تسجيل الدخول

مشاهدة النسخة كاملة : السلسال


حروف القوافي
04-09-2011, 05:46 AM
على الهون ياجرح المفارق وضيق البال
على الهـون ياهـم سطابـي وقدرتـه !

اعزك لوانـك جـرح ومجاهـدك قتـال
وروضت جسمي لاجل سقمك وصبرتـه!

لاجل من ملك قلبي من الجال لين الجـال
وفجيت له باب عـن النـاس سكرتـه !

وحطيت له عن شمس قيظ الغرام اظلال
وشيـدت لـه بيـت بقلبـي وعمرتـه !

عشقتـه ودللتـه وجريـت لـه مـوال
وتخيرت قربـه ليتنـي مـا تخيرتـه !

رعي ريف قلبي لين صار الحشا مدهال
وعن مدهلـه جنبـت غيـره وذيرتـه !

سقيته من عـدود الغـلا والغـرام زلال
بعد ماجذب مـن دم قلبـي وصدرتـه !

اداري عليه من الزعل وازعـل العـذال
وخطاه ان كبر في عين غيري تصاغرته!

ترافقت انا وياه مـن يـوم كنـا اطفـال
تكون غـلاه بوسـط قلبـي وكبرتـه !

قبـل مايغطـي ليلـه المنتثـر بالشـال
سرقت الكرى من نون عينيه وسهرتـه!

نقش كل حرف من حروفي على السلسال
تباهى بهـا واغـاظ نـاس مجاكرتـه !

وكتبت القصايد في عيونه علي اليامـال
وليا مرنـي صـوت النواخـذ تذكرتـه

تكاثر علـي الله يجازيـه كيـف الحـال
وانا يوم اسوق العمر له مـا تكاثرتـه !

وبعد كل هالتقديـر والحـب والاجـلال
تغيـر وهقـواتـه علـيـه مغيـرتـه!

لبسته ثياب الغطرسه ليـن جـا يختـال
وكبر في عيونه يوم الاوهـام غررتـه !

واذاالسالفه ضحك ومهازل ولعب اطفال
خبطت الغصن لين ابرق الريش طيرته !

خلصنا وقفلنـا الصناديـق بـا لاقفـال
ومن جور حكمه كامل القلب حررتـه !



للشاعر( تركي الميزاني)
دمتم بـ حفظ الرحمن

مشاعر انسان
04-09-2011, 07:15 AM
اشكر بوح قلمك الشفاف والمميز
وابحرت كثيرآ في قراة مفرداتك الصادقه
جل التحايا لمقامك السامي

تراتيــــل
04-09-2011, 01:30 PM
صح لسآنك ولسآن شآعرها
قصيده رااائعه ..
أبدعت وتألقت بهذه الذائقه الرائعه..
بإنتظآرجديدك بكل شووق..
ودي وشذى الورد..

Oscar
04-09-2011, 10:23 PM
حرووف القوافي

اختيارك راااقي

بارك الله فيك يا غالي ولا تحرمنا

كل الود .

عــذبــة الـــروح
04-10-2011, 04:27 AM
http://www.quran.maktoob.com/vb/up/5330663332113968957.gif

بن ظافر
04-10-2011, 02:09 PM
نعم الا ختيار الله يعطيك العافية

تكاثر علـي الله يجازيـه كيـف الحـال
وانا يوم اسوق العمر له مـا تكاثرتـه !

وبعد كل هالتقديـر والحـب والاجـلال
تغيـر وهقـواتـه علـيـه مغيـرتـه!

لبسته ثياب الغطرسه ليـن جـا يختـال
وكبر في عيونه يوم الاوهـام غررتـه !

واذاالسالفه ضحك ومهازل ولعب اطفال
خبطت الغصن لين ابرق الريش طيرته !

خلصنا وقفلنـا الصناديـق بـا لاقفـال
ومن جور حكمه كامل القلب حررتـه !