طفل بمدينة الطائف يضع الصليب على كتفه حباً لرادوي

[طــــ(الهدد)ــــير]

بالرغم من تحذير علماء الدين والتربويين بالمملكة العربية السعودية من انتشار تقليد اللاعبين الأجانب في وسط المجتمع السعودي,, وأثر ذلك على الشباب والبراعم وقام طفل في ال 10 من عمره في مدينة الطائف بتقليد اللاعب رادوي في الصليب وفي يده الأخرى كتب ويلي هامسون تيمناً بوشم اللاعب ويلي هامسون وقال الطفل :لقد كتبت اسم ويلهامسون ورسمت وشم رادوي حتى أكون لاعباً مميز, مؤكداً بأنه لا يعرف معنى رسمة الصليب الذي على ذراع رادوي, معللا ذلك بأنه وشم على ذراع لاعب كبير.
ومن الملفت للانتباه بأن الطفل يتميز بالذكاء والجراءة ومعرفة جميع اللاعبين ومراكزهم بنادي الهلال ويتمنى ان يكون لاعب هلالي مميز.
http://www.alsa3ah.com/contents/myuppic/04dd515e181e0c.jpg


http://www.alsa3ah.com/contents/myuppic/04dd515e1bf30e.jpg


صحيفة الساعة

[بہرسہتہيہج]

احسه واحد نصراوي حشر اخوه في البيت وشخبط على جسمه وصوره ويبي يسوي قضيه ...

والله حركاتكم ذي قديمه ,,

اذا كان هذا الشحط الي في الصوره مايعرف وش الصليب ,, مستحيل ,,

(( حدث العاقل بما لايليق , فاان صدقك فلا عقل له ))

[بن ظافر]

أسأل الله له الهداية وان ينير له طريق الحق والصواب

[ابن المفكر]

ياناس إلى متى.."

القضية ماهي نصراوي ولا هلالي , ناس فاضية وتحلل على المزاج

اسأل الله له الهداية

[الذيــــــــــــب M]

حسبنا الله ونعم الوكيل

وش هالكوره اللي خلت الناس تنسى عقولها

اللي خلت الناس تنسى دينها ؟؟

سامي ال الشيخ اذا تقول ذي مو صدق

يياخي اعرفلك 3 بس من اخوياي كاتبين على سياراتهم عاشق رادوي ؟؟

انا اتسائل اللي يكتب هالشيء مايعرف حديث الرسول صلى الله عليه وسلم ( يحشر المرء مع من أحب )

يعني يبي يحشر مع رادوي مثلا ؟؟

طيب الحين اللي وصل الى مرحلة عشق مو متوقع انه يقلد اللي يعشقه

خلاص يوم بعد يوم ويسوي اي شيء يسويه ذاللاعب اللي معجب فيه


بعد كل ذا الآن ما رأيك بطفل صغير ,, اذا متوقع ومحتمل جدا

اذا ماكان فيه تربيه سليمه وعقل سليم كل شيء متوقع

نسأل الله الهدايه لنا وللجميع

[بہرسہتہيہج]

انا اعشق كريستيانو رونالدو بجنون واتابعه بعمق ,,

وهذا لايعني اني احبه لدينه ,,,

فااتمنى عدم خلط الامور وتجعلون التعصب يغطي على الكثير من الامور

[الذيــــــــــــب M]

^^

طيب تعشقه يعني تحبه

مو معنى الحب انك تحبه لدينه ؟؟ لو كل الناس تحب ع اساس الدين ماكان احد حب كافر

مجرد الحب يعني انك تحبه

قل انا احب لعبه واتابعه بقوه بس مو اعشقه بجنون


المفروض اكرهه ككافر لكن احب لعبه وو الخ

اتمنى الحذر بارك الله فيك

[بہرسہتہيہج]

انا اعشق كريستيانو واعشق السديس ...

فمع من سااحشر ؟؟؟

حدث العاقل ~~

[بسمةالكون]

الله يهديه وهذا غلط من اهله اذا كان هو مايدرك باللي يصير من حوله فالمفروض اهله يعلمونه
والسلام

[الذيــــــــــــب M]

هههههههههههههه مذا ادراني عنك :biggrin:

الله يهدينا وانت لكن الزبده ان الشيء ذا حرام اما مسألة مع مين احشر حتى لو ماتحب الا كرستيانو ماقدر اقول شيء

[المسكت]

حاولت افهم ان هذا طفل وماقدرت والصوره خير برهان هذا مراهق
وكل مايقوم به رسم بواسطة قلم وغيره مسوي اكبر واكثر وهم اعقل واكبر
اسأل الله للجميع الصلاح والهدايه والحقيقه الرياضه اصبحت بغير مفهومها
فيما تثيره من عصبيات وعنصريات ورشاوي وإتهامات

شكراً لك

[بہرسہتہيہج]

صدقوني انها خطه من اللوبي الاصفر ~~~

[@ROYAL@]

ههههههههههههههههه

يا لكبرياء الزعيم هذه الخفافيش التي لا تستطيع مواجهة الهلال في الملعب

تريد تشويه صورة الهلال بأي طريقة كانت

الهذه الدرجة وصل بنا التخلف لكي نختلق قصة كاذبة فاقع صفار لونها لأن الهلال يملك قاهر العذال

مشكلة رادوي أن أول مباراة له كانت ضد النصر وسجل فيها هدف

مشكلة رادوي أنه لاعب محور استطاع خلال موسمين تجيل 5 أهداف في مرمى النصر

مشكلة رادوي أنه لاعب محور و في رصيده 6 أهداف في الدوري أي أكثر من أغلى لاعب سعودي

يا نصراويين إذا لعيبتكم الاجانب سيئين فليس ذنب رادوي أنكم سلمتم ملف الاجانب للسماسرة

على العموم من أراد ان يقابل الزعيم في الملعب

خارج الملعب و المكاتب تركناها لكم

[نبـع الغـــلا]

طفل عمره 10 سنوات يعشق الهلال ..


ومن زود حبه كاتب إسم وحاط شعار لا يعرف معناه لأنه طفل والشرهه مو عليه على أهله وعلى التربويين ، لأنه من الخطأ التعبير عن الحب هكذا ..


السؤال : وش دخل النصر في السالفة ..؟

[@ROYAL@]

^^^^^^^^^^^^^^^

هههههههههههههههههههه

من جدك انت يعني مصدق الفلم

[الذيــــــــــــب M]

^^^^

اي فلم يخوي اذا انت حاط صورك كلها رادوي طيب امكن هذا زي ماتحبه انت هو يحبه اكثر شوي + قلة عقل لأنه طفل وحط الصليب

وش دخل النصراويين في السالفه ؟

[ẢβǾŪŁ ĘŹŹ]

/..

هههههههههه http://www.msgstuff.com/emoticons/showimage.php?id=726

الله حسبي عليك يا النصر.. بعض أعز أقاربنا وأحبابنا ما صارو يفكرون زين..؛
صارو ما يميزون بين الصدق والكذب.. كل يوم يزيدون "بلاهة"..
والله إني أتكلم جد..!!
ما أقول إلا حسبي الله عليك يا نصر..
ويا صاحب الموضوع.. احترم مخوخنا شوي .. تكفى.؛

[sniper-10]

السلام عليكم

امااااااا الطائف قويه ياخي اعرف اهل الطائف زين ياخي يدوب الواحد يلبس رياضه لانها عيب هههه

بس بصراحه احس انها متعمده من احد جماهير الاصفرين والولد المسكين اكيد جاه 10 ريال ما صدق

استغفر الله ما ادخل في ذمم الناس .لكن اسأل الله ان يستر شباب المسلمين وانا لا اؤيد الوشم الي على فلهامسون او رادوي مهم كان.

[رونـــــــــق]

الصوورره كذذذذذذذذذذب باااينه لاورااسم بعد بقلم حبر النااشف ..... ناااس بسس تحب تسسوي هررج فاااااضي ومصصخررره

يعني حركااااات مببببزرررررررره سوووري لكااتب المووضووع ......... عاالم مدرري وشش تحسس فيييه ......

[صالح آل سلمان]

طبعاً لو اصدق الصورة اعتبر نفسي غبي
ولكن لو احتملنا ان هناك من فعل ذلك
فالغلط ليس غلط الهلال والغلط هو الاسرة التي لم تربيه
وليس رادوي من يجب ان نخشاه
فالشاشات الاسلامية العربية تقدم السم في العسل بشكل يومي
وتتغذى به العقول بشكل اقوى وامكن
وكذلك تصرفات المشاهير من اللاعبين السعوديين
يجب ان تخشى فهي انتاج محلي قريب للقلب ومقبوله بشكل اكبر بحكم التعصب

في النهاية أسال الله لرادوي الهداية والدخول في الاسلام

ولناقل الخبر الصدق في القول والعمل

تقبلوا مودتي
ابو عبدالله

[حفيد الملوك]

هذي آخرتها ياعيال الطائف ,تقلدون الكفار ,الله لايبلانا, ان كان ولابد قلد اي لاعب سعودي ,ولكن اين ولي أمره عنه؟!واين الرقابه؟
ان كان في رابع ويسوي كذا ايش تنتظر منه في الثانوي,,
الله يصلح ابنائنا وشبابنا ويهديهم لما فيه خير لدينهم ولوطنهم,,
تقبل مروري..

[ẢβǾŪŁ ĘŹŹ]

طبعاً لو اصدق الصورة اعتبر نفسي غبي
ولكن لو احتملنا ان هناك من فعل ذلك
فالغلط ليس غلط الهلال والغلط هو الاسرة التي لم تربيه
وليس رادوي من يجب ان نخشاه
فالشاشات الاسلامية العربية تقدم السم في العسل بشكل يومي
وتتغذى به العقول بشكل اقوى وامكن
وكذلك تصرفات المشاهير من اللاعبين السعوديين
يجب ان تخشى فهي انتاج محلي قريب للقلب ومقبوله بشكل اكبر بحكم التعصب

في النهاية أسال الله لرادوي الهداية والدخول في الاسلام

ولناقل الخبر الصدق في القول والعمل

تقبلوا مودتي
ابو عبدالله


http://t0.gstatic.com/images?q=tbn:ANd9GcQby_-fTJU-gzaVOHqaXkOjjeRQLevFOe10i3diX02YFfxQws6O&t=1

[ابوباسل الجمعي]

ياناس وشدخل النصر والاتحاد والاهلي هذا
والله مصيبه اذا الكورة دخلة في الدين ياناس اذا شبابنا
فقدو عقدتهم وشى ء فايدة الرياضة
هذا راي

[أرياف الجنوب]

ههههههههههههههههههههههههههههه

ان شاءالله مصدقين خخخخخ ادري جايه طايره بعد ما انتهى الموضوع


بس استغربت من الي طايرين ومصدقين ترى سهله البس اي احد النصر الاتحاد الاهلى واشخبط بديهم

لاتخلوني اتحمس واسويها :qlbe3:




* الذيب واذا يعني كاتبين عاشق رادوي طيب كمان فيه ناس كاتبه عاشق ماجد -عاشق نور وين المشكله


ولو كانت الصوره لواحد لابس النصر او الاتحاد او الاهلي ماصدقت :w

[الذيــــــــــــب M]

^^

نور وماجد وسامي الجابر وياسر القحطاني مسلمين


وهذا كافر


واضحه النقطه ؟ المسأله كافر ومسلم

وهنا تشبه بكافر سواء كان هلالي اللي سواها او نصراوي او اللي كان

كيف هالشاب يرضى يحط صليب بيده مهما كان الدافع

انا ماتكلم عن فرق ابدا

..

[أرياف الجنوب]

حتى المسلم مايجوز تقول عاشق طيب ايش رايك في الي يكتب عاشق نور ويحلق شعره مثل نور؟؟

أو عاشق أسامه ويحلق مثل اسامه ؟؟

ومعروف انه حلاقتهم قزع ومايجوز المسلم يحلقها طيب ايش رايك بلي يقلدهم ؟



بس بامانه يالذيب بغض النظر عن هلالي نصراوي اهلاوي اتحادي أنت مقتنع بالصوره انه ممكن احد يسوي مثل رادوي مثل ماقال صالح ال سلمان وين اهله ؟؟
(لانه احس كل الي ردو مو مقتنعين بالصوره حتى صاحب الموضوع نفسه اتحداه اذا مقتنع بس أنه كذا عشان رادوي)

[طــــ(الهدد)ــــير]

حتى المسلم مايجوز تقول عاشق طيب ايش رايك في الي يكتب عاشق نور ويحلق شعره مثل نور؟؟

أو عاشق أسامه ويحلق مثل اسامه ؟؟

ومعروف انه حلاقتهم قزع ومايجوز المسلم يحلقها طيب ايش رايك بلي يقلدهم ؟



بس بامانه يالذيب بغض النظر عن هلالي نصراوي اهلاوي اتحادي أنت مقتنع بالصوره انه ممكن احد يسوي مثل رادوي مثل ماقال صالح ال سلمان وين اهله ؟؟
(لانه احس كل الي ردو مو مقتنعين بالصوره حتى صاحب الموضوع نفسه اتحداه اذا مقتنع بس أنه كذا عشان رادوي)
أقول يمدحون غسيل الصحون

[أرياف الجنوب]

لاتصدق متنازلتك عنها لاني اشوفك احسن مني لها

[الذيــــــــــــب M]

ارياف اكيد لا

بس يقلد قصة القزع ذي نقطه ثانيه

اما مسألة تتوقع احد يسويها عشان يحب رادوي مدري صراحه

يمكن من نادي ثاني فعلا بس انا باقولك

تتوقعين احد من نادي ثاني يرضى يحط صليب بيده عشان يشوه فريق ثاني او مادري وش سبب مجهول !!

اخيرا محد يدري وش السبب لكن كييييييييييف يرضى هالولد يسوي هالشيء !!!!

الله يصلحه بس ويغفر له

..

[عاشق ثرى الديره]

هذي ضريبة الاستقدام الخارجي على كفاله




اي كان المستقدم