الــقــدر

[خــالــد الـرافـعـي]

السلام عليكم ورحمة الله وبركاته
مساكم الله بالخير جميعاً
قصيدة من مبتدأ أتمنى ان تنال على اعجابكم واستحسانكم



يا غاليه والبعد لولا الشوق ما سيق القصيد=ولا طاحت دموع ٍ على خدّي احرّ من الجمر
ماهو بكيفي ولا بكيفك هالبعاد الا الاكيد=ان القدر حسْم الامر لو ما رضينا بالامر
كنت اتمنّى نجتمع في يوم يشبه يوم عيد=واعلّمك ما فالخفوق من الشعور المنهمر
كنت اتمنّى نجتمع ونليّن الوقت العنيد=واشوف من فوقي قمر واشوف فالارض القمر
لكنّ وش فاد التمنّي والقصايد وش تفيد=الا انّها تخفّف من احزاني وصدمات العمر
كل شيّ يمكنّه يمر وينطوي بيوم ٍ جديد=الا فراقك وأءْثره ما ظنّه ايام ويمر
اذكرْك لا هب الهوى من صوب دارك واستعيد=صورتْك وامسك خافقي وضلوعي لناره سمر
هذا القدر يالغاليه ولا عنّه بنقدر نحيد=والحب في جوف القلوب الوافيه ما يندمر


وسلامتكم

[أبو ريان]

راقي الكلمة يا خالد رائع القصيد سامي الذوق ..
صح لسانك فقد أبدعت بهذه الرائعة ..
شاعر بمواصفات رهيبة وفقك الله ..
صح لسانك ولك تقديري بلا حدود ..

[نبض]

يـــا غـالـيـه والـبـعـد لـــولا الـشــوق مـــا سـيــق الـقـصـيـد
ولا طاحت دموع ٍ على خدّي احرّ من الجمر

مـــاهــــو بـكــيــفــي ولا بــكــيــفــك هــالــبــعــاد الا الاكــــيــــد
ان الــقــدر حــسْــم الامــــر لــــو مــــا رضـيــنــا بــالامـــر




قصيده مليئه بالجمال ....تدفق / فـ تدفقكــ أمتعناآآ


تحاياي

[خــالــد الـرافـعـي]

صح بدنك يابو ريان
وسلمت يمينك على ردك الجميل



ملاحظه :البيت الثالث:
[[كنت اتمنى نجتمع في يوم يشبه يوم عيد ]]

[خــالــد الـرافـعـي]

مرورك الاجمل يا نبض قلب
لك شكري وتقديري

[أبو ريان]

]

تم تعديله والعجلة لها درو وقت كتبت أول أكيد ..
تقديري ..

[المهندســ]

يـــا غـالـيـه والـبـعـد لـــولا الـشــوق مـــا سـيــق الـقـصـيـد
ولا طاحت دموع ٍ على خدّي احرّ من الجمر


صح لســــــانكـ مليون مرة خــــــالد
قصيدة رائعة راقت لي كثيـــرا
وخاصة مطلعها الجميل جدا


ابدعت فامتعت شاعرنا الراقي
دمت ودام الابداع

[خــالــد الـرافـعـي]

لاهنت يابو ريان بيض الله وجهك

[خــالــد الـرافـعـي]

صح بدنك يالمهندس
لاهنت يالغالي على مرورك الكريم

[بن ظافر]

بارك الله فيك الله يعطيك العافية


كل شيّ يمكنّه يمـر وينطـوي بيـوم ٍ جديـد
الا فراقـك وأءْثـره مـا ظنّـه ايـام ويمـر

اذكرْك لا هب الهوى من صوب دارك واستعيد
صورتْك وامسك خافقي وضلوعي لناره سمر

هذا القـدر يالغاليـه ولا عنّـه بنقـدر نحيـد
والحب في جوف القلوب الوافيه مـا يندمـر

[عــذبــة الـــروح]

صــح لـسـانــكــ وأعــتــلا شـــانــكــ


أبيات رائعه...الله يعطيك العافيهـ,,

[الرافعـــــــي]

صح لسانك يا أبو سعد

وعلى القوه إنشاء الله

ويعطيك العافية ...

[خــالــد الـرافـعـي]

حياك الله يابن ظافر
ويبارك فيك يالغالي ولاهنت على مرورك

[خــالــد الـرافـعـي]

صح بدنك يا عذبة الروح
شكرا على مرورك الكريم

[خــالــد الـرافـعـي]

صح بدنك يا ابو فهد
الله يقويك ولاهنت على مرورك

[غارم حسن العمري]

خالد الرافعي

صح لسانك قصيدة رائعه متفجره بالحب والامل ,,,

تشرفت بقرائتك

تحياتي