مجاراة بين الشاعر سعيد مقبل والرادار

[الرادار]

سعيد مقبل

جتني هواجيسي ترك ورى ترك
مشروعها مابين صك وتفكيك

ولجت ودكت خافي الصدر واندك
ولعبت على خطين فكري دبل كيك

يا غايب مانلحق بحضرتة شك
رد الندا للي بوده يحاكيك

سقت المشاعر بالغلا كلها لك
عاود علينا هموم ياجعل مابكيك

حبل الغلا معقود على العهد مافك
لا يلحقك مني ضنون وتشكيك

واللي سعى بالكذب واعطاك بالهك
حساد همه بين الأحباب تفكيك

الرادار

يا راعي الغلة على حلها زك
لاتمحق ماحدن يسرك ويعطيك

والاّ يجيها من صدوف الزمن حك
ما عاد لاتنفع ولا عاد تحميك

حتى ولو عندك كما عندنا صك
اهل الحسد بسيوفهم من حواليك

ماينجزون اشغالهم غير بالعك
وان جيت تنصح قالوا ان الخطا فيك

لكن عانق قمة الطيب ثم تك
واحفظ نصيحة من يحبك ويغليك

الشاعر اللي لاوزت يعتزي بك
والى عرف نهج المعاني يجاريك

[صدر السحاب]

مجاراة جميلة ودايم ماتتحفونا بهذة الخواطر والقوافي المميزة ومشكور يالرادار على تمكنك الشعري واشكر
زميلك سعيد واتمنى ان يكون من رواد هذا القسم ولكم خالص التحية
ولي سوال على البيت الأول معنى
ترك ورى ترك