اخطاء ساهر

[نواف العمري]

اكثر اخطاء ساهر هو الفلاش حقه ممكن اذا الواحد جاء و صوره ساهر على عيونه ممكن لا سمح الله ان ينعمي الواحد ويصدم صدمه قويه ويتوفى صح ساهر ماقصر خفف نسبة الحوادث
بس كثر من نسبة الجلطات القلبية وخصتن ا سيارات بعض السيارات يكون جوتها كاميرات ساهر وسيارة تبان انها معطلة بس ليه الخدعه ذي ولله حرام الحين الواحد
صار يمشي 50 80 100 مايقدر يمشي اكثر من كذِا
ولله حرااام وعلى فكره يا ساهر ترا ذي صرف الفلوس خل فــي قلبك رحمة يبوي ماعد الا تحط ساهر لسيكل
تراك ذبحت بعض الناس جبت لهم جلطة تكفى خلاص ولله ماعد احد يسرع في الدنيا

[/gdwl][/frame]

[أبو ريان]

المعلومة حول قوة الفلاش ممكن تكون صحيحة ولكن ليست بذاك الشئ المؤثر ..
وموقع سيارة ساهر له أهمية من حيث البعد والقرب حول السيارات ..
يبقى لساهر دور في التخفيف من السرعة وضبط النظام ..
نتمنى فقط النظر بقيمة المخالفة ..
والناس جابوا لأنفسهم الهلاك بالسرعة يا نواف من قبل يجي ساهر ..
بارك الله فيك يا بطل ..

[العمده]

ومضة الفلااااش ...

نوع من الصدمه ..ليفيق السائق من سباته
وأتمنى لو صاحبها الصوت ايضا ..
وتجهز الكاميرات بمكبرات صوت ..
فينطلق مع ومضة الفلاش ...
صوت ابو بكر سالم ..

(قف ...قف ...عند حدك)


نواف ..صدقني ..
بديت استمتع بالقيادة الهادئة

سلااااااااااااام

[@ROYAL@]

و الله و الله ما أدري من صاحب الفكرة أنت و لا أبوك

لكن الأكيد إنك أنت الي كتبت الكلام باسلوبك بس ما أدري عن الافكار من يعطيك إياها

بس سؤال تعرف تسوق السيارة ؟

[بن ظافر]

بارك الله فيك الله يعطيك العافية

فلاش ساهر يعمي القلوب وليست العيون حسبي الله عليهم

[الخطاف]

و الله و الله ما أدري من صاحب الفكرة أنت و لا أبوك

لكن الأكيد إنك أنت الي كتبت الكلام باسلوبك بس ما أدري عن الافكار من يعطيك إياها

بس سؤال تعرف تسوق السيارة ؟



الأخ ROYAL ترى إحنا مو جالسين في مقهى او على رصيف كل كلمه تطري في بالك تجي ترميها هنا وتمشي ترى هذا منتدى قبيلة وكل كلمه فيه محسوبة عليك وعلى غيرك ،و انت من خلال مشاركتك هذه أخطيت في حق نواف خطا كبير واتهمته اتهام باطل بقولك ان شخص ثاني هو اللي يعطيه هذه الأفكار ، ورغم انه ماهو عيب ولا حرام اذا احد ثاني أعطاه الفكره وصاغها بأسلوبه وهذا أفضل من اللي ينسخ ويلصق..
ولكن لعلمك وانا اتكلم بصفتي احد اقراب نواف ترى نواف ماجاء هنا الا هو قدها وماهو محتاج احد يعطيه افكار وهو مشارك في اكثر من منتدى بالإضافة إلى صفحته على الفيس بوك وحسب علمي انه سوف يقدم برنامج في قناة البداية في الفترة القريبة القادمة بالإضافة إلى انه قدم مسرحية في رمضان الماضي في نفس القناة، وانا اعرف ان وجوده هنا بطلب من بعض الإداريين و الاعضاء ممن يعرفون نواف ويعرفون مقدراته كما اعرف ومتأكد ان ابوه رافض مشاركاته في المنتديات، وممكن يكون نواف سابق لسنه بالنسبه لبعض الأشياء ولكن ترى فيه منهم اصغر منه سن واكثر منه ابداع وهذا المقدرات من رب العالمين ..
واذا كان موضوع نواف محيرك ومشغل بالك وتبي تعرف هل هذه الأفكار من رأسه او من راس غيره فالمويه تكذب الغطاس، اذا كنت من سكان مدينة الرياض انا على استعداد اجيب نواف إلى حدك وانت تناقش معه وجه لوجه وبإمكانك تتأكد بالطريقة اللي تعجبك هل نواف هو اللي يصيغ افكاره بنفسه او احد ثاني يختار له الافكار واذا كنت غير موجود في مدينة الرياض فابمكانك تفوض احد ثاني يقوم بالمهمة ..
ولكن ترى من حق نواف اذا تأكدت انه قادر على الكتابه ان تاتي هنا وتعتذر له امام الجميع ..
كلمه أخيره يا اخ ROYAL نواف ترى طفل صغير عمره ثمان سنوات ونص ما يصير تحط دوبك و دوبه اقل شي لفارق السن اللي بينكم وحسب كلام نواف ان هذي مو اول مره لك ترد على مواضيعه بالطريقة هذي

[@ROYAL@]

^^^^^^^^^^^^

طيب الله يوفقه

و كلامك على العين و الراس بس الجزئية الأخيرة تحط دوبك و دوبه اسمح لي ما فهمت قصدك

سبق تناقشت انا وياه وقال عمري 8 سنوات

و كلامي ما فيه شيء انا اقول ما أدري من صاحب الفكرة فعلا ً اهو و لا أبوه

8 سنوات قد ساق سيارة حتى يعرف ساهر و مشاكل ساهر

و بعدين اعتذر قدام الناس وش أخطيت فيه انا

انا مجرد استفسار لا أكثر و لا أقل

إذا كان هذي افكاره فالولد ما شاء الله عليه و إذا كان ابوه يعلمه فلافيها اي شيء

كل واحد يتعلم من ابوه

بس يا حبذا تشد على الخطاف شوي يعني تفرمل قبل لا تنبرش ثاني مرة

خارج إطار النقاش ( في الطائرات إذا صار مشكلة بالبريك أثناء الهبوط ( landing ) يكون هناك خطاف على ( runway ) المدرج

لكي يمسك الطائرة و يقوم مقام البريك و يوجد ايضا في حاملة الطائرات لقصر المسافة التي تقلع منها الطائرة

فيا حبذا المرة القادمة تتأكد من الخطاف يا خطاف

[ابوصاهودالعمري]

نواف العمري
انت مبدع في اختيارك للمواضيع
وانا معك في ماتقول
ولكن ساهر له ايجابيات كثيره
وله سلبيات استنزفت اموال بغير وجه حق
نعم اي فلاش يؤثر على العين
لك تقديري وشكري واحترامي
ايها الغالي

[عذب الأطباع]

طيب علشان صحة عيونك لاتسرع

وخل ساهر ينام

[الخطاف]

]
طيب الله يوفقه
و كلامك على العين و الراس بس الجزئية الأخيرة تحط دوبك و دوبه اسمح لي ما فهمت قصدك

الأخ ROYAL وانت بعد على الراس والشيء اللي ما فهمته نفهمك إياه احنا كم عندنا ROYAL في المنتدى ، ومثل ما يقولون التكرار يورّث القرار ، فاللي ابغى اقولك الله يسلمك وانت ما فهمته انك حاول تنشغل بنفسك واستغل وقتك في الشئ اللي يفيدك ويفيد غيرك واترك الناس في حالها وهذا اعتبره حبذا مثل الحبذا حقك ترى اذا جلست تفكر في الناس ليش هذا تفكيره كذا وليش هذا أسلوبه كذا والله بتتعب كثير والمثل يقول من راقب الناس مات هما

[سحابة ابداع]

الاخ الاصغر نوااف بصراحه اتمنى ان اقول لك شي من زماااان
اتمنى ان تعيش طفولتك البريئه
بس هذا الكلام لايمنع ان اقول لك انك مبدع لكونك تجاااري الكبااار

تقبل مرورررري

[صالح آل سلمان]

الابن نواف وفقك الله
موضوعك يتكلم عنه الكثيرون سواء في المنتديات او في المجالس العامه
وصدقني وانا اقولها بحق اني متضرر منه مادياً
ولكني اعترف ان له دور كبير في تخفيف الحوادث
مع امنيتي ان يتم الغاؤه على الطرق السريعه
تقبل مودتي
ابو عبدالله

[شيحة الوادي]

تدري يانواف اني لما شفتك بالصورة انبهرت ياااااللة ياكيف الايام تمشي واللة وصرت رجال ماشاللة اللة يخليك لابوك وامك ورد على موضوعك هههههههههههه انا مافهم في ذالسوالف مستقبلا ان شااللة تقبل مروري

[نواف العمري]

يابوريان انا اقصد ان بعض الناس يكون نضره ضعيف عشان كيذا ممكن ينعمي مؤقت وبعدين يظعف
نظره اكثر من اول

والكلام والي انا اقولة مو من راسي هية معلومة طوبية

[نواف العمري]

شكراً يا العمده بس الفلاش مزعج لنظر و بعد
يحــطون صــوت

[نواف العمري]

ROYAL لا اطمن انا صاحب الفكرة مو ابويه
بعدين يادمي انا ماعرف السوق السيارة

[نواف العمري]

شـــكـــراً بــن ظــافـــــر ومن جد حسبي الله عليهم
اذا على كذا حطو ساهر بس مو ب الفلاش ارسلو على الجوال مخالفة وانتهينا

[غلا.....ي]

نواف الله يسعدك موضوعك روعه والأروع منه ماشاء الله تبارك الرحمن إنك بهذا السن وشاغلك هم الكثير ممن عانوا أخطاء ساهر .. طرحك يستحق النقاش ومثالي وأهنيك على المداخلات المصاحبه للطرح ..
القدير الخطاف .. بالطبع لاتعرف رويال وربما تضجرت من مداخلاته .. هذا القلم قمه في الأخلاق لتواصلي معه ولعلمي بطيبة خاطره وليس دفاع عنه فهو أبدى وجهة نظره في الرد وفي التداخل معك على خلفية الطرح .. ولكن لإيضاح فحوى قلمه فيما يخص تداخله مع الرائع نواف .. وصدقني رده بمثابة وجهة نظر كون نواف صغير السن ويشيل هموم المجتمع كما فالطرح .. وليست الأنفس كـ بعض في الحكم على السن أو غيره كانت وجهة نظر والسلام .. وانت صاحب قلب كبير وصاحب قلم بارز في المنتدى صداه لازالات أرجاء المنتدى تضج به .. فقط فهم المتداخل على المبدأ الطيب وفقكم الله .. ودمتم أحبه ..