نسناس الهوى

[الرادار]

يقولون نسناس الهوى زين والاّ شين
وانا اقول نسناس شين بالمرة

على شان فرقا صاحبي داعج العينين
وروحي من الفرقا حزينة ومنضرة

تذكرني ايام معة ماضية وسنين
وليفٍ رحل مافكني الله من شره

وانا عادتي ما اطرد ولا اللحق ورى المقفين
وانا عارفٍ ما من ورى طردهم سره

ادور طريق المعرفة والسعادة وين
ولا ارتاح لين اخذ على منزلة فرة

[بن ظافر]

الف شكر بارك الله فيك


وانا عادتي ما اطرد ولا اللحق ورى المقفين
وانا عارفٍ ما من ورى طردهم سره

ادور طريق المعرفة والسعادة وين
ولا ارتاح لين اخذ على منزلة فرة

[سيد الموقف]

صح لسانك يا الرادار



يقولون نسناس الهوى شين ولا زين
وانا اقول نسناس الهوى يجلب الضرة

يضيع الرجل بين الحجابين والرمشين
ويمسي حزين القلب والنفس محترة

ألا والله اللي خالق ن والدك من طين
يا لولا الحيا من عالم الجهر والسرة

حلفت ان عشاق البنات اكثر الحيّـين
في ذوق العنى والذل والغبن والمرة

اذا جوا له احبابه بكى من هوى الغالين
واذا فارقوا هلت دموعه من الحرة

[الرادار]

بن ظافر -- بيض الله وجهك على تشريفك لي بمرورك على مواضيعي

سيد الموقف مجاراتك تزيدني شرف ودليل واضح واقول صح لسانك على هذة المجاراة الجميلة

[خــالــد الـرافـعـي]

صح لسانك يالرادار
وصح لسانك يا سيد الموقف ابداع في القصيده والمجاراه
تقبلوا تحياتي

[Oscar]

الرادار

سيد الموقف


بيض الله وجيهكم

جميل ما صاغته افكاركم

راقي ما حاكته ايديكم

لا هنتوا ولا تحرمونا جديدكم

تحياتي ..,