تصفية الشعـــــار؟؟

[الشيباني]

البدع
يا رّيس المنتدى ياسامع القول
صفيّت شعارنا عرض مع طول
واول ضحيه جبرني..مالمناحيس
ثم ابو ليلى المهلهل وامرو القيس
واخر ضحيه المسمى بابن بطاح
ذا يحسب انه مع الشعار جراح
والدور باقي على بو فارس اسعيد
وايضا الغراني مع الرادار بو زيد
وايضا الذي يدعي ويقول دكتور
العلم.. قدّامكم بّين ..ومنشور
انتو خصومي شيوبه ولاّ شيبان
اخذو من اللي مضى عبره وبرهان
لكن خوفي من الخطّاف..لاضاق
واصدرقراره على الموضوع باغلاق
ياون قلبي على ما فات ما فات
أكون علّمتكم... فن القوافي

[جاسر الغراني]

الـرد /


بعض العرب لارمى علم(ن) فمعقول
والبعض ياغبنته لا صار معطول

ياكم وياكم تحوس امع المناحيس
لا بد لك من نهار تشوف وتقيس


ترى المعالج يداوي كل بطّاح
وان كان ودّك فلا نعتاز جرّاح

الله ياجعل حظه دوم(ن) اسعيد
واجعل رصيده يعود اليوم ويزيد

ما دام طبه جعله اليوم (دكتور)
والشور عنده الا يا مطيب الشور

واثر المداوي اذا شاف ابن شيبان
يدعيه مرات " شيبان ابن برهان "

يوم الملاقـا يرى رجم(ن) ومحطاق
ودي يلاقي مع الحدان وما لاق

يالله لا تبتلي الهيّن بلآفات
من شان لا ينحرف وجهه قوافي

[سعيد عوض العمري]

مسكين يا شايل الونّة و معلول=
مرماك داخلْه يالصاحب مية قول=
ما تمل ضرب المعاول والفوانيس=
والبنك خاوي زعيمٍ للمفاليس=
صحنا وصوت المشاور باح وانباح=
لكنّ ما عاد ينفع كثرة انياح=
اتحسّب العلم حولك لكن ابعيد=
صيّاد حوتٍ و اشوفك تطر الصيد=
والناس من حولك ايهنّون طابور=
ما هم بدارين من في الشبر محشور=
والنار لا من تلظت زاع دخان=
ما تحرق الا مُواطيها ولا هان=
ياكثر من للشقى والهم مشتاق=
ما يعجبه لين بالمشعاب ينساق=
ما عادني ابناصحه والقلب قد مات
الا عساها على صدره عوافي==

[جاسر الغراني]

يعطيكم العافية جميعكم .


أبـو فـارس ( إبداع بلا انتهاء )
- ما شاء الله -
فالك الطيب والبيضاء على هذه القصيدة
القويّة ( مفردات ومعاني )

[أبو ريان]

ماودي أقول الله يهبلكم قنبلة http://forum.baniamro.com/images/icons/icon10.gif
عموماً قصائد وكلمات ذات قيمة وقمة والحقيقة من جمالها واعجابي بها ما عاد عرفت وش أدعي لكم به ..
يسلم اللي يحس بخويه ويسلم اللي يبدع ويسلم اللي يرد وتسلمون كلكم ..
الباب مفتوح لكم بكل ما ترونه صحيح من وجهة نظركم حتى ولو كان غير واقعي ..
شخصياً أقف مع الشاعر بأن يبحث ويحلل ولابه خلاف ..
تقديري للجميع ..

[الرادار]

اعذروني يالربع ماعندي ارسال

الرد
ماكل سباح يا الغالي جمع لول
لكن ركز معي من قبل ما تقول
انا ادري انك من اهل العرف وانيس
لكن لا تتبّع نهج المفاليس
سرحان مازعزعه تهديد وانباح
والضلع صامد ولا ينهز برياح
وانا على معرفتك اعيد ابعيد
لأنك عزيز ومثلك يملك ارصيد
لكن اشوف ان الأرض اللي تطا بور
كنك من اهل الوفاء والطيب محشور
ماتدري ان كل من سب البلد خان
وانا على حالتك بالحيل ولهان
لا تحسب ان كل رجال رمش تاق
الحب من خالقة ينبت وينساق
واحنا هل الجود بعصور قديمات
انكيل راعي الوفى بالصاع وافي

[امرؤ القيس]

سلام يامرحبا والشكر موصول
للمشرف اللي حمى راسك من الغول
والناس تدري بما خلف الكواليس
من كثرة الدق جاتك الهواجيس
الانسان من عادته ينسى الذي راح
الا اللي في بطنه ريح. الريح فواح
الناقص يدور بنقصانه ايزيد
ونشوف في ذا الملف اشد تأكيد
لكن اذا كنت واعي وتسمع الشور
ماقبل حرفه يكون المطلا والضور
ماودنا تصير قصة كان ماكان
على لسان العرب في طول الازمان
كم ضربة جات (( ذا الشاعر ؟؟)) ولا فاق
ياكم يلّحق على الشعار ماطاق
تطيح وتقوم ونقولك سلامات
بلرشيف تلقى الجواب اللي يشافي

[ابوليلى المهلهل]

واللهـ اللي طبّيت..

وَحّحّحّحّححّحّحّحّحّححّحّحّحّحّد:

يالمندفه ياوسيع الوجه يازول
ياللي نبيعك بقرصان وصحن فول
طبّتك شينه ودزك عمّك ابليس
ياللي تبيع الحساوي والفوانيس
بأنشدك وابغى تجاوب وانت مرتاح
عن راعيٍ وسط ظهره خمسة ارماح
يقلون صوب ثلاثه في ضحى عيد
والباقيه وسط ظلمى الليل في البيد
قللي من اي الذيابه وانت مشكور؟
ذيابة الصبح والا الليل مسعور؟
معروف طبعك مع الشعار تنهان
والمشكله وجهك اوسع من حذا الخان
ماعاد تنفع معك طيبه ولا اخلاق
من كثر ذلّك ترى ماصرت تنطاق
يالشاعر اللي شرد مره ومرات
يشرد مذلّه بلا ثوبٍ وحافي

[الشيباني]

الله يحي الجميع..وينكم من زمان..
مرحبا الـــــــف بالجميع واخص يالترحيب ابو ليلى وامرؤ القيس,...
على العموم انا بارد على الجميع بقصيده ..واحده..واذا تبغون نتحاور ..مافي مشكله.
نسوي ثنائيات..وابشروبالسعد..وامنعوكم من الهياط الزايد

اسمع انت واياه

حليل راعي اليمين ان كان مشلول
بيته عن الجود والقالات مقفول
هذا الغراني زعيم العور والحول
واما نت يا سعيد عايش في كوابيس
مملك وشاعر وسواقٍ على اتبيس
راسك مثيل الخرايط والقراطيس
وارحب هلا يا مبارك عد من صاح
يا شاعر ما عشق غير التمدّاح
في ترج شفتك تشل الحمل برّاح
واللي حضر من بعيد وجاك في السيد
يا شاعر جاهلٍ في الحق والفيد
هذا وحنا جماعه يا امرؤ..الكيد؟
ويا مرحبا يا المهلهل وانا مسرور
واصبر الى جاء عليك الحكم والدور
يامن كلا..له ميت خابور خابور
واسمع كلامي دخيلك يا ابو ريان
شعار ذا المنتدى يا خوك نوعان
إمّا شيوخٍ عزازٍ.. وإمّا خبلان
نرمي الردي والمعوّل دوم برشاق
وارسل ضعيف القصايد يا خذ الحاق
في الشعر باعطيكم ادروس ودورات
ياهل العقول الضعيفه والخفافي

[غرمان بن عزيز]

؟؟ كم تمنيت أن يكون الود قبل الرد ؟؟

[جاسر الغراني]

أدري إنك بارد ودمك حار يالشيباني ..
لكن خذ هذي مع ( المودة ) عشان أبـو عزيـز
- طال عُمره -

الله بلاني براعي القات والفول
اللي يدوّر لسيف(ن) عاد مسلول
ما هو بكفو(ن) لنا لو قلت ما اقول

يا ما تخفّت عن الانظار بلقيس
هي ناقة الله وسقياها ورا العيس
ضِرْبت بكار البدو وتميس وتميس

لكن هودن عليها يا (ابن سرّاح)
يا ابعيرنا في المراح وكل مسراح
لا من زبد قلت (يالله زان الالقاح)

وانا اخفرك يا الذي يحيا بلا عيد
تشرب وتروى .. زمانك وسط مدريد
والناس في غيبتك تصطاد وتصيد

الله لا سامحك يا كل معقور
دورت للمكرهية وانت مغرور
وان جيت وقت اللزوم تشوف طابور
تمشي ورا سيدنا مامور مامور

الشيخ أنا ( وأنت عدّك واحد(ن) هان )
ما اظن تبدي لنا ونشوف الايمان
الناس تعرف شيوخ القوم الاعيان

دروبنـا واضحة يا شيخ الانفاق
وان جيت ابقرا عليك الساق بالساق
ما ردني الا صياح(ن) زاع الافاق

ما ودي أقابل العورة بعورات
والله يستـر من علوم(ن) خوافي

[فؤاد بن بطاح]

جننك بن بطاح الله يعينك بس تصدق تنفع يتسلى عليك الواحد وقت الطفش
بعدين يالمحترم جاي تصفص عشرين بيت وتطلب الشعراء يردون عليك هذي يسمونها ثقالة دم
اذا بدعت بسوالف مثل هذي فالمفروض انت ترد يا ابو صفصفه
وقبل ما انسى شكرا لكل الشعراء اللي تعاطفوا معك والله لا يحرمهم الأجر
واستلم هذي على نفس مستوى شعرك

البدع=
يالمصري اللي زرع ما لقي محصول=
عايش على امهيته مالحول للحول=
صعيدي قد تعود عالجواميس=
من كثر ما عاش معها صاير امخيس=
صدنا وعودنا بلدنا وانت سرّاح=
ياللي اذا هب هبهاب الهواء طاح=
وحرارتك شكلها تحتاج تبريد=
وكل ما ترتفع فتعال ونعيد=
انا ادمي كيف بتفاهم معا ثور=
لكن مجبوراً اربيه مجبور=
واحنا بنعطيلك الجرعات مجّان=
ما دمت مشتاق و ابك الها الوطر بان=
يا كم نهينه ويا كم مننا اذاق =
وانا اشهد اني عليه اصبحت شفاق=
ولا نعده يكون امن المخفات=
لو نضربه بالعصى دنق وخافي=


الرد=
الله ياكم عليك اجول واصول=
لكنك مسكين لا قوه ولا حول=
ومن ابن بطاح جاتلك الوساويس=
اللي يبين لك انك دائم اخسيس=
لا تدخل البحر دامك منت سباح=
وفؤاد هم لكن ماهو بينزاح=
عزالله انه مسوي لك تعاقيد=
ومقيد ايديك مع رجليك بالقيد=
وشلون تبغى تحارب وانت معثور=
من كسرك الاولاني ما انت مجبور=
كنت احسب انك مطوع وانت مجّان=
وواثرك مع أهل الهواء سالي وطربان=
يا اعمى البصيره لونك كنت حذاق=
ما كان تعشى عيون وقت لشفاق=
ما شد ظهرك يكون الا الخفيفات=
وما ثقيل الحمل لا زال خافي=

[خالد البقمي]

تسجيل متآبعة ..

تقبلو مروري(:

[أبو ريان]

طلبتكم :
( بيظان ) ..

[بدر كعب]

بيااااضاااااان والله يرجكـــــــــــم

[الشيباني]

يالاوووووووووووول

الله يبيض وجيه الصف والشعرا
والله يسامح ويسمح من علي افترا
القصد ماهو بقول الزور والمنكرا
لكن علم الحقيقه بان توّا البرا
بان الصديق الصدوق وبان راعي الردا
وتبين اللي معه وجهين في المنتدا
ويكن في قلبه الميت ضرار وعدا
وصلت للمبتغى والله عليّه وكيل
والوقت دّوار والدنيا على حالها

[بدر كعب]

ع القوه ع القوه ..

[بہرسہتہيہج]

مواهب رائعه ..

اتمنى ان تكون هناك محاورات رائعه ولكن لاتنحرف الى ماانحرفتوا اليه من الفاظ لاتليق بكم كمعرفات جليله ..

وجهه نظر ..

مع الاحترام ..

[الشيباني]

الحقيقه ان هذا الموضوع قديم ولكن حبيت اعيده..
عشان نشوف من اللي راح ومن اللي باقي من الشعار ..
وعشان اثبت لكم في المنتدى اني صفيت اغلب الشعار..
وهذي الاسماء لازالت موجودة ولكن لم يعد لها مجال في شعر العرضة.
تلقاهم في الاقسام الاخرى..
على العموم راح ننتظر الشعار الجدد في المنتدى ياما يثبتون او يلحقون باخوياهم ؟

[سهيل الجنوبي]

بكل اسف وصراحه وقول لكلمة الحق لله تعالى قبل خلقه
ان شعر يصل الى هذا الحد يصبح عبء على صاحبه وذنب محفوظ في صحائفه فقبل الخلق اين الخوف من الخالق وقبل رقابة الموقع اين رقابة ومحاسبة النفس وان كان الاسم مستعار فالله يعلم خائنة الاعين وماتخفي الصدورواين حق المسلم على اخيه ,,,

اللهم اغفرلنا ولهم اجمعين وتب علينا من كل ذنب وامل ان يحل ويسامح كل منا اخيه ومن المشرف حذف هذا الموضوع الذي لايليق بالموقع ولابالاخوه الشعارو يجب ان يكون الشعر بضوابط الدين والاخلاق الكريمه وان لايستهوي الشيطان النفوس فتقع في في المحظور من الشعرالمذموم ومن اخطى فباب التوبه والعذر مفتوح واعتذمن كل من شارك وسامحوني على صراحتي لأنني محب لكل مسلم في الله ومن محبي ومتذوقي الشعر عامه وشعر العرضه خاصه واكتب فيه كهاوي ولااحب ان اراه الا في ارقى صوره وانتم قادرون على ذلك
وللجميع اغلى سلام

[الشيباني]

حياك الله اخي سهيل الجنوبي
وبيض الله وجهك على هذا الكلام الطيب ..
والله يغفر لنا ولهم وانا مسامحهم كلهم .
ولكن بعض الاخوان الشعار اذا ضاقت عليه او سمعت كلمة الحق
يضيق خاطره ولا يدري كيف يرد فيتجه للسب والشتم والالفاظ البذيئة.
بالرغم من انني صاحب الموضوع لم ازل بكلمة تخل بالادب
وانما قلنا الحقيقة .فكانت هذه ردود افعالهم .
اما بالنسبة للحذف فانا لا اسمح بحذفه لان قصيدتي الاولى لا يوجد بها اي شي يخل بالادب ,
وسلامتك

[سهيل الجنوبي]

بارك الله فيك اخي الشيباني

واثق بالله تعالى ثم بألاخوان جميعاً ان كل منهم له قلب المؤمن الغيور انما ثورة النفس ومداخل ابليس لها اثرها وكما نعلم جميعاً ان جهاد النفس من اعظم الجهاد والقصائد يجب ان تكون على قيم ومعاني واهداف تصل للعقول والقلوب فتفيدها وهنا لم اكتب لكي اكون ضد اومع احد انما وجهة نصيحه لنفسي ولأخواني والهدف من طلبي الحذف ليس حجر اوتقليل من احد انما رأيت ان الموضوع تطور حتى غلب السوء فيه واخفى خيره وهنا نقول من ترك شيء لله عوضه الله خير منهوللمشرفين دور غائب في رد السوء وتطهير النفوس والموقع والمصلحه العامه تغلب واتمنى نرى خير منه بوجودكم جميعاًبعيد عن التأثر بمشاهير السب والقذف والاعجاب بأسلوبهم وشعرهم فوالله انها وبال وطامه عليهم قبل غيرهم في الدنيا والاخره ولامانع في المزح الراقي النقي الذي يحفظ كل الحرمات والله يعلم القصد والنيه واعتذر ان كان فهمني احد خلاف ماقصدت فليس بيدي مع شكري وتقديري لك وللجميع ,,,,

[صبي بني التيم]

والله ياجا اكلام هنيه انه مدري ويش اقول غير خلوها في كرتونها ....
ابو مشيب الغرور انا فداك ما يصلح .....
ما فيه شي اسمه اصفي الشعار لانك اذا انغلبت اليوم بكره بتنتصر ولا فيه من هذي المصطلحات فالشعر ...
علي السالمي يقوووول (((مافيه شاعر بيهزم شاعرٍ بالكلام)))
والشعار .بالذات فالعرضه شعره على حسب مزاجه ...
ولا يصلح تكون معادي الجميع يابن الاجواد ...
اما تكسبهم ولا لا تخسر احد ....

احترامي ....

[الشيباني]

حياك الله يا صبي التيم
بالنسبة للموضوع ما فيه غرور ولا شي هذا الواقع
ولا وين الشعار ,, ابو عوض صار له منزل الموضوع من اسبوع ما احد جاء وشارك
يالمفروض على الشعار سرعة المشاركة لدعم هذا المنتدى وهذا القسم اللي ما وجدنا من اصحابه الا الطيب والاحترام ..ما هو يجي يقوول الواحد انا شاعر واذا طلب اختفى.
وبعدين هذا الموضوع له اكثر من سنة والشعار اللي شفت ما عاد شاركو في القسم ما اقوول خوف مني ,, ولكن اشوف اني استطعت التغلب عليهم والادلة موجودة
عالعموم احترم وجهة نظرك ,,
ووانا ما لي اعداء في المنتدى ..بالعكس هم اللي متخذيني عدو .