حملت الضيم لعيونك..

[سلطان القلوب]

وجع احلام وجع الآم بدنيا كلها ضيقه
بعد فرقاك يالغالي تخيل زادت اوجاعي

حلم حبك بليل الامس عجزت اليوم تصديقه
وموج الصد والهجران حبيبي حطم اشراعي

تقول بالحيل تهواني واقولك صعب توثيقه
وصوت الحب ياعمري صدى همسه باسماعي

ماعدت اقدر على بعدك وقلب زاد تشويقه
لدنيا حدها عنك وطيفك بين اضلاعي

انا مجروحه ياقاسي وحزني صعب تطويقه
عطيتك صادق احساسي وتمديت انت بخداعي

ايا عمر الندم عشته عشق ضاعت مواثيقه
ياخطوة خوف بدروبي يافرح للوهم ساعي

طلبت البعد عن دربك بربك كيف تحقيقه
بعد فرقاك لو تدري حياتي مالها داعي

عجاج الوقت اعماني عسى تحظى بتوفيقه
تسعد باقي ايامك ولعيونك انا راعي

ترفق وانظر بحالي عذاب الروح ماطيقه
حملت الضيم لعيونك وغيرت اكثر اطباعي




تحياتي للجميع....

ولد الفجيه.


ff) ff)

[العناااا]

وجع حب وجع خوف وجع شوق وجع ضيقة
على كيفك .. وهاك اختار هذي سلة أوجاعي

غلا واسمع نزيف الجرح كلام الصمت مااطيقه
أنا محتاج أسولف لك .. عن أول واخر أوضاعي

تعال افتح كفوفك حلم اموت بيوم .. تحقيقه
تعال ارسم بحور العشق ... واكسر لو تبي شراعي

يااول قلب يبكيني وتبكيني مواثيقه
انا اطباعي ماهي زينة .. ولكن هذي أطباعي

تغريني قوافي الموت واقود العمر تشريقه
أعيش بشبه غيبوبة واعرف ان الزمن واعي

أكملك .. وجع خوف وجع شوق وجع ضيقة
على كيفك .. ترتبني .. حلالك كل أوجاعي ...

ولد الفجية .. اعذرني على هذه المداخلة ..
ولكنني عندما قرأت رائعتك ....
أحببت مشاركتك بهذه الأبيات ...

قصيدة رائعة جدا .. وأكثر من رائعة والله ..
قرأتها عدة مرات .. ومرات ..


انا مجروحه ياقاسي وحزني صعب تطويقه
عطيتك صادق احساسي وتماديت انت بخداعي


صح لسانك ياخوي
وسلمت يمناااااك ...

ولك مني .. أرق التحايااااا ...
http://members.lycos.co.uk/qetharah/up/up/aaaaa22.gif

العناااا

[الوفــــاء]

الحب هو قطرة من امواج البحر الثائر

وزهرة ذات شذي بين افنان الشجر

وهمسه من همسات النسيم

وشئ اقوي من الامواج

واسمي من الاشجار

من اجل ذلك نضحي من اجله باغلي ما نملك

حملت الضيم لعيونك وغيرت اكثر iiاطباعـي

صح لسانك اخ ولد الفجيعة

[سلطان القلوب]

العناااا... سعيد بالمشاركة..

[سلطان القلوب]

مشكوووورة الوفاء ...على المرووووووور.