تعــــــــــــــــالي ؟؟

[المهاجر07]

على باقي تضاريس الزمن في سحنـة الرحـال
تعالي شوفـي بعينـك غرامـك كيـف ينهينـي


تعالي جددي وصلـك تعالـي شوفـي الاطـلال
تعالي شوفـي الدمعـه علـى كفـي وترثينـي


تعالي لعنبو جدك انـا اعشقـك عشـق بخبـال
انا اعشقـك انـا اعشقـك ولـو انـك نسيتينـي


تعالي مابقى فينـي طموحـات وفـرح وامـال
ماغير الحزن في الدنيـا غـدا اكبـر عناوينـي


صدفتك مهرة(ن) غرا على حد الخجـل تختـال
وسقت الرجل في دربك عشـان انـك تعرفينـي


عطيتك عشق من قلبي وهديـت لغـلاك جبـال
ودست الموت برجولي عسـاك انتـي تحبينـي


تعالي واذكري ذاك الطريـق الموحـش القتـال
طريق(ن) ضمنا في صمـت لابينـك ولا بينـي


صدفتك واقفه وحدك مثـل مهـره بـلا خيـال
وجيت اسالك عن اسم(ن) كتبتـه فـي دواوينـي


تلفتـي علـى غفلـه سالتينـي بكـل اجــلال
عساك انت الذي تطرد سراب اللال فـي عينـي


تبسمـت فسالتينـي عـن الاشعـار والاقــوال
وجاوبتك وفـي لحظـه وقفتـي ثـم حظنتينـي


وفي الاخرى تركتيني على صمت(ن)وباستعجال
وصمتك ياهـوا بالـي قلـب اكبـر موازينـي


وقمت اهذري باسمك وقال النـاس فيـه اهبـال
وانـا والله ابيـع العمـر لانــك تستحقيـنـي


كتبت الشعر لعيونك وصار الشعـر لـي مـوال
ادندن به علـى كيفـي عسـا شعـري يسلينـي


رسمت الشَعر في شِعري على شَعرك حكاية شال
تضمينـه تحضنينـه لانـه لامــس ايديـنـي


تعالي وارحمي جسم(ن) معا العالم وقف تمثـال
وروحه يابعد روحي معـك وان كـان ترجينـي


تعالي يابعد حالي وشوفي كيـف صـار الحـال
تعالي شوفي بعينـك خيـوط المـوت تكسينـي


تعالي شوفي بعينك غـرام(ن) يطـرح الرجـال
غرام(ن)عشته وشفتـه وهـو يقطـع شرايينـي


تعالـي لاتخلينـي شماتـة حـاسـد وعــذال
تعالي انتـي الـدوا والـدا اذا تمهلنـي سنينـي


تعالي ليه رحتـي صمـت لامعطـي ولاشيـال
تعالـي رجعتـك وااالله تشفـع لـي وتحيينـي


تعالي رجعـي الذكـرى ولامخطـي ولاحمـال
تعالي خلـي الفرحـه ترفـرف فـي بساتينـي


تعالي والامل عندي رضاك ولـو يطـول البـال
انا بارقب مخاييلك تجـي فـي شـوق تسقينـي


تعالي ملت الغربه مـن الرحلـه مـن الرحـال
تعالي واخلطي البسمه معا دمع(ن) مـلا عينـي


ولكم مني ارق التحيات
aasw:)

[العناااا]

.. الكلمات نستشعر معانيها في لحظة ..

.. واضحة .. صريحة..

.. تتدفق بالعاطفة الجياشة .. والمشاعر الخلابة ..

.. ما اجمل هذه الرائعة التي خطها بنانك ..

.. وصاغها تفكيرك ...

.. تمنياتي لك بالمزيد من التألق والابداع ..

وتقبل مني ... أرق التحاياااا http://members.lycos.co.uk/qetharah/up/up/ROSE32.gif

العناااا

[المهاجر07]

أشكرك العناا وانتي سبااقه دااائمااا
اتمنى لك التووفيق
وتقبلي مني ارق اتحااياااaasw:)

[سلطان القلوب]

هلااااا أخوي المهاجر ..

وما شاء الله عليك دائما متألق ..

لك مني خالص التحايا ..