{ بني عمرو في أبيات } .. للشاعر / تركي بن سعيد بن ذياب العمري

[الفارس الملغمق]

{ بني عمرو في ابيات }



لاهنت يافكر تحسن للقصيد الجوار=
لاجل القصايد تجيني من مواريدها
لاني على الشاطي استدرج معاني كثار=
من غبة البحر تاتيني وانا سيدها
انواع وانواع فيها لول فيها محار=
ماغيري احد وثق في معصمه قيدها
إلا الذي سيرته بالشعر دايم عمار=
شاعر بني عمر محكمها وصنديدها
لاعن فكره تجي له مثل زين البكار=
تمشي و يغدي حليب الدر من ديدها
مادمت من راس ذاك الشهم سيد الحرار=
والله لابني قصور الشعر واشيدها
واطمر بحور الشعر واجيد فن الحوار=
واروح فالبر واتمتع مع صيدها
وادعس رخوم من الشرهات ماتستثار=
وامشي مع فرس العالم واجاويدها
فقمت وتسائلت ليه الاوله باختصار=
دايم توافق معي وانا اللي اجيدها
قلت ان فيما تعلمنا وحنا صغار=
النار تأكللها اشيا بتعديدها
والما على النار له سلطه وله اختيار=
يقدر يطفي لهيب النار ووقيدها
وابني عمر مثل طوفان على كل نار=
قوات الارض انتحت من شره يبيدها
بني عمر غير دايم فوق راس الفنار=
في ماضي الوقت والمستقبل نعيدها
ابطالنا مايشق لهم زمنها غبار=
دواهي تهدم جبال رواسي دها
حنا الذي شرد الاتراك وسط النهار=
زد المعابر يشوق النفس تزويدها
الثار واحد وناخذ به ثلاثين ثار=
من حبنا في الحروب نحب تمديدها
لكن مابه منافس في هذاك المسار=
إلا مع خوك لايازين تخميدها
اللي رفيق وخوي واللي عزيز وجار=
قبايل العز والنخوه وتمجيدها
يحق لي فالسعوديه شرف وافتخار=
باني ولدها وذل الله من يكيدها
ومادامو آل السعود ملوكنا باختصار=
هذي تباشير دولتنا وذا عيدها

[محمد آل النبخ]

الله يخشعني عنك وعن بوك وعن آل ذياب كلهم

قصيدة جزلة و وافيه فيها عز وشموخ في الذات وفي القبيلة

فا انت تستحق وكذلك بني عمرو يستحقون ما قلت عنهم

آتمنى ماتحرمنى جديدك يا تركي سعيد ذياب

.
.
.

كما آشكر العزيز والغالي على قلبي الفارس الملغمق على الطرح الجميل

فأنت مبدع بجميع حالاتك ... فما ادري وين باقي با انسير وأخوك غلا...ي

[صالح آل سلمان]

لله يعطيك العافية اخي الفارس على اتحافنا بهذه القصيدة الجميله
كلمات في قمة الروعة والقوة
ما نقول الا صح لسانك يا تركي والله يعطيك العافية
ونطلب منك الاستمرار على هذا النهج الطيب
تقبل مودتي
ابو عبدالله

[أبو ريان]

الشبل تركي سعيد ذياب شاعر رائع ومغامر رهيب
يعجبني فيه ثقته بنفسه وقوة وصوله وعنفوانه
الشعري ..
لا غرابة فابن الوز عوام ..
تركي يعتبر الأصغر في أبناء أبو ذياب ويبدو أنه
سيكتسح الساحة وأتمنى له التوفيق الدائم ..
الله يعطيك العافية يا الفارس الملغمق وسلم لي
على ( حجر القنا ) ..
كل التقدير ..

[جبرني الوقت]

حنا الذي شرد الاتراك وسـط النهـار


زد المعابـر يشـوق النفـس تزويدهـا




الثار واحد وناخـذ بـه ثلاثيـن ثـار


من حبنا في الحـروب نحـب تمديدهـا

الله الله ..

صحت لسانك يا تركي سعيد ذياب ...

شاعر قوي ومتمكن وشبل من ذاك الاسد وبكل حال شهادتنا فيك مجروحة ...

فقط اسعفنا هنا بما تمتلك من إبداع واتمنى تواجدك بيننا في المنتدى بالقريب العاجل ...

ولا انسى ان أشكر الفارس الملغمق على طرحها هنا ...

كل الود

[سيــف العرب]

صح الله لسان تركي

وافي ومن موفين

قصيدة جزله ووافيه

اتمنى له التوفيق ومزيداً من الإبداع

تقبل اطيب التحايا

[بن خشيـل]

قصيده قمه في معانيها وفي نضمها
صح الله لسان الشاعر تركي بن سعيد
شاعر ولد شاعر ولد شاعر ولد شاعر
والشكر موصول للفارس الملغمق لطرح القصيده هنا
كل الود

[الفارس الملغمق]

الله يخشعني عنك وعن بوك وعن آل ذياب كلهم

قصيدة جزلة و وافيه فيها عز وشموخ في الذات وفي القبيلة

فا انت تستحق وكذلك بني عمرو يستحقون ما قلت عنهم

آتمنى ماتحرمنى جديدك يا تركي سعيد ذياب

.
.
.

كما آشكر العزيز والغالي على قلبي الفارس الملغمق على الطرح الجميل

فأنت مبدع بجميع حالاتك ... فما ادري وين باقي با انسير وأخوك غلا...ي


والله يخشعني عنك .. الشكر لك أخ محمد .. ولتواجدك ..
ولي الشرف بنقل مثل هذه القصايد .. لأنها تعني قبيلتي بني عمرو ..
شكراً لتواجدك ولحضورك الدائم ..
تحياتي ..

[الفارس الملغمق]

لله يعطيك العافية اخي الفارس على اتحافنا بهذه القصيدة الجميله
كلمات في قمة الروعة والقوة
ما نقول الا صح لسانك يا تركي والله يعطيك العافية
ونطلب منك الاستمرار على هذا النهج الطيب
تقبل مودتي
ابو عبدالله


الله يعافيك أبو عبدالله .. وصح بدنك نيابة عن تركي ..
وابشروا به .. منهجه طيب ومن أصل طيب ..
تحياتي . وشكراً لتواجدك ..

[الفارس الملغمق]

الشبل تركي سعيد ذياب شاعر رائع ومغامر رهيب
يعجبني فيه ثقته بنفسه وقوة وصوله وعنفوانه
الشعري ..
لا غرابة فابن الوز عوام ..
تركي يعتبر الأصغر في أبناء أبو ذياب ويبدو أنه
سيكتسح الساحة وأتمنى له التوفيق الدائم ..
الله يعطيك العافية يا الفارس الملغمق وسلم لي
على ( حجر القنا ) ..
كل التقدير ..

الله يعافيك يابو ريان ..
ونتمنى جميعنا التوفيق للغالي تركي ..
بلغنا سلامك .. ويرد لك السلام الكثير ..
تحياتي ..

[الفارس الملغمق]

حنا الذي شرد الاتراك وسـط النهـار




زد المعابـر يشـوق النفـس تزويدهـا






الثار واحد وناخـذ بـه ثلاثيـن ثـار




من حبنا في الحـروب نحـب تمديدهـا

الله الله ..

صحت لسانك يا تركي سعيد ذياب ...

شاعر قوي ومتمكن وشبل من ذاك الاسد وبكل حال شهادتنا فيك مجروحة ...

فقط اسعفنا هنا بما تمتلك من إبداع واتمنى تواجدك بيننا في المنتدى بالقريب العاجل ...

ولا انسى ان أشكر الفارس الملغمق على طرحها هنا ...

كل الود







صح بدنك نيابة عن تركي ..
والشكر لك لتواجدك .. كل التقدير لك ..
تحياتي ..

[الفارس الملغمق]

صح الله لسان تركي


وافي ومن موفين

قصيدة جزله ووافيه

اتمنى له التوفيق ومزيداً من الإبداع


تقبل اطيب التحايا



صح بدنك ..
شكراً لمرورك ..
تحياتي ..

[الفارس الملغمق]

قصيده قمه في معانيها وفي نضمها
صح الله لسان الشاعر تركي بن سعيد
شاعر ولد شاعر ولد شاعر ولد شاعر
والشكر موصول للفارس الملغمق لطرح القصيده هنا
كل الود


صح الله بدنك ..
والشكر لك بن خشيل لحضورك ..
تحياتي ..