قمة المطلى

[خالد بن مشرف]

السلام عليكم ورحمة الله وبركاته
انا الشاعر خالد بن عبدالله العمري اتشرف بمشاركتكم بهذه الابيات كمصافحة اولى


يا قمة المطلى تغني بالاشعار=كل القمم لا جات جنبك صغيره

اقرب مكانٍ للكواكب والاقمار=واعلى جبال المملكة والجزيره

فيها منازل ربعي اطوال لعمار=ابني عمرو حد السيوف الشطيره

ربعي رجالٍ تطفي النار بالنار=لاثارت الهيجا وشبت سعيره

وكل القبايل فعلها يشهر اشهار=ما يحتقرها الا النفوس الحقيره



وســـــلامتكم

[بن ظافر]

تسلم وتــدوم يا الغالي وصح لسانك الله يعطيك العافية


فيها منازل ربعي اطوال لعمـار..ابني عمرو حد السيوف الشطيره
ربعي رجالٍ تطفي النار بالنـار..لاثارت الهيجا وشبـت سعيـره
وكل القبايل فعلها يشهر اشهـار..ما يحتقرها الا النفوس الحقيـره

[الرادار]

صح لسانك

يا خالد ارحب عد همّال الأمطار
يا الشاعر اللي فيك قاله وغيره


ترحيبةٍ من راعي الجود والدار
تسمع بها الخطّار في كل ديرة

[ابو زياااد2009]

http://img104.herosh.com/2011/11/10/466063154.gif
مــــــرحباً مـلـيـون



يامرحباً ترحيبتٍ كلهـا أزهــــــار
يسمع بها الـقــاصي في كــل ديـره


واثني تراحيبي على ترحيبة الرادار
في منتدى بني عمر يفخر بِشعـاره


وفـنجـال بـن ريحـتـه كـلـه بـهـــار
للشـاعـراللي غـيرته عل الجزيـره


أقـولهـا بسمي عـن بقـيت الاعـمـار
الكـل ضيف ياخالـد حـل بمقـداره


واللي تغيب لـه جـميلات الاعـذار
ياضيـف لـك الـدار وحـنْ زواره

http://img102.herosh.com/2011/11/10/324101295.jpg

تراه من صفري الديره
هههههههه
مودتي

[أبو ريان]

كفو يا خالد كفو ..
لله درك فقصيدتك شامخة مثل شموخ المطلى ورجالاته ..
أحكمتها لغةً ووصفاً وبناءً ومعاني ..
شاعر قادم إن لم تكن ذو تجربة سابقة ونجهلها ولكن بإذن الله تواصل إبداعك معنا ..
صح لسانك وطاب حالك ولك تقديري ..

[خالد بن مشرف]

البقا يابن ظافر وصح بدنك مرورك تاج على راسي

[خالد بن مشرف]

دام البقا ياراعي القدر والكار
00000000يا شاعرٍ له بين الابطال سيره

رادار لا قالوا هل الشعر رادار
00000000شيخ القصيد اللي يجمّل واميره

[خالد بن مشرف]

الله يبقيك يا بو زياد اعجز عن مجاراة كرمك وطيبك

دام البقا دام البقا يابن الاحرار
اهل الوجيه البيّنه والسفيره

راعي الفا والطيب ما هوب محتار
قصايده تخبر بما في ضميره

[خالد بن مشرف]

الله يبقيك يا ابو ريان وجودي بينكم شرف واضافة لي
اتمنى اكون عند حسن الظن وانا مقدر وممنون لما لقيته من حفاوة وترحيب من الجميع
الف شكر طال عمرك