حااااافز

[الشيباني]

السلام عليكم
الحقيقة هذي قصيدة بخصوص موضوع حافز
وما حصل من تطورات والعوائق اللي قاعدين يسوونها البطانة الفاسدة



البدع
يالبطانة عليكم لعنة الله والناس اجمعين
يا هل الغش والتزوير في مملكتنا والحكومة
انتو واحد من الاسباب في ذا الشباب العاطلين
نفذّو قول ابو متعب كما قال واصدر في خطابه
خلو الغش والتدليس يا هل القلوب الحاقدة
البلد فيه خير ومنعم الله عليه وفيه اماني
والملك طال عمره قام بالواجب وسد اللزوم
يا بو متعب عسى الله يحفظك حن جنودك وادعنا
والخطر يا طويل العمرماهو من الخارج يجينا
الخطر هم حثالة مجتمعنا ..فساد ابلادنا
الخطر هم حثالة مجتمعنا ..فساد ابلادنا

[بن ظافر]

تسلم بارك الله فيك وصح لسانك يا الغالي

[سعيد عوض العمري]

الرد=
يا بلاد النبوّة كلّ خلقه بحبّك مجمعين=
انتي مهوى افئدتهم و المشاعر تنادي و امحكومة=
ما تزحزح و لا يعطّل مداها نهيق العاطلين=
والذي ينوي ابعزّة ثراك الخطا جعل الخطا به=
من دعاة التطرف و ابن علمان ناس ٍ فاقدة=
يوم كل ٍ ينادي في ظلامه و كنّه فيهماني=
ما درى انّ الجهالة عشعشت في دماغ ٍ به لزوم=
وانحن الشعب لا جلك يا بلادي و دونك هايجينا=
و النوايا سليمة مرخصين الدما وبلا .دناء=
و النوايا سليمة مرخصين الدما وبلا .دناء=

[ابو زياااد2009]

بيض الله وجهك يا الشيباني على القصيدة

وبيض الله وجهك ياسعيد على الرد

كلام في الصميم وفهم يافهييم...


مودتي

[الرادار]

صح لسانك يالشيباني قصيدة هادفة وانت نجم دايماً فتقبل مروري ومتابعتي لك

الشاعر المشرف سعيد صح لسانك على الرد الموازي والحمية الواجبه وانت مبدع ولك بصمة خاصة في الرد

ولكم مني اطيب تحية

[الشيباني]

بن ظافر ..صح بدنك وتسلم على المرور والمشاركة
ابو زياد ..ووجهك ابيض ومشكور على المشاركة
ابو فارس ..بيض الله وجهك على الرد المكمل والمجمل من شاعر عملااق مثلك.
الرادار ..شهادتك لي اعتبرها وسام على صدري ..بيض الله وجهك ومشكور على المرور ولا هنت.

[صبي بني التيم]

الله الله صحت السنتكم ولا هنتو لا من البداع ولا من اللي رد ...
الشيباني علي بالحارم انك شاعر عالمي واحسبني من جماهيرك واشد المتابعين لك .....
لكني اعرفك مسجل فالضمان الاجتماعي ؟؟؟؟ههههههه.
ابو فارس نجم ساطع الله لا يضرك جعلني فداك ....
بالحرام يا ردودك انها تغلب البدع في بعض الاحيان اذا مو كل الاحيان ...
كذالك سجلني من اشد متابعينك .....
بارك الله فيكم ومن يقرا ومن قال ....

[الشيباني]

صبي التيم شرفني بالمرور
وماعليك زود..
اما سالفةالضمان تراها مو صورتي ؟؟؟؟؟؟؟

[صبي بني التيم]

ههههههههههههههههههههههههههههههههههههه.
الله يسعد قلبك يا شيخ ...ادري صورة بن عدوان لكن تجيني علوم النشاما شرواك.....
ههههههههههههههههههههههههههههههه.....