الهاشم
12-11-2003, 08:35 PM
رحلة في عالم الجن ..
.. الشخصيات ..
أنا : وش ملحي
سمحش : هذا ملك الجن ، ما يسمعون فيه كلمتة ماشيه غصب عليهم كلهم
هاتبوت : جني اقشر ما ينتحارش ، لو يلمخك بمخمس خلاك صورة على جدار بيتهم ، والمشكله ان سمحش يسمع كلامه وحاطه يده اليمين
أبو رجه : خويي الزلابة ، اخوف منه مابعد شفت ، يعني لو تمر جنبه قطوة لقيته متعلق فوق رقبتك
روسنت : هذا جني هاديه ربي وش حليله يمشي ويباري الساس من الحبابة
بنوتي : بنت روسنت والله ياهي مملوحه بعد
( امحق من بنت )
.. مقدمة ..
لكل شئ نهاية ،،
أي قوة في الأرض لايمكن ان تستمر ،،
هناك من يعتقد انه كل شئ وأنه المسيطر ،، بينما هو مرحلة في سنين طويلة
الخير موجود في كل مكان
.. القصة ..
في يوم من ايام الدلاخة الروتينيه وبينما انا وخويي الزلابة ابو رجه مسيرين على بيوت الطين القديمة عشان نتقهوى هناك ( صراحة المكان مناسب للقهوة ) ويوم جلسنا وتواسينا وامد الشاهي على ابورجه اقول صب قال ضف وجهك صب انت
ونجلس نتعازم ويروح نص العصر وحنا ما تقهوينا
واخر شي كل واحد يصب لنفسه وبس
وهو منسدح ابو الشباب وجالس كالعادة يحاول يحب كوعة ( لاعب عليه وقايل له اللي يحب كوعة يدخل الجنه ) نصبت عليه العناااا
وانا اناظره واقول الحمد لله بس
واجي ابسوي فيه مقلب ،، وامسك ذيك الذبانة وانطلها في فنجانه ويوم جاء ذا الدلخ بيشربها قلت له هي انت يابو الشباب ترا فيه شي مدري وشو في فنجانك وهو اللي يكبها بدون مايسمي
ومادريت الا وحنا ماسكنا ثنين كل واحد يقول لابو الهول وخر وانا اجي مكانك
ويتلونا مع رقابنا والا غصب بيدخلونا تحت الأرض
وانا اللي اقول فك وافك خخخخخخخخخ على بالي اكفخ رجه
بس اثره ذهين ما ينلعب عليه
ومادريت الا وانا افتح عيوني وجنبي ذا الدلخ نايم الا هالحين ( والله وسايدهم فله تخلي الواحد ينام مايدري عن الوقت )
واجلس افتح عيوني على ذا اللي حولي والا رسومات غريبه والوان اغرب احمر مع بنفسجي و برتقالي مع ازرق والوان يالله لك الحمد تسد النفس بس بسط منها رجه ذوقه ذوق لحووج خخخخخخخخخخ
ويجي واحد ويودينا لقصر الحاكم سمحش ويدخلونا ويجينا هاتبوت ويقول الحين يوم انكم تكبون الشاهي على راسي ليييييه ؟؟
قلت الخطا على راسك انت الي جاي من الفرعي للرئيسي
واثره ما ينمزح معه ، لطخني بذك الكف اللي خلى عيوني تتبادل
وينغزني ابو رجه ويقول شف شف !
قلت اعرف هذا وقت الشف الله يلعنك ( مشكله اللي فهمه على قده )
قال اقول ناظر يامال الجني اللي يدخلك
واناظر والا عقرب وحية يتهاوشون وخذ ياتصفيق
واجي انا يمين ويجي أبو رجه يسار واجلس اقول ( عقرب عقرب هوه هوه ) وهو مغير يقول ( وحده وحده وحده الحيه احلى وحده )
ويفاكون وتناظرني العقرب بطرف عين وتقول خييير انشاء الله !
قلت ياحلالات بزنوبه خضرا مقطوعه المخك بها الحين
والحية مغير تستعرض عضلاتها
وقطعوا علينا المصارعة هالجن ويرجعونا مره ثانية السجن
وحنا في الطريق سألت ابو الشباب اللي يودينا قلت هيه انت ( يحسب انه في الاستراحه ) قال وش عندك
قلت وش السالفة وش بيصير
قال بنمثل بكم ثم ناكلكم
وانا اللي مايجيني النوم في الليل وابو رجه يقالك بيخفف علي قال ماعليك الموت جاينا جاينا بس المشكلة اننا لا نكون على جنابة الحين
مادريت الا جدار السجن بدا يتشقق وماشوف الا دبابة تدخل
ياساتر وش السالــ..
ويصرخ واحد فيها اركبووووووو لا اتوطا في بطونكم ( الله من زين الإنقاذ )
حنا عاد لو يجيني شارون يقول تخاويني قلت قدام بس افتك
ونركب معه ويودينا لم البيت بدون ولا كلمة
موب لاننا منصدمين بس لاننا جالسين نناظر في بنوتي الجنيه والسعابيل تقاطر
يوم وصلنا البيت وجلسنا وتقهوينا ( شاهيهم بارد )
ويسالهم ابورجه صاير زمل الدلخ خخخخخخخخ وش السالفة الحين
وهو اللي ينطلق في الكلام
واخر شي قلت تراني مافهمت
قال الزبدة اننا كنا ملاك وجاء هالطاغية هو ومساعدة وطردونا واستولو على كل شي
قلت ما اكون انا الهاشم ان مارجعتكم للحكم ( تراني صدقت وطقيت صدري )
ابو رجه الله ياخذه ينغزني ويقول لي بشويش قل له يزوجني بنته
قلت ياغبي هذي جنية ماتصلح والا كان سبقتك
وبعد تخطيط طويل قررنا الهجوم
طبعا كان معنا انصار لابو الشباب " روسنت "
الهجوم لازم يصير في الليل
بدينا نتحرك وقررت انا بنوتي الجنيه نطب نروح للملك ونقتله ( عرفت انقي ) وابو رجه و روسنت يروحون لهاتبوت ويقاتلونه وباقي الحاشية يقاتلون اللي في الساحة ( تراها خطتي )
يوم تفرقنا قلت لبنوتي الجنيه طبعا وش رايك تمشين قدامي عشان احمي ظهرك
واثرها مخفه وعلى طول جت قدامي
يوم وصلنا لم سحنون كان عند باب غرفتة ثلاث حراس قلت بس خلووووووهم
وامسك الاول واصبخ به في الماصورة لين قال بق ( خخخخخخخخ حلوه بق ) والثاني ارفسه ويطيح على الثالث واجي اطب عليهم و اشوتهم وهاتك يا تكفيخ
وندخل على سحنون وامسكه واتوطا في بطنه ثم ربطته وخليتها تصفقه بكف على وجهه ( قمة الإهانه عندهم )
يوم خلصنا رحنا لساحة المعركة مالقينا احد
ورحنا للمقر هاتبوت لقينا حفلة ورقص
واسال خويي قال قتلناهم يابن عمي
وعاد رجع الحكم عادل مثل اول
قالوا بيعينوني امير عليهم ويزوجوني بنوتي الجنيه بس رفضت أنا اثقل خخخخخخخخخخ .
ورجعنا وقلت له ياالحمار اذا جيت تكب شي مره ثانيه سم
.. ما يستفاد ..
الأذكار مهمه في حياتنا
لكل قوة ظالمة يوم !
ارق التحايا
منقوله بتصرف الهاشم
.. الشخصيات ..
أنا : وش ملحي
سمحش : هذا ملك الجن ، ما يسمعون فيه كلمتة ماشيه غصب عليهم كلهم
هاتبوت : جني اقشر ما ينتحارش ، لو يلمخك بمخمس خلاك صورة على جدار بيتهم ، والمشكله ان سمحش يسمع كلامه وحاطه يده اليمين
أبو رجه : خويي الزلابة ، اخوف منه مابعد شفت ، يعني لو تمر جنبه قطوة لقيته متعلق فوق رقبتك
روسنت : هذا جني هاديه ربي وش حليله يمشي ويباري الساس من الحبابة
بنوتي : بنت روسنت والله ياهي مملوحه بعد
( امحق من بنت )
.. مقدمة ..
لكل شئ نهاية ،،
أي قوة في الأرض لايمكن ان تستمر ،،
هناك من يعتقد انه كل شئ وأنه المسيطر ،، بينما هو مرحلة في سنين طويلة
الخير موجود في كل مكان
.. القصة ..
في يوم من ايام الدلاخة الروتينيه وبينما انا وخويي الزلابة ابو رجه مسيرين على بيوت الطين القديمة عشان نتقهوى هناك ( صراحة المكان مناسب للقهوة ) ويوم جلسنا وتواسينا وامد الشاهي على ابورجه اقول صب قال ضف وجهك صب انت
ونجلس نتعازم ويروح نص العصر وحنا ما تقهوينا
واخر شي كل واحد يصب لنفسه وبس
وهو منسدح ابو الشباب وجالس كالعادة يحاول يحب كوعة ( لاعب عليه وقايل له اللي يحب كوعة يدخل الجنه ) نصبت عليه العناااا
وانا اناظره واقول الحمد لله بس
واجي ابسوي فيه مقلب ،، وامسك ذيك الذبانة وانطلها في فنجانه ويوم جاء ذا الدلخ بيشربها قلت له هي انت يابو الشباب ترا فيه شي مدري وشو في فنجانك وهو اللي يكبها بدون مايسمي
ومادريت الا وحنا ماسكنا ثنين كل واحد يقول لابو الهول وخر وانا اجي مكانك
ويتلونا مع رقابنا والا غصب بيدخلونا تحت الأرض
وانا اللي اقول فك وافك خخخخخخخخخ على بالي اكفخ رجه
بس اثره ذهين ما ينلعب عليه
ومادريت الا وانا افتح عيوني وجنبي ذا الدلخ نايم الا هالحين ( والله وسايدهم فله تخلي الواحد ينام مايدري عن الوقت )
واجلس افتح عيوني على ذا اللي حولي والا رسومات غريبه والوان اغرب احمر مع بنفسجي و برتقالي مع ازرق والوان يالله لك الحمد تسد النفس بس بسط منها رجه ذوقه ذوق لحووج خخخخخخخخخخ
ويجي واحد ويودينا لقصر الحاكم سمحش ويدخلونا ويجينا هاتبوت ويقول الحين يوم انكم تكبون الشاهي على راسي ليييييه ؟؟
قلت الخطا على راسك انت الي جاي من الفرعي للرئيسي
واثره ما ينمزح معه ، لطخني بذك الكف اللي خلى عيوني تتبادل
وينغزني ابو رجه ويقول شف شف !
قلت اعرف هذا وقت الشف الله يلعنك ( مشكله اللي فهمه على قده )
قال اقول ناظر يامال الجني اللي يدخلك
واناظر والا عقرب وحية يتهاوشون وخذ ياتصفيق
واجي انا يمين ويجي أبو رجه يسار واجلس اقول ( عقرب عقرب هوه هوه ) وهو مغير يقول ( وحده وحده وحده الحيه احلى وحده )
ويفاكون وتناظرني العقرب بطرف عين وتقول خييير انشاء الله !
قلت ياحلالات بزنوبه خضرا مقطوعه المخك بها الحين
والحية مغير تستعرض عضلاتها
وقطعوا علينا المصارعة هالجن ويرجعونا مره ثانية السجن
وحنا في الطريق سألت ابو الشباب اللي يودينا قلت هيه انت ( يحسب انه في الاستراحه ) قال وش عندك
قلت وش السالفة وش بيصير
قال بنمثل بكم ثم ناكلكم
وانا اللي مايجيني النوم في الليل وابو رجه يقالك بيخفف علي قال ماعليك الموت جاينا جاينا بس المشكلة اننا لا نكون على جنابة الحين
مادريت الا جدار السجن بدا يتشقق وماشوف الا دبابة تدخل
ياساتر وش السالــ..
ويصرخ واحد فيها اركبووووووو لا اتوطا في بطونكم ( الله من زين الإنقاذ )
حنا عاد لو يجيني شارون يقول تخاويني قلت قدام بس افتك
ونركب معه ويودينا لم البيت بدون ولا كلمة
موب لاننا منصدمين بس لاننا جالسين نناظر في بنوتي الجنيه والسعابيل تقاطر
يوم وصلنا البيت وجلسنا وتقهوينا ( شاهيهم بارد )
ويسالهم ابورجه صاير زمل الدلخ خخخخخخخخ وش السالفة الحين
وهو اللي ينطلق في الكلام
واخر شي قلت تراني مافهمت
قال الزبدة اننا كنا ملاك وجاء هالطاغية هو ومساعدة وطردونا واستولو على كل شي
قلت ما اكون انا الهاشم ان مارجعتكم للحكم ( تراني صدقت وطقيت صدري )
ابو رجه الله ياخذه ينغزني ويقول لي بشويش قل له يزوجني بنته
قلت ياغبي هذي جنية ماتصلح والا كان سبقتك
وبعد تخطيط طويل قررنا الهجوم
طبعا كان معنا انصار لابو الشباب " روسنت "
الهجوم لازم يصير في الليل
بدينا نتحرك وقررت انا بنوتي الجنيه نطب نروح للملك ونقتله ( عرفت انقي ) وابو رجه و روسنت يروحون لهاتبوت ويقاتلونه وباقي الحاشية يقاتلون اللي في الساحة ( تراها خطتي )
يوم تفرقنا قلت لبنوتي الجنيه طبعا وش رايك تمشين قدامي عشان احمي ظهرك
واثرها مخفه وعلى طول جت قدامي
يوم وصلنا لم سحنون كان عند باب غرفتة ثلاث حراس قلت بس خلووووووهم
وامسك الاول واصبخ به في الماصورة لين قال بق ( خخخخخخخخ حلوه بق ) والثاني ارفسه ويطيح على الثالث واجي اطب عليهم و اشوتهم وهاتك يا تكفيخ
وندخل على سحنون وامسكه واتوطا في بطنه ثم ربطته وخليتها تصفقه بكف على وجهه ( قمة الإهانه عندهم )
يوم خلصنا رحنا لساحة المعركة مالقينا احد
ورحنا للمقر هاتبوت لقينا حفلة ورقص
واسال خويي قال قتلناهم يابن عمي
وعاد رجع الحكم عادل مثل اول
قالوا بيعينوني امير عليهم ويزوجوني بنوتي الجنيه بس رفضت أنا اثقل خخخخخخخخخخ .
ورجعنا وقلت له ياالحمار اذا جيت تكب شي مره ثانيه سم
.. ما يستفاد ..
الأذكار مهمه في حياتنا
لكل قوة ظالمة يوم !
ارق التحايا
منقوله بتصرف الهاشم