تسجيل الدخول

مشاهدة النسخة كاملة : سلاح الروس


ساحر الكلمة
11-29-2010, 10:02 PM
عسى ان تعجبكم ( سلاح الرووس)

انا يابن عمي هاضني جرت المنكوس = وانا خابرٍ انه ماعوى الذيب من مده
اهوجس واغض العين والقلب فيه حسوس = وفكرٍ دله بي يابن عمي كشف سده
فلاشفت هاجوسٍ على الزين قام يحوس = يحوووس في عقلي كثير الوقت ويرده
ابا ذكّرك ياصاحبي طاري الهاجوس = صحيبن عرفته قبل عامين في جده
شفته وهو يمشى كما مشيت الطاووس = وانا وانت من جال البحر موج في حده
ابو مبسمن خده كما شعلة الفانوس = ليا من ضوى في الليل ضيعت من خده
وإذا شفت عينه قلت خلص سلاح الروس = عرفنا سلاحٍ يفتك القلب من لده
عشقني وخلاني على حد سن الموس = ماغير شعري ينظم القاف ويعده
فلا ليت داره عند ربعي هل الناموس = فعلي الحرام ان الغدا باكرٍ عنده
ولو شايبه حد المهر فيه عشر جموس = عل الله وربعي ترفع الحمل وتشده
ولكن على ماقيل علمٍ بليا روس = لزومٍ تحوفك سود الايام وتهده
ماخذت من حبه غير الجفا المنحوس = عليه الله اكبر صدته ويش من صده
عامين ما شفته وانا خاطري محبوس = طول عليه بالجفا ناسياً عهده
فانا يابن عمي هاضني جرت المنكوس = وانا خابر إنه ماعوى الذيب من مده
وسلامتكم .
للشاعر/ محمد بن علي سليم العمري .

أبو ريان
11-29-2010, 10:13 PM
شاعر عبقري ويحمل راية شعرية رهيبة ..
صح لسانه على هذه القصيدة ..
لك وله كل التقدير والاحترام ..

الرادار
12-03-2010, 12:14 AM
الا مرحبا باللي يصيغ الحكم وادروس
من الصاحب اللي يسحب الحبل ويمده

ليا شاف ساحر كلمة المعرفة مدسوس
يباري خياله في معانية ويرده

على شان يعرف كيف يختار له ملبوس
يغطي جنوبه حزة اللين والشدة

ولو كان نبضة من طرف غيرنا مجسوس
نورية درب الخير والطيب ونقده

ولا همنا صوت البنادق وضرب الفوس
وسيف المحبة والوفاء محتمي حده

مجرد مشاعر هايمة في الظلام اتدوس
تبين زعوم الشاعر اللي يبي نده

من اديار قوم تحتصن للعرب وتروس
ليا زهبت صفر العباريد والعدة

ولا حد يجهل وادي بالنخل مغروس
ولا حد ينكر راعي العرف من بده

لزومٍ علينا نحتمي تمرنا من السوس
ونقطع طريق يجلب الشر ونسده

ونحمي ذواكر حسّنا من بلا الفيروس
ونصنع بخبرة فكرنا حاجزٍ ضده

ونطلب جليل الملك في جنة الفردوس
سبحانة اللي مرزق الخلق في يده

ساحر الكلمة
12-06-2010, 03:35 PM
أنا شاعر القيفان ماجاك شعرفلوس
بير الشعر ماينقطع من كبر عده


أغوص في بحري وانا واحوس فيهم حوس
وقلبي حديدٍ مالقى شاعرٍ ضده


أدوس في المعنى على جرة المنكوس
واللي يبي يزعل عسى الله لايرده


حبه قياس الضغط وانا احسبه فيروس
وضغطه على الضلعان والوقت ماسده


ماكفت الطعنات يالطايش الهندوس
يالعنبو ضغطه ويالعنبوا وجده

متمرده في غدر قلبن غدا محبوس
ومتفلته ياصاحبي لعن بو جده

وسيطه على دينا ونرجس وشيلة الماجوس
وندي هناك بعيد ’’ مالقى نده

أسولف مع نفسي واشوف العنا كم قوس
قياس العنا يا صاحبي واصل حده
ولو ان الزمن يرجع وله في خاطري اتروس
رجعنا وحققنا منانا قبل مده

Oscar
12-06-2010, 05:54 PM
ساحر الكلمه


بحق اجدت الطرح

صح لسسسان شاعرها وبيض الله وجه ناقلها

لك كل الود والاحترام

تحياتي,,

ظافر ال عثمان
12-06-2010, 11:17 PM
مميز وطرح درر بيض الله وجهك وجمل حالك
وتقبل فائق تقديري أخوك...........كاســــــــــ77ـــــــــب