وين شعار المحاوره...!

[الشيباني]

السلام عليكم ورحمة الله وبركاته......
الحقيقه نريد في هذا المتصفح.....ايقاظ الشعراء النائمين...
والذين انهكتهم الحرب الادبيه والعوده الى ميداان المحاوره...!

البدع
شعّارنـا نومهم طــوّل وزاد
مسكين يامن شكى جور الحروب
واليوم بأعلن تحدي للعموم
يامن هبيت الحطب فوق اللهب
وشهي العواقب ووشهي الخاتمه

[الرادار]

الرد
لو كان مابيننا ملح وزاد
عدّيتك انك من اديار الحروب
مايردك الا خوالك والعموم
لكن خذ م المعاني والاّ هب
راعي الوفاء مايغيّر خاتمة

[جاسر الغراني]

ما حنا بنايمين - طال عُمرك والمشاهدين -
بس ما شفنا متواجدين فقلنا خلّها لين يجون المصيفين .


مدري من اللي حكى ؟ ويش المراد ؟
الله بصير(ن) على ما فـ القلوب
إنا نحب المبادي والسلوم
وإن كان حديتنا نرمي بطوب
الله يعينك تحـظّ وقـادمه

[سعيد عوض العمري]

دعوة غالية من شاعر ٍ غالي وآتشرّف بها /


الرد=
من زيّن البدع له زان المراد=
والله يكفيه من شرّ القلوب=
و لا بيلحقْه بين الناس لوم=
دامه على الطيب يلقاها بطوب=
واللي على الثانية يلقى دمه=

[الشيباني]

والله ذبحكم النوووووم

اسمع
لا تاخذ العلم يا جاسر عناد
وانصحك تمشي معا سمح الدروب
كلٍ عزيزٍ معه ربع ٍ وقوم
راعي الردى مالردى..مافيه طب
يا كم لي اناصحه وأعولمه..؟؟

[الرادار]

الرد
ياسعيد صاحبك لاما سمع ناد
البحر ياتيه وقت المد روب
لد النظر في السماء واعتز وقوم
كم واحدٍ شايف الماء فيه طب
الله يكفيه شر العولمه

[بن ظافر]

الله يعطيكم العافية يا شعار بكم نستنير ونستمتع

[جاسر الغراني]

البدع :

توي سمعت المنادي والمناد
وابشر بسمحان ملّاس الكروب
السوق يامن شرى زايد وسوم
لا تلتهي بالغناجي و الطرَب
ولا تخاوي النفوس الظالمة

[سعيد عوض العمري]

الرد=
تناود الرجم ولاّ الرجم ناد=
واكرب صواميلكم يا هل الكروب=
قبلٍ تجيكم ملايين الوسوم=
يا هلْ طريب الطْريَقَيْ ما طرَب=
يسلك دروب الوعَر ْوالظالمة=

[الشيباني]

خلوووها,,,,
البدع
السوق سوقي من ايام الجداد
واحمي حمانا شمال وفي جنوب
ماني بظالم ولا احب الظلوم
هذي قوافي وقيفان ٍ وأدب
يا خوف قلبي تصير ملاكمه

[الخطاف]

ياسلام ياسلام
الله يعطيكم العافية وصحت السنتكم جميعاً
سجلوا متابعتي

[الرادار]

الرد
هاتي العلوم القديمة والجداد
كلٍ بما يمتلك يحمي الجنوب
حتى ولو كان في ليلٍ ظلوم
لكن يمشي بتقدير وادب
لن السماء يوم تظلم لاكمه

[جاسر الغراني]

البدع :

سوق(ن) بلا مدّ قرّب له مداد
يا شاعر(ن) قال .. " رُد بلا عيوب"
وارجع لتاريخنا تلقى العلوم
حنا حمينا الخواجة والعَـرَب
يا خوف قلبي تعود ملاطمه

[سعيد عوض العمري]

الرد=
هات الورق والدفاتر والمداد=
واملاء لك المكتبه و املا العيوب=
في الشعر و لا الرياضة والعلوم=
و النحو و فنونها علم و عرَب=
واللي يجي يبشر و نملاء..طمْه=

[الشيباني]

البدع
لاجيت باشدكم باقوى الشداد
شديتكم في شروق وفي غروب
تاريخكم بين حاكم وامحكوم
اصبر على ما يجيك من الكرب
نويت اجيب القوافي قاصمه

[الرادار]

الرد
اوزن علم بندقك والاّ الشداد
لا تلد نظرك بنجم في غروب
لن الغطاء مايتحلحل ومحكوم
وان كان تبغى الجزاء يجزاك رب
شهر الحدى حزة الملقا صمه

[جاسر الغراني]

البدع :

يا صوت وضّح !! ترى ماني جماد
أعرف شيوخ(ن) مهرّب و امهروب
وان جيت تحكم ترى ما فيك لوم
دام النَخَل عندنا ماهو غرَب
ما اسمع لصوت(ن) بليّا امكالمه

[سعيد عوض العمري]

الرد=
العجّ حولك وارى ان العجّ ماد=
ما عاد ينفع من الضيق الهروب=
و لا يخارجْك زودٍ فالكلوم=
و النجم ذا فالسما منّه غرب=
ما يرفع الضيم زود امكالمه*=

المكلوم = المريض

[الشيباني]

يالاووووووووووول:


البدع
البشت لي وانت تكفيك البياد
والرجل ما يحكمه غتره وثوب
الرجل بين القبايل والقروم
فعله يجمّل وفي بيته شبب
ماتنحصي وقفته وامكارمه

[الرادار]

الرد
نطوي البحور العميقة والبياد
ونقول للمعتدي ريح وثوب
والق العدو المحايد والق روم
لا تقترب بقعةٍ فيها شبب
موج البحر يسحبك بامكار مه (ماه)

[جاسر الغراني]

.. نأسف على التأخير نظراً لظروف السفر المفاجئة ..

البدع :

يامن جنى الغرس والمجنى عقاد
خلك على حوكتك واِسنِد بروب
انحن نعَرْف السواقي والعقوم
ودامك تعزوى بقوم(ن) تحتطب
فلا تضِيْف الجهَل يا عالِمه

[بدر كعب]

صح الله السنتكم
وفالكم البيضا

[سعيد عوض العمري]

( الرد )
أبعقد القاف عالمعنى عقاد=
ألين ما ينعرف راس الذروب=
من تلقح افكاره وغيره عقوم=
و الفكر ما يرتقي من تحت طب=
حتى و لو طفت كل العالمة=

[الشيباني]

خلووووووووها ابطيتوا ..........

البدع
اتعبتكم بالملاحق والطراد
واشعلت من حولكم نارٍ لهوب
يا بوعوض صاحبك ما هو عزوم
من بعد ما جاء يصرّف وانسحب
ويخاف ضرب السيوف الموسمه..!

[الشيباني]

وينك يا خوي.....؟
....
..
.

[الرادار]

موجود موجود لكن ظروف سفر
الرد
يامن فليت الرسائل والطراد
اصمد معي في المواقف والاّ هوب
وان شفت ضرب القلت شد العزوم
وانس الخوي المراوغ وانس حب
واجن الثمر لا استوى في موسمه

[جاسر الغراني]

البـدع :

يا صوت لوما تجيني بانفراد
فاعلم تراني مع اللاعب لعوب
وأحب أحاور واسدّد ف الهجوم
خل الذي لا لعب ياما لعب
أهدافنا في شباكه مِحكمه

[سعيد عوض العمري]

الليث لا جاع وشمّ بلَنفْ راد=
دوّر فريستْه و في فكّه لعوب=
ولا من تبدّت نواها بالهجوم=
واخلف لحَمْهاَ و خلّطْه اللعب *=
و احنا ابْنظرْ غيرنا نلمح كمْه=

اللعب =لعاب الفم

[الشيباني]

سلامة الاسفار حيا الله الجميع...


البدع
يامن تراوغ ترى حن الاتحاد
واهدافنا فيك من حدبا وصوب
لكن ما بلحقك عار ولوم
كم مالاسامي.. وياكم مالكتب
يبغا لها يا زميلي ترجمه

[الرادار]

الرد
يازين جمع العرب والأتحاد
لكن ماني عليها بمغصوب
والزاد للخاطر الطرقي ولوم
لكن تب قبل ماعلمك تب
لا شفت نوٍ حدر من ترج ماه

[جاسر الغراني]

البدع
يامن بدعتوا بلا معنى(ن) وكاد
الخيل ياكم تلافح بالكعوب
عيّشتكم في غموم وفي هموم
من يوم هبتوا جمادى في رجب
ذوقوا رهيف السيوف الصيرمه

[سعيد عوض العمري]

( الرد )=
نستقبل الوافي ابعودٍ وكاد=
اسلومنا يا بني عمرو الكعوب=
ونقدّر الغمر لا منّه هموم=
و نجبّ راع الردى والشرّ جبّ=
ألين ما نهلكه ويصير مه *=


ويصير مه = يصير ماء

[الشيباني]

البدع
شاعر ولك خبرة في الاقتصاد
لكن وضعك قريب من النفاد
واصبحت بين الشعاعير امعطوب
ماتنفعك سيرتك في الاب توب
يامن سعيت ومع العالم تحوم
قسمي ثمين ٍ مع كل القسوم
في الهند مثلك وشرواك انحجب
ابيع واشريك مثل الخادمه

[الرادار]

الرد
الصقر مايحن صيده وقت صاد
والسم في مخلبه لكن فاد
يامن بنيت بصليات امع طوب
لا شفت جور الزمن غلاب توب
كم واحد م العرب كبده تحوم
لكن ياسعيد مافي الحق سوم
ان كان تبغى الولاء بالمنح جب
راعي الوفاء عادتي ما اصخا دمه

[جاسر الغراني]

يعني بصراحة حتى ولو زعل الواحد ،
لا ينزّل معانيه ويحشي قصايده أهم شيء عنده ( السب ) !!!
علامة استفهام لمشرف القسم ؟

ابلعن ابو القرايب والبعاد
من عقب ما ساد عبد(ن) في تشاد
أحسبه وقت(ن) مضى رفس(ن) ضروب
اثره عناق(ن) مع المعزا حلوب
هذا لمن ِيندر اسمه لا يلوم
دامه طمى بالمعاني وامهزوم
ياكم شرينا عبيدن في سرُب
والا انت أعدّك مثيل النادمه

[سعيد عوض العمري]

الرد=
الشعر ما ينحدر للسبّ عاد!!=
والله لا به تشيد و لا تشاد=
حتى لو ابدعت في كل الضروب=
اتلوبك المعمية و النوح لوب=
والارض لا من قست ما احدٍ يلوم*=
حتى تزين و تلين امن الهزوم=
وليس ينفع طرادٍ في سرُب=
حيثٍ نفسك وراها نادمه=

يلوم = يحرث باللومه ,,

[الخطاف]

أخواني الشعراء أتمنى أن لا يتعدى الكلام حدود المألوف
كما أتمنى أن تبقون كما عهدناكم راقين ومبدعين

[الشيباني]

لا لا ما فيه زعل ولا شي....
واللي يزعل يشرب ماء ..
وماله داعي تكلم المشرف ...لكن انت ودك تجيب عذر عشان نقفل الموضوع ..لكن بكيفك تبغى تقفل.. قل انسحب وانتهينا...!


اسمع
خسيت في لحيتك يا احمد نجاد
ما ينفعك لا جيوش ولا عتاد
وش حيلتك وانت بعدك دوب دوب
لا ضعت بين المناحي والشعوب
يامن تمشيت في بيض الهدوم
ما فادتك دام قلبك فيه شوم
والسيف لا ما شهرته وانتصب
ما تنفعك هدنة ٍوامسالمه

[الرادار]

الرد
يامن تدور المعونة والنجاد
ابشر بمن في رجا العليا عتاد
ماهو نحيفٍ ولاهو دوبدوب
رجمٍ طويل ينحي ع الشعوب
والحر يلجا لمن جمله دوم
مايطل نظره بنارٍ في هشوم
ويصب زين المعاني وانت صب
حذرا تعود مثيل امسالمه*
----مسيلمه--

[جاسر الغراني]

البدع :

الله يلعنك يا " عزة رشاد "
النار ما خلّفت غير الرماد
واللي رمى مثلنا يلقى النصوب
وصوت النشازه تذرّيه الهبوب
راعيه ماهو من رجال البقوم
وان جيت تعطيه حصلته لقوم
كم خنجر(ن) لو نصابه من خشب
شفته يهمّل زرار امحازمه

[سعيد عوض العمري]

الرد=
يا ناس يا اهل الشعر وين الرشاد=
اشوف راع الردى والشرّ ماد =
والكذب وسعّ نطاقه والنصوب=
ما كنّ للخير دربٍ واله بوب=
مجهول بمعرّفه و يهبّ قوم=
للمنحية هو لنا و لا لقوم=
باسمه يعرّف وارى انّه منخشب=
قبلٍ يجي الضرب تحت امحازمه=

[الشيباني]

اسمع
مسكين يامن جهل درب الرشاد
سمعتك معروفة وسط البلاد
وش حيلتك يالمنافق والكذوب
ما غير كسب المشاره والذنوب
بافرض عليك الضرايب والرسوم
والحقك باللي سبقك امن الرخوم..؟
شفتوا وشفنا العجايب والعجب
والناس في غربله وامخاصمه

[الرادار]

الرد
ياللي طرشت الحيا للبر شاد
سايف مع اهل الوفاء خل البلاد
لاتذوب لا شفت لك في الشك ذوب
ماعاد تقدر تفرّع م الذنوب
تنساق خلف الكتابة والرسوم
غرتك طول المباني والرخوم
ما تشوف روس المعاني والعجب*
والناس بمزايدة وامخاصمة

[جاسر الغراني]

البدع :



المعركة بالعـداد وبالعتـاد
ما هي بهزل القوافي والهداد
تدري ترى الناس غاصب وامغصوب
مثلك وشرواك في الدنيا ينوب
من عـزّ يلقى حصاده كوم كوم
واللي كما البوم حوّم لا يحوم
كم ناجح(ن) مثلنا ما قد رسب
يشطب ملفاتكم بـمْراسمه

[سعيد عوض العمري]

أعتذر عن التأخير لظروف الإجازة ,,


الرد=
من ضيّع العقل ما يفيد العتاد=
ما عاد يبني ويبشر بالهداد=
ثوبه بصوبٍ ويرمي الشُّمْغَ صوب=
البيّنة في الشمال و هو ينوب=
كم غربلتْه الحوادث واللكوم=
ألين ما كبْده و راسه يحوم=
و اللي نزل قلتنا فورا رسب=
ما تنفّعه بهرجه و مراسمه=

[الشيباني]

البدع
مثلك وشرواك قلي ويش فاد
جرحك عميق ويبغا لك ضماد
اتصول واتجول كنك في مزاد
ونعم بلحيتك يالذيب الخنوب
يامن سلبت القوافي يا سلوب.!
خلّص رصيدك وفضّيت الجيوب
لا تحسب ان موقعك بين النجوم
حدّك ترى دون من تحت الغيوم
والصقر معروف يوم البوم بوم
من يسمعك قال هذا اكبر شنب
ما يدري ان البلا في الجمجمه

[الرادار]

الرد

يابو عوض ماشيني والّا تفاد
ماودي اعاتبك والحظ ماد
واللي ينقص من الونعم ما زاد
اقرا الشعر نوب والتاريخ نوب
وخلك على زين طبعك والسلوب
لا تلتجي للخنادق والجيوب
مادام تنعد من ضمن النجوم
احضر على الكيف يوم والغ يوم
ولا تحط الصور في الّا لبوم
ولا تلبي لاجاء م الاش نب
ولا تصنت لصوت الهنجمة

[جاسر الغراني]

كل مالهم زادوا بيت والا بيتين ،
وراكم وراكم واسر يا ساري .


البدع :

قال ابن يعن الله أبشر يا عماد
توي عرفت النوايا والمراد
وقلوبكم من نكاد في نكاد
نصحتكم مـ الجِراب ومـ الجَروب
حتى ولو كان من وِضح الجُبوب
أدري المنامة تعبّت مـ الصروب
وابن البلد كم يحوم وكم يعـوم
غِيروا على القوم واِعدوا بالرقوم
خل التمدّاح يا طـه سلوم
طـلاق لوما تنفّذ لي طِلب
لشويك في جمر يِصلى حمحمه

[سعيد عوض العمري]

الرد=
يا امبارك اعليك وزّينا العماد=
والعلم لك واردٍ فاسمع مراد=
نكاد نقبض على المجني نكاد=
لو كان يشرد و يدخل في الجروب=
وّلا تعدى الفيافي و الجبوب=
رامي ثيابه وقام اختصّ روب=
طَمر بمستنقع الشرهه يعوم=
فالخبث فعله فَعَلْ دابٍ رقوم=
له يوم يندمّ ما منّه سَلَوم=
السان بنقطّ له ونقطّ لبّ*=
نحميه من ما جرى له حمحمه=


لبّ = عقل

[جاسر الغراني]

أتمنى أن يكون الجميع استمتع بالمحاورة .

والإخوان اللي بدوا وحنا اللي ختّمنا ،
وهذي قصيدة لإغلاق المحاورة السابقة ،
وبيّض الله وجيه الشعراء جميعاً .

يا وطنا لا تحسّب حساب اللايمين
والعدو ما جاء بخير(ن) ولا جانا بشر
نحمد الله عزنا الله بحكام(ن) كرام
شيّدوا برج العدالة وحنا كم نشيده
والبلد في ظلهم واحسبه في ظلنا

[سعيد عوض العمري]

الرد=
امش درب المقديه لا يسار ولا يمين=
واحسن النيّة و لا تحسب احساب البشر=
وارم معروفك فيَ البحر دام انَنَكْ رام=
و ارفع الصوت ابقصيدٍ و يحلى لك نشيده=
فيض خير و خيرةٍ واحسبه فيضٍ لنا=

[سيد الموقف]

للي يبغى يرد



غبن عـيني يا فلسطين معراج الرسول
يا ديار الـطـهر والمجد والبيـت العـزيز
دنـسك يا ديرة القدس شـيـطان الـيهود
ما حـفـظ مقـدارك الا شعوب المسلمين
يـا ولد وصل كـلامـي مـديـنة تـل ابيب
قل لابن صيهون يا راعـي الفعل الدني
اما تركت القدس ولا اعتنقـت اسـلامنا