و تكوين هيئة للمواصفات
والمقاييس الشعرية من قبل مشرف
الشعر إلى تلك النصائح التي يحتسبها
يوم التناد إلى رفض السب بين القبائل
والحمائل وترك البخيل و والذي يمدح
نفسه كاذبا حتى و صل إلى الهجرة
من بلاد الشر و أهله ,,

نصّ دسم استاذي خالد ,,
أتمنى و من كل قلبي بقاءك معنا
فأنت مجيد في كلّ فنّ ,,,

[الرادار]

خالد بن مشرف بيض الله وجهك وصح الله لسانك رد وشقر ونصيحة تدون وتثبت ثقة في الرسم وترابط في المعنى في منتهى الجمال
وبكل صراحة انا فخور بهذة القصيدة رد ونصيحة حتى لو فيها معنى موجه الا انها تبقى وسام

الأخ سعيد مرورك وجميع مشاركتك وردودك تسر الجميع وتوضيحك للجمهور شي كبير ودليل على تدقيق اشرافك وخبرتك الشعرية
ونفتخر بك مشرف وقايد شعر في هذا الصرح الشامخ

الشيباني مهما حصل بيني وبينك تبقى اخ عزيز غالي عندي ولنا لقاء معتبر بعد انتهاء الأختبارات

[خالد بن مشرف]

صبي بني التيم ولا تهون والاختبارات والدراسة اولى اسأل الله لك وللجميع التوفيق

مديرنا واستاذنا سعيد بن عوض العمري
بيض الله وجهك شهادة منك اعتبرها اعلى
وسام حصلت عليه ولا نجي الا من بعدك في الشعر وفي
غير الشعر الله يطول عمرك

الاستاذ الرادار
وجهك ابيض وصح الله بدنك
لوما كان البدع محكم ومرسوم من شاعر متمكن مثلك
لما استطعت واتكلم عن نفسي ان ابني عليها بيت واحد
فلك كل الشكر والتقدير

ولا انسى الشيباني ونعم الرجل
شاعر عنيف ومن اخوالي ومن مصادر فخري واعتزازي