وجهة نظر خاصة [الأرشيف] - منتديات بني عمرو

مشاهدة النسخة كاملة : وجهة نظر خاصة

دكتور المنتدى

08-05-2010, 12:43 PM

وجهة نظرخاصة لي احببت ان اطرحها والرد مفتوح لكل الشعار الكرام ........كلاَ بما يرى.......وقد تختلف النظرات ...........................تحياتي للجميع وبانتظار المشاركات وتنوع الابداعات

طلبة الله قبل بدع القول وعلوم تجي وتروح =
والصلاة على النبي الهاشمي المصطفى العدناني =
ياسلام الله لكم يامن تصفح منتدى ابني عمر =
بعدها يامن كتب شعر ويامن صاغه وحبّكله=
هاك علم حط في قلبي جروح وحط فيه طعون =
من نزل سوق وشاف البيع فيه وفاوض الجلابه =
هو يبيع ويشتري والا ينقي دون مايسوم =
وانا حيرني عرب في السوق تنقد من يبيع ويشري =
كيف ترضى بالهزيله ياعرب ماتشتري السمان =
قبح الله من شرى الهزله ومن بايع بها واغلاها=
وبيض الله وجه من جاب السمان ومن شرى بها =
وبيض الله وجه من جاب السمان ومن شرى بها=.
وسلامتكم *

الخطاف

08-07-2010, 07:00 AM

حياك الله يادكتور واشكر على تواجدك المستمر
واعذرني على هذا الرد الذي اعتبره خارج نطاق الموضوع
بس الأيام هذي مادري وشبي ماسكه معي خواطر
لكن ان شاء الله مع قدوم رمضان تبعد الشياطين هههههههه

الرد

انا يادكتور عندي وليف ن اعزّه مثيل الروح=
هو يموت اعلي لكنّه لجيت الصدق كم عناني=
والمحبه بين مد وجز قد عدا لها عمر=
آه ياقلبي ياكم طالك من التعبات من حبك له=
واحسب ان الحظ بيجي عون لاكنه طلع فرعون=
والعشق لو تسأله وش جاب غير الغُلب ماجا الا به=
مثل دأب الخبت لو تقرب منه ما ينفث الا سموم=
وأنا سم العشق في داخل شراييني بدا منتشري =
والله ياكم ذقت لدغاته وياكم سامني سمان=
وأنت تخيل لو أحد من قبل يسقيلك سموم أغلاها=
اشهد إن ظلم الحبيب اشد وأمر من شرابها=
اشهد إن ظلم الحبيب اشد وأمر من شرابها=

جبرني الوقت

08-07-2010, 07:18 AM

صح الله السنتكم ..

بدع جميل ويحمل معاني سامية .. بسبك وحبك راآآآآقي ..

والرد أجمل وأروع ...

رآآآق لي ما سطرته انآآملكم هنا ... واصلوا والى الأمام ...

وننتظر القادم والمميز منكم دائما ..

تحياتي

دكتور المنتدى

08-07-2010, 01:45 PM

اخي الخطاف ..............اصبت وابدعت ...............فاستحقيت الاشادة
وهاك البدع وفيه الجواب

البدع
الله الله ياقلب(ن)معي كم شاف من فرح وتروح
حتى نــوم الــــناس ذا يهنون به والله مـايهناني
والهـجر والــصد بين اهل الــمحبة مابنـا عمر
الله يكفينا الربا واهل الـربا بيعه ومن حب اكله
يــارِبا الاحبــاب ياتلف الــقلوب وتــلف لعيون
والذي مــايوفي الاحباب كم شاكي وكـم طلابه
من جلس في الشمس يجني حرها من بعد جني السوم
ومن قرصه الداب قام السم يجري في دماه ويشري
ومن شوى العصفور ما حصل كمن شوى له السمان
وانت يالـــخطاف صدت من الجواهر زينها واغلاها
عــــلم الي مــادرى في المــنتدى والي درى بــــها
عــــلم الي مـــادرى في الــمنتدى والي درى بـــها

ولبقية الشعار ..............أنتظر نظرتكم للقصيدة .............تحياتي

الخطاف

08-07-2010, 06:51 PM

الرد

يا الشعر صبرك شوي هذي سحابة صيف وبتروح=
والشعر صحه كما المصطح وهزوله كما الوهناني=
كل واحد له بطولاته وطولاته وله عمر=
والشعر ماكل من قاله عرف يبنيه ويحبّكله=
والله يابعض القصيد انه يسوم القلب ويلوعون=
والشعر مثل الابل له ناس تبحث له وله طلابه=
والردي لو مانقص سومه فلا ظني يزيد السوم=
والضعيفه عاله اعلى من يبايعا ومن هو يشري=
لا تبيع وتشتري الا في النياق اللي تعد اسمان=
ويا عساني لا هبطت السوق ماورد لك الا احلاها=
ونهدينها لواحد فرح فيها و اهتنابها=
ونهدينها لواحد فرح فيها و اهتنابها=

جبرني الوقت

08-07-2010, 06:56 PM

الله ... الله

كلام كلييييم ..

روعة يا اثنين ابدعتوا الله يعطيكم العافية ..

تحياتي

دكتور المنتدى

08-07-2010, 11:33 PM

جبرني الوقت

08-07-2010, 11:47 PM

راسك السالم يا دكتور المنتدى ... والله يجمل حالك ...

ولا حصل منك القصور الله يطول عمرك ..

امتعنا بما لديك ... وسلامتك

والخطاف ينتظر من يحميه لانه مثل الديزل ... فالله الله فيه ...

تحياتي

بن ظافر

08-08-2010, 12:13 AM

بارك الله فيكم جميع الله يعطيكم العافية

دكتور المنتدى

08-08-2010, 12:18 AM

بارك الله فيكم جميع الله يعطيكم العافية

بن ظافر ............تحية طيبة ........واتحفتنا بمداخلتك .....................شكرا لمرورك

جبرني الوقت

08-08-2010, 05:15 PM

[CENTER]الاخ العزيز الغالي ..............جبرنيي الوقت
الف الف شكر على تعليقاتك البنائه سواء على القصيد الاولى او الثانية ..........وأقدم لك إعتذاري للتأخر في الرد عليك ....................لكن الاجواد عذارة ..............تحياتي...........ولا يرى الجميل الا الجميل .............كل الود
وتقبل هذه الابيات

ياجبرني الوقت كلك ذوق في نقدك وفي التحليل
والذي مــثلك يلا سمع القــصيدة قام يتــــــغناها
يفـــهم المعنى ويـــنقد في حياد ودونما تـــجريح
مثل نـسمة صبح لا هبت هبوب ٍ جابت الاطيابي
بيض الله وجهك ومشكور في حلك وفي الترحال
بيض الله وجهك ومشكور في حلك وفي الترحال

/CENTER]

والله توي انتبه للقصيدة وابشر بالرد ../

وعساها يجملنا منك بس ...

جرت بالله مالدماء اللي عجز عنها يكشف التحليل=
والذي مثلك كما الدرة كسبناها ونتغاناها

وما نشدنا عن سواك ان مات مستشهد ومات اجريح=
والله ان شوفتك تسعدني واراك من العرب الاطيابي

وان تغيب احس انا والمنتدى ضيق وتوتر حال=
وانت تغيب احس انا والمنتدى ضيق وتوتر حال

سعيد عوض العمري

08-08-2010, 07:21 PM

دكتورنا & الخطاف & جبرني الوقت

يعطيكم العافية جميع
أبداع & ابداع & ابداع

وأعتذر عن المشاركة لضروف سفري
تحية طيبة للغالين ,,

فؤاد بن بطاح

08-10-2010, 01:01 AM

سجلوني في اقرب محاورة
همس القوافي

دكتور المنتدى

08-12-2010, 01:35 AM

سجلوني في اقرب محاورة
همس القوافي

أهلا وسهلا يا همس القوافي ...............ومرحبا الف ............وهذي بيتين ترحيبية فيك

نبدا بذكر الواحد الرازق الوهاب
ثم الصلاة على النبي مفخر الانساب
همس القوافي مرحبا هيل في المرسام
اقولها عن موقف الشعر والشعار
والبحر هول والسفن تركب الامواج
ياصايد الولو وياصايد المرجاني
أحذر شباكك لا تعلق بشعبها والمشاركة مفتوحة

دكتور المنتدى

08-12-2010, 01:37 AM

شكرا لحظورك .........الاخ العزيز ................سعيد بن عوض .............وترجع بالسلامة ................تحياتي

الخطاف

08-12-2010, 10:36 PM

الإخوان الكرام
أتقدم بالاعتذار لكم ولصاحب الموضوع وذلك لأني سوف أقوم بإقفال الموضوع حتى نهاية شهر رمضان المبارك
مع فائق الحب والتقدير لكم جميعاً

أبو ريان

08-14-2010, 08:26 PM

خطوة رائعة وجميلة منك يا مشرفنا القدير ..
بارك الله فيك ..

دكتور المنتدى

09-19-2010, 12:46 PM

الإخوان الكرام
أتقدم بالاعتذار لكم ولصاحب الموضوع وذلك لأني سوف أقوم بإقفال الموضوع حتى نهاية شهر رمضان المبارك
مع فائق الحب والتقدير لكم جميعاً

السلام عليكم ..........وبيض الله وجهك على هذا الحرص ...........وكل عام وانتم بخير ومن العايدين .............ولي عودة قريبة إن شاء الله ...............تحياتي