المساعد الشخصي الرقمي

مشاهدة النسخة كاملة : أُريـــــــد حــــلآً!!

شيهانة
11-12-2003, 11:51 PM
مشكلة بطء التصفح في السعودية شئ يرفع الضغط عشر طعش >>في رواية للهاشم
شركة الاتصالات وشركات النت تكالبوا علينا امسك لي وأقطع لك حسبي الله عليهم!!
مالحل؟ الباياتات المتلقاه والمرسلة تناااام عندي؟!!
وهل dsl حل ناجع>>>ام هو السبب في بطء التصفح حتى يضطر المواطن المغلوب على امره الاشتراك به!!
من عنده معلومة عنه او جربه يقول وطريقة الاشتراك !
وذا في حل غيره >>ببلاشas) يكون افضل!
وتقبلوا فائق الاحتراام
شيهانة
11-13-2003, 02:56 AM
اريد حلا!
ما احد عنده حلا!
لله حلا!! لله يامحسنين!!bgfgt)
الهاشم
11-13-2003, 03:07 AM
اختي شيهانه

الكل متضايق من شركة الامتصاصات

عموما اختي تعتمد هالمشكله على سرعه جهازك وعلى نوع المودم الموجود بجهازك وبتوصيلات التلفون الموجوده بالبيت عندك .
بعدها راح اشرح لك الدسل

عموما اختي اذا جهازك بطئ تقدري تشيلي البرامج الي ما تحتاجيها من جهازك كل ما قلت البرامج زادت سرعة النت عندك .

نوع المودم طبعا المودم العادي الي شغال على الدايل اب مايعدي 56كيلوبايت في الثانيه الوحده كداون لود اما الابلود ما اتوقع يوصل 30 كيلوبايت. طبعا هالكلام في احسن الاحوال .
عموما قليل ما يكون المشكله من المودم .

التوصيلات الهاتفيه : هذا لها دوور كبير ما حد ينتبه له .
حاولي ان السلك الي موصل للجهاز يكون جديد ونوعيته جيده لان النت بالدايل ابك نوع انالوق مهو دجتل يعني ومضات (نبض) .
يعني الاحسن انك تروحي توصلي من البكسيه الي بالبيت خط خاص بالنت .

نجي الحين للدسل

اكيد الدسل افضل بميه مليون مره . لعده امور
اولا سرعة تصفح (استقبال وارسال ) عاليه .
ثانيا امكانيه استقبال المكالمات في نفس الوقت الي تكوني شغاله فيه على النت .
ثالثا : ثبات الرسوم .يعني اذا كنتي من المستخدمين الي يطولون على النت تدفعي مبلغ ثابت .

بعض الامور المهمه:
- علشان يكون عندك دسل لابد ما يبعد المقسم عن بيتك اكثر من 7كيلومتر.
- بعطيك نصائحي تقدري تدخلي في بيتك دسل 64 كيلوبايت في الثانيه .
- سرعة اتصال خياليه .
- امكانيه تشبيك اكثر من جهاز عليه .وبنفس السعر.
- يكلفك 220 ريال شهريا لشركة الامتصاصات السعودية .
- يكلفك 220 ريال شهريا لشركه النت المقدمه ولنقل على سبيل المثال سعودي نت .
-اذا تشتري هالايام يعطوك مودم مجاني لان مودم الدسل غير مودم الدايل اب .


- انا استخدامي يوميا للنت 15 ساعه تقريبا كمتوسط .
- الحمد لله مع الدسل صرت اعرف اني بدفع المبلغ الفلاني ما ياخذن عليه ريا زياده .

عموما اي استفسار انا تحت امرك
شيهانة
11-13-2003, 03:16 AM
مشكور الهاشم ماقصرت بردك
بس وشهو الدايل اب؟!
والمودم يتركب مثل الكرت؟ ولا كيف
ممكن اركبة ولا لازم مختص!
معليش على كثرة الاسئلةbgfgt)
تحياتي
الهاشم
11-13-2003, 04:14 AM
اقصد بالدايل اب

الي هو الخط العادي الانتر نت العادي الي في البيوت الي انتي شغاله عليه الحين .

بالنسبه للمودم لا مو كرت هو مودم خارجي وسهل توصيله بالجهاز

في بعضها يركب على فتحة اليو اس بي وبعضها على وصله اي ار

المهم لا تشيل هم هو سهل جداجدا جدا
وأمري اذا تبغي شي انا حاظر