نظرة سياسية

[الرادار]

نظرة سياسية


ياعيني اللي لها نظرة سياسية=لدي وهلي لربك مالك الملكا
والله ماتنفعك هذي ولا ذيه=كم اضحك الوقت من غيرك وكم ابكا
مادام باقي عروقك في الجسد حية=اشكي على من عليه يوجه المشكا
الخالق المنفرد له بالعبودية=عالم علوم الخلايق قبل ما تحكا
ياهاجسي لد عينك والتفت لية=نفس تربت على حسن العمل تزكا
اهم شي صلاح القلب والنية=وان جات هذي تجي من بعدها تلكا
واختم القاف قبل اضيع واتيّه=بالورد والياسمين وريحة المسكا

[ابوصاهودالعمري]

الرادار
انت شاعر مبدع
وشاعر يملك غزارة شعريه
اتمنا لك التوفيق
واعجبني هذا البيت
اهم شـي صـلاح القلـب والنيـةوان جات هذي تجي من بعدها تلكـا

[دكتور المنتدى]

عزيزي الشاعر القدير الرادار ......
أستأذنك فقد أعجبني صعوبة القافية .......وأنا أعشق الصعاب فأحببت أن ارد عليك ..........فتقبل تحياتي
وأمل أن يصل الرد إلى مستو قصيدتك ...............


رد على المشكا






اليــاقريت الشعر جتني حساسية.....وافز وارفع يديني من على المركا
واخذ قلم واكتب االمـردود بيديه.....للي قصيده يجمل كل من حكـــّـا
يالله لاتلحق الـرادار لاذيــه.....شاعرليامن حظر في الشعر جـا ربكا
ياخوي ردار تكفى تحذر الحيـة.....السم فيها ولوهي فـايته عنكــــا
حبيت نـاخذ معك جولات وديــه.....ندرس بهــا حالنا ونكثر المشكـا
مشكاً على من عَـرف علمي وخافيه .....رب يدك الأراضي ســاعة الدّكا
هويــغفر الذنب ويغفر كل خاطيه.....فاستغفر الله وابك وكــثر المبكـا
وأعلم ذنوبك ترى لوطافة الميه.....تغفر بحرفين حرف النون وقبله كـا


وتقبل فائق التقدير

[المسكت]

مجرد محاوله للرد على عجل وانت الذووق كله

والله لولا الامل والجاه جاهيه=لأخلي إللي بلا علم(ن) مسى يركا
ياصاحبي والعلوم إن جات نازيه=رد الوفاء للشهوم ولأصلك الحبكا
لاتقبل العلم م العذال والسيه=خلك مع راكد(ن) بعلومه الدبكا
إن كان مآآآل للوفى طرقي وعبريه=دور لأجاويد في باب(ن)لهم حبكا
حلفت ماقابل المجني بمجنيه=لين اعرف إن الجنى ماحل به نبكا
ياسيدي والعلوم احيان في غيه=والحال في بعض توقيتاته انهبكا
إرفع وسام العلوم وقرب الجيه=وإرجع لمنهو ليا ضاقت بك الربكا

[حكيم المنتدى]

الرادار
كنت ولا زلت اراهن على شاعريتك سواء في شعر
العرضة او النظم !!!
وهذا الدليل قيام دكتور المنتدى والمسكت
بمجاراتك في هذه الابيات
رغم قلت ابياتها الا انها تحمل موسيقى شعرية رائعة !!!
استمر ونحن متابعين ومتشوقين ومتذوقين
فلا تبخل علينا بالجديد
وتقبل مروري وصادق مودتي
حكيم المنتدى

[الرادار]

ابو صاهود العمري شهادتك اعتز فيها وبيض الله وجهك

دكتور المنتدى مشكور على المجاراة وتعتبر شهادة بحد ذاتها وانت وافي وصح لسانك

المسكت مشكور على مجاراتك وهذي شهادة ايضا ورفع معنوية وبيض الله وجهك وصح لسانك

حكيم المنتدى مشكور على المرور والثقة وابشر باللي يجملك مالك الا الطيب

وكلكم اسماء مشعة في المنتدى ولكم كلمة وهاجة وتقبلوا تحياتي