صندقة راعي الغنم

[غرمان بن عزيز]

بعض المواقع كنها صندقة راعي غنم =
فيها مواعين قديمه يبين قدمها =
وبعض المواقع كنها سوق في وسط البلد =
فيه البضائع واجده والزبائن واجدين =
وأنا تروني خاطرٍ مثل رجالٍ خطر =
وأجيب من الغالي وبأختار عين عيونها =

[سعيد عوض العمري]

مرحبا واهلين بك يا الرفيق اللي غنم=
والمثايل لا علت تنعرف من قدمها=
من رهيف الحسّ ما هو من احساسٍ بلد=
سلوةٍ لاهل الفرح والحزن و الواجدين=
والذي مالت به ايّامه وحاله خطر=
كنه الصافي المنقّى بعين عيونها=

[غرمان بن عزيز]

يعطيك العافية يا أبو عوض على مرورك الطيب وردك الطيب وعساك تسلم 0

[غرمان بن عزيز]

يا سعيد كل الناس يذكر لها ساس وأسم
وأكثر شعاعير النبط ما تعلّم بأسمها
وأنا حقيقه ما خفاني بمضمون السند
اللي موقّع فيه راعي اللّعانه من سنين
والله رزقني سعة البال وأنواع الصبر
وأبدي الصاحي بشوري على مجنونها

[سعيد عوض العمري]

للثعابين اللعينه سمومٍ والأسمّ=
نوع يجمع خبث كلّ الحيايا واسمها=
عينك اتناظر بعالي وعينه في السند=
سنّ حربتْه الخبيثه لملقاتك سنين=
والأسى والحقد مصبور في قلبه صبر=
خلّه , اعيونه حسدها يلامج نونها=