من قصائد الامير خالد الفيصل [الأرشيف]

ابوفواز

03-26-2011, 06:34 PM

السلام عليكم ورحمة الله
اعضاء هذا المنتدى الغالي اخترت لك باقة من قصائد الشاعر صاحب السمو الملكي الامير خالد الفيصل ارجو ان تنال احسانكم
عز القصيد
عــز القـصـيد وزاعـلـتـنى حـروفـه
من يوم غاب اللي قصيدي ... مهاويه
غـابت به الـدنـيـا وخـلـت طـيـوفه
عـزي ... لـمـن مـثـلى زمـانـه يعاديه
عقب الـملاقـي بـس بالـقـلـب اشـوفه
وعـقـب الـمـناجي ... بس بالـفكر انـاجيه
كـلامـي وشـوفي لغيره ... حـسوفه
مـن غـيـره يـخـاوي غريبي واخـاويـه
يالـوعه الـمـشـتاق تصفق كـفـوفــه
لين الـتـفـت مـاشـاف بالـدار غــالــيه
كـن الـعـيون بكل شــيــن محذوفـــه
والـقـلب كـن جموع ... الأيام تـرمـيـه
تسابقـنــي من زمــاني ســيوفــه
تــجــرح مــرادي .. في حـياتي وترمــيه
ياعـونـه الرحـمـن ... ويـن الـنكـوفـه
لـيـن انـتـحي ... الـخـفاق وش عـاد يثنيه
مارحت ادور عـــنـد خــلــى مــروفـــه
مــايرحــم ... الا الله فــلا شـك مـغـلـيـه
----------------------------------

ابوفواز

03-26-2011, 06:36 PM

ليالي نجد
ليالى نجد مامثلك ليالي
غلاك اول وزاد الحب غالي
ليالي نجد للمحبوب طيبي
امانه نور عينى ياليالي
حبيبي لى ذكرت انه حبيبي
دريت انى حظيظ وزان بالي
على شانه تهاونت المصايب
اذوق المر لاجل رضاه حالي
والى من الزمان اشتد حره
لقيت بقرب مظنوني ظلالي
عفا الله عنه مما جاني اول
غسل حبه جميع الهم تالي

ابوفواز

03-26-2011, 06:37 PM

جرح القصيده
قصيدتي منك مجروحه
اخلفتني واختلف شعري
يا ونتي منك مبحوحه
لو ما طلع صوتها عذري
ذي رايتي منك مطروحه
طرحتها وانت ما تدري
شف دمعة الشوق مسفوحة
والوجد في ملحها يسري
مواجع القلب مفتوحه
داريتها واحترق صدري
حمامه الوصل مذبوحه
يا خوفتي قبرها قبري

ابوفواز

03-26-2011, 06:38 PM

في سحابة
في سحابه..
على متن التمني
شفت عمري
خيال في سحابه
يا ذهابه ..
تعدى ما ارجهن
كن عامه
نهار يا ذهابه ..
من غدا به
ربيع العمر مني
حسبي الله
على وقت غدا به ..
إلتوى به
رجا قلب يون
ويل قلب تعلق والتوى به
في شبابه ..
حبس نشواه عني
ما تهيا لذيذه في شبابه
ذا صوابه
عقب ما هو طعني ..
لو نسيته يذكرني صوابه
من هقابه ..
يخيب كل ظني
واعذاب الخفوق اللي هقابه
رد بابه ..
زماني وامتحني
يوم ثور عجاجه
رد بابه
يا ربابه ..
على المسحوب غني
من قصيدي
بكى قوس الربابه

ابوفواز

03-26-2011, 06:39 PM

لايطول غيابك
لايطول غيابك ... ثم اخذ عليه
لو تخليت عنى ... عنك قلبي ماتخلى
العذر والتعلل والحكي ... مانبيه
من تحرك فؤاده ... بالهوى ماتخلى
طبعي الصبر لكن وش عليه ارتجيه
من طويل الصبر يعقوب وايوب ملا
دامني حي عطني وش بقي نحتريه
مابي دموعك ...اللي عقب موتي تهلا
مابقي بالعمر مقدار ماراح فيه
كل مازل يومٍ ... يوم بالعمر ولى
مايعرف الجمر مثل الذي يكتويه
احد يدفا بناره ... واحد فيه يتصلى
يامن القلب حطيته براحة يديه
مارضى له مكان غير كفك محلا
كم تعذر وعيا عن هوى محتويه
لين طاح بيمينك بالغرام وتجلى

ابوفواز

03-26-2011, 06:40 PM

طال السفر
والمنتظر مل صبره
والشوق يا محبوب في ناظري شاب
رد النظر
خليت بالكف جمره
سعيرها في داخل القلب شباب
عز الخبر
والمهتوي ضاق صدره
يا من يرد العلم عن هاك الأحباب
طيفه عبر
ما أرسل مع الطيف عذره
هو خاطره من لوعتي ما بعد طاب
هو ما ذكر
أن الجفا فيه كسره
للخافق اللي من هوى صاحبه ذاب
يا ما سهر
طرفي على حبس عبره
اردها والوجد للدمع جذاب
دمعٍ حدر
جاله على المنع جسره
عظيم وجدي للدمع شرع الباب
يوم وشهر
عزاه والعمر مره
والناس واجد لكن الولف غلاب

ابوفواز

03-26-2011, 06:41 PM

كل مانسنس
كلما نسنس من الغربي هبوب حمل النسمة سلام
وان لمحت سهيل في عرض الجنوب .. عانق رموز الغرام
لك حبيب ما نسا .. كلمته دايم عسى
اطلب الله وارتجيه .. صبح يومي والمسا
كل زين اشهاده وانتم بعيد منوتي ليتك معي
وان سهرت الليل اهوجس بك واعيد هل لاجلك مدمعي
وانت هاجس خاطري .. وانت فرحة ناظري
يا قريب ويا بعيد .. فيك امس وحاضري
نشوتك تلعب مع قطر المطر .. وانتشى قطره معك
والسحاب يطاردك بين الشجر خالق الزين ابدعك
الندى في وجنتك .. صار عطر بلمستك
والهوى غنى طرب .. تستثيره بسمتك
كلما ضمت عيوني منك طيف يا بعد كل الطيوف
قلت ما مثلك على الدنيا وصيف لا حشا مالك وصوف
لا سحاب ولا مطر .. لا نسيم ولا زهر ..
لا طيور ولا زهر .. ولا مع باقي البشر ..

ابوفواز

03-26-2011, 06:42 PM

غـريـب والله
غـريـب والله يـا حبيبـي هـوانـا
نستعذب الأشواق ما نطفـي الشـوق
شـوقـي وشوقـك هايمٍ في سمانـا
في ناظري حيره وفي ناظرك مـوق
نطـرد سرابٍ في صحاري ظـمانا
لا فيـه ميـرادٍ ولا حاصـلٍ ذوق
يـومٍ يـبعّدنـا ويـومٍ دعـانـا
ويـوم يلبّسنا خيال الهـوى طـوق
طيـفٍ يرغّـبنـا وطيـفٍ نهـانـا
فوق الثرى نمشي وحلم الهوى فوق
خيالنـا من كـل نبعٍ سقـانـا
وأيامنا تسوق عبراتنـا سـوق
ميعادنـا عند التمنّـي نسانـا
وظروفنا تزرع على دربنا عوق

Oscar

03-26-2011, 10:18 PM

ابو فوااز

اختياركـ ممتع وتواجدك رااقي

لا تحرمنا جديدكـ يا غالي

كل الود .,,

ابوفواز

03-27-2011, 06:32 PM

ابو فوااز

اختياركـ ممتع وتواجدك رااقي

لا تحرمنا جديدكـ يا غالي

كل الود .,,

مرورك هو الاحلى يالغالي

ابوفواز

03-27-2011, 10:37 PM

ياطارد
يا طارد اللي راح خــله ومــلوه
ما يستــقيم الظــل لا عوج عوده
ولا ينفع الندمان قولــة حــولاه
جـحـر لـدغ يمنـاك لا لا تعـوده
مد النظر في خلق ربي تمعناه
إلى انتقص من حال حال يزوده
الله جعــــل للمبتلي داه ودواه
وكل على عزمات قلبه حدوده

ابوفواز

03-27-2011, 10:39 PM

حدر القمر
حدر القمر صوّت لخله وناداه
ثلاث مرات وبالرابعة ون
حدر القمر يا ما همس له وناجاه
وعيونهم ياما بنوره تلاقن
والبارحه عدا على الذيب بعواه
واقفت ظنونه بالليال يتعادن
مرٍ حوالينه ومرٍ تعداه
ومر تضاحك له ومر يتباكن
هذي سواة اللي عن النوم قزاه
طيف الحبيب اللي على خاطره عن
ان شافت عيونه جمال تمناه
وان صوت القمري لصوت الهوى حن
الجارحه تجرح وتسري وتنساه
وجروح مجروح الليالي تساقن
والخافيه طعنة زمانه تمثناه
والبينه عنها عيونه يبوحن

ابوفواز

03-27-2011, 10:40 PM

لو نسيت
لو نسيت العمر ما انسى دمعتك
صرخة ذابت من عيونك دموع
ترتعش مرتاعة في وجنتك
وانتفض قلبي لها بين الضلوع
أزعجت صمت الليالي عبرتك
بالخفا ثوره وبالظاهر خشوع
تسكب الدمعه وتظمى نظرتك
مشهد النظرة وهي تظمى يروع
يا ضياع العمر ضيعة بسمتك
ضاع معها خافق مثلك جزوع
ليت من يمتص جارح لحظتك
والفرح يشعل دياجيرك شموع

ابوفواز

03-27-2011, 10:42 PM

موت الوفا
لو يبور الملأ ما أحسب حبيبي يبور
وأحسب اني أموت ... ولايموت الوفا
وأحسب انه على هاك المودة ... غيور
ما احسب ان الشعاع .. اللي بقلبه طفا
كيف يانور عينى ... وانت للعين نور
يختفي نور وصلك في ظلام ... الجفا
اثر قلبك على فرقا الولايف جسور
واثر ... طرفك اليا سهرت عيوني غفا
وين هاك الونين ... اللي يشق الصدور
وين هاك الدموع ... اللي تشق الصفا
كل حي ٍ اليادارت لياليه ...يدور
كل قلب اليا ... عفت جروحه عفا
ويل قلب توالت فوق جروحه كسور
كل جرح الهوي ... ياصاحبي ماكفا
التمس لك عذر ... لو كان ما أنت معذور
وان جحدت الموده بان لك ماخفا

ابوفواز

03-27-2011, 10:43 PM

ساعة الفرحة
يا ساعة الفرحه تشوقت للعيد
عيد العيون وعيد قلب الصبابه
رد الجمال لشوفتي يا اتلع الجيد
واسحب على حرفي لحون الربابه
حرفي بصوتك يا اجمل الصوت تغريد
يا رمز حبي هاك رمز الكتابه
يا صبح عمر فيك للعمر تجديد
وحبك يجدد كل يوم شبابه
للعين والقمرا وحسنك مواعيد
وليل الهوى شرع للأحباب بابه
ياما زعجت الصوت باسمك تراديد
وياما نسيم الوجد يمك سرابه
وياما تمنيتك على باقي الغيد
واقول مثلك يا غلا الروح ما به
ابيك تهوى مثل ما اهواك وتزيد
يا من خفوق القلب حسنك غدا به
يا قطرة الغيمه على يابس البيد
رد الحياة لخافقي يا ذهابه

ابوفواز

03-27-2011, 10:45 PM

بنت الكحيله
بنت الكحيله مهــرتي
وخيالتي من كل اصيل
ألقى عليها طربتي
بين المعنق والشليل
صدر وقطاة فلـــوتي
العنق والساق الطويل
وقع الحـــوافر نغمتي
وحداتنا رجع الصهيل
أبوي وجدي قدوتي
لو ما لهم عندي مثيل
بالدين تفخر عزوتي
والرمح والسيف الصقيل
ماكر حرار ديرتي
ما في هل العوجا ذليل

ابوفواز

03-27-2011, 10:46 PM

سحاب
سحاب انا من بدة الناس مغليك
اغلى على من الهوى في حياتى
سحاب سميتك على غيث واليك
ياغيث قلبى فرحتى يانجاتى
اخايل بروقك واراعي مناشيك
واشفق على هل المطر منك ياتى
سبحان من علاك عن كل راجيك
ارض تعداها حياها فواتى
هواك طوفنى معك في مساريك
من فوق أناظر قالبين العباتى

اميرة الجنوب

03-27-2011, 10:46 PM

همسات رائعه من احساس راقي
ذائقة حملت الرقة بين حروفها
وعذوبة معاني انساب منها
شهداً وصل إلى القلوب ..
من ذلك القلب المغرور
سلمت وسلم لنا حبر قلمك العطر

لك خالص الأمنيات وأرقها
تحياااااااااااااااااااااتي

ابوفواز

03-27-2011, 10:47 PM

فدوة عيونك
فدوة عيونك لو غدت روح مغليك
وش عاد لوراحت لعينك عشاير
ابيع مايغلى على الكون واشريك
واسوق لى جتنى علومك بشاير
وازعل جميع الناس بالحيل وارضيك
واصبر ولودارت على الدواير
وآخذ من ايامي لك ايام واعطيك
وان راح عمري لك فلا هو خساير

ابوفواز

03-27-2011, 10:49 PM

سريت
سريت ليل الهوى لين انبلج نوره
امشي على الجدي وتسامرني القمرا
طعس وغدير وقمر ونجوم منثوره
انفاس نجد بها جرح الدهر يبرا
يا نجد الاحباب لك حدر القمر صوره
طفلة هلال وبنت اربع عشر بدرا
حبيبتي نجد عيني فيك معذوره
معشوقة القلب فيها للنظر سحرا
فضة شعاع القمر في نجد مسحوره
من شاف لمع قمر في خدة سمرا

ابوفواز

03-27-2011, 10:51 PM

ايوه
ايوه قلبى عليك التاع
مايحتمل غيبتك ليله
عساه عساه مايرتاع
عليك يانافل ٍ جيله
غنيت يابو عيون وساع
من غيرك اقصد واغنى له
معذور لو صرت بك طماع
من حبكم مالنا حيله
القلب من يمكم نزاع
لوحاولو صعب تحويله
مانيب من عاذلى سماع
والله ماقطع مواصيله
من لام راعى الهوى خداع
سيور الايام تبدى له
ماضاع عمرى معك لو ضاع
ماضيه والا مقابيله
سلمت لك خافق ٍ جزاع
عساك يازين تاوي له

ابوفواز

03-27-2011, 10:53 PM

همسات رائعه من احساس راقي

ذائقة حملت الرقة بين حروفها
وعذوبة معاني انساب منها
شهداً وصل إلى القلوب ..
من ذلك القلب المغرور
سلمت وسلم لنا حبر قلمك العطر

لك خالص الأمنيات وأرقها
تحياااااااااااااااااااااتي

شكراً لمرورك اميرة الجنوب

حفيد الملوك

03-27-2011, 11:57 PM

ابو فواز
سلمت يداكـ على هذه المقتطفات الشعريه للامير خالد الفيصل,وهو شاعر غني عن التعريف..
تقبل مروري..

ابوفواز

03-28-2011, 12:06 AM

ابو فواز
سلمت يداكـ على هذه المقتطفات الشعريه للامير خالد الفيصل,وهو شاعر غني عن التعريف..
تقبل مروري..

سعدت بمروك حفيد الملوك الف مليون شكر على هذا المرور الرائع