حريق في منزل الجيران

[الخطاف]

هذه القصيده ننتظر الرد عليها من الاخ جبرني الوقت
وللعلم فانا اوجه قصائدي الى شعراء معينين بحكم مونتي عليهم فقط
ولا ليس قصور فالبقية
البدع

ياجبرني البارحة شبت حريق فـ منزل الجيران=
والمصيبه من صلايا النار فـ ركونه بدا ينهاري=
والجدار اللي محاذي اجدارنا منها بدا بيميل=
وانا خائف من لهيبه يلتهم داري اذا زاد الهم=
وان سلمنا شر ناره ماسلم بيتي دخاينه=
وان سلمنا شر ناره ماسلم بيتي دخاينه=

[جبرني الوقت]

صح لسانك يا بو نواف ..

وتقبل هذا الرد المتواضع ...

وعسى ان ينال إعجاب الجميع ...


يا حبيبي ودّي آنا انشدك ليه الصدّ والجيران=
الوعد جاني بليلٍ والخيانة جت بدايا نهاري
وكل شيٍ بيننا خالص ومنهي وان بدا بيميل=
وانا ياربعي ترى ما زوّد اتعابي ولا زاد الهم
الا طعنة غدر جتني في القفا من يد خاينة=
الا طعنة غدر جتني في القفا من يد خاينة

[الخطاف]

اي والله
الا طعنة غدر جتني في القفا من يد خاينة
صحيت والله ياجبرني الوقت
إبداع منقطع النظير
مشكور ولك تقديري

[سعيد عوض العمري]

صحيتوا جميع
الخطاف & جبرني الوقت

وأتمنى تكونوا فريق في محاورة رباعية
في القريب العاجل ,,

تقبّلوا مودّتي وإعجابي ,,

[الخطاف]

يابو بندر
الله يحييك وانت لوتجي المتصفح حتى لو ما تكتب حرف واحد يعتبر تشريف للمتصفح
فما بالك انك كتبت اكثر من خمسين حرف ولوني مافهمت منها ولو كلمه هههههه
على العموم خذ القصيده هذي ترحيب بك فنت شايبنا وتستاهل الترحيب
طبعاً مسموح في المكسا

البدع

يابو بندر مرحبا حتى تقول اسلم وهيا زان=
مرحبا ياشايب له عندنا امعزه وله مقداري=
ابو بندر لوجينا ما ذبحنا الا سمان الحيل=
وانت في ذا المنتدى مثيل سهم الراجحي مع لاسهم=
تنخفض لسهم وهو اسهومه تضيق ابها خزاينه=
تنخفض لسهم وهو اسهومه تضيق ابها خزاينه=
الرد

كل زلزال يصيب الارض له نسبه وهيازان=
والفلاكيين يعطونا لها من عندهم مقداري=
ويحلفون ان اجهزتهم عن طريق الصح ماتحيل=
وانا ماقولت ان مايقلون في درء الخطر مايسهم=
غير جوف الارض ماتدري اش يخبي في خزاينه=
غير جوف الارض ماتدري اش يخبي في خزاينه=

[جبرني الوقت]

غير جوف الارض ماتدري اش يخبي في خزاينه

غير جوف الارض ماتدري اش يخبي في خزاينه

اي والله يالخطاف ...

وصحيت اول وتالي ...

وابو بندر تهناه المقاحزة عساني عيد خشمه ..

[هاوى الرس]

كلام على مستوى صحيتوا بيض الله وجيهكم
مشكوووووورين والله يعطيكم الف عافيه

[أبو ريان]

يا سلام صحيتوا والله ..
تقديري ..

[يوسف آل عايش]

بصراحه ابداع

وانتوا روح قسم الشعر والمحاورات
الله يعطيكم العافيه جميعاً
تقديري واحترامي ..

[الخطاف]

الاخوان اللي شاركونا حياكم الله وبيض الله وجيهكم ولي عوده لكل واحد منكم
بس اسمحوا لي ارد على ابو بندر الله يعينا عليه ،يقولون السالم منه فيه رمحين ههههههه
ابو بندر حياك الله
وكما قولت لك سابقا وجودك هنا يشرفنا ولن تجد في هذا القسم الاقصايد وناسه وعلوم تعجبك
وجميع انتقاداتك ونقاشاتك مقبوله في هذا القسم وابد أي انتقاد لك هنا راح نعتبره بناء حتى لوكان يطق القلب
وشعارنا في هذا القسم شطر بيت للشاعر للبيضاني يقول فيه
( لو ما مزحنا ياطويل العمر وش نضحك منه)
من ناحية الرد فما يحتاج كلمة شكراً تكفي ، وبيتك ذا عطيتنا اياه اعجبني خصوصاً ان فيه رُباح
وتعرف انا وياك نحب الرباحان مره وبرضه فيه قصيده ثانيه فيها ربحان لازم تجيبها لنا
تحياتي لك

[ابو بندر]

يا خطاف اختطفو عقلك خل الربحان ذلحين براس الشفاء
غير وينهم اهل الخواطر عسي الله يجبر بخاطرى أنا وياك
ما لهم ما يشاركون نحمده وإلا الموضوع مافيه؟؟؟؟؟؟ مغازله

[الخطاف]

انت يا ابو بندر تكفينا وفيك الخير والبركه حتى لو ما جا احد ثاني
ومثل مايقولون الغايب عذره معه
وابشر نعطيك قصائد احلا من الخواطر ومالك الا طيبة الخاطر

[الخطاف]

غير جوف الارض ماتدري اش يخبي في خزاينه

غير جوف الارض ماتدري اش يخبي في خزاينه

اي والله يالخطاف ...

وصحيت اول وتالي ...

وابو بندر تهناه المقاحزة عساني عيد خشمه ..

حياك الله ياجبرني الوقت مره اخرى وانت وابو بندر على العين والراس

[الرادار]

انا اقول مشرفين الشعر ما حطوا الا كفو وصحت السنتكم على القاف الأكثر من رائع واتمنى كما قال الشاعر القدير سعيد نراكم في محاورة

ولكم مني اطيب تحية

[حكيم المنتدى]

يقول الخطاف
ياجبرني البارحة شبت حريق فـمنزل الجيران
والمصيبه من صلايا النار فـركونه بدا ينهاري
والجدار اللي محاذي اجدارنا منها بـدا بيميـل
وانا خائف من لهيبه يلتهم داري اذا زاد الهـم
وان سلمنا شر نـاره ماسلـم بيتـي دخاينـه


الخطاف
تحية اعجاب بهذا المعنى الكبير في هذه الابيات والذي يذكرني بالابيات التالية :

البارحـــــــــة بالقوارير الجراد امساء
واخاف ذا امساء بهم يصبح بوادينا
ومن اين لي عند كثر الزرع حماية
ان ما حمى الله زرعي ما حميت انا

وهي لأحد شعار زهران القديمين

ولقد ابدعت وابدع معك جبرني الوقت في رده نورتما الصفحة بهذه الدرر
تقبلا مودتي

[الخطاف]

كلام على مستوى صحيتوا بيض الله وجيهكم
مشكوووووورين والله يعطيكم الف عافيه


هاوي الرس
شرفتني بهذا المرور الجميل
وهذه الاطلاله الرائعة
فلاك شكري وتقديري

[الخطاف]

يا سلام صحيتوا والله ..
تقديري ..

ابوريان
مرورك هو الجميل وانطباعك هو الاجمل
اشكر لك حُسن حضورك
ولك كل المحبة و التقدير

[الخطاف]

صحيتوا جميع
الخطاف & جبرني الوقت

وأتمنى تكونوا فريق في محاورة رباعية
في القريب العاجل ,,

تقبّلوا مودّتي وإعجابي ,,

سعيد بن عوض
من أعماق قلبي أحيّك
تشرفت بحضورك وانطباعك فلاهنت يا لغالي
ولك كل الود

[الخطاف]

بصراحه ابداع

وانتوا روح قسم الشعر والمحاورات
الله يعطيكم العافيه جميعاً
تقديري واحترامي ..

الاخ العزيز يوسف العمري
حياك الله ياغالي
فقد شرفتني بهذا الحضور الجميل
لاهنت
ولك مني أطيب التحايا