ان كان صدتك ثقل وتحسب اني باطيح ! ! !

[راجي الوصل]

تجدون القصيدة على الرابط التالي :
.
http://www.rofof.com/5takzy21/An_kan.html
. .
.
ان كان صدتك ثقل وتحسب اني باطيح
عز الله انك بتبطي ما بعـَد طحت انا
.
يا هيه مانيب انا من يستخف ويصيح
ويطرد ورى اللي لحبه ما انثنى وانحنى
.
للحين وانا خفوقي بالمحبة جريح
من واحدٍ راح قدامك يا مال الفنا
.
وفيت له ما ادري انه بالمحبة شحيح
وسميته الحب والمعشوق واغلى ضنا
.
كنت احترق من عذابي واثر قلبه مريح
قلبي تعذب وقلبه عايشٍ في هنا
.
زرعت زرعٍ قفاني فيه عصفٍ وريح
واللي قفاه بزروعه ريحْ ياوش جنا
.
فلاتحسب اني باكرر غلطتي يا مليح
واطرد ورى ناس ما يستاهلون العنا
.
والله لو صرت من سكين هجرك ذبيح
ما اقول وينك لو ان الوصل عندي مُنى
.
والخاتمة خذ كلام من عميلك صريح
باعيد لك ما بنيته لك براس البنا
.
ان كانها منك ثقل وتحسب اني باطيح
عز الله انك بتبطي ما بعد طحت انا !
.
شعر
علي القرني
راجي الوصل

[بن ظافر]

بارك الله فيك يا الغالي

زرعت زرعٍ قفاني فيه عصفٍ وريح
واللي قفاه بزروعه ريحْ ياوش جنا
.
فلاتحسب اني باكرر غلطتي يا مليح
واطرد ورى ناس ما يستاهلون العنا
.
والله لو صرت من سكين هجرك ذبيح
ما اقول وينك لو ان الوصل عندي مُنى
.
والخاتمة خذ كلام من عميلك صريح
باعيد لك ما بنيته لك براس البنا
.
ان كانها منك ثقل وتحسب اني باطيح
عز الله انك بتبطي ما بعد طحت انا !
.

[عــذبــة الـــروح]

http://t0.gstatic.com/images?q=tbn:ANd9GcQyRWyuGH_NXrntErQ7WlpiKrCvu7YEH ubSgLPzuBV4Q1RDwUsFmw&t=1

[Oscar]

راجي الوصل

صح لسسانك وطاب حالك
قصيدة في قمة الروعه والرقي
لا هنت

[المسكت]

الشاعر الغالي على القرني(راجي الوصل)
سلمت ودمت وصح الله لسانك يابعدي
دوماً وانت راائع ودوماً وأنت بمشاعرك تأخذنا الى الجمال
لاعدمناك والله

إحترامي

[شـيـخـة آلـ غــيــد]

صح لسانك
قصيده راائعه
الله يسلم يدينك
ويعطيك العافيه