يابن بطاح

[سيد الموقف]

لا يا ابن بــطاح يا راعي الـبـواخير
تطوي بحور ولا مـثلك طــوى بيــر
واشوفك اليوم تــــسـتهوي الاغادير
وشلون شاهين يــتـعـــشى مع ديك
قولـوا لـراعي الـقـنص والله ناخيك
تـرقى على ريـع راعــيـن البلاجيك
واهـل الـبلاجيك ما ترمي على بس
يـــمـــرهـــا مـا تــولـــيه انــتباهـا

[فؤاد بن بطاح]

الرد=
حي الله الشاعر اللي مقدمه خير=
واذا تكلم توقف له طوابير=
لا تلومني لو جفيت أهل الاغادير=
يضحك بوجهك وهو قلبه معاديك=
وكل الأصناف نعرفهم وانا خيك=
اللي يجي بخير واللي بالبلاء يجيك=
وكل حزّه لها عندي ملابس=
ولاحملنا القنا لاجل انتباها=

[سعيد عوض العمري]

صحت الألسنة يا شعار

تابعوا وحنّا متابعين ,,

[سيد الموقف]

البس بـشـوت مع شـيخ ومع امير
ولا تخلعه لو تواجه صاحب الكير
الشيخ شيخ الميـاسـر والمعـاسير
ولا الـردي لا عـطيته وجه يرديك
ويـقـل من سـبـته نـاس تـوالـيـك
ابعد عنه بعد اهل مكة عن تشيك
النذل لو يرمي النشمي بــيـابـس
مــا زادهـ كــرامــات وجــاهــــــا

[فؤاد بن بطاح]

الرد=
مع الكفؤ نبني اقصور معامير=
واللي جحدنا ما يلقى الا مناكير=
والوقت لجبرك عالترحال والسير=
من صافي الماء ومن همجه يرديك=
ويازمن ما درينا عن تواليك=
والنار معروف شبابك وواشيك=
ومن يدعس النار يتضرر ويابس=
يشوفها تلتهب قبله وجاها=

[يوسف آل عايش]

تابعوا
صحت ألسنتكم يالنشاما ..

متابعين ..

[سيد الموقف]

فؤاد بن بطاح


سلم بنانك وصح منطوقك

وانت شاعر كبير وشهادتي فيك مجروحة

ووفقك الله على كل حال ..




سعيد ، يوسف

حياكم الله ونورتونا يا الغالين



تقديري للجميع

[امرؤ القيس]

قصائد جميله جدا
والهدف واضح

يعطيكم العافيه